ໜັງສືພິມ ປະຊາຊົນ

ເອຢິບ ຢັ້ງຢືນກຽມພ້ອມການໜູນຊ່ວຍຊຸກຍູ້ AfCFTA

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 22/01/2021 09:55:24 ຈຳນວນຢ້ຽມຊົມ 681 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ຖະແຫຼງການຂອງການນຳ ເອຢິບ ໄດ້ຍົກອອກມາໃນຂອບເຂດການຕ້ອນຮັບທ່ານ ວອມເຄເລ ເມເນ ເລຂາທິການໃຫຍ່ AfCFTA ທີ່ພວມຢ້ຽມຢາມ ນະຄອນຫຼວງເລີແກ ເພື່ອແນໃສ່ແລກປ່ຽນຄໍາເຫັນກ່ຽວກັບຂໍ້ຕົກລົງທາງການຄ້າ ທີ່ມີຄວາມສາມາດບົ່ມຊ້ອນ.

ຂ່າວລະບຸວ່າ: ວັນທີ 17 ມັງກອນຜ່ານມາ, ທ່ານ ອັບແດວ ຟາຕາ ແອວຊີຊີ ປະທານາທິບໍດີ ເອຢິບ ໄດ້ຢັ້ງຢືນວ່າ: ເອຢິບ ກຽມພ້ອມການໜູນຊ່ວຍດ້ານວິຊາສະເພາະ ເພື່ອຊ່ວຍຊຸກຍູ້ເຂດການຄ້າເສລີ ທະວີບອາບຟຣິກາ (AfCFTA). ຖະແຫຼງການຂອງການນຳ ເອຢິບ ໄດ້ຍົກອອກໃນເວລາຕ້ອນຮັບທ່ານ ອັບແດວ ຟາຕາ ແອວຊີຊີ ເລຂາທິການໃຫຍ່ AfCFTA ທີ່ພວມຢ້ຽມຢາມນະຄອນເລີແກ ຂອງເອຢິບເພື່ອແນໃສ່ແລກປ່ຽນຄໍາເຫັນກ່ຽວກັບຂໍ້ຕົກລົງທາງການຄ້າ ທີ່ມີຄວາມສາມາດບົ່ມຊ້ອນ.

ບັນດາປະເທດ ອາບຟຣິກາ ໄດ້ເລີ່ມປະຕິບັດ ສັນຍາ AfCFTA ຢ່າງເປັນທາງການ ນັບແຕ່ວັນທີ 1 ມັງກອນ 2021, ພາຍຫຼັງຖືກຢຸດສະງັກມາເປັນເວລາຫຼາຍເດືອນ ຍ້ອນໂຣກລະບາດໂຄວິດ - 19. ຕາມສະຫະພາບ ອາບຟຣິກາ (AU), ເມື່ອເຂົ້າຮ່ວມການເຄື່ອນໄຫວຢ່າງຄົບຖ້ວນ, AfCFTA ຈະແມ່ນເຂດການຄ້າເສລີໃຫຍ່ທີ່ສຸດໃນໂລກ, ທີ່ມີຈຳນວນປະຊາກອນ 1,3 ຕື້ຄົນ ແລະ ຍອດມູນຄ່າຜະລິດຕະພັນພາຍໃນປະເທດ (GDP) ຂຶ້ນເຖິງ 3.400 ຕື້ໂດລາ.