ໜັງສືພິມ ປະຊາຊົນ

ຫວຽດນາມ ບັນລຸຜົນງານຫຼາຍຢ່າງໃນການປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 22/01/2021 09:59:55 ຈຳນວນຢ້ຽມຊົມ 1235 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ຊາວຫວຽດນາມ ທີ່ອາໄສຢູ່ ອົສຕຣາລີ ມີຄວາມເຊື່ອໝັ້ນຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ທີ່ຈະດຳເນີນໃນທ້າຍເດືອນນີ້ ຊຶ່ງຈະຄັດເລືອກເອົາຖັນແຖວການນຳທີ່ມີຄຸນສົມບັດ, ມີຄວາມເກັ່ງກ້າສາມາດຢ່າງພຽງພໍ, ຖືກຕ້ອງຕາມມາດຖານທີ່ໄດ້ວາງອອກ ເພື່ອນຳພາປະເທດຊາດໃຫ້ນັບມື້ນັບພັດທະນາ.

ຂ່າວລະບຸວ່າ: ຫວຽດນາມ ບັນລຸໄດ້ຜົນງານສຳຄັນຫຼາຍຢ່າງພາຍຫຼັງໄລຍະ 5 ປີ ປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ”. ນີ້ແມ່ນຄຳເຫັນຂອງທ່ານ ເຈິ່ນບ໊າຟຸກ ກຳມະການຄະນະກຳມະການສູນກາງແນວໂຮມປະເທດຊາດຫວຽດນາມ, ປະທານສະມາຄົມນັກທຸລະກິດ ຫວຽດນາມ ປະຈຳ ອົສຕຣາລີ. ກ່ຽວກັບຄວາມປາຖະໜາຂອງຊາວຫວຽດນາມ ທີ່ອາໄສ ຢູ່ ອົສຕຣາລີ ຕໍ່ກອງປະຊຸມໃຫຍ່ຂອງພັກຄັ້ງນີ້, ທ່ານ ເຈິ່ນບ໊າຝຸກ ໃຫ້ຮູ້ວ່າ: ຊາວຫວຽດນາມ ທີ່ອາໄສຢູ່ ອົສຕຣາລີ ມີຄວາມເຊື່ອໝັ້ນວ່າ: ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກກອມມູນິດຫວຽດນາມ ທີ່ຈະດຳເນີນໃນທ້າຍເດືອນນີ້ ໂດຍຄັດເລືອກເອົາຖັນແຖວການນຳທີ່ມີຄຸນສົມບັດ, ມີຄວາມເກັ່ງກ້າສາມາດຢ່າງພຽງພໍ ຖືກຕ້ອງຕາມມາດຖານທີ່ໄດ້ວາງອອກ ເພື່ອນຳພາປະເທດຊາດໃຫ້ນັບມື້ນັບພັດທະນາ.

ທ່ານ ເຈິ່ນບ໊າຝຸກ ປາຖະໜາວ່າ: ພັກ - ລັດ ຈະຊີ້ນໍາ ແລະ ຊຸກຍູ້ຜັນຂະຫຍາຍປະຕິບັດມະຕິວ່າດ້ວຍການຮັບຮອງເອົາບົດບາດຂອງເສດຖະກິດເອກະຊົນ ເພື່ອຮັບປະກັນໃຫ້ມີການຕີລາຄາ ແລະ ໃຫ້ການໜູນຊ່ວຍຢ່າງເໝາະສົມກັບຂົງເຂດເສດຖະກິດ ຊຶ່ງເປັນກຳລັງສຳຄັນໃນການພັດທະນາເສດຖະກິດຂອງປະເທດຊາດ.