Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການພົວພັນແບບພິເສດ ຫວຽດນາມ-ລາວ, ລາວ-ຫວຽດນາມ ຍິ່ງພິເສດກວ່າໃນປີທີ່ມີການແຜ່ລະບາດໂຄວິດ-19

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 25/01/2021 11:29:19 ຈຳ​ນວນ​​ຢ້ຽມ​ຊົມ 2193 ຄັ້ງ

ເນື່ອງ​ໃນ​ໂອກາດ​ປີ​ໃໝ່ 2021, ສະຫາຍ ຫ​ງວຽນ ບ໋າ ຮຸ່ງ ເອກ​ອັກ​ຄະ​ລັດ​ຖະ​ທູດ​ວິສາມັນ​ຜູ້​ມີ ອຳນາດ​ເຕັມ ແຫ່ງ ສາທາ ລະນະ​ລັດ ສັງຄົມ​ນິຍົມ ຫວຽດນາມ ປະຈຳ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ໄດ້​ໃຫ້​ສຳພາດ​ຕໍ່​ນັກ​ຂ່າວວ່າ:

ຮຽນ​ທ່ານ ຫ​ງວຽນ ບ໋າ ຮຸ່ງ ​ເອກ​ອັກ​ຄະ​ລັດ​ຖະ​ທູດ, ທ່ານ ມີ​ຄວາມ​ເຫັນ​ກ່ຽວ​ກັບ​ບັນດາ​ຜົນສຳເລັດ ທີ່​ພົ້ນ​ເດັ່ນ​ຂອງ​ສາຍ​ພົວພັນ​ແບບ​ພິເສດ ຫວຽດນາມ - ລາວ ໃນ​ປີ 2020 ແລະ ທິດ​ທາງ​ເພື່ອ​ຊຸກຍູ້​ສາຍ​ພົວພັນ​ໃນ​ປີ 2021? ປີ 2020 ແມ່ນ​ປີ​ພິເສດ​ທີ່​ສຸດ​ສຳລັບ​ພວກ​ເຮົາ​ທຸກ​ຄົນ. ການ​ເກີດ​ພະຍາດ ໂຄ​ວິດ-19 ໄດ້​ເຮັດ​ໃຫ້​ຊີວິດ​ການ ເມືອງ - ເສດຖະກິດ - ສັງຄົມ ຢູ່​ພາຍ​ໃນ​ຂອງ​ແຕ່​ລະ​ປະເທດ​ມີ​ຄວາມ​ສັບສົນ​ຫຼາຍ​ດ້ານ, ລວມ​ທັງ​ການ​ພົວພັນ​ຕ່າງ​ປະ​ເທດ. ໃນ​ທ່າມກາງ​ສະພາບ​ການ​ດັ່ງກ່າວ, ຂ້າພະເຈົ້າ​ມີ​ຄວາມ​ປິ​ຕິ​ຊົມຊື່ນ​ເປັນ​ຢ່າງ​ຍິ່ງ​ທີ່​ເຫັນ​ວ່າ ສາຍ​ພົວພັນ ຫວຽດນາມ-​ລາວ ສືບຕໍ່​ເປັນ​ແບບຢ່າງ​ທີ່​ເປັນ​ເອກະລັກ​ສະເພາະ​ໃນ​ການ​ພົວພັນ ສາກົນ, ບໍ່​ພຽງ​ແຕ່​ສືບຕໍ່​ມີ​ຄວາມ​ບໍລິສຸດ​ຜຸດ​ຜ່ອງ ແລະ ຊື່ສັດ​ເທົ່າ​ນັ້ນ, ແຕ່​ຫາກ​ຍັງ​ນັບ​ມື້​ນັບ​ພິເສດ​ຍິ່ງໆ​ຂຶ້ນ.

ອັນ​ທີ​ໜຶ່ງ, ຫວຽດນາມ ແລະ ລາວ ຍັງ​ສາມາດ​ຮັກສາ​ ການ​ຢ້ຽມຢາມ​ຊຶ່ງ​ກັນ ແລະ ກັນ ໃນ​ລະດັບ​ສູງ​ສຸດ ເຖິງ​ຈະ​ມີ​ ສະພາບ​ການ​ແຜ່​ລະບາດ​ຂອງ ​ພະຍາດ​ໂຄ​ວິດ-19 ໂດຍ​ສະ ເພາະ​ນັບ​ແຕ່​ມື້​ທີ່​ສອງ​ ປະ ເທດ​ປະກາດ​ມີການ​ລະບາດ​ພາຍ​ໃນ​ປະເທດ​ຕົນ, ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ​ລາວ ໄດ້​ໄປ​ຢ້ຽມຢາມ​ຫວຽດນາມ ເຖິງ 3 ຄັ້ງ ໃນ​ເດືອນ​ກໍລະກົດ, ເດືອນສິງຫາ ແລະ ເດືອນ​ທັນວາ 2020; ຂະນະ​ດຽວກັນ, ທ່ານ ຫ​ງວຽນ​ ຊວັນ​ ຟຸກ ນາຍົກ ລັດຖະມົນຕີ​ຫວຽດນາມ ກໍ​ໄດ້​ ມາ​ຢ້ຽມຢາມ​ລາວ ໃນ​ເດືອນ​ພຶດສະພາ 2020. ສາມາດ​ເວົ້າ​ໄດ້​ວ່າ ນັ້ນ​ແມ່ນ​ການ​ຢ້ຽມຢາມ​ອັນ​ເປັນ​ພິເສດທີ່ສຸດ ທີ່​ຂ້າພະເຈົ້າ​ເຄີຍ​ພົບ​ເຫັນ ແລະ ໄດ້​ເຂົ້າ​ຮ່ວມ​ຮັບ​ໃຊ້​ໂດຍ​ກົງ; ສອງ​ຝ່າຍ. ນອກຈາກ​ຈະ​ຕ້ອງ​ໄດ້​ຮັບປະກັນ​ທາງ​ດ້ານ​ເນື້ອ​ໃນ​ເປັນ​ປົກກະຕິ​ແລ້ວ, ຍັງ​ຕ້ອງ​ມີ​ມາດ​ຕະການ​ພິເສດ ເພື່ອ​ໃຫ້​ສາມາດ​ຮັບປະກັນ​ໄດ້ ດ້ານ​ຄວາມ​ສະຫງົບ, ຄວາມ​ປອດ​ໄພ, ດ້ານ​ພິທີການ​ທູດ - ພະລາທິການ​ອີກ​ດ້ວຍ.

ອັນ​ທີ​ສອງ, ເປັນ​ຄັ້ງ​ທຳອິດ ທີ່​ກອງ​ປະຊຸມ​ຄະນະ​ກຳມະການ​ຮ່ວມ​ມື​ທະວີພາຄີ ລະຫວ່າງ ລັດຖະບານ ຫວຽດ ນາມ - ລາວ, ລາວ - ຫວຽດນາມ ເຖິງ 2 ຄັ້ງ (ກອງ​ປະຊຸມ​ຄັ້ງ​ທີ 42 ແລະ 43) ໄດ້​ຈັດ​ຂຶ້ນ​ໃນ​ປີ​ດຽວ​ກັນ ຄື​ໃນ​ເດືອນ​ມັງກອນ ແລະ ທັນວາ 2020 ຊຶ່ງ​ສະແດງ​ໃຫ້​ເຫັນ​ເຖິງ​ຄວາມ​ຕັ້ງໜ້າ​ຮີບ​ດ່ວນ ຂອງ​ສອງ​ລັດຖະບານ ໃນ​ການ​ທົບ​ທວນ ແລະ ຊຸກຍູ້​ການ​ພົວພັນ​ສອງ​ຝ່າຍ​ກ່ອນ 2 ເຫດການ​ການເມືອງ ທີ່​ສຳຄັນ​ຢູ່​ແຕ່​ລະ​ປະເທດ​ຄື: ກອງ​ປະຊຸມ​ໃຫຍ່​ຄັ້ງ​ທີ XI ຂອງ​ພັກ​ປະຊາຊົນ ປະຕິວັດ​ລາວ ແລະ ກອງ​ປະຊຸມ​ໃຫຍ່​ຄັ້ງ​ທີ XIII ຂອງ​ພັກ​ກອມ​ມູ​ນິດ​ຫວຽດນາມ. ພິເສດ, ໃນ​ກອງ​ປະຊຸມ​ຄະນະ​ກຳມະການ​ຮ່ວມ​ມື​ທະວີພາຄີ ລະຫວ່າງ ລັດຖະບານ ຫວຽດນາມ - ລາວ​ຄັ້ງ​ທີ 43 ທີ່​ຜ່ານ​ມາ, ສອງ​ຝ່າຍ​ໄດ້​ລົງ​ນາມ​ໃນ​ຂໍ້​ຕົກລົງ​ເກືອບ 20 ສະບັບ, ໄດ້​ກວມ​ເອົາ​ທຸກ​ຂົງເຂດ​ການ​ຮ່ວມ​ມື​ທີ່​ສຳຄັນ​ຂອງ​ສອງ ປະເທດ ຊຶ່ງ​ນາຍົກລັດຖະມົນຕີ​ສອງ​ປະເທດ ໄດ້​ຕີ​ລາຄາ​ວ່າ: ນີ້​ເປັນ​ຜົນສຳເລັດ​ທີ່​ບໍ່​ເຄີຍ​ມີ​ມາ​ກ່ອນ. ຫຼາຍ​ບັນຫາ​ທີ່​ຄົງ​ຄ້າງ​ກໍ​ໄດ້​ຮັບ​ການ​ແກ້​ໄຂ​ເປັນ​ບາດກ້າວ​ບຸກ​ທະລຸ ອັນ​ໄດ້​ສ້າງ​ເງື່ອນໄຂ​ທີ່​ສະດວກ ໃຫ້​ແກ່​ການ​ຮ່ວມ​ມື ສອງ​ປະເທດ ກ້າວ​ເຂົ້າ​ສູ່​ລວງ​ເລິກ, ແທດ​ຕົວ​ຈິງ ແລະ ຍືນ​ຍົງ.

ອັນ​ທີ​ສາມ, ສອງ​ປະເທດ ໄດ້​ສະໜັບສະໜູນ ​ຊຶ່ງ​ກັນ ແລະ ກັນ ຢ່າງ​ໝົດ​ຈິດ​ໝົດ​ໃຈ ແລະ ມີ​ປະສິດ​ທິ​ຜົນ​ໃນ​ການ​ຮັບ​ມື​ກັບ​ພະຍາດ​ໂຄ​ວິດ-19. ຫຼັງ​ຈາກ​ທີ່ ສປປ ລາວ ໄດ້​ປະກາດ​ພົບຜູ້​ຕິດເຊື້ອ​ພຽງ 2 ມື້, ທ່ານ ຫ​ງວຽນ​ ຊວັນ​ ຟຸກ ກໍ​ໄດ້​ມີ​ການ​ໂອ້​ລົມ​ ທາງ​ໂທລະສັບ ກັບ ທ່ານ ທອງ​ລຸນ ສີ​ສຸ​ລິດ ແລະ ປະກາດ​ໃຫ ້ການ​ຊ່ວຍເຫຼືອ​ອຸປະກອນ​ການ​ແພດ​ແກ່​ລາວ. ຫຼັງ​ຈາກ​ນັ້ນ ພຽງ​ແຕ່​ສອງ​ອາທິດ, ຫວຽດນາມ ໄດ້​ສົ່ງ​ຄະນະ​ຜູ້​ຊ່ຽວຊານ​ມາ​ແລກປ່ຽນ​ປະສົບ​ການ​ຕ້ານ​ການ​ແຜ່​ລະບາດ​ຂອງ​ພະຍາດ​ດັ່ງ​ກ່າວ. ບັນດາ​ກະຊວງ, ຂະແໜງການ ແລະ ບັນດາ​ທ້ອງຖິ່ນ​ຂອງ​ຫວຽດນາມ ກໍໄດ້​ໃຫ້ການ​ຊ່ວຍເຫຼືອ​ແກ່​ບັນດາ​ຄູ່​ຮ່ວມ​ມື​ຂອງ​ລາວ ຢ່າງ​ເອົາໃຈໃສ່​ເປັນ​ພິເສດ. ອັນ​ພົ້ນ​ເດັ່ນ​ແມ່ນ​ດ້ວຍ​ທ່າແຮງ​ຂອງ​ສອງ​ປະເທດ ມີ​ຊາຍ​ແດນ​ຮ່ວມ​ກັນ​ທີ່​ສັນຕິພາບ, ມິດຕະພາບ, ໄດ້​ສ້າງ​ເງື່ອນໄຂ​ສະດວກ​ໃຫ້​ແກ່ ພົນລະເມືອງ​ຂອງ​ສອງ​ປະເທດ ໃນ​ການ​ເດີນທາງ​ເຂົ້າ - ອອກ​ປະເທດ​ຂອງ​ກັນ ແລະ ກັນ, ຮັບປະກັນ​ໄດ້​ບັນ​ດາມາດ​ ຕະການ​ປ້ອງ​ກັນ​ການ​ແຜ່​ລະ ບາດ​ຂອງ​ພະຍາດ; ພ້ອມ​ກັນ​ນັ້ນ, ສິນຄ້າ​ຍັງ​ໄດ້​ຮັບ​ການ​ເຄື່ອນ​ຍ້າຍ, ຮັບປະກັນ​ຮັກສາ​ມູນ​ຄ່າ​ການ​ຄ້າ​ເຕີບ​ໂຕ​ຢູ່​ລະດັບ​ດີ​ພໍ​ສົມຄວນ ຄາດ​ວ່າ: ບັນລຸ​ເກືອບ 1 ຕື້​ໂດ​ລາ ໃນ​ປີ 2020.

ອັນ​ທີ​ສີ່, ສອງ​ປະເທດ ໄດ້​ປະສານ​ສົມທົບ​ກັນ​ຢ່າງ​ແໜ້ນ​ແຟ້ນ ເພື່ອ​ຈັດ​ງານ​ສະເຫຼີມສະຫຼອງ​ເຫດການ​ສຳຄັນ​ຕ່າງໆ​ຂອງ​ສອງ​ປະເທດ​ໃນ​ປີ 2020 ໄດ້​ຢ່າງ​ສຳເລັດ​ຜົນ ແລະ ຮັບປະກັນ​ໄດ້​ຄວາມ​ປອດ​ໄພ. ຂ້າພະເຈົ້າ​ບໍ່​ອາດ​ລືມ​ໄດ້​ໃນ​ການ​ຈັດ​ງານ​ລ້ຽງສະ ເຫຼີມສະຫຼອງ​ວັນຊາດ ສສ ຫວຽດນາມ​ຄົບຮອບ 75 ປີ​ໃນ​ປີ​ຜ່ານ​ມາ. ວຽກ​ງານ​ກະກຽມ​ແມ່ນ​ມີ​ຄວາມ​ສັບສົນ​ຫຼາຍ​ຢ່າງ ເນື່ອງ​ຈາກ​ສະພາບ​ການ​ຜັນ​ແປ​ຂອງ​ພະຍາດ​ໂຄ​ວິດ-19 ແລະ ຈົນ​ເກືອບ​ວິນາທີ​ສຸດ​ທ້າຍ ສະຖານທູດ​ຈຶ່ງ​ສາ​ມາດ​ກໍາ​ນົດ​ໄດ້​ແບບ​ວິທີ​ການ​ຈັດ​ບົນ​ພື້ນຖານ​ຕອບ​ສະໜອງ​ໄດ້​ເງື່ອນໄຂ​ອັນ​ເຂັ້ມ​ງວດ​ຂອງ​ເພື່ອນ​ລາວ ກ່ຽວ​ກັບ​ຈຳນວນ​ແຂກ​ເຂົ້າ​ຮ່ວມ, ຮັກສາ​ໄລຍະ​ຫ່າງ, ສຸຂະ​ອະນາໄມ ຊຶ່ງ​ເຫັນ​ວ່າ​ໂຊກ​ດີ​ທີ່​ພວກ​ເຮົາ​ສາມາດ​ປະຕິບັດ​ໄດ້ ແລະ ປະສົບ​ຜົນ ສຳເລັດ​ຢ່າງ​ຈົບງາມ ຊຶ່ງ​ຖື​ວ່າ​ເປັນ​ການເຄື່ອນໄຫວ​ທີ່​ຫາ​ຍາກ​ໃນ​ວົງ​ການ​ການ​ທູດ ຢູ່​ນະຄອນຫຼວງ​ວຽງ​ຈັນ ນັບ​ແຕ່​ການ​ແຜ່​ລະບາດ​ຂອງ​ພະຍາດ​ນີ້, ທັງ​ນີ້​ໄດ້​ສົ່ງ​ສັນຍານ​ໜຶ່ງ​ຢ່າງ​ຕັ້ງໜ້າ​ຕໍ່​ເພື່ອນ​ມິດສາ​ກົນ​ກ່ຽວ​ກັບ​ສາຍ​ພົວພັນ​ແບບ​ພິເສດ ຫວຽດນາມ​-​ລາວ, ກໍ​ຄື​ກັບ​ຜົນສຳເລັດ​ຂອງ​ທັງ​ສອງ​ປະເທດ ໃນ​ການ​ຄວບ​ຄຸມພະ​ຍາດ​ໂຄ​ວິດ-19.

ປີ 2021 ແມ່ນ​ປີ​ທີ່​ມີ​ຄວາມ​ໝາຍ​ສຳຄັນ​ສຳລັບ ຫວຽດນາມ​-​ລາວ ແລະ ສາຍ​ພົວພັນ​ມິດຕະພາບ​ອັນ​ຍິ່ງ​ໃຫຍ່​ຂອງ​ສອງ​ປະ​ເທດ. ນີ້​ແມ່ນ​ປີ​ທຳອິດ​ທີ່​ສອງ​ຝ່າຍ ໄດ້​ຈັດ​ຕັ້ງ​ປະຕິບັດ​ມະຕິ​ຂອງ​ກອງ​ປະຊຸມ​ໃຫຍ່​ທົ່ວ​ປະເທດ​ຂອງ​ພັກ​ຕົນ ກໍຄື​ຍຸດທະສາດ ແລະ ສັນຍາ​ການ​ຮ່ວມ​ມື​ຕ່າງໆ ລະຫວ່າງ ຫວຽດນາມ - ລາວ​ໄລຍະ 2021-2025 ດ້ວຍ​ຫຼາຍ​ຈຸດ​ໃໝ່​ທາງ​ດ້ານ​ເນື້ອ​ໃນ ແລະ ມາດ​ຕະການ​ການຈັດຕັ້ງ​ປະຕິ​ບັດ. ອີງ​ຕາມ​ຈັງຫວະ​ດັ່ງກ່າວ ປີ 2021, ສອງ​ປະເທດ ຈະ​ສືບຕໍ່​ເຮັດ​ໃຫ້​ສາຍ​ພົວພັນ​ດ້ານ​ການເມືອງ​ເຂົ້າ​ສູ່​ລວງ​ເລິກ; ສືບຕໍ່​ເສີມ​ຂະຫຍາຍ​ເສົາ​ຄໍ້າ​ແຫ່ງ​ການ​ຮ່ວມ​ມື​ດ້ານ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະຫງົບ ແລະ ການ​ຕ່າງປະເທດ​ໃຫ້​ຍິ່ງໆ​ຂຶ້ນ; ຍົກ​ສູງ​ປະສິດ​ທິ​ຜົນ​ຂອງ​ການ​ຮ່ວມ​ມື​ດ້ານ​ເສດຖະກິດ, ວັດທະນະທຳ, ການ​ສຶກສາ, ສາທາລະນະ​ສຸກ, ວິທະຍາສາດ​ເຕັກນິກ ແລະ ເປີດ​ກວ້າງ​ການ​ພົວພັນ​ແລກປ່ຽນ ລະຫວ່າງ​ປະຊາຊົນ ແລະ ທ້ອງຖິ່ນ​ຂອງ​ສອງ​ປະ​ເທດ. ພິເສດ, ສອງ​ປະເທດ ຕ້ອງ​ມີ​ການ​ປະສານ​ສົມທົບ ແລະ ຊ່ວຍເຫຼືອສະ ໜັບສະໜູນ ຊຶ່ງ​ກັນ ແລະ ກັນ ເພື່ອ​ແກ້​ໄຂ​ຜົນ​ກະທົບ​ອັນ​ຮ້າຍ​ແຮງ​ທີ່​ເກີດ​ຈາກ​ພະຍາດ​ໂຄ​ວິດ-19, ເພື່ອ​ເຮັດ​ໃຫ້ການ​ເຕີບ​ໂຕ​ດ້ານ​ເສດຖະກິດ​ຂອງ​ສອງ​ປະເທດ ສາມາດ​ກັບ​ຄືນ​ສູ່​ສະພາບ​ທີ່​ດີ​ຄື​ໄລຍະ​ກ່ອນ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19 ໂດຍ​ໄວ.

ປະເທດ​ລາວ ແມ່ນ​ໜຶ່ງ​ໃນ​ບັນດາ​ປະເທດ ທີ່​ມີ​ພົນລະເມືອງ​ຫວຽດນາມ​ອາໄສ​ຢູ່, ທຳ​ມາ​ຫາ​ກິນ ແລະ ເປັນ​ປະເທດ ທີ່​ມີ​ຊາຍ​ແດນ​ຕິດ​ຈອດ​ກັບ​ປະເທດ​ຫວຽດນາມ. ສະຖານທູດ​ໄດ້​ ປະຕິບັດ​ການ​ປົກ​ປ້ອງ ພົນລະ ເມືອງ​ຄື​ແນວໃດ ຕໍ່​ສະພາບ​ການ​ຜັນ​ແປ​ທີ່​ສັບສົນ ແລະ ຄາດ​ຄະເນ​ໄດ້​ຍາກ ຂອງ​ພະຍາດໂຄ​ວິດ-19?.

ໃນສະພາບການແຜ່ລະ ບາດ​ຂອງ​ໂຄ​ວິດ-19, ບຸລິມະ ສິດ​ອັນ​ດັບ​ໜຶ່ງຂອງ​ ສະຖານທູດ ແມ່ນ​ຮັບປະກັນ​ຄວາມ​ປອດ​ໄພ ແລະ ສິດຜົນປະໂຫຍດ​ທີ່​ຖືກຕ້ອງ​ຕາມ​ກົດໝາຍ​ຂອງ​ພົນລະເມືອງ​ຫວຽດນາມ​ຢູ່​ລາວ ໂດຍ​ຖືກຕ້ອງ​ຕາມ​ຈິດໃຈ​ການ​ຊີ້​ນຳ​ຂອງ​ລັດຖະບານ, ໂດຍ​ສະເພາະ​ໃນ​ໄລຍະ​ຕົ້ນ​ທີ່​ຊາວ​ຫວຽດນາມ ດໍາ​ລົງ​ຊີວິດ​ຢູ່​ທົ່ວ​ໂລກ ໄດ້​ຊອກ​ຫາ​ວິທີ​ກັບ​ຄືນ​ປະ​ເທດ. ວົງ​ຄະນາ​ຍາດ​ຊາວ​ຫວຽດນາມ​ອາໄສ​ຢູ່​ລາວ ມີ​ຈຳນວນ​ຫຼາຍ​ສົມຄວນ, ມີ​ປະມານ 100.000 ກວ່າ​ຄົນ, ໃນ​ນັ້ນ​ຫຼາຍ​ກວ່າ​ເຄິ່ງ​ໜຶ່ງ ແມ່ນ​ແຮງ​ງານ​ແບບ​ເສລີ, ຕາມ​ລະດູ​ການ, ບາງ​ຈຳນວນ​ກໍບໍ່​ມີ​ເອກະສານ​ທີ່​ຖືກຕ້ອງ​ຕາມ​ລະບຽບ​ກົດໝາຍ, ມີ​ລະດັບ​ຄວາມ​ຮູ້​ທີ່​ແຕກ​ຕ່າງ​ກັນ​ຫຼາຍ. ໃນ​ເວລາ​ທີ່​ພະຍາດ​ໂຄ​ວິດ-19 ລະບາດ, ປະຊາຊົນ​ມີ​ຄວາມ​ຕ້ອງການ​ກັບ​ເມືອ​ປະເທດ​ຢ່າງ​ຫຼວງ​ຫຼາຍ. ໃນ​ກາງ​ເດືອນ​ມີນາ 2020, ພາຍຫຼັງ​ຫວຽດນາມ ແລະ ລາວ ໄດ້​ປະກາດ ປິດ​ດ່ານ​ຊາຍ​ແດນ, ພົນລະເມືອງ​ຈຳນວນ​ຫຼວງຫຼາຍ ໄດ້​ຊອກ​ຫາ​ວິທີ​ເພື່ອ​ກັບ​ຄືນ​ປະເທດ​ແບບ​ເສລີ ຜ່ານ​ທາງບົກ, ໄດ້​ສ້າງ​ຄວາມ​ກົດ​ດັນ​ຢ່າງ​ສູງ​ຕໍ່​ທັງ​ເພື່ອນ​ລາວ ແລະ ຕໍ່​ອຳນາດ​ການ​ປົກຄອງ ແລະ ທ້ອງຖິ່ນ​ຊາຍ​ແດນ​ຂອງ​ຫວຽດນາມ. ທາງ​ສະຖານທູດ​ໄດ້​ຮີບ​ຮ້ອນ​ຈັດ​ຕັ້ງ​ປະຕິບັດ​ບັນດາ​ມາດ​ຕະການ​ໃໝ່ ເພື່ອ​ປົກ​ປ້ອງ​ພົນລະເມືອງ​ຂອງ​ຕົນ​ໃຫ້​ດີ​ທີ່​ສຸດ​ທີ່​ສາມາດ​ເຮັດ​ໄດ້ ໂດຍ​ປະຕິບັດ​ມາດ​ຕະການ​ດັ່ງນີ້:

1; ນອກຈາກ​ເບີໂທລະສັບ​ສາຍ​ດ່ວນ​ປົກ​ປ້ອງ​ພົນລະເມືອງ​ແລ້ວ, ສະຖານທູດ ຍັງ​ໄດ້​ເພີ່ມ ເບີໂທລະສັບ​ຕື່ມ​ອີກ 3 ເບີ ຕະຫຼອດ 24 ຊົ່ວໂມງ ເພື່ອ​ຮັບປະກັນ​ການ​ໄດ້​ຮັບ​ຂໍ້​ມູນ, ການ​ຮ້ອງ​ຂໍ​ຈາກ​ພໍ່​ແມ່​ປະຊາຊົນ ແລະ ໃຫ້​ຄຳ​ແນະນຳ​ຢ່າງ​ໄວວາ, ທັນ​ເວ​ລາ.

2; ສະຖານທູດ ໄດ້​ຮັກສາ​ການ​ພົວພັນ​ຢ່າງ​ໃກ້ຊິດ​ສະໜິດ​ແໜ້ນ, ຕໍ່​ເນື່ອງ​ກັບ​ເຈົ້າ​ໜ້າ​ທີ​່ຝ່າຍລາວ ແລະ ບັນດາ​ສຳ ນັກງານ​ຜູ້ຕາງໜ້າ​ສື່​ມວນ​ຊົນ​ ຫວຽດນາມ ປະຈຳ ລາວ ເພື່ອ ​ສາມາດ​ລາຍ​ງານ ແຜນນະໂຍ ບາຍ, ຂໍ້​ກຳນົດ​ຂອງ​ຝ່າຍ​ລາວ ກ່ຽວ​ກັບ​ການ​ປ້ອງ​ກັນ​ການ​ລະບາດ​ທີ່​ກ່ຽວຂ້ອງ​ເຖິງ​ວົງ​ຄະນາ​ຍາດ ຊາວ​ຫວຽດນາມ ຢ່າງ​ທັນ​ການ.

3; ໂດຍ​ຜ່ານ​ສະມາຄົມ​ໃຫຍ່​ຊາວ​ຫວຽດນາມ​ອາໄສ​ຢູ່​ລາວ ແລະ ສະມາຄົມ​ຊາວ​ຫວຽດນາມ ຢູ່​ນະຄອນຫຼວງ​ວຽງ​ຈັນ, ສະຖານທູດ ໄດ້​ຊຸກຍູ້​ຢ່າງ​ແຮງ​ໃນ​ການ​ໂຄສະນາ​ເຜີຍແຜ່, ຂົນຂວາຍ ແລະ ປຸກລະດົມ ປະຊາຊົນ​ໃຫ້​ມີ​ຄວາມ​ອຸ່ນ​ອ່ຽນ​ທຸ່ນ​ທ່ຽງ, ເຄົາລົບ​ລະບຽບ​ການ​ຂອງ​ລາວ ແລະ ຫວຽດນາມ ທີ່​ກ່ຽວຂ້ອງ​ເຖິງ​ພະຍາດ​ໂຄ​ວິດ-19 ຢ່າງ​ເຂັ້ມ​ງວດ; ປະສານ​ສົມທົບ​ກັບ​ພາກສ່ວນ​ທີ່​ກ່ຽວ ຂ້ອງ​ຢູ່​ພາຍ​ໃນ​ປະເທດ ໃນ​ການ​ຊ່ວຍ​ເຫຼືອ​ເຄືຶ່ອງ​ອຸປະກອນ​ການ​ແພດ​ປ້ອງ​ກັນ​ພະຍາດ​ທີ່​ຈຳເປັນ​ໃຫ້​ແກ່​ພໍ່​ແມ່​ປະຊາ​ຊົນ.

4; ສະຖານທູດ ພະຍາຍາມ​ປະສານ​ສົມທົບ​ກັບ​ເຈົ້າ​ໜ້າທີ່​ຂອງ​ລາວ ແລະ ຫວຽດນາມ ໃນ ​ການຈັດ​ຕັ້ງ​ໃຫ້​ແກ່​ປະຊາຊົນ​ກັບ​ຄືນ​ປະເທດ​ດ້ວຍ​ຄວາມ​ເປັນ​ລະບຽບ, ຖືກຕ້ອງ​ຕາມ​ກົດໝາຍ, ມີ​ຄວາມ​ສະດວກ ແລະ ມີ​ສະຖານທີ່​ກັກ​ຕົວ​ຕາມ​ລະບຽບ​ການ. ມາ​ຮອດ​ປັດຈຸ ບັນ, ມີ​ພົນລະເມືອງ​ຫວຽດນາມ ປະມານ 63.000 ເທື່ອ​ຄົນ ໄດ້​ກັບ​ຄືນ​ປະເທດ; ໃນ​ເວລາ​ບໍ່​ດົນ​ມາ​ນີ້, ມີ​ບາງ​ມື້​ສະຖານທູດ ໄດ້​ຮັບ​ໃບ​ຄຳ​ຮ້ອງ​ຂໍ​ກັບ​ຄືນ​ປະເທດ​ຂອງ​ພໍ່​ແມ່​ປະຊາຊົນ​ເກືອບ 1.000 ສະ​ບັບ. ສາມາດ​ເວົ້າ​ໄດ້​ວ່າ: ນີ້​ແມ່ນ​ກະແສ​ຂອງ​ພົນລະເມືອງ ທີ່​ຍ້າຍ​ກັບ​ຄືນ​ຫວຽດນາມ​ຫຼາຍ​ທີ່​ສຸດ​ໃນ​ຊຸມ​ປີ​ມໍ່ໆ​ມາ​ນີ້. ໂຊກ​ດີ​ທີ່​ວ່າ​ຫວຽດນາມ ແລະ ລາວ ມີ​ບັນດາ​ດ່ານ​ຊາຍ​ແດນ​ທາງບົກ​ນຳ​ກັນ, ຖ້າ​ບໍ່​ດັ່ງນັ້ນ ພວກ​ເຮົາ​ອາດ​ຈະ​ຕ້ອງ​ໄດ້​ຈັດ​ຖ້ຽວ​ບິນ​ຫຼາຍ​ຮ້ອຍ​ຖ້ຽວ ເພື່ອ​ນຳ​ສົ່ງ​ພົນລະເມືອງ​ກັບ​ຄືນ​ປະ​ເທດ.

ພ້ອມ​ກັນ​ນັ້ນ, ສະຖານທູດ ຍັງ​ໄດ້​ປະສານ​ງານ​ເພື່ອ​ແກ້​ໄຂ​ໃຫ້​ແກ່​ພົນລະເມືອງ​ຫວຽດນາມ ຈາກ​ປະເທດ​ໄທ ປະມານ 10.000 ຄົນ. ໃນ​ນັ້ນ ມີ​ທັງ​ນັກ​ການ​ທູດ​ຂອງ​ພວກ​ເຮົາ​ຈຳນວນ​ໜຶ່ງ ທີ່​ໄດ້​ສຳເລັດ​ໜ້າທີ່​ການ​ທູດ​ກັບ​ຄືນ​ປະເທດ ໂດຍ​ທາງ​ລົດ​ຜ່ານ​ປະເທດ​ລາວ. ສະຖານທູດ ໄດ້​ຈັດ​ໃຫ້​ປະຊາຊົນ​ເດີນທາງ​ເຂົ້າ​ມາ ລາວ ໂດຍ​ມີ​ກຳລັງ​ຕຳຫຼວດ​ລາວ​ຕິດຕາມ, ເຄື່ອນ​ຍ້າຍ​ຈາກ​ຊາຍ​ແດນ ລາວ - ໄທ ໄປ​ຫາ​ຊາຍ​ແດນ ລາວ - ຫວຽດ ນາມ ໂດຍ​ກົງ, ທັງ​ຕອບສະ ໜອງ​ຄວາມ​ປາຖະໜາ​ຂອງ ພໍ່​ແມ່​ປະຊາຊົນ ແລະ ທັງ​ຫຼຸດຜ່ອນ​ຄວາມ​ສ່ຽງ​ໃນ​ການ​ແຜ່​ເຊື້ອ​ໃຫ້​ແກ່​ເພື່ອນ​ລາວ.

ນອກຈາກ​ນັ້ນ, ຈຸດ​ເດັ່ນ​ທີ່​ໜ້າ​ສັງເກດ​ແມ່ນ​ວ່າ: ໃນ​ສະ ພາບ​ການ​ທີ່​ທັງ​ສອງ​ປະເທດ​ລາວ ແລະ ຫວຽດນາມ ຮັດ​ແໜ້ນ​ມາດ​ຕະການ​ປ້ອງ​ກັນ​ການ​ລະບາດ, ການ​ປົກ​ປ້ອງ​ພົນລະເມືອງ​ປົກກະຕິ ກໍ​ໄດ້ຮັບ​ ການຈັດ​ຕັ້ງ​ປະຕິບັດ​ຢ່າງ​ມີ​ປະ ສິດ​ທິ​ຜົນ​ເຊັ່ນ: ການ​ຈັດ​ສົ່ງ​ສົບ​ຂອງ​ພົນລະເມືອງ​ທີ່​ເສຍ​ຊີວິດ​ຢູ່​ລາວ​ກັບ​ຄືນ​ປະເທດ, ນຳ​ສົ່ງ​ພົນລະເມືອງ​ທີ່​ເຈັບ​ປ່ວຍ​ກັບ​ຄືນ​ປະເທດ​ເພື່ອ​ປິ່ນ​ປົວ. ພິເສດ, ສະຖານທູດ ບໍ່​ພຽງ​ແຕ່​ຮັບ​ໃຊ້​ພົນລະເມືອງ​ຫວຽດນາມ ຢ່າງ​ໝົດ​ຈິດ​ໝົດ​ໃຈ​ເທົ່າ​ນັ້ນ, ແຕ່​ຫາກ​ຍັງ​ຊ່ວຍເຫຼືອ​ພົນລະເມືອງ​ລາວ ທີ່​ເດີນທາງ​ໄປ​ຫວຽດນາມ​ເພື່ອ​ປິ່ນ​ປົວ​ພະຍາດ, ນຳ​ສົ່ງ​ນັກຮຽນ​ລາວ ໄປ​ຫວຽດນາມ ເພື່ອ​ສຶກສາ​ຮ່ຳຮຽນ​ໃຫ້​ທັນ​ກັບ​ການ​ເປີດ​ສົກຮຽນ​ໃໝ່.

ປະເທດ​ລາວ ແມ່ນ​ໜຶ່ງ​ໃນ​ບັນດາ​ປະເທດ​ທີ່​ມີ​ວິ​ສາ​ຫະ​ກິດ​ຫວຽດນາມ ມາ​ລົງທຶນ ແລະ ດຳເນີນ ທຸລະ​ກິດ​ຈຳນວນ​ຫຼາຍ​ສົມ​ຄວນ. ປີ 2020, ການ​ຮ່ວມ​ມື​ດ້ານ​ເສດຖະກິດ - ການ​ຄ້າ - ການ​ລົງທຶນ ລະຫວ່າງ ສອງ​ປະເທດ​ບັນລຸ​ໄດ້​ໝາກຜົນ​ຢ່າງ​ຕັ້ງໜ້າ. ເພື່ອ​ບັນລຸ​ໝາກຜົນ​ຄື​ດັ່ງກ່າວ, ທາງ​ສະຖານທູດ​ໄດ້​ມີ​ວິທີ​ແນວໃດ ເພື່ອ​ຊ່ວຍເຫຼືອ​ວິ​ສາ​ຫະ​ກິດ​ຫວຽດນາມ ຕໍ່​ກັບ​ຜົນ​ກະທົບ​ອັນ​ຫຍໍ້ທໍ້​ຂອງ​ການ​ແຜ່​ລະບາດ​ຂອງ​ພະຍາດ​ໂຄ​ວິດ -19?.

ປັດຈຸບັນ, ລາວ ແມ່ນ​ປະເທດ​ທີ່​ມີ​ຈຳນວນ​ວິ​ສາ​ຫະ​ກິດ ແລະ ມູນ​ຄ່າ​ການ​ລົງທຶນ​ຕ່າງປະເທດ ລາຍ​ໃຫຍ່​ທີ່​ສຸດ​ຂອງ​ຫວຽດນາມ. ຕາມ​ການ​ຄິດໄລ່​ສະ​ສົມ, ຫວຽດນາມ​ມີ 414 ໂຄງການ​ດ້ວຍ​ມູນ​ຄ່າ​ທຶນ​ຈົດ​ທະບຽນ​ແມ່ນ 4,22 ຕື້​ໂດ​ລາ, ຈັດ​ຢູ່​ອັນ​ດັບ​ທີ 3 ຢູ່ ສປປ ລາວ, ຮອງ​ຈາກ​ຈີນ ແລະ ໄທ. ການ​ລົງທຶນ​ຂອງ​ບັນດາ​ວິ​ສາ​ຫະ​ກິດ​ຫວຽດນາມ ໂດຍ​ພື້ນຖານ​ໄດ້​ໝູນ​ໃຊ້ ແລະ ປະສົມ​ປະສານ​ກັບ​ຄວາມ​ສາມາດ​ບົ່ມ​ຊ້ອນ, ທ່າແຮງ​ຂອງ​ລາວ ແລະ ທ່າແຮງ ແລະ ປະສົບ​ການ​ຂອງ​ວິ​ສາ​ຫະ​ກິດ. ສະນັ້ນ, ຫຼາຍ​ໂຄງການ​ຈຶ່ງ​ປະສົບ​ຜົນສຳເລັດ, ສ້າງ​ວຽກ​ເຮັດ​ງານ​ທຳ​ໃຫ້​ຫຼາຍ​ໝື່ນ​ຄົນ, ຍົກ​ສູງ​ລາຍ​ຮັບ, ປັບປຸງ​ຊີວິດ ການ​ເປັນ​ຢູ່​ຂອງ​ປະຊາຊົນ ແລະ ປະກອບສ່ວນ​ສຳຄັນ​ເຂົ້າ​ໃນ​ງົບປະມານ​ແຫ່ງ​ລັດ​ຂອງ ສປປ ລາວ.

ປີ 2020 ແມ່ນ​ປີ​ທີ່​ຫຍຸ້ງ ຍາກ​ທີ່​ສຸດ​ສຳລັບ​ບັນດາ​ວິ​ສາ​ຫະ​ກິດ​ຫວຽດນາມ​ຢູ່ ລາວ ຍ້ອນ​ເຫດຜົນ ຫຼາຍ​ຢ່າງ, ໃນ​ນັ້ນ​ມີ​ຜົນ​ກະທົບ​ທີ່​ຮ້າຍ​ແຮງ​ຈາກ​ການ​ແຜ່​ລະບາດ​ຂອງ​ໂຄ​ວິດ-19 ຊຶ່ງ​ໄດ້​ສ້າງ​ຄວາມ​ຫຍຸ້ງຍາກ​ໃຫ້​ແກ່​ທົ່ວ​ທຸກ​ຂົງເຂດ​ຊີວິດ ເສດຖະກິດ - ສັງຄົມ​ຂອງ​ລາວ. ໂດຍ​ໄດ້​ຮັບ​ຮູ້​ຢ່າງ​ຈະແຈ້ງ​ບົດບາດ, ຄວາມ​ສຳຄັນ​ຂອງ​ການ​ລົງທຶນ ຫວຽດນາມ ຢູ່​ລາວ ແມ່ນ​ກຳລັງ​ຫຼັກ​ໃນ​ການ​ຊຸກຍູ້​ການ​ຮ່ວມ​ມື​ດ້ານ​ເສດຖະກິດ ລະຫວ່າງ ສອງ​ປະເທດ, ປະກອບສ່ວນ​ເຂົ້າ​ໃນ​ການ​ເສີມ​ຂະຫຍາຍ​ສາຍ​ພົວພັນ​ພິເສດ​ຫວຽດ ນາ​ມ - ລາວ, ສະຖານທູດໄດ້​ ມີ​ຄວາມ​ເອົາໃຈໃສ່​ຢ່າງ​ບໍ່ ຢຸດ​ ຢັ້ງ​ໃນ​ການ​ສ້າງ​ເງື່ອນໄຂ​ອຳນວຍ​ຄວາມ​ສະດວກ​ໃຫ້​ແກ່​ການ​ລົງ​ທຶນ​ຂອງ​ຫວຽດນາມ​ຢູ່ລາວ, ຖື​ເປັນ​ໜ້າທີ່​ໃຈກາງ ແລະ ຕໍ່​ ເນື່ອງ, ພິເສດ​ແມ່ນ​ໃນ​ປີ 2020.

ອັນ​ທີ​ໜຶ່ງ, ສະຖານທູດ ໄດ້​ລາຍ​ງານ​ຂໍ້​ມູນ​ຂ່າວສານ​ຢ່າງ​ເປັນ​ປະຈຳ ໂດຍ​ສະເພາະແມ່ນ ​ຂໍ້​ມູນ​ດ້ານ​ເສດຖະກິດ​ມະຫາ​ ພາກ, ນິຕິ​ກຳ, ແນວທາງ, ນະ ໂຍບາຍ​ໃໝ່​ຂອງ​ລາວ ແລະ ຫວຽດນາມ ໃຫ້​ແກ່​ປະຊາ​ຄົມ ​ນັກທຸລະກິດ ໂດຍຜ່ານຫຼາຍ ​ຊ່ອງ​ທາງ​ເຊັ່ນ: ເວັບ​ໄຊ​ ຂອງ​ ສະຖານທູດ, ໃບ​ຂ່າວ​ເສດຖະ ກິດ ຫຼື ລາຍ​ງານ​ໂດຍ​ກົງ​ໃນ​ກອງ​ປະຊຸມ​ທຸລະ​ກິດ​ຕ່າງໆ ໂດຍ​ສະເພາະ ແມ່ນ​ບັນດາ​ບັນຫາ​ທີ່​ກ່ຽວຂ້ອງ​ກັບ​ມາດ​ຕະການ​ປ້ອງ​ກັນ, ສະກັດ​ກັ້ນ​ໂຄ​ວິດ-19 ຂອງ​ທັງ​ສອງ​ປະ​ເທດ. ສະຖານທູດ ກໍເປັນ​ເຈົ້າ​ການ​ໃນ​ການ​ຄົ້ນ​ ຄວ້າ, ຊອກ​ຮູ້ ແລະ ເຮັດ​ວຽກ​ໂດຍ​ກົງ​ກັບ​ອົງການ​ທີ່​ກ່ຽວຂ້ອງ​ຂອງ​ລາວ ເພື່ອ​ກຳນົດ​ໂອກາດ​ການ​ລົງທຶນ​ສຳລັບ​ວິ​ສາ​ຫະ​ກິດ ຫວຽດນາມ, ໄດ້​ເອົາໃຈໃສ່​ເປັນ​ພິເສດ​ເຖິງ​ຂົງເຂດ​ການ​ພັດທະນາ​ກະສິກຳ​ສະອາດ, ຂະໜາດ​ໃຫຍ່, ເຕັກ​ໂນ​ໂລ​ຊີ ທີ່​ທັນ​ສະ​ໄໝ.

ອັນ​ທີ​ສອງ, ສະຖານທູດ ໄດ້​ລົງ​ເຮັດ​ວຽກ​ຕົວ​ຈິງ ແລະ ຈັດ​ກອງ​ປະຊຸມ​ນັກທຸລະກິດ ຢ່າງ​ເປັນ​ປະຈຳ ນັບ​ທັງ​ໃນ​ໄລຍະ​ພະຍາດ​ໂຄ​ວິດ-19 ທີ່​ກຳລັງ​ລະບາດ, ເພື່ອ​ເກັບ​ກຳ​ສະພາບ​ການ, ຄວາມ​ຫຍຸ້ງຍາກ, ບັນຫາ​ທີ່​ຍັງ​ຄົງ​ຄ້າງ​ຂອງ​ວິ​ສາ​ຫະ​ກິດ ແລະ ສະເໜີ​ໃຫ້​ອົງການ​ທີ່​ກ່ຽວຂ້ອງ​ຂອງ​ສອງ​ປະເທດ ຊອກ​ຫາ​ວິທີ​ແກ້​ໄຂ. ສະຖານທູດ ຍັງ​ເຮັດ​ໜ້າທີ່​ເປັນ​ຂົວ​ຕໍ່ໃຫ້​ນັກທຸລະກິດ​ຕິດຕໍ່​ໂດຍ​ກົງ​ກັບ​ອົງການ​ບໍລິຫານ​ທີ່​ກ່ຽວຂ້ອງ​ຂອງ​ລາວ​ເຊັ່ນ: ກະຊວງ​ແຜນການ ແລະ ການ​ລົງທຶນ, ກະຊວງ​ອຸດສາຫະກຳ ແລະ ການ​ຄ້າ, ກະຊວງ​ພະລັງງານ - ບໍ່​ແຮ່, ກະຊວງ​ການ​ເງິນ, ພະ​ແນກ ແລະ ຂະແໜງການ​ຕ່າງໆ ຢູ່​ນະຄອນຫຼວງ​ວຽງ​ຈັນ ແລະ ທ້ອງ​ຖິ່ນ. ບັນດາ​ວິ​ສາ​ຫະ​ກິດ ທີ່​ມີ​ຄວາມ​ຕ້ອງການ​ລ້ວນ​ແຕ່​ໄດ້​ຮັບ​ການ​ຊ່ວຍເຫຼືອ​ໃນ​ການ​ສະເໜີ​ຂໍ​ໃບ​ອະນຸຍາດ​ໃໝ່, ຕໍ່​ອາຍຸ​ໃບ​ອະນຸຍາດ, ຊອກ​ຫາ​ຄູ່​ຮ່ວມ​ມື, ການ​ເຈລະຈາ​ເຊັນ​ສັນຍາ​ທຸລະ​ກິດ.

ອັນ​ທີ​ສາມ, ສະຖານທູດ ໄດ້​ຕິດຕາມ ແລະ ຊຸກຍູ້​ການ ເຄື່ອນໄຫວ​ຂອງ​ສະມາຄົມນັກ ທຸລະກິດ​ຫວຽດນາມ ຮ່ວມ​ມື​ລົງທຶນ​ຢູ່​ລາວ (BACI) ເພື່ອ​ເຮັດ​ໃຫ້​ສະມາຄົມ​ປະຕິບັດ​ບົດບາດ ເປັນ​ຂົວ​ຕໍ່ໃຫ້​ແກ່​ວິ​ສາ​ຫະ​ກິດ ທີ່​ເປັນ​ສະມາຊິກ​ໃນ​ປັດຈຸບັນ ແລະ ໃນ​ອະນາຄົດ​ເປັນ​ຢ່າງ​ດີ.

ປັດຈຸບັນ​ນີ້, ສະຖານທູດ ກຳລັງ​ເຮັດ​ວຽກ​ຢ່າງ​ແໜ້ນ​ແຟ້ນ​ກັບ​ຄະນະ​ບໍລິຫານ​ງານ​ຂອງ BACI ເພື່ອ​ປັບປຸງ​ສະມາຄົມ​ຕາມ​ທິດ​ສ້າງຕັ້ງ​ສາຂາ BACI ຢູ່​ພາກ​ເໜືອ, ພາກ​ກາງ ແລະ ພາກ​ໃຕ້​ຂອງ​ລາວ ແລະ ສະມາຄົມ​ຂັ້ນ​ສູນ​ກາງ ຢູ່​ນະຄອນຫຼວງ​ວຽງ​ຈັນ, ເພື່ອ​ເຮັດ​ໃຫ້ການ​ເຄື່ອນ​ໄຫວ​ຂອງ BACI ເປັນ​ລະບົບ ແລະ ມີ​ປະສິດ​ທິ​ຜົນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com