ສະມາຄົມນັກທຸລະກິດໜຸ່ມແຫ່ງຊາດລາວ ມອບເງິນ 20 ລ້ານກີບ ໃຫ້ແຂວງ ຊຽງຂວາງ

      ທ່ານ ຄຳແສນ ສີສະວົງ ຄະນະເລຂາທິການສູນກາງຊາວໜຸ່ມປະຊາຊົນປະຕະວັດລາວ ປະທານສະມາຄົມນັກທຸລະກິດໜຸ່ມແຫ່ງຊາດລາວ ພ້ອມດ້ວຍຄະນະ ໄດ້ມອບເງິນຈຳນວນ 20 ລ້ານກີບ ໃຫ້ແຂວງຊຽງຂວາງ ເມື່ອບໍ່​ດົນຜ່ານມາ, ທີ່ຫ້ອງວ່າການແຂວງ, ໃຫ້ກຽດຮັບໂດຍທ່ານ ບຸນຕົ້ນ ຈັນທະພອນ ເຈົ້າແຂວງຊຽງຂວາງ ພ້ອມດ້ວຍຄະນະ.

ໃນ​ໂອ​ກາດນີ້, ທ່ານ ເຈົ້າແຂວງຊຽງຂວາງ ໄດ້ກ່າວຂອບໃຈຕໍ່ການຊ່ວຍເຫຼືອໃນຄັ້ງນີ້, ເງິນຈຳນວນດັ່ງກ່າວ ແມ່ນຈະນຳໄປປະກອບສ່ວນເພື່ອຈະກໍ່ສ້າງເຮືອນ ທ່ານ ພູມີ ວົງວິຈິດ ຢູ່ບ້ານຄາຍ ເມືອງແປກ ເພື່ອເປັນອານຸສອນສະຖານ ໃຫ້ຄົນຮຸ່ນຫຼັງໄດ້ຮູ້ ໄດ້ຮ່ຳຮຽນເອົາບົດຮຽນອັນລ້ຳຄ່າຂອງເພິ່ນ ທັງເປັນບ່ອນສັກກາລະບູຊາ ແລະ ເປັນແຫຼ່ງທ່ອງທ່ຽວທາງປະຫັວດສາດ. ການກໍ່ສ້າງແມ່ນຈະໄດ້ໃຊ້ງົບປະມານ ຈາກການຊ່ວຍເຫຼືອຂອງຫຼາຍພາກສ່ວນ​ໃນ​ສັງ​ຄົມ ເພື່ອ​ຈະກໍ່ສ້າງໃຫ້ສຳເລັດ.

(ຂ່າວ-ພາບ: ບຸນມີ ແສງທຸມມີ)