ໜັງສືພິມ ປະຊາຊົນ

ມອບ-ຮັບ ເສື້ອກັນໜາວ ເພື່ອຊ່ວຍເຫຼືອ ປະຊາຊົນຢູ່ເຂດຫ່າງໄກສອກຫຼີກ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 03/02/2021 09:10:44 ຈຳນວນຢ້ຽມຊົມ 2993 ຄັ້ງ

ເມື່ອວັນທີ 1 ກຸມພາ ຜ່ານມາ ທີ່ສະພາແຫ່ງຊາດ ທ່ານ ບົວເງິນ ຊາພູວົງ ຮອງລັດຖະ ມົນຕີ ກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ຕາງໜ້າໃຫ້ກະຊວງ ຖວທ ມອບເສື້ອກັນໜາວ ຈຳ ນວນ 100 ຜືນ ເພື່ອນຳໄປແຈກຢາຍຊ່ວຍເຫຼືອ ປະຊາຊົນຢູ່ເຂດຫ່າງໄກສອກຫຼີກຂອງແຂວງ ໄຊຍະບູລີ ທີ່ກຳລັງຕ້ອງ ການເສື້ອກັນໜາວ, ກ່າວຮັບ ໂດຍ ທ່ານ ນາງ ບົວພັນ ລີໄກຢາ ຄະນະປະຈຳ ສະພາແຫ່ງຊາດ, ປະທານກຳມາທິການບັນດາເຜົ່າ. ທ່ານ ນາງ ບົວພັນ ລີໄກຢາ ໄດ້ສະແດງຄວາມຂອບໃຈເປັນຢ່າງສູງ ຕໍ່ກະຊວງ ຖວທ ເວົ້າລວມ ໂດຍສະເພາະສະແດງຄວາມຂອບໃຈມາຍັງທ່ານ ຮອງລັດຖະມົນຕີ ທີ່ມີຄວາມເປັນຫ່ວງເປັນໄຍ ປະ ຊາຊົນ ທີ່ຢູ່ເຂດຊົນນະບົດຫ່າງໄກສອກຫຼີກທີ່ປະສົບກັບໄພໜາວໃນປີນີ້.
(ຂ່າວ: ຕຸໄລເພັດ)