ໃນວັນທີ 2 ກຸມ​ພາຜ່ານມາ, ​ເມືອງ​ໄຊ​ພູ​ທອງ ແຂວງ​ສະ​ຫວັນ​ນ​ເຂດ ໄດ້ມີພິທີເປິດຊຸດຝຶກອົບ ຮົມທິດສະດີການເມືອງ ແລະ ການປົກຄອງ ໄລຍະສັ້ນ 45 ວັນ ຊຸດທີ V ໃຫ້ແກ່ບັນດາສະ ມາຊິກພັກ ແລະ ພະນັກງານຫຼັກແຫຼ່ງຂອງເມືອງ​ໄຊ​ພູ​ທອງ ໂດຍເປັນກຽດເຂົ້າຮ່ວມເປີດຊຸດຝຶກອົບ ຮົມ ຂອງ ສະຫາຍ ຄຳ​ວິ​ໄສ ຜຸຍ​ຍະ​ວົງ ຄະ​ນະ​ປະ​ຈຳ​ພັກ​ແຂວງ ເລ​ຂາ​ພັກ​ເມືອງ ເຈົ້າ​ເມືອງ​ໄຊ​ພູ ທອງ, ມີ​ບັນ​ດາ​ຄະ​​ນະ​ປະ​ຈຳ​ພັກ​ເມືອງ, ກຳ​ມະ​ການ​ພັກ​ເມືອງ, ຫົວ​ໜ້າ​ຫ້ອງ​ການ-ຄະ​ນະ​ຫ້ອງ​ການ​ ພ້ອມ​ດ້ວຍນັກ​ສຳ​ມະ​ນາ​ກອນ​ເຂົ້າ​ຮ່ວມທັງ​ໝົດ 61 ສະຫາຍ ຍິງ 31 ສະຫາຍ.

 ສະຫາຍ  ຄຳ​ວິ​ໄສ ຜຸຍ​ຍະ​ວົງ ໄດ້ກ່າວເປີດບັ້ນຝຶກອົບຮົມໃນຄັ້ງນີ້ ຊຶ່ງມີເນື້ອໃນບາງຕອນ ວ່າ: ການເປີດບັ້ນຝຶກອົບຮົມທິດສະດີການເມືອງ ແລະ ການປົກຄອງໄລຍະສັ້ນ 45 ວັນ ຊຸດນີ້ ເພື່ອເຮັດໃຫ້ສະມາຊິກພັກ, ພະນັກງານຫຼັກແຫຼ່ງທຸກສະຫາຍໄດ້ເຊື່ອມຊຶມ, ກຳແໜ້ນບັນດາເນື້ອໃນສຳ ຄັນພື້ນຖານຂອງທິດສະດີມາກ-ເລນິນ, ແນວຄິດ ປະທານ ໄກສອນ ພົມວິຫານ ແລະ ມູນເຊື້ອປະຕິ ວັດຂອງປະຊາຊົນລາວ, ກຳແໜ້ນແນວທາງການເມືອງ, ແຜນນະໂຍບາຍຂອງພັກ, ລະບຽບກົດໝາຍ ແລະ ແຜນພັດທະນາເສດຖະກິດ-ສັງຄົມຂອງລັດ ທີ່ໄດ້ກຳນົດໄວ້ໃນແຕ່ລະໄລຍະ, ຊ່ວຍໃຫ້ມີຄວາມຮູ້ພື້ນຖານທາງດ້ານທິດສະດີ ເພື່ອນຳມາໝູນໃຊ້ເຂົ້າໃນການປະຕິບັດໜ້າທີ່ການເມືອງ, ວຽກງານຕົວຈິງ, ນໍາໃຊ້ເຂົ້າໃນການຈັດຕັ້ງ ການຮຽນ-ການສອນ, ວຽກບໍລິຫານ, ການນຳພາ, ການຄຸ້ມຄອງຂອງຕົນໃຫ້ເກີດຜົນປະໂຫຍດສູງສຸດ ແລະ ເພື່ອເຮັດໃຫ້ແຜນການດ້ານການບຳລຸງ-ກໍ່ສ້າງ, ນຳໃຊ້ ແລະ ຄຸ້ມຄອງພະນັກງານ-ລັດຖະກອນຕິດພັນກັບວິໄສທັດ ແລະ ແຜນພັດທະນາວຽກງານ ຂອງ​ແຕ່​ລະ​ຫ້ອງ​ການໃນແຕ່ລະໄລຍະ ຊຶ່ງພາຍຫຼັງສຳເລັດການຝຶກອົບຮົມ ຈະເຮັດໃຫ້ບັນດາສະມາຊິກພັກ, ພະນັກງານເຊື່ອມຊຶມ, ກຳໄດ້ແນວທາງປ່ຽນແປງໃໝ່ຂອງພັກ-ລັດ ຢ່າງເລິກເຊິ່ງ ເຮັດໃຫ້ສະມາຊິກພັກ ແລະ ພະນັກງານຫຼັກແຫຼ່ງສາມາດຮັບຮູ້, ເຂົ້າໃຈ,

ກຳແໜ້ນ ແລະ ນຳໄປໝູນໃຊ້ເຂົ້າໃນວຽກງານຕົວຈິງ ແລະ ເພື່ອເປັນການຝຶກຝົນຫຼໍ່ຫຼອມສະ ມາຊິກພັກ ແລະ ພະນັກງານ ໃຫ້ກາຍເປັນຜູ້ທີ່ມີຄຸນສົມບັດສິນທຳປະຕິວັດ, ເປັນພະນັກງານຫຼັກແຫຼ່ງ, ເປັນຜູ້ສືບທອດພາລະກິດຂອງພັກ, ກາຍເປັນຜູ້ທີ່ມີຄວາມຫ້າວຫັນ ແລະ ເຮັດສຳເລັດໜ້າ ທີ່ທີ່ການຈັດຕັ້ງມອບໝາຍໃຫ້. (ພາບ-ຂ່າວ ພັນ​ທະ​ມິດ ວົງ​ສຸ​ທິ)