Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສຳມະນາວິທະຍາສາດລະດັບຊາດ ກ່ຽວກັບການປ່ຽນແປງໃໝ່ໃນຂົງເຂດລັດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 05/02/2021 09:02:56 ຈຳ​ນວນ​​ຢ້ຽມ​ຊົມ 1851 ຄັ້ງ

ຄະ­ນະ​ຮັບ­ຜິດ­ຊອບ​ການ​ຄົ້ນ­ຄວ້າ​ແນວ​ຄິດ​ໄກ­ສອນ ພົມ ­ວິ­ຫານ ສະ​ຖາ​ບັນ​ການ­ເມືອງ ແລະ ການ​ປົກ­ຄອງ​ແຫ່ງ​ຊາດ ໄດ້​ຈັດ​ກອງ​ປະ­ຊຸມ​ສຳ​ມະ​ນາ​ວິ ­ທະ­ຍາ­ສາດ​ລະ­ດັບ​ຊາດ​ຂຶ້ນ​ໃນ​ຕອນ​ເຊົ້າ​ຂອງ​ວັນ​ທີ 4 ກຸມ­ພາ  ນີ້ ທີ່​ສະ­ໂມ­ສອນ​ໃຫຍ່​ສະ​ຖາ​ບັນ​ການ­ເມືອງ ແລະ ການ​ປົກ ­ຄອງ​ແຫ່ງ​ຊາດ, ພາຍ​ໃຕ້​ຫົວ­ຂໍ້: “ແນວ​ຄິດ​ໄກ­ສອນ ພົມ­ວິ­ຫານ​ກ່ຽວ​ກັບ ການ​ປ່ຽນ­ແປງ​ໃໝ່​ໃນ​ຂົງ­ເຂດ​ອຳ­ນາດ​ລັດ”, ໃຫ້​ກຽດ​ເປັນ​ປະ­ທານ​ຊີ້​ນຳ​ກອງ​ປະ­ຊຸມ ໂດຍ​ທ່ານ ຄຳ​ພັນ ພົມ​ມະ​ທັດ ກຳ­ມະ­ການ​ກົມ​ການ­ເມືອງ​ສູນ​ກາງ​ພັກ  ຄະ​ນະເລ­ຂາທິ­ການສູນ ກາງ​ພັກ ປະ­ທານ​ຄະ­ນະກວດ ກາ​ສູນ​ກາງ​ພັກ ປະ­ທານສະພາ​ທິດ​ສະ​ດີ​ສູນ​ກາງ​ພັກ ຫົວໜ້າ​ຄະນະ​ຮັບ­ຜິດ­ຊອບ​ການ​ຄົ້ນ­ ຄວ້າ​ແນວ​ຄິດ​ໄກ­ສອນ ພົມວິ­ ຫານ, ມີ​ທ່ານ ສົມ​ສະ­ຫວາດ ເລັ່ງ​ ສະ​ຫວັດ ອະ­ດີດ​ກຳ­ມະ­ການ​ກົມ​ການ ­ເມືອງ​ສູ​ນ​ກາງ​ພັກ, ທີ່​ປຶກ­ສາ​ຄະ­ນະ​ຮັບ­ຜິດ­ຊອບ​ການ​ຄົ້ນ ­ຄວ້າ ແນວ​ຄິດ​ໄກ­ສອນ ພົມ­ວິ ­ຫານ, ມີ ທ່ານ ສອນ​ທະ­ນູ ທຳ​ມະ​ວົງ  ກຳ­ມະ­ການ​ສູນ​ກາງ​ພັກ ປະ­ທານ​ສະ​ຖາ​ບັນ​ຄົ້ນ­ຄວ້າ​ເສດ​ຖະ​ກິດ​-​ສັງ­ຄົມ​ແຫ່ງ​ຊາດ ຮອງ​ປະ­ທານ​ສະ­ພາ​ທິດ​ສະ​ດີ​ສູນ​ກາງ​ພັກ  ຮອງ​ຫົວ­ໜ້າ​ຄະ­ນະ​ຮັບ​ຜິດ ຊອບ​ການ​ຄົ້ນ­ຄວ້າ​ແນວ​ຄິດ​ໄກ­ສອນ ພົມ­ວິ­ຫານ, ມີ ທ່ານ ພູ​ວົງ   ອຸ່ນ​ຄຳ​ແສນ  ກຳ­ມະການ​ ສູນ​ກາງ​ພັກ  ຫົວ­ໜ້າ​ສະ​ຖາບັນ ການ­ເມືອງ ແລະ ການ​ປົກຄອງ​ແຫ່ງ​ຊາດ ຮອງ​ຫົວ­ໜ້າ​ຄະ­ນະ   ຜູ້​ປະ­ຈຳ­ການ​ຄະ­ນະ​ຮັບ­ຜິດ ­ ຊອບ​ການ​ຄົ້ນ­ຄວ້າ​ແນວ​ຄິດ  ໄກ­ສອນ  ພົມ­ວິ­ຫານ. ນອກ ຈາກນີ້ ຍັງ​ມີ​ບັນ­ດາ​ສະ­ຫາຍ​ກຳ ­ມະ­ການ​ສູນ​ກາງ​ພັກ, ການ​ນຳ​ຫຼັກ​ແຫຼ່ງ ຂອງ​ບັນ­ດາ​ກະຊວງ, ອົງ­ການ, ພະ­ນັກ­ງານ, ຄູ​-ອາ ­ຈານ  ທັງ​ໝົດ​ 400 ກວ່າ​ຄົນ.
ຈຸດ­ປະ­ສົງ​ໃນ​ການ​ຈັດ ກອງ​ປະ­ຊຸມ​ໃນ​ຄັ້ງ​ນີ້ ກໍ​ແມ່ນ​ເພື່ອ​ສືບ­ຕໍ່​ຜັນ​ຂະ­ຫຍາຍ​ມະ­ຕິ​ຂອງ​ກົມ​ການ­ເມືອງ​ສູນ​ກາງ​ພັກ ສະ­ບັບ​ເລກ​ທີ 058/ກມສພ ລົງ​ວັນ​ທີ 13 ທັນ­ວາ 2018 ວ່າ​ດ້ວຍ​ການ​ຄົ້ນ­ຄວ້າ​ແນວ​ຄິດ​ໄກ­ສອນ ພົມ­ວິ­ຫານ, ທັງ​ເປັນ​ການ​ສະ ­ເຫຼີມ­ສະ­ຫຼອງວັນ​ສຳ­ຄັນ​ຕ່າງໆ ຂອງ​ພັກ ແລະ ຂອງ​ຊາດ ເປັນ ­ຕົ້ນ​ແມ່ນ​ວັນ​ສະ­ຖາ­ປະ­ນາ ສາ ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ ຄົບ­ຮອບ 45 ປີ, ວັນ​ເກີດປະ­ທານ ໄກ­ສອນ ພົມ ­ວິ­ຫານ ຄົບ­ຮອບ 100 ປີ ແລະ ຊົມ­ເຊີຍ​ຜົນ­ສຳ­ເລັດ​ກອງປະ­ ຊຸມ​ໃຫຍ່​ຄັ້ງ​ທີ XI ຂອງ​ພັກ​ປະ­                                                    ຊາ­ຊົນ ປະ­ຕິ­ວັດ​ລາວ ແລະ ຂ່ຳ ­ນັບ​ຊົມ­ເຊີຍ​ບັ້ນ​ເລືອກ​ຕັ້ງ​ສະ ­ມາ­ຊິກ​ສະ­ພາ​ແຫ່ງ​ຊາດ​ຊຸດ​ທີ IX, ສະ​ມາຊິກ​ສະ­ພາ​ປະ­ຊາ­ຊົນ​ແຂວງ, ຊຸດທີ II. 
ໃນ​ຄຳ​ເຫັນ​ກ່າວ​ເປີດ​ກອງ​ປະ­ຊຸມ​ສຳ​ມະ​ນາ, ສະ­ຫາຍ ຄຳ​ພັນ ພົມ​ມະ​ທັດ ໄດ້​ເນັ້ນ​ໜັກ​ວ່າ: “ພາຍ­ຫຼັງ​ປະ­ເທດ​ຊາດ ໄດ້​ຮັບ​ຄວາມ​ເປັນ​ເອ­ກະ­ລາດ​ຢ່າງ​ສົມ­ບູນ, ລະ­ບອບ​ປະ­ຊາ­ທິ­ປະ ­ໄຕ ປະ­ຊາ­ຊົນ ໄດ້​ຮັບ ການ​ສ້າງ​ຂຶ້ນ ແລະ ​ໄດ້​ຮັບ​ການ​ກໍ່­ສ້າງ​ໃນ​ທຸກ​ດ້ານ  ຊຶ່ງ​ເປັນ​ຂີດ​ໝາຍ​ບາດ​ລ້ຽວແຫ່ງ​ປະ­ຫວັດ­ສາດ​ທີ່​ສຳຄັນ, ນັ້ນ​ແມ່ນ​ເປັນ​ເທື່ອ​ທຳ ­ອິດ​ທີ່​ສິດ​ອຳ­ນາດ​ຂອງ​ລັດ ຊຶ່ງ​ເປັນ​ບັນ­ຫາ​ໃຈ­ກາງ​ແຫ່ງ​ສິດ​ອຳ ­ນາດ​ການ­ເມືອງ​ໄດ້​ຢູ່​ໃນ​ກຳມື​ຂອງ​ປະ­ຊາ­ຊົນຊາວ​ຜູ້​ອອກ­ແຮງ​ງານ.  ສິດ​ອຳ­ນາດ​ດັ່ງ­ກ່າວ ແມ່ນ​ຮັບ​ໃຊ້​ຄົນ​ສ່ວນ​ຫຼາຍ ເພື່ອ​ສ້າງ​ພື້ນ­ຖານ ປະ­ຊາ­ທິ­ປະ­ໄຕ​ໃໝ່, ປະ­ຊາ­ທິ­ປະ­ໄຕ​ສັງ­ຄົມ​ນິ­ຍົມ ໃຫ້​ແກ່​ຄົນ​ສ່ວນ​ຫຼາຍ, ລົບ​ລ້າງ​ຢ່າງ​ສິ້ນ​ເຊີງ ການ​ຂູດ​ຮີດ​ຂອງຊົນ​ຊັ້ນ​ປົກ­ຄອງ​ໃນ​ເມື່ອ​ກ່ອນ. ລະ ­ບົບ​ການ­ຈັດ­ຕັ້ງ​ອຳ­ນາດ​ລັດ​ແຕ່​ສູນ​ກາງ​ລົງ​ຮອດ​ທ້ອງ­ຖິ່ນ​ໄດ້​ຮັບ ການ​ສ້າງ­ຕັ້ງ ຂຶ້ນ​ໂດຍ​ມີ​ພັກ​ເປັນ​ຜູ້­ນຳ​ພາ. ໃນ​ຖາ­ນະ​ເປັນ​ຜູ້­ນຳ​ສູງ​ສຸດ​ຂອງ​ພັກ ປະ­ທານ​ ໄກ ­ສອນ ພົມ­ວິ­ຫານ ໄດ້​ໃຫ້​ຄວາມ​ສຳ­ຄັນ​ທີ່​ສຸດ​ຕໍ່​ກັບ​ການ​ປັບ­ປຸງ​ອຳ­ນາດ​ລັດ”.
ກອງ​ປະ­ຊຸມ​ສຳ​ມະ​ນາ ໄດ້​ຍົກ​ໃຫ້​ເຫັນ​ເນື້ອ​ໃນ​ອັນ​ອຸ­ດົມ ­ສົມ­ບູນ ຂອງ​ແນວ​ຄິດ ​ໄກ­ສອນ ພົມ­ວິ­ຫານ ກ່ຽວ​ກັບ​ການ​ປ່ຽນ ­ແປງ​ໃໝ່​ວຽກ​ງານ​ອຳ­ນາດ​ແຫ່ງ​ລັດ, ບັນ­ດາ​ນັກ­ວິ­ທະ­ຍາ­ສາດ ລ້ວນ​ແລ້ວ­ແຕ່​ຢືນ­ຢັນ ໃຫ້​ເຫັນ​ເຖິງ​ຄຸນ­ຄ່າ​ທາງ​ດ້ານ​ທິດ​ສະ​ດີ ແລະ​ພຶດ­ຕິ​ກຳ ທີ່​ຍັງ​ສອດ​ຫ້ອຍ ແລະ​ ຊີ້​ນຳ​ການ­ເຄື່ອນ­ໄຫວ​ຕົວ​ຈິງ ຂອງ​ຂົງ­ເຂດ​ອຳ­ນາດລັດ. ປະ­ທານ ໄກ­ສອນ ພົມ­ວິ­ຫານ ໄດ້​ຊີ້​ໃຫ້​ພວກ​ເຮົາ​ເຫັນ​ວ່າ: “ພວກ​ເຮົາ​ຕ້ອງ​ປ່ຽນແປງ​ໃໝ່ ການ­ຈັດ­ຕັ້ງ​ຂອງ​ລັດ ນັບ​ທັງ​ດ້ານ​ນິ­ຕິ­ບັນ­ຍັດ, ບໍ­ລິ­ຫານ ແລະ ຕຸ­ລາ­ການ, ດຳ­ເນີນ​ການ ສ້າງ​ລັດ ອຳ­ນາດ​ແຫ່ງ​ກົດໝາຍ ປະ­ຊາ­ທິ­ປະ­ໄຕ ປະ­ຊາ­ຊົນ ດ້ວຍ ​ລະ­ບົບ​ກົດ­ໝາຍ​ທີ່​ນັບ​ມື້ນັບ ຄົບ​ຖ້ວນ​ເທື່ອ​ລະ​ກ້າວ” ໃນ ນັ້ນ,  “ບັນ­ຫາ​ສຳ­ຄັນ​ຕົ້ນ­ຕໍ​ທີ່ສຸດ ແມ່ນ​ຕ້ອງ​ສ້າງ​ລະ­ບົບ​ອຳ­ນາດ​ການ​ປົກ­ຄອງ ແຕ່​ສູນ​ກາງ​ລົງ​ຮອດ​ທ້ອງ­ຖິ່ນ​ຮາກ​ຖານ​ໃຫ້​ໜັກ ແໜ້ນ, ເຂັ້ມ­ແຂງ”. ເພິ່ນ​ທັງ​ເປັນ​ຜູ້​ຊີ້​ນຳ ແລະ​ ນຳ­ພາ​ໃນ​ການ​ປັບ­ປຸງ​ກົງ­ຈັກ​ລັດ, ສະ­ແດງ​ອອກ​ແຈ້ງ​ສຸດ​ໃນ​ໄລ­ຍະ​ການ​ດຳ  ­ເນີນພາ­ລະ­ກິດ​ປ່ຽນ­ແປງ​ໃໝ່, ເພິ່ນ​ໄດ້​ມີ​ແນວ​ຄິດ​ຊີ້​ນຳ​ຫຼາຍ​ປະ­ການ ເພື່ອ​ປັບ­ປຸງ​ອຳ­ນາດ​ລັດ ນັບ​ທັງ​ອົງ­ການ​ນິ­ຕິ­ບັນ­ຍັດ, ອົງ­ການ​ບໍ­ລິ­ຫານ ແລະ ອົງ­ການ​ຕຸ­ລາ­ການ; ເພີ່ນ​ໃຫ້​ທັດ­ສະ­ນະ​ວ່າ: ຕ້ອງ​ສ້າງ​ລະ­ບົບ​ກົງ­ຈັກ​ການ­ຈັດ­ຕັ້ງ​ຕາມ​ທິດ ກະ­ທັດ ຮັດ ​ເບົາ­ບາງ​ລົງ ແລະ “ທັງ​ບູ ­ລະ­ນະ​ການ­ຈັດ­ຕັ້ງ ທັງ​ດັດ­ແປງ​                                    ລະ­ບຽບແບບ­ແຜນ​ວິ­ທີ​ເຮັດ​ວຽກ”. ແນວ​ຄິດ​ຊີ້​ນຳ ຂອງ​ເພີ່ນ​ໃນ​ແຕ່​ລະ​ໄລ­ຍະ​ນັ້ນ ໄດ້​ສ້າງ​ພື້ນ­ຖານ​ທາງ​ດ້ານ​ທິດ​ສະ​ດີ​ອັນ​ສຳ­ຄັນ ໃນ​ການ​ປັບ­ປຸງ​ອຳ­ນາດ​ລັດ​ປະ­ຊາ­ທິ­ປະ­ໄຕ ປະ­ຊາ­ຊົນ ໃຫ້​ສອດ­ຄ່ອງ​ໃນ​ແຕ່​ລະ​ໄລ­ຍະ ແລະ ມີ​ຜົນ​ສັກ​ສິດ. 
ເຫັນ​ໄດ້​ຄຸນ­ຄ່າ​ອັນ​ສູງ​ສົ່ງ​ຂອງ​ແນວ​ຄິດ​ໄກ­ສອນ ພົມ­ວິ ­ຫານ ກ່ຽວ​ກັບ​ວຽກ​ງານ​ອຳ­ນາດ​ແຫ່ງ​ລັດ, ສະ­ຫາຍ ພູ​ວົງ ອຸ່ນ​ຄຳ​ແສນ ໄດ້​ກ່າວ​ບາງ​ຕອນ​ໃນ​ເນື້ອ​ໃນ​ບົດ​ນຳ​ກອງ​ປະ­ຊຸມ​ສຳ​ມະ​ນາ​ວ່າ: “ເພື່ອ​ເຮັດ​ສຳ­ເລັດ​ພາ­ລະ­ກິດ​ແຫ່ງ​ການ​ປ່ຽນ­ແປງ​ໃໝ່, ຄວາມ​ຮຽກ­ຮ້ອງ​ຕ້ອງ­ການ​ອັນ​ສຳ​ຄັນ ແລະ ຮີບ​ດ່ວນ​ຕັ້ງ​ຂຶ້ນ ແມ່ນ​ຕ້ອງ​ຖື​ສຳ­ຄັນ​ວຽກ​ງານ​ຄົ້ນ­ຄວ້າ​ທິດ​ສະ​ດິ ຕິດ​ພັນ​ກັບ​ພຶດ­ຕິ​ກຳ, ລົງ​ເລິກ​ຄົ້ນ­ຄວ້າ​ກ່ຽວ​ກັບ​ແນວ​ຄິດ​ໄກ­ສອນ ພົມ­ວິ ­ຫານ ໃນ​ແງ່​ມູມ​ທີ່​ເປັນ​ນັກ​ແນວ​ຄິດ, ນັກ​ທິດ​ສະ​ດີ. ເພາະ­ສະ ­ນັ້ນ ການ​ຄົ້ນ­ຄວ້າ​ແນວ​ຄິດ​ໄກ ­ສອນ ພົມ­ວິ­ຫານ ກ່ຽວ​ກັບ​ການ​ປ່ຽນ­ແປງ​ໃໝ່​ຂົງ­ເຂດ​ວຽກ​ງານ​ອຳ­ນາດ​ລັດ ຄວນ​ໄດ້​ດຳ­ເນີນ​ໄປ​ບົນ​ພື້ນ­ຖານ​ວິ­ທະ­ຍາ­ສາດ, ເພື່ອ​ສ້າງ​ຄວາມ​ກະ­ຈ່າງ​ແຈ້ງ​ຕື່ມ​ອີກ ນັບ​ທັງ​ດ້ານ​ພື້ນ­ຖານ​ທິດ​ສະ​ດີ ແລະ​ ພຶດ­ຕິ​ກຳ, ນັບ​ທັງ​ຄົ້ນ­ຄວ້າ​ດ້ານ​ຫຼັກ​ມູນ​ທິດ​ສະ​ດີ ແລະ​ ຄົ້ນ­ຄວ້າ​ນຳ​ໃຊ້​ເຂົ້າ​ໃນ​ພຶດ­ຕິ​ກຳ​ຕົວ​ຈິງ​ຂອງ​ຊີ​ວິດ. ໃນ​ນັ້ນ ພວກ​ເຮົາຕ້ອງ​ສືບ­ຕໍ່​ຄົ້ນ ­ຄວ້າ ແລະ​  ຜັນ​ຂະ­ຫຍາຍແນວ​ຄິດ​ກ່ຽວ​ກັບ​ການ​ສ້າງ​ລັດ​ແຫ່ງ​ອຳ­ນາດ​ກົດ­ໝາຍໃຫ້​ເລິກ­ເຊິ່ງ​ກວ້າງ­ຂວາງ, ເອົາ­ໃຈ­ໃສ່​ຍົກສູງ​ ປະ­ສິດ­ທິ­ພາບ​ໃນ​ການ​ສ້າງ ແລະ​ປັບ­ປຸງ​ກົດ­ໝາຍ​ໃຫ້​ສອດ  ­ຄ່ອງ​ກັບ​ລະ­ບົບ​ການ­ເມືອງ​ຂອງ​ລະ­ບອບ​ປະ­ຊາ­ທິ­ປະ­ໄຕ ປະ­ຊາ ­ຊົນ, ຕອບ​ສະ­ໜອງ​ໄດ້​ຄວາມ​ຮຽກ­ຮ້ອງ​ຕ້ອງ­ການ ຂອງ​ການ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ; ຄົ້ນ­ຄວ້າ​ກຳ​ແໜ້ນ​ແນວ​ຄິດ​ກ່ຽວ​ກັບ​ສະ­ພາ​ແຫ່ງ​ຊາດ ແລະ ​ສະ ­ພາ​ປະ­ຊາ­ຊົນ​ທ້ອງ­ຖິ່ນ, ຈຳ­ແນກ​ແຈ້ງ​ບົດ­ບາດຂອງ​ສະ­ພາ​ແຫ່ງ​ຊາດ​ໃນ​ຖາ­ນະ​ເປັນ​ອົງ­ການ​ນິ­ຕິ ­ບັນ­ຍັດ​ສູງ​ສຸດ ແລະ​ ບົດ­ບາດ​ຂອງ​ສະ­ພາ​ປະ­ຊາ­ຊົນ​ແຂວງ, ນະ­ຄອນ­ຫຼວງ ໃນ​ຖາ­ນະ​ເປັນ​ອົງ­ການ​ທີ່​ເຮັດ​ໜ້າ­ທີ່​ອະ­ທິ­ບາຍ ແລະ​ເຜີຍ­ແຜ່​ກົດ­ໝາຍ, ສະ ­ເໜີ​ຄວາມ​ຄິດ​ເຫັນ​ເພີ່ມ​ເຕີມ, ດັດ­ແປງ​ກົດ­ໝາຍ​ຕາມ​ຄວາມ​ມຸ່ງ​ມາດ​ປາ­ຖະ­ໜາ​ອັນ​ຊອບ​ທຳ ຂອງ​ປະ­ຊາ­ຊົນ, ເປັນ​ອົງ ­ການ​ຕາງ­ໜ້າ​ໃຫ້​ແກ່​ປະ­ຊາ­ຊົນ​ໃນ​ການ​ຕິດ­ຕາມ​ກວດ­ກາ​ການ ­ເຄື່ອນ­ໄຫວ ຂອງ​ອົງ­ການ​ບໍ­ລິ ­ຫານ ແລະ​ອົງ­ການ​ຕຸ­ລາ­ການ​ທ້ອງ​ຖິ່ນ. ໃນ​ນັ້ນ ຄວນ​ເພີ່ມ​ທະ­ວີ​ການ​ຕິດ­ຕາມ​ກວດ­ກາ ຂອງ​ສະ­ພາ​ແຫ່ງ​ຊາດ ແລະ​ສະ­ພາ​ປະ­ຊາ­ຊົນ​ທ້ອງ­ຖິ່ນ​ໃຫ້​ຫຼາຍ​ຂຶ້ນ; ສືບ­ຕໍ່​ຄົ້ນ­ຄວ້າ, ສ້າງ​ຄວາມ​ເຂົ້າ­ໃຈ​ໃຫ້​ເລິກ­ເຊິ່ງ​ກວ່າ​ເກົ່າ​ອີກ ກ່ຽວ​ກັບ​ແນວ​ຄິດ​ສ້າງ ­ຕັ້ງ​ສະ­ພາ​ປະ­ຊາ­ຊົນ​ຮາກ​ຖານ; ຄົ້ນ­ຄວ້າ, ຜັນ​ຂະ­ຫຍາຍ ແນວ​ຄິດ​ກ່ຽວ​ກັບ​ການ​ປັບ­ປຸງ​ກົງ­ຈັກ​ບໍ­ລິ­ຫານ​ລັດ, ໃນ​ນັ້ນ ຕ້ອງ​ເພີ່ມ​ທະ­ວີ ແລະ​ປັບ­ປຸງ​ກົງ­ຈັກ​ລັດ​ແຕ່​ຂັ້ນ​ສູນ​ກາງ​ລົງ​ເຖິງ​ຮາກ​ຖານ, ເຮັດ​ໃຫ້​ກົງ­ຈັກ​ເຫຼົ່າ­ນັ້ນ​ກະ­ທັດ​ຮັດ​ເບົາ­ບາງ, ເຄື່ອນ​ໄຫວ​ທະ­ລຸ​ໂລ່ງ ແລະ​ມີ​ປະ­ສິດ​ທິ​ຜົນ. ເພີ່ມ​ທະ​ວີ​ບໍາ​ລຸງ​ສ້າງ ແລະ ​ສຶກ­ສາ​ອົບ­ຮົມ​ພະ­ນັກ­ງານ​ໃນ​ຂະ­ແໜງ ­ການ ແລະ​ຂັ້ນ​ຕ່າງໆ; ຕ້ານ​ພະ­ຍາດ​ອາດ­ຍາ​ສິດ, ຫ່າງ­ເຫີນ​ມະ­ຫາ­ຊົນ ແລະ​ຫ່າງ­ເຫີນ​ຮາກ​ຖານ, ປ່ຽນ­ແປງ​ໃໝ່​ແບບ­ແຜນ​ວິ­ທີ​ເຮັດ​ວຽກ ຂອງ​ຂັ້ນ​ຕ່າງໆ, ຂະ­ແໜງ­ການ​ຕ່າງໆ ແລະ​ການ ­ເຄື່ອນ­ໄຫວ​ຂອງ​ອົງ­ການ​ຈັດ​ຕັ້ງ​ມະ­ຫາ­ຊົນ, ປັບ­ປຸງ​ກົງ­ຈັກ​ຂັ້ນ​ກະ­ຊວງ, ຂັ້ນ​ກົມ, ຂັ້ນ​ພະ​ແນກ ແລະ​ ປັບ­ປຸງ​ກົງ­ຈັກ​ຢູ່​ຂັ້ນ​ທ້ອງ ­ຖິ່ນ​ໃຫ້​ມີ​ຈໍາ​ນວນ​ຫຼຸດ​ລົງ​ຕາມ “ທິດ​ກະ­ທັດຮັດ, ໜັກ​ແໜ້ນ, ເຂັ້ມ­ແຂງ, ມີ​ປະ­ສິດ​ທິ​ຜົນ, ໂປ່​ງ  ​ໃສ ແລະ​ຮັບ​ໃຊ້​ປະ­ຊາ­ຊົນ​ຢ່າງ​ແທ້​ຈິງ”; ປັບ­ປຸງ​ບູ­ລະ­ນະ​ກົງ­ຈັກ​ການ­ຈັດ­ຕັ້ງ ແລະ​ ພັດ­ທະ­ນາ​ບຸກ​ຄະ­ລາ​ກອນ​ໃນ​ລະ­ບົບ​ອົງ­ການ​ຕຸ­ລາ­ການ​ທຸກ​ຂັ້ນ​ຢ່າງ​ຮອບ​ດ້ານ. ໃນ​ນັ້ນ, ເອົາ­ໃຈ­ໃສ່​ເປັນ​ພິ­ເສດ ຕໍ່​ອົງ­ການ​ຂັ້ນ​ທ້ອງ­ຖິ່ນ; ຍົກ​ສູງ​ຄຸນ​ນະ​ພາບ ແລະ ຄວາມ​ສາ­ມາດ​ໃນ​ການ​ພິ­ຈາ­ລະ­ນາ​ຄະ­ດີ ຂອງ​ສານ​ປະ­ຊາ­ຊົນ, ເສີມ​ຂະ­ຫຍາຍ​ຫຼັກ­ການ​ຄວາມ​ເປັນ​ເອ­ກະ­ລາດ​ຂອງ​ສານ, ການ​ຕິດ­ຕາມ​ກວດ ­ກາ​ການ​ເຄົາ­ລົບ ແລະ​ ປະ­ຕິ­ບັດ​ກົດ­ໝາຍ  ກໍ​ຄື​ການ​ສັ່ງ​ຟ້ອງ ຂອງ​ອົງ­ການ​ໄອ​ຍະ​ການ​ປະ­ຊາ­ຊົນ​ທຸກ​ຂັ້ນ​ຕາມ​ລັດ​ຖະ​ທຳ​ມະ­ນູນ ແລະ​ກົດ­ໝາຍ; ສະ­ກັດ​ກັ້ນ ແລະ ຕີ​ຖອຍ​ບັນ­ດາ​ປາ­ກົດ­ການ​ຫຍໍ້­ທໍ້​ໃນ​ລະ­ບົບ​ອົງ­ການ​ຕຸ­ລາ­ການ​ ທຸກ​ຂັ້ນ”.
ຜູ້​ເຂົ້າ​ຮ່ວມ​ກອງ​ປະ­ຊຸມ​ສຳ​ມະ​ນາ​ໄດ້​ຮັບ​ຟັງ​ການ​ນຳ​ສະ­ເໜີ  6  ຫົວ­ຂໍ້​ຍ່ອຍ ເຊັ່ນ: ແນວ​ຄິດ​ໄກ­ສອນ ພົມ­ວິ­ຫານ ກ່ຽວ​ກັບການ​ສ້າງ​ລັດ​ປົກ­ຄອງ​ດ້ວຍ​ກົດ­ໝາຍ, ກ່ຽວ​ກັບ​ສະ­ພາ​ແຫ່ງ​ຊາດ, ສະ­ພາ​ປະ­ຊາ­ຊົນ​ທ້ອງ­ຖິ່ນ, ກ່ຽວ​ກັບ​ອົງ­ການ​ບໍ­ ລິ­ຫານ​ລັດ​ຂັ້ນ​ສູນ​ກາງ, ຂັ້ນ​ທ້ອງ­ຖິ່ນ  ແລະ ກ່ຽວ​ກັບ​ວຽກ​ງານ​ຕຸ­ລາ​ການ. ກອງ​ປະ­ຊຸມ​ດັ່ງ­ກ່າວ ໄດ້​ຈັດ​ຂຶ້ນ​ເປັນ​ເວ­ລາ​ເຄິ່ງ​ມື້ ແລະ ປິດ​ລົງ​ດ້ວຍ​ຜົນ​ສໍາ​ເລັດ​ອັນ​ຈົບ­ງາມ. 
 (ຂ່າວ: ສມປຊ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com