ໜັງສືພິມ ປະຊາຊົນ

ຄະນະນຳໜັງສືພິມປະຊາຊົນ ເຂົ້າອວຍພອນ ຄະນະນຳ ຊີອາໄອ ປະຈຳລາວ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 10/02/2021 17:26:25 ຈຳນວນຢ້ຽມຊົມ 929 ຄັ້ງ

ເນື່ອງໃນໂອກາດປີໃໝ່ຂອງສປ.ຈີນ ທີ່ຈະມາເຖິງນີ້ໃນມໍ່ໆນີ້, ວັນທີ 10 ກຸ່ມພານີ້ ຄະນະນຳໜັງສືພິມ ປະຊາຊົນ ນຳໂດຍ ທ່ານ ວັນໄຊ ຕະວິນຍານ ຫົວໜ້າບັນນາທິການໃຫຍ່ ໜັງສືພິມປະຊາຊົນ ພ້ອມດ້ວຍຄະນະໄດ້ເຂົ້າອວຍພອນວິທະຍຸສາກົນແຫ່ງປະເທດຈີນ ປະຈຳລາວ (CRI) ໃຫ້ກຽດຕ້ອນຮັບໂດຍທ່ານ ນາງ ໂມ້ ສຽວຫຼິງ ຄະນະນຳວິທະຍຸສາກົນແຫ່ງປະເທດຈີນ ປະຈຳລາວ ພ້ອມດ້ວຍຄະນະ, ທັງສອງຝ່າຍໄດ້ແລກປ່ຽນບົດຮຽນຊຶ່ງກັນແລະກັນໃນການເຮັດວຽກຮ່ວມກັນໃນປີຜ່ານມາ. ພ້ອມດຽວກັນນີ້, ທັງສອງຝ່າຍພ້ອມແລ້ວທີ່ຈະໃຫ້ການສະໜັບສະໜູນຊ່ວຍເຫຼືອຊຶ່ງກັນແລະກັນ ໂດຍສະເພາະແມ່ນການແລກປ່ຽນຂໍ້ມູນຂ່າວສານ ລະຫວ່າງກັນໃຫ້ຫຼາຍຂຶ້ນກວ່າ.

ໃນໂອກາດນີ້, ທ່ານບັນນາທິການໃຫຍ່ກໍໄດ້ອວຍພອນໃຫ້ຄະນະນຳ ຕະຫຼອດຮອດພະນັກງານທັງໝົດຂອງ CRI ຈົ່ງມີສຸຂະພາບແຂງແຮງ, ປະສົບຜົນສຳເລັດໃນໜ້າທີ່ວຽກງານ ແລະ ຍາດໄດ້ຜົນງານໃຫຍ່ກວ່າເກົ່າ. ຈາກນັ້ນ, ທ່ານ ນາງ ໂມ້ ສຽວຫຼິງ ກໍໄດ້ອວຍພອນໃຫ້ຄະນະນຳ ພ້ອມດ້ວຍພະນັກງານໜັງສືພິມປະຊາຊົນທຸກຄົນ ຈົ່ງມີສຸຂະພາບແຂງແຮງ, ປະສົບຜົນສຳເລັດໃນການປະຕິບັດໜ້າທີວຽກງານ ແລະ ຫວັງວ່າຈະໄດ້ມີການຈັດກິດຈະກຳຮ່ວມກັນຫຼາຍຂຶ້ນໃນຕໍ່ໜ້ານີ້.

(ຂ່າວ-ພາບ:ສິດທິພອນ)