ການຫາສຽງຂອງຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງໄຊສົມບູນ ຊຸດທີ II ປະຈໍາເຂດເລືອກຕັ້ງເມືອງຮົ່ມ ໄດ້ລົງໂຄສະນາຫາງສຽງທີ່ສະໂມສອນເມືອງເມື່ອບໍ່ດົນມານີ້ ໂດຍມີບັນ ດາຫົວໜ້າຄະນະຫ້ອງການ, ກົມກອງ ພ້ອມດ້ວຍພະນັກງານ-ລັດຖະກອນ ເຂົ້າຮ່ວມທັງໝົດ 128 ທ່ານ ຍິງ 21 ທ່ານ.

ໃນການຫາສຽງຂອງຜູ້ສະໝັກເລືອກຕັ້ງສະມາຊິກສະພາປະຊາຊົນແຂວງໄຊສົມບູນ ຊຸດທີ II ປະຈໍາເຂດເລືອກຕັ້ງເມືອງຮົ່ມ ຄັ້ງນີ້ມີທັງໝົດ 6 ທ່ານ ຍິງ 2 ທ່ານ ໂດຍມີ ທ່ານ ບຸນມີ ໄຊຍະຊ່າງ ຮອງເລຂາຄະນະບໍລິຫານງານພັກເມືອງ ປະທານກວດກາພັກ-ລັດ (ນໍ້າເບີ 1), ທ່ານ ນາງ ມະນີວັນ ຢ່າທໍ່ຕູ້ ກໍາມະການພັກເມືອງ ປະທານສະຫະພັນແມ່ຍິງເມືອງຮົ່ມ (ນໍ້າເບີ 2), ທ່ານ ພັທ ຟອງສະໄໝ ຊໍ່ແສງທອງ ຄະນະປະຈໍາພັກເມືອງ ຊີ້ນໍາວຽກງານປ້ອງກັນຊາດ-ປ້ອງກັນຄວາມສະຫງົບເມືອງຮົ່ມ ເລຂາໜ່ວຍພັກ ຫົວໜ້າກອງບັນຊາການ ປກສ ເມືອງຮົ່ມ (ນໍ້າເບີ 3), ທ່ານ ນາງ ຢົວຢ່າງ ໄຊຈູ ຫົວໜ້າພະຍາບານ ໂຮງໝໍແຂວງໄຊສົມບູນ (ນໍ້າເບີ 4), ທ່ານ ເພັດສະຫວ່າງ ດວງວິໄລ ເລຂາ ໜ່ວຍພັກ ຫົວໜ້າຫ້ອງການຍຸຕິທໍາເມືອງຮົ່ມ (ນໍ້າເບີ 5) ແລະ ທ່ານ ຢາກົວ ເຮີ່ ກໍາມະການພັກເມືອງ ເລຂາໜ່ວຍພັກ ຫົວໜ້າຫ້ອງການສຶກສາທິການ ແລະ ກິລາເມືອງ, ຮັບຜິດຊອບວຽກງານຮອບດ້ານ ຂະແໜງການສຶກສາຂັ້ນເມືອງ (ນໍ້າເບີ 6) ໃນການລົງໂຄສະນາຫາງສຽງຄັ້ງນີ້ແມ່ນເພື່ອໃຫ້ພະນັກ ງານລັດຖະກອນ, ນາຍ ແລະ ພົນທະຫານ, ຕໍາຫຼວດ ຜູ້ທີ່ມີສິດເລືອກຕັ້ງໄດ້ຮັບຮູ້ເຂົ້າໃຈຢ່າງເລິກ ເຊິ່ງກ່ຽວກັບປະຫວັດຕົ້ນກໍາເນີດ, ການຈັດຕັ້ງປະຕິບັດໜ້າທີ່ວຽກງານແຕ່ລະໄລຍະຜ່ານມາຕົນ.

(ຂ່າວຈາກແຂວງໄຊສົມບູນ)