Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການນຳສູງສຸດລາວ-ຈີນ ກຳນົດ 2021 ເປັນປີມິດຕະພາບ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 17/02/2021 14:37:04 ຈຳ​ນວນ​​ຢ້ຽມ​ຊົມ 559 ຄັ້ງ

ໃນເວລາສົນທະນາທາງໂທລະສັບ ລະຫວ່າງ ສະຫາຍ ສີຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ ກັບ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນປະຕິວັດລາວ ເມື່ອວັນທີ 21 ມັງກອນ 2021 ຜ່ານມາ,ການນຳສູງສຸດຂອງທັງສອງປະເທດ ໄດ້ຮ່ວມກັນປະກາດໂດຍກຳນົດໃຫ້ປີ 2021 ເປັນປີແຫ່ງມິດຕະພາບ ລາວ-ຈີນ ຊຶ່ງທັງສອງຝ່າຍ ຈະຈັດກິດຈະກຳສະເຫຼີມສະຫຼອງວັນປະຫວັດສາດທີ່ສຳຄັນນີ້, ເພື່ອຊຸກຍູ້ໃຫ້ມິດຕະພາບ ຈີນ-ລາວ, ລາວ-ຈີນ ກ້າວເຂົ້າສູ່ຈິດໃຈຂອງປະຊາຊົນໃຫ້ເລິກເຊິ່ງກວ່າເກົ່າ.

ໃນການໂອ້ລົມ, ນອກຈາກ ສະຫາຍ ສີຈິ້ນຜິງ ໄດ້ຕາງໜ້າພັກ, ລັດຖະບານ ແລະ ປະຊາຊົນຈີນສະແດງຄວາມຊົມເຊີຍຕໍ່ ສະຫາຍ ທອງລຸນ ສີສຸລິດ ທີ່ໄດ້ຮັບເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ສະຫາຍ ຍັງໄດ້ຕີລາຄາສູງເຖິງຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນ ປະຕິວັດລາວ, ກອງປະຊຸມ ໄດ້ສະເໜີແນວຄິດໃໝ່ ແລະ ມາດຕະການໃໝ່ຕ່າງໆ ໃນການຄຸ້ມຄອງພັກ ແລະ ການບໍລິຫານປະເທດ. ນີ້ມີຄວາມ ໝາຍສຳຄັນຢ່າງຍິ່ງ ຕໍ່ການຊຸກຍູ້ພາລະກິດສັງຄົມນິຍົມຂອງລາວ ໃຫ້ພັດທະນາກ້າວໄປໜ້າຢ່າງບໍ່ຢຸດຢັ້ງ. ເຊື່ອໝັ້ນວ່າ: ພາຍໃຕ້ການນຳພາຂອງຄະນະບໍລິຫານງານສູນກາງພັກ ປະຊາຊົນ ປະຕິວັດລາວຊຸດໃໝ່ ທີ່ມີສະຫາຍ ທອງລຸນ ສີສຸລິດ ເປັນແກນນຳ, ທົ່ວພັກ ແລະ ປະຊາຊົນທົ່ວປະເທດລາວ ຈະສາມັກຄີເປັນຈິດໜຶ່ງໃຈດຽວກັນ, ພະຍາຍາມສູ້ຊົນເຮັດສຳເລັດໜ້າທີ່ ແລະ ເປົ້າໝາຍທີ່ໄດ້ກຳນົດໄວ້ ໃນກອງປະຊຸມໃຫຍ່ຄັ້ງທີ 11 ຂອງພັກປະຊາຊົນປະຕິວັດລາວ.

ຕໍ່ກັບສາຍພົວພັນມິດຕະພາບ ຈີນ-ລາວ, ສະຫາຍ ສີຈິ້ນຜິງ ຊີ້ອອກວ່າ: ຈີນ ແລະ ລາວ ແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນ ແລະ ມີພູຜາແມ່ນ້ຳຕິດຈອດກັນ, ການຢຶດໝັ້ນການນຳພາຂອງພັກ, ຢຶດໝັ້ນທິດທາງສັງຄົມນິຍົມ, ແມ່ນຈຸດພິເສດ ແລະ ທາດແທ້ຂອງສາຍພົວພັນ ຈີນ-ລາວ. ປັດຈຸບັນ, ສາຍພົວພັນ ຈີນ-ລາວ ພວມຢູ່ໃນໄລຍະທີ່ດີທີ່ສຸດໃນປະຫວັດສາດ, ເມື່ອປະເຊີນໜ້າກັບການປ່ຽນແປງອັນໃຫຍ່ຫຼວງຂອງໂລກໃນຮອບຮ້ອຍປີຜ່ານມາ ແລະ ຜົນກະທົບຈາກການແຜ່ລະບາດຂອງພະຍາດໂຄວິດ-19, ຈີນ ຍິນດີຮ່ວມກັບລາວ, ເພີ່ມທະວີການໄປມາຫາສູ່ກັນ ລະຫວ່າງ ການນຳຂັ້ນສູງຕື່ມອີກ, ເພີ່ມທະວີການແລກປ່ຽນທາງຍຸດທະສາດ, ລົງເລິກການແລກປ່ຽນບົດຮຽນດ້ານການຄຸ້ມຄອງພັກ ແລະ ການບໍລິຫານປະເທດ. ສອງຝ່າຍ ຄວນຊຸກຍູ້ການສ້າງສາໂຄງການສຳຄັນຂະໜາດໃຫຍ່ຕ່າງໆເຊັ່ນ: ແລວເສດຖະກິດຈີນ-ລາວ, ທາງລົດໄຟຈີນ-ລາວ ແລະ ອື່ນໆ, ຊຸກຍູ້ໃຫ້ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ”ຂອງຈີນ ແລະ ລາວ ໄດ້ຮັບໝາກຜົນຫຼາຍກວ່າເກົ່າ. ພ້ອມກັນນັ້ນ, ສອງຝ່າຍຄວນລົງເລິກການແລກປ່ຽນ ແລະ ການຮ່ວມມືໃນຂົງເຂດວັດທະນະທຳ, ວຽກງານຊາວໜຸ່ມ, ການທ່ອງທ່ຽວ ແລະ ອື່ນໆ. ພ້ອມກັນເພີ່ມເນື້ອໃນດ້ານວັດທະນະທຳຂອງຄູ່ຮ່ວມຊາຕາກຳ ຈີນ-ລາວ ໃຫ້ອຸດົມສົມບູນຂຶ້ນຢ່າງບໍ່ຢຸດຢັ້ງ. ຈີນ ຈະສືບຕໍ່ສະໜັບສະໜູນຄວາມພະຍາຍາມຂອງລາວ ໃນການຕ້ານກັບພະຍາດໂຄວິດ-19, ຈີນ ຍິນດີພິຈາລະນາການຊ່ວຍເຫຼືອວັກຊິນຕ້ານເຊື້ອພະຍາດໂຄວິດ-19ໃຫ້ແກ່ລາວ, ພ້ອມຍິນດີເພີ່ມທະວີການປະສານງານ ແລະ ປະສານສົມທົບກັບລາວ ໃນວຽກງານສາກົນ ກໍຄືພາກພື້ນ, ຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຮ່ວມກັນ. ສະຫາຍ ສີຈິ້ນຜິງ ຍັງໄດ້ອວຍພອນໃຫ້ ສະຫາຍ ທອງລຸນ ສີສຸລິດ ຈົ່ງປະສົບຜົນສຳເລັດໃໝ່ໃຫຍ່ຫຼວງກວ່າເກົ່າໃນໜ້າທີ່ຕຳແໜ່ງໃໝ່ທີ່ສຳຄັນນີ້.

 

ໃນໂອກາດດັ່ງກ່າວ, ສະຫາຍ ທອງລຸນ ສີສຸລິດ ໄດ້ກ່າວວ່າ: ຂ້າພະເຈົ້າຂໍສະແດງຄວາມຂອບໃຈຕໍ່ສະຫາຍ ເລຂາທິການໃຫຍ່ ສີຈິ້ນຜິງ ທີ່ໄດ້ສົນທະນາທາງໂທລະສັບກັບຂ້າພະເຈົ້າຫຼັງຈາກກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນ ປະຕິວັດລາວ ອັດລົງດ້ວຍຜົນສຳເລັດໄດ້ບໍ່ດົນ. ນີ້ສະແດງໃຫ້ເຫັນວ່າ: ສະຫາຍ ເລຂາທິການໃຫຍ່ ສີຈິ້ນຜິງ ໄດ້ໃຫ້ຄວາມສຳຄັນຢ່າງສູງຕໍ່ສາຍພົວພັນລາວ-ຈີນ, ສາຍສຳພັນທີ່ເລິກເຊິ່ງ ແລະ ມິດຕະພາບອັນເປັນມູນເຊື້ອ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ.

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນ ປະຕິວັດລາວ ໄດ້ຮັບໝາກຜົນຫຼາຍດ້ານ, ພັກປະຊາຊົນປະຕິວັດລາວ ຈະຢຶດໝັ້ນແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກ, ນຳພາປະຊາຊົນລາວ ຍາດເອົາໄຊຊະນະໃໝ່ໃຫຍ່ຫຼວງກວ່າເກົ່າ, ສ້າງພື້ນຖານທີ່ໜັກແໜ້ນໃຫ້ແກ່ການຊຸກຍູ້ພາລະກິດສ້າງສັງຄົມນິຍົມຂອງລາວ. ລາວ ສະແດງຄວາມຂອບໃຈຢ່າງສຸດໃຈຕໍ່ ຈີນ ທີ່ໃຫ້ການສະໜັບສະໜູນ ແລະ ການຊ່ວຍເຫຼືອທີ່ລ້ຳຄ່າແກ່ລາວ ໃນແຕ່ລະໄລຍະການພັດທະນາຂອງລາວ ຊຶ່ງລວມທັງການຮັບມືກັບການແຜ່ລະບາດຂອງພະຍາດໂຄວິດ-19, ລາວ ຈະສືບຕໍ່ຊຸກຍູ້ການຈັດຕັ້ງປະຕິບັດແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳລາວ-ຈີນ, ເພີ່ມທະວີການຮ່ວມມືກັບ ຈີນ ໃນການສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນ ແລະ ຂົງເຂດອື່ນໆ, ຊຸກຍູ້ການແລກປ່ຽນໄມຕີຈິດມິດຕະພາບໃນລະດັບຕ່າງໆ. ລາວ ເຊື່ອໝັ້ນວ່າ: ພາຍໃຕ້ການນຳພາຂອງຄະນະກຳມະການສູນກາງພັກກອມມູນິດຈີນ ທີ່ມີສະຫາຍ ສີຈິ້ນຜິງ ເປັນແກນນຳ, ປະຊາຊົນຈີນ ຈະໄດ້ຮັບຜົນສຳເລັດໃໝ່ໃນການສ້າງປະເທດສັງຄົມນິຍົມທີ່ທັນສະໄໝຢ່າງຮອບດ້ານ, ບັນລຸເປົ້າໝາຍສູ້ຊົນຕາມເວລາທີ່ໄດ້ກຳນົດໄວ້.

ໃນທັດສະນະສວ່ນຕົວ, ຍາມໃດກໍສະແດງຄວາມຮູ້ບຸນຄຸນມາຍັງພັກ, ລັດ ແລະ ປະຊາຊົນຈີນ ທີ່ຢູ່ຄຽງຂ້າງກັບພັກ, ລັດ ແລະ ປະຊາຊົນລາວຕະຫຼອດມາ, ສປຈີນ ໃນຖານະເປັນຄູ່ຮວ່ມຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ ຄື: ເປັນບ້ານໃກ້ເຮືອນຄຽງທີ່ດີ, ເພື່ອນມິດທີ່ດິ, ສະຫາຍທີ່ດີ ແລະ ຄູ່ຮວ່ມມືທີ່ດີ ໄດ້ຖືກຈັດເປັນອັນດັບທີ 1 ຈາກ 53 ປະເທດ ທີ່ລົງທຶນຢູ່ ສປປ ລາວ. ນອກນັ້ນ, ສປຈີນ ຍັງໃຫ້ການຊວ່ຍເຫຼືອແກ່ ສປປ ລາວ ໃນຫຼາຍໂຄງການໃນມູນຄ່າຫຼາຍຕື້ຢວນເຊັ່ນ: ໂຄງການກໍ່ສ້າງໂຮງໝໍມະໂຫສົດ, ໂຄງການປັບປຸງ ແລະ ຍົກລະດັບໄອຊີທີຂອງກະຊວງອຸດສາຫະກຳ ແລະ ການຄ້າ, ໂຄງການວິທະຍາໄລເຕັກນິກວິຊາຊີບທາງລົດໄຟ, ໂຄງການຮວ່ມມືເຕັກນິກສູນກາງພັກ ແລະ ໂຄງການກໍ່ສ້າງບ້ານຈັດສັນເພື່ອຊົດເຊີຍທີ່ດິນທີ່ຖືກຜົນກະທົບຈາກໂຄງການທາງລົດໄຟ.

ຢັ້ງຢືນໄດ້ວ່າ: ການພົວພັນຮ່ວມມື ລະຫວ່າງ ສອງປະເທດໃນທຸກຂົງເຂດລ້ວນແຕ່ໄດ້ຮັບຜົນສຳເລັດຢ່າງຫຼວງຫຼາຍ, ມີການຮ່ວມມືທີ່ດີໃນຫຼາຍລະດັບ, ຫຼາຍຮູບແບບ, ນັບມື້ນັບກວ້າງຂວາງ ແລະ ເຂົ້າສູ່ລວງເລິກ. ຜົນສຳເລັດທີ່ຍິ່ງໃຫຍ່ເຫັນໄດ້ຈາກການແລກປ່ຽນການຢ້ຽມຢາມ, ການໄປມາຫາສູ່ຊຶ່ງກັນ ແລະ ກັນ ຢ່າງເປັນປົກກະຕິຂອງການນຳຂັ້ນສູງສຸດ. ສະເພາະສາມເຫດການທີ່ພົ້ນເດັ່ນໃນໄລຍະຜ່ານມາຂອງສອງປະເທດ ລາວ-ຈີນ ກໍຄືການສົ່ງດາວທຽມດວງທຳອິດຂອງ ສປປ ລາວ ຂຶ້ນສູ່ວົງໂຄຈອນ, ໃນວັນທີ 21 ພະຈິກ 2015, ການເຊັນສັນຍາໂຄງການສ້າງເສັ້ນທາງລົດໄຟ ລາວ-ຈີນ, ໃນວັນທີ 2 ທັນວາ 2015 ແລະ ຜົນສຳເລັດຂອງການສ້າງທາງດວ່ນນະຄອນຫຼວງວຽງຈັນຫາເມືອງວັງວຽງ ແຂວງວຽງຈັນ ເມື່ອຕົ້ນປີນີ້.

ສັງລວມແລ້ວ, ນັບແຕ່ພັກກອມມູນິດຈີນ ແລະ ພັກປປລາວ ໄດ້ສ້າງສາຍພົວພັນໂດຍກົງນຳກັນ, ໃນປີ 1959, ການພົວພັນຂອງສອງພັກ ແລະ ປະຊາຊົນສອງຊາດ ກໍໄດ້ມີການສະໜິດຕິດພັນກັນຢ່າງ ແໜ້ນແຟ້ນຕະຫຼອດມາ. ວັນທີ 25 ເມສາ 1961, ສອງປະເທດ ໄດ້ເຊັນສັນຍາສ້າງຕັ້ງສາຍພົວພັນການທູດນຳກັນ ເພື່ອຊຸກຍູ້ສົ່ງເສີມ ແລະ ຍົກລະດັບສາຍພົວພັນໃຫ້ສູງຂຶ້ນຢ່າງຕໍ່ເນື່ອງ. ໃນສະພາບການໃໝ່ໂດຍຢຶດໝັ້ນອຸດົມການດຽວກັນ, ການພົວພັນຮວ່ມມື ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ຈີນ-ລາວ ໄດ້ຂະຫຍາຍກວ້າງອອກຢ່າງຮອບດ້ານ, ສະແດງອອກວັນທີ 12 ພະຈິກ 2000, ສອງປະເທດ ໄດ້ອອກຖະແຫຼງການຮວ່ມກຳນົດການພົວພັນ ລະຫວ່າງ ຈີນ-ລາວ ເປັນ “ເພື່ອນບ້ານໃກ້ຄຽງທີ່ເປັນມິດ, ໄວ້ເນື້ອເຊື່ອໃຈກັນ, ໝັ້ນຄົງຍາວນານ ແລະ ຮວ່ມມືກັນຮອບດ້ານ” ໄດ້ກ້າວເຂົ້າສູ່ຍຸກໃໝ່, ຍຸກແຫ່ງຄວາມສີວິໄລ ແລະ ກ້າວເດີນໄປພ້ອມໆກັນ ດວ້ຍໄຊຊະນະ ແລະ ການພົວພັນຂອງສອງພັກ, ສອງລັດ ແລະ ປະຊາຊົນສອງຊາດ ໄດ້ກາຍເປັນຄວາມຈຳເປັນຢ່າງພາວະວິໄສທີ່ບໍ່ສາມາດຕັດແຍກອອກຈາກກັນໄດ້.

ໂດຍ: ດວງຈິດ ສະຫວັດບຸນມີ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com