ເສີມຂະຫຍາຍບົດບາດປະຈັນບານຂອງຊາວໜຸ່ມແຫ່ງຍຸກສະໄໝ

   ກອງ​ປະຊຸມ​ໂຄງ​ການສໍາ​ ມະ​ນາ​ວິທະຍາສາດ​ຊາວ​ໜຸ່ມ​ໃນ​ຫົວຂໍ້ “ເສີ່ມ​ຂະຫຍາຍ​ບົດ ບາດ​ປະຈັນບານ​ຂອງ​ຊາວ​ໜຸ່ມ​ແຫ່ງ​ຍຸກ​ສະໄໝ” ໄດ້​ຈັດ​ຂຶ້ນ​ໃນ​ວັນ​ທີ 17 ກຸມພາ​ນີ້, ທີ່​ສູນ​ກາງ​ຊາວ​ໜຸ່ມ​ປະຊາຊົນ​ ປະຕິວັດ​ລາວ ໂດຍ​ການ​ເປັນ​ປະທານ​ຂອງ​ທ່ານ ອາລຸນ​ໄຊ ສູນ​ນະ ລາດ ເລຂາ​ຄະນະ​ບໍລິຫານ​ງານ ​ສູນ​ກາງ​ຊາວ​ໜຸ່ມ​ປະຊາຊົນ​ປະຕິວັດ​ລາວ, ມີ​ຊາວ​ໜຸ່ມ​ຈາກ​ບັນດາ​ກະຊວງ, ອົງການ​ເຂົ້າ​ຮ່ວມ​ຢ່າງ​ຫຼວງ​ຫຼາຍ.

ການ​ສຳ​ມະ​ນາ​ຄັ້ງ​ນີ້, ປະ ກອບ​ມີ​ທັງ​ໝົດ 12 ຫົວຂໍ້​ຍ່ອຍ​ແຕ່​ການ​ສໍາ​ມະ​ນາ​ຈະ​ມີ​ພຽງ​ແຕ່ 4 ຫົວຂໍ້​ຍ່ອຍ​ເພື່ອ​ເປັນ​ການ​ລະດົມ​ແນວ​ຄວາມ​ຄິດ ແລະ ເປັນ​ການ​ປຶກສາ​ຫາລື​ແລກປ່ຽນ​ບົດຮຽນ​ລະຫວ່າງ​ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ​ປະຊາຊົນ​ ປະຕິວັດ​ລາວ ກັບ ຄະນະ​ພັກ​ບັນດາ​ກະ​ຊວງ​-​ອົງການ ແລະ ບຸກຄົນ​ທີ່​ມີ​ບົດຮຽນ​ປະສົບ​ການ​ສໍາ​ມະ​ນາ​ວິທະຍາສາດ​ຊາວໜຸ່ມ ເສີມ​ຂະຫຍາຍ​ບົດບາດ​ປະຈັນບານ​ຂອງ​ຊາວ​ໜຸ່ມ​ແຫ່ງ​ຍຸກ​ສະໄໝ​ເພື່ອ​ເຮັດ​ໃຫ້​ເນື້ອ​ໃນ, ບົດ​ ທີ່​ໄດ້​ມີ​ການ​ກະກຽມ​ແລ້ວ​ໂດຍ ​ພື້ນຖານ​ໃຫ້​ມີ​ຄວາມອຸດົມ ສົມບູນ, ເພື່ອ​ໃຫ້​ສາມາດ​ກ້າວ​ໄປ​ສູ່​ຂັ້ນ​ຕອນ​ໃນ​ການ​ຮັບຮອງ​ເອົາ ແລະ ກະກຽມ​ພິມ​ເປັນ​ເອກະສານ​ເປັນ​ບົດຮຽນ​ເພື່ອ​ຮັບ​ໃຊ້​ແກ່​ການ​ສຶກສາ​ອົບຮົມ​ຊາວ​ໜຸ່ມ​-​ເຍົາວະ​ຊົນ ​ໃນ​ໄລ ຍະ​ໃໝ່​ໃຫ້​ມີ​ປະສິດ​ທິ​ຜົນ ແລະ ແທດເໝາະ​ກັບ​ສະພາບ​ການ​ໃນ​ປັດ​ຈຸ​ບັນ.

(ຂ່າວ​-​ພາບ: ບຸນ​ອູ້ມ)