Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສ້າງລາຍ​ຮັບ​ຈາກ​ການ​ລ້ຽງ​ໄກ່​ຂາຍພາ​ຄອບຄົວ​ມີ​ຢູ່​ມີ​ກິນ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 18/02/2021 13:39:29 ຈຳ​ນວນ​​ຢ້ຽມ​ຊົມ 868 ຄັ້ງ

 

​ໂດຍ: ສ.ນາກ​ກາລະ​ສິນ

 

   ປັດຈຸບັນ, ການ​ລ້ຽງສັດ​ເປັນ​ສິນຄ້າ​ແມ່ນ​ທາງ​ເລືອກ​ໜຶ່ງ ທີ່​ສ້າງ​ຄວາມ​ຮັ່ງມີ ​ໃຫ້​ແກ່​ຄອບຄົວ​ຍ້ອນ​ວ່າ​ປະ​ເທດ​ເຮົາ​ ເປັນ​ປະ​ເທດ​ກະສິກຳ ​ຊຶ່ງພັກ ​ແລະ ລັດຖະບານ ​ໄດ້​ຖື​ເອົາ​ການ​ຜະລິດກະສິກຳ​ເປັນ​ສິນຄ້າ ​ເປັນ​ປັດ​ໄຈ​ຕັດສິນ​ການ​ພັດທະນາ​ຊົນນະບົດ, ​ແກ້​ໄຂ​ຄວາມທຸກ​ຍາກຂອງ​ປະຊາຊົນ ​ແລະ ລັດຖະບານ​ກໍ​ໄດ້​ເອົາ​ໃຈ​ໃສ່​ຊຸກຍູ້​ສົ່ງ​ເ​ສີມ​ໃຫ້​ປະຊາຊົນ ຫັນ​ຈາກ​ການ​ຜະລິດ​ແບບ​ທຳ​ມະ​ຊາດ​ໄປ​ສູ່​ການ​ຜະລິດ​ເປັນ​ສິນຄ້າ ​ໂດຍ​ນຳ​ໃຊ້​ເຕັກນິກ​ວິທະຍາສາດ​ເຂົ້າ​ໃນ​ການ​ຜະລິດ ​ເພື່ອ​ໃຫ້​ມີລາຍ​ຮັບ​ສູງ ໃນ​ນີ້, ການ​ລ້ຽງ​ສັດ​ເປັນ​ສິນຄ້າ ​ແມ່ນທາງ​ເລືອກ​ທີ່​ດີ ​ແລະ ມີ​ຜົນ​ຕອບ​ຮັບ​ຢ່າງ​ພໍ​ໃຈ ຄື​ດັ່ງ: ​ຄອບຄົວ ທ່ານ ນາງ ຄູນ​ມີ ຈັນທະ​ສິດ ທີ່​ມີ​ຊີວິດ​ການ​ເປັນ​ຢູ່​ອຸດົມສົມບູນ ຍ້ອນ​ການ​ລ້ຽງ​ໄກ່​ເປັນ​ສິນຄ້າ.

     ນາງ ຄູນ​ມີ ຈັນທະ​ສິດ ອາຍຸ 44 ປີ ​ໄດ້​ໃຫ້​ສຳພາດ​ວ່າ: ປັດຈຸບັນ ​ຕົນເອງຢູ່ບ້ານສຸກ​ຈະ​ເລີ​ນ ເມືອງ​ຜາ​ອຸດົມ​ ແຂວງ​ບໍ່ແກ້ວ ຄອບຄົວມີສະມາຊິກ​ 4 ​ຄົນ, ແຮງ​ງານ​ຕົ້ນຕໍ 2 ຄົນ. ອາຊີບໃນເມື່ອກ່ອນແມ່ນ​ເຮັດນາ, ​ເຮັດ​ສວນ ​ແລະ ລ້ຽງສັດ ​​​ແຕ່​ສະພາບ​ເສດຖະກິດ​ຂອງ​ຄອບຄົວ​​ໃນ​ເວລາ​ນັ້ນແມ່ນ​ພົບ​ຄວາມ​ຫຍຸ້ງຍາກ ​ແລະ ຝືດ​ເຄືອງ​ພໍ​ສົມຄວນ​ ຈົນ​ມາ​ຮອດ​ປີ 2019 ທາງຫ້ອງການກະສິກຳ-ປ່າໄມ້ເມືອງຜາອຸດົມ ໄດ້ສົມທົບກັບໂຄງການຟື້ນຟູຊີວິດ​ການ​ເປັນ​ຢູ່ໃຫ້ແກ່ປະຊາຊົນ ຜູ້​ຖືກ​ຜົນ​ກະທົບ​ຈາກ​ໂຄງການ​ສ້າງ​ເຂື່ອນ​ໄຟຟ້າ​ນ້ຳຕົກ​ນ້ຳທາ1 (SSAFE) ​ໄດ້​ເອົາ​ຂ້າພະ​ເຈົ້າ​ໄປ​ທັດສະນະ ແລະ ​ໄປຝຶກ​ອົບຮົມ​ຢູ່​ສວນ​ສາທິດ​ຂອງ​ໂຄງການ​ດັ່ງກ່າວ ​ເປັນຕົ້ນ​ແມ່ນ​ຝຶກ​​ເຕັກນິກວິທີ​ການປູກຝັງ-​ລ້ຽງສັດ, ການ​ບົວລະບັດ​ຮັກສາ ​ຊຶ່ງມີ​ຫຼາຍກິດຈະກຳ​ຄື: ຝຶກ​ອົບຮົມ​ກ່ຽວ​ກັບ​ການ​ປູກ​ພືດລະດູຝົນ-ລະດູ​ແລ້ງ, ການ​ເຮັດ​ຫົວ​ເຊື້ອ​ປູກ​ເຫັດ ການ​ເພາະ​ພັນ​ກົບ-ການລ້ຽງ​ກົບ, ລ້ຽງ​ງົວ, ຄວາຍ, ​ແບ້ ​ແລະ ການ​ລ້ຽງສັດ​ປີກ​ເປັນຕົ້ນ. ພາຍຫຼັງ​ສຳ​ເລັດ​ການ​ຝຶກ​ອົບຮົມ​ວິທີ​ການ​ປູກ-ການ​ລ້ຽງ​ແລ້ວ ຄອບຄົວ​ຂອງ​ຂ້າພະ​ເຈົ້າຈຶ່ງ​ໄດ້​ຕັດສິນ​ໃຈ​ລ້ຽງສັດ​​ຄື: ການ​ລ້ຽງ​ໄກ່ ສ່ວນ​ແນວ​ພັນ​ໄກ່​ແມ່ນ​ທາງ​ໂຄງການ​ເອສ​ເຊບ ເພິ່ນ​ສະໜອງ​ໃຫ້ ​ແລະ ກໍ​ເປັນ​ອາຊີບ​ທີ່​ຂ້າພະ​ເຈົ້າ​ເຄີຍ​ເຮັດ​ມາ​ແຕ່​ກ່ອນ, ຫຼັງ​ຈາກ​ໄດ້​ປະກອບ​ອາຊີ​ບລ້ຽງ​ໄກ່ມາຂາຍ ​ເຫັນ​ໄດ້​ຢ່າງ​ຈະ​ແຈ້ງ​ວ່າ​ຊີວິດການ​ເປັນ​ຢູ່​ຂອງ​ຄອບຄົວ​ໄດ້​ມີ​ການ​ຫັນ​ປ່ຽນ​ດີ​ຂຶ້ນ​ເປັນ​ກ້າວໆ ​ຊຶ່ງ​​ຄອບຄົວ​ຂອງ​ຂ້າພະ​ເຈົ້າ ມີ​ໄກ່​ຢູ່​ທັງ​ໝົດ​ປະມານ 300 ກວ່າ​ໂຕ, ຂາຍ​ໃນ​ລາຄາ 50.000 ກີບ​ຕໍ່​ກິໂລ, ສຳລັບ​ໄກ່​ນ້ອຍ​ອາຍຸ​ປະມານ 2-3 ອາທິດ​ແມ່ນ​ຂາຍ​ເປັນ​ຄູ່, ​ໃນ​ລາຄາ 10.000 ກີບ​ຕໍ່​ຄູ່, ​​ເດືອນ​ໜຶ່ງ​ໄດ້​ຂາຍ​ໄກ່​ປະມານ 10-20 ກວ່າ​ໂຕ ​ໄດ້​ເງິນ​​ປະມານ 500.000 ກີບຕໍ່​ເດືອນ ສະຫຼຸບລວມ​ໄດ້​ຮັບ​ເງິນ​ເຂົ້າຄອບ​ຄົວ​ປະມານ 6 ລ້ານກີບ​ຕໍ່​ປີ.

 

      ທ່ານ ນາງ ຄູນ​ມີ ຈັນທະ​ສິດ ຍັງ​ໄດ້​ກາວ​ຕື່ມ​ອີກ​ວ່າ: ຜົນສໍາ​ເລັດ​ໃນ​ການ​ສ້າງ​ເສດຖະກິດ​ຄອບຄົວ​ຂອງ​ຂ້າພະ​ເຈົ້າຕົ້ນຕໍແມ່ນ​ຍ້ອນປະ​ຕິ​ບັດ​ຕາມ​ແນວທາງ​ນະ​ໂຍບາຍ​ຂອງ​ພັກ-ລັດຖືກຕ້ອງ ແລະ ສອດຄ່ອງ ​ຊຶ່ງ​​ເຮັດ​ໃຫ້​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດມີ​ໂອກາດ​ໄດ້​ນຳ​ໃຊ້​ທ່າ​ແຮງ​ຂອງ​ຕົນ ເຂົ້າ​ໃນ​ການ​ພັດທະນາ​ຊີວິດ​ການ​ເປັນ​ຢູ່​ຂອງ​ຄອບຄົວ​ໃຫ້​ຫຼຸດ​ພົ້ນອອກ​ຈາກ​ຄວາມທຸກ​ຍາກ ​ໂດຍ​ໄດ້​ຮັບການ​ອູ້ມຊູ​ຊ່ວຍ​ເຫຼືອ ຈາກ​ຫຼາຍ​ພາກສ່ວນ, ​ເປັນຕົ້ນ ຫ້ອງການ​ກະສິກຳ-ປ່າ​ໄມ້​ເມືອງ ​ແລະ ​ໂຄງການ​ເອສ​ເຊບ ທີ່​ມີ​ຄວາມ​ເປັນ​ຫ່ວງ​ເປັນ​ໃຍ ​ໄດ້​ນຳ​ເອົາ​ໂຄງການ​ດີໆ​ມາ​ໃຫ້ ​ຊຶ່ງ​ເປັນ​ການ​ສ້າງ​ໂອກາດ​ໃຫ້​ຄອບຄົວ ຂອງ​ຂ້າພະ​ເຈົ້າ ​ໄດ້​ມີ​ວຽກ​ເຮັດ​ງານ​ທຳ, ມີ​ລາຍ​ຮັບ​ທີ່​ໝັ້ນຄົງ ​ແລະ ຊີວິດ​ການ​ເປັນ​ຢູ່​ຂອງ​ຄອບຄົວ​ໄດ້​ຮັບ​ການ​ພັດທະນາ​ດີ​ຂຶ້ນ​ເປັນ​ກ້າວໆ ​ແລະ ຈະ​ສືບ​ຕໍ່​ຂະຫຍາຍ​ການ​ລ້ຽງສັດ ​ໃຫ້​ຫຼາຍ​ຂຶ້ນ​ຕື່ມ ​ເພື່ອ​ເຮັດ​ໃຫ້​ຄອບຄົວ​ມີ​ລາຍ​ຮັບ​ເພີ່ມ​ຂຶ້ນ. ປັດຈຸບັນ,ຊີວິດ​ການ​ເປັນ​ຢູ່​ຂອງ​ຄອບຄົວ​​ແມ່ນມີ​ການ​ປ່ຽນ​ແປງ​ດີ​ຂຶ້ນ​ຫຼາຍ​ຖ້າ​ທຽບ​ໃສ່​ກັບ​ເມື່ອ​ກ່ອນ, ມີ​ເຮືອນ​ຢູ່​ຖາວອນ 1 ຫຼັງ, ມີ​ພາຫະນະ​ຮັບ​ໃຊ້, ມີ​ເງິນ​ໃຊ້​ຈ່າຍ​ປະຈຳ​ວັນ, ມີ​ແຫຼ່ງລາຍ​ຮັບ​ທີ່​ໝັ້ນຄົງ, ມີ​ເງິນ​ທຶນ​ສ່ົ່ງ​ເສີມ​ລູກ​ຮຽນ​ໜັງສື, ສິ່ງ​ສຳຄັນ ​ແມ່ນ​ມີ​ຄວາມ​ພາກພູມ​ໃຈ​ຫຼາຍຕໍ່​ກັບ​ຜົນ​ໄດ້​ຮັບ​ ເຖິງ​ວ່າ​ມັນ​ຈະ​ໜ້ອຍ ​ແຕ່​ກໍ​ໄດ້​ມາ​ດ້ວຍ​ເຫື່ອ​ແຮງ​ອັນ​ບໍລິສຸດ ​ແລະ ທຸກ​ຄົນ​ສາມາດ​ປ່ຽນ​​ແປງ​ຕົນ​​ເອງ ຖ້າ​ຮູ້ຈັກ​ໝູນ​ໃຊ້ກາລະ​ໂອກາດ ​ແລະ ທ່າ​ແຮງ​ຂອງ​ຕົນ.

      ທ່ານ ຊຽງ​ເພັງ ຈິດ​ດາ​ວົງ ກຳມະການ​ພັກ​ເມືອງ ​ເລຂາ​ຄະນະ​ພັກ​ຮາກ​ຖານ​ກຸ່ມ​​ຈັດ​ສັນ​ຫາດ​ມວກ ​ໄດ້​ກ່າວ​ຢັ້ງຢືນຕື່ມ​ວ່າ: ຄອບຄົວ ນາງ ຄູນ​ມີ ຈັນທະ​ຈິດ ​ແມ່ນ​ຄອບຄົວ​ໜຶ່ງ​ທີ່​ມີ​ຄວາມ​ດຸ​ໝັ່ນ, ອົດທົນ, ​ເຮັດ​ແທ້​ທຳ​ຈິງ ​ແລະ ມີ​ຄວາມ​ຕັ້ງອົກ​ຕັງ​ໃຈ ​ໃນ​ການ​ພັດທະນາ​ຕົນ​ເອງ​ກໍ​ຄື: ພັດທະນາ​ຄອບຄົວ ຈຶ່ງ​ເຮັດ​ໃຫ້​ຊີວິດ​ການ​ເປັນ​ຢູ່ ຂອງ​ຄອບຄົວ​ຜູ້ກ່ຽວ ​ໄດ້​ຮັບ​ການ​ພັດທະນາ​ດີ​ຂຶ້ນ ​ແລະ ກໍ​ເປັນ​ແບບຢ່າງ​ທີ່​ດີ ​ໃຫ້​ແກ່​ພໍ່​ແມ່​ປະຊາຊົນ​ພາຍ​ໃນ​ບ້ານ ທາງ​ອຳນາດ​ການ​ປົກຄອງ​ຂັ້ນ​ເທິງ ກໍ​ຈະ​ສືບ​ຕໍ່​ຊຸກຍູ້​ສົ່ງ​ເສີມ ​ໃຫ້​ພໍ່​ແມ່​ປະຊາຊົນ​ພາຍ​ໃນ​ເມືອງ, ​ແຂວງ ສຸມ​ໃສ່​ຜະລິດ​ກະສິກຳ​ເປັນ​ສິນຄ້າ ​ໃຫ້​ຫຼາຍ​ຂຶ້ນ​ຕາມ​ທ່າ​ແຮງ​ຂອງ​ຕົນ ​ເພື່ອ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ປະຊາຊົນ​ມີ​ການ​ປ່ຽນ​ແປງ​ດີ​ຂຶ້ນ ກ້າວ​ໄປ​ສູ່​ການ​ລົບ​ລ້າງ​ຄວາມທຸກ​ຍາກ​ເທື່ອ​ລະ​ກ້າວ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com