ໜັງສືພິມ ປະຊາຊົນ

ໜ່ວຍເລືອກຕັ້ງ ບ້ານໜອງບອນ ຮັບປະກັນປ່ອນບັດໃຫ້ໄດ້ 100%

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 21/02/2021 11:34:15 ຈຳນວນຢ້ຽມຊົມ 807 ຄັ້ງ

ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ ໄດ້ຈັດພິທີປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ IX ແລະ ສະມາຊິກສະພານະຄອນຫຼວງ ຊຸດທີ II ໂດຍເປັນກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມພັນລະຍາ ແລະ ປະຊາຊົນ ຜູ້ທີ່ມີອາຍຸແຕ່ 18 ປີ ຂຶ້ນໄປເຂົ້າຮ່ວມ, ເພື່ອເຮັດໃຫ້ການເລືອກຕັ້ງຄັ້ງນີ້ໄດ້ຮັບຜົນສຳເລັດຕາມຄາດໝາຍ 100% ພິທີດັ່ງກ່າວໄດ້ຈັດຂຶ້ນໃນວັນທີ 21 ກຸມພາ ນີ້ ທີ່ວັດໜອງບອນ ເມືອງໄຊເສດຖາ.

ບ້ານໜອງບອນ ປະກອບມີ ພົນລະເມືອງ 154 ຄົນ ຍິງ 813 ຄົນ ມີ 33 ໜ່ວຍ ມີຜູ້ມີສິດເລືອກຕັ້ງ 1.260 ຄົນ ຍິງ 691 ຄົນ ໂດຍໄດ້ກຳນົດຈຸດເລືອກຕັ້ງຢູ່ ວັດໜອງບອນ ແລະ ກໍມີຫີບປ່ອນບັດເຄື່ອນທີ່ເພື່ອອຳນວຍຄວາມສະດວກໃຫ້ແກ່ຜູ້ທີ່ມີຄວາມຫຍຸ້ງຍາກໃນການໄປປ່ອນບັດດ້ວຍຕົນເອງ.

(ຂ່າວ-ພາບ: ບຸນທົງ)