ໜັງສືພິມ ປະຊາຊົນ

ຈີ-7 ໃຫ້ສັນຍາປະກອບ 7,5 ຕື້ໂດລາໃຫ້ແກ່ຂໍ້ລິເລີ່ມວັກຊິນທົ່ວໂລກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 21/02/2021 15:57:54 ຈຳນວນຢ້ຽມຊົມ 375 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 18 ກຸມພາຜ່ານມາ, ອາເມຣິກາ ປະກາດຈະປະກອບ 4 ຕື້ໂດລາ ໃຫ້ແກ່ຂໍ້ລິເລີ່ມວັກຊິນທົ່ວໂລກ Covax.

ກ່າວຄຳເຫັນທີ່ກອງປະຊຸມຄວາມໝັ້ນຄົງ Munich ໃນວັນ 19 ກຸມພານີ້, ທ່ານ ອັນໂຕນີໂອ ກູເຕີເຣສ ເລຂາທິການໃຫຍ່ສະຫະປະຊາຊາດ ໄດ້ຮຽກຮ້ອງບັນດາພື້ນຖານເສດຖະກິດໃຫຍ່ຂຶ້ນກັບ G20 ລວມມີ; ອາເມຣິກາ, ສປຈີນ ແລະ ອິນເດຍ ສ້າງຕັ້ງກຸ່ມສະເພາະກິດສຸກເສີນ ແນໃສ່ເພີ່ມປະລິມານວັກຊິນທົ່ວໂລກຂຶ້ນທົບ 2 ເທົ່າ ໂດຍຜ່ານການແບ່ງປັນໃບອະນຸຍາດ ແລະ ຖ່າຍທອດເຕັກໂນໂລຊີ.

ຄຳຮຽກຮ້ອງຂອງທ່ານ ກູເຕີເຣສ ໄດ້ຍົກອອກມາ ພາຍຫຼັງ 2 – 3 ປະເທດຕາເວັນຕົກ ລວມມີ; ອັງກິດ ແລະ ຝຣັ່ງ ໃຫ້ຄຳໝັ້ນສັນຍາ ຍູ້ໄວການຈຳໜ່າຍວັກຊິນໃຫ້ບັນດາປະເທດພວມພັດທະນາ. ວັນທີ 18 ກຸມພາ, ອາເມຣິກາ ໄດ້ປະກາດວ່າ: ຈະປະກອບ 4 ຕື້ໂດລາ ໃຫ້ແກ່ຂໍ້ລິເລີ່ມວັກຊິນທົ່ວໂລກ Covax.

ກ່ອນໜ້ານັ້ນ, ບັນດາປະເທດສະມາຊິກ G7 ໄດ້ໃຫ້ຄຳໝັ້ນສັນຍາປະກອບ 7,5 ຕື້ໂດດລາ ໃຫ້ຂໍ້ລິເລີ່ມວັກຊິນທົ່ວໂລກ Covax ຂອງອົງການອະນາໄມໂລກ ແນໃສ່ຈຳໜ່າຍວັກຊິນໃຫ້ບັນດາປະເທດທຸກຍາກ.