Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ປະທານ ສນຊ ຢ້ຽມຢາມ ກອງພົນທີ 5

ເຜີຍ​ແຜ່​ໂດຍ​: admin ເວ​ລາ: 16/01/2020 08:58:01 ຈຳ​ນວນ​​ຢ້ຽມ​ຊົມ 2040 ຄັ້ງ

     ໄລຍະ​ຢູ່​ຢ້ຽມຢາມ ແລະ ເຮັດ​ວຽກ​ຢູ່​ແຂວງ​ຈຳປາສັກ ໂດຍ​ສະເພາະ​ວັນ​ທີ 14/1/ 2020, ທ່ານ ໄຊ​ສົມ​ພອນ ພົມວິຫານ ກຳມະການ​ກົມ​ການເມືອງ​ສູນ​ກາງ​ພັກ ປະ ທານ​ສູນ​ກາງ​ແນວ​ລາວ​ສ້າງ​ຊາດ (ສນຊ) ຫົວໜ້າ​ອະນຸ​ກຳມະການ​ໂຄສະນາ ແລະ ຂະບວນ​ການ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ພ້ອມ​ຄະນະ ໄດ້​ເດີນທາງ​ໄປ​ຢ້ຽມຢາມ​ກອງ​ພົນທະຫານ​ຮາບ​ທີ 5 ໂດຍ​ໄດ້​ຮັບ​ການ​ຕ້ອນຮັບ​ຈາກ​ທ່ານ ພັນ​ໂທ ຄຳ​ກົດ ອິນ​ສິ​ນາ ຮອງ​ຫົວໜ້າ​ຫ້ອງການ​ເມືອງ ພ້ອມ​ດ້ວຍ​ຄະນະ ແລະ ພົນທະຫານ​ກອງ​ພົນ​ດັ່ງກ່າວ​ຫຼາຍ​ຮ້ອຍ​ທ່ານ.
      ໃນ​ພິທີ, ທ່ານ ພັນ​ໂທ ຄຳ​ກົດ ອິນ​ສິ​ນາ ໄດ້​ຂຶ້ນ​ລາຍ ​ງານ​ສະພາບ​ການຈັດຕັ້ງ​ປະ ຕິບັດ​ວຽກ​ງານ​ຂອງ​ກອງ​ພົນ​ໃນ​ໄລຍະ​ຜ່ານ​ມາ ຊຶ່ງ​ໂດຍ​ລວມ​ແມ່ນ​ເຮັດ​ສຳເລັດ​ຕາມ​ແຜນການ​ທີ່​ກະຊວງ​ປ້ອງ​ກັນ​ປະເທດ ໄດ້​ກຳນົດ​ໄວ້ ເຮັດ​ໃຫ້​ພາຍ​ໃນ​ແຂວງ​ມີ​ຄວາມ​ສະຫງົບ​ເປັນ​ລະບຽບ​ຮຽບຮ້ອຍ​ໂດຍ​ພື້ນຖານ, ສ້າງ​ເງື່ອນໄຂ ແລະ ທ່າແຮງ​ທີ່​ດີ​ໃຫ້​ແກ່​ປະຊາຊົນ​ໄດ້​ທຳ​ການ​ຜະລິດ​ພັດທະນາ​ເສດ​ຖະ​ກິດ​-​ສັງຄົມ ຢ່າງ​ມີ​ຜົນ​ສຳ​ເລັດ.
      ຈາກ​ນັ້ນ, ທ່ານ​ປະທານ ສນຊ ກໍ​ໄດ້​ຕາງໜ້າ​ໃຫ້​ກົມ​ການເມືອງ​ສູນ​ກາງ​ພັກ, ແນວ​ລາວ​ສ້າງ​ຊາດ ແລະ ອົງການ​ຈັດ​ຕັ້ງ​ມະຫາຊົນ​ຂັ້ນ​ສູນ​ກາງ ສະແດງ​ຄວາມ​ຍ້ອງຍໍ​ຊົມເຊີຍ​ຜົນງານ​ຂອງ​ກອງ​ພົນ​ທີ​່ຍາດ​ມາ​ໄດ້​ໃນ​ຕະຫຼອດ​ໄລ ຍະ​ທີ່​ຜ່ານ​ມາ, ຈາກ​ນັ້ນ ທ່ານ​ໄດ້​ຍົກ​ໃຫ້​ເຫັນ​ວ່າ​ໃນ​ສະພາບ​ການ​ຂອງ​ໂລກ ແລະ ພາກ​ພື້ນ​ທີ່​ມີ​ທັງ​ກາລະ​ໂອກາດ ສິ່ງ​ອຳນວຍ​ຄວາມ​ສະດວກ ແລະ ສິ່ງ​ທ້າ​ທາຍ​ທົດ​ສອບ​ຫຼາຍ​ປະການ ໃນ​ປີ 2020, ກອງທັບ​ເຮົາ ຍິ່ງ​ຈະ​ຕ້ອງ​ໄດ້​ເປັນ​ເຈົ້າ​ການ​ຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່​ຂອງ​ຕົນ​ເອງ ໃນ​ພາລະກິດ​ປົກ​ປັກ​ຮັກສາ ແລະ ສ້າງສາ​ປະເທດ​ຊາດ ໃຫ້​ມີ​ຄວາມ​ສະຫງົບ​ສຸກ​ຢ່າງ​ໜັກ​ແໜ້ນ, ຄຽງ​ຄູ່​ກັນ​ນັ້ນ ກໍ​ໃຫ້​ເອົາໃຈໃສ່​ເຊື່ອມ​ຊຶມ​ມະຕິ 9 ສະໄໝ​ທີ X ຂອງ​ພັກ, ມູນເຊື້ອ​ວັນ​ສ້າງຕັ້ງ​ກອງທັບ, ວັນ​ສ້າງຕັ້ງ​ພັກ ປປ ລາວ ຕິດ​ພັນ​ກັບ​ການ​ໂຄສະນາ ແລະ ສ້າງ​ຂະບວນ​ການ ຂ່ຳນັບ​ຮັບ​ຕ້ອນ​ກອງ​ປະຊຸມ 3 ຂັ້ນ ຂອງ​ພັກ ກໍ​ຄື​ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XI ຂອງ​ພັກ ໃຫ້​ບັນລຸ​ຜົນ​ສຳ​ເລັດ.
ໃນ​ພິທີ, ທ່ານ ອາ​ລຸນ​ໄຊ ສູນ​ນະລາດ ກຳມະການ​ສຳຮອງ​ສູນ​ກາງ​ພັກ ເລຂາ​ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ ປປ ລາວ ໄດ້​ຕາງໜ້າ​ໃຫ້​ຄະນະ​ບໍລິຫານ​ງານ​ສູນ​ກາງ​ຊາວ​ໜຸ່ມ ປປ ລາວ ກໍ​ຄື​ຊາວ​ໜຸ່ມ​ລາວ ໃນ​ຂອບ​ເຂດ​ທົ່ວ​ປະເທດ ແລະ ໃນ​ທີ່​ປະຊຸມ ອວຍພອນ​ໄຊ​ອັນ​ປະເສີດ​ແດ່​ກອງທັບ​ປະຊາຊົນ​ລາວ ເນື່ອງ​ໃນ​ໂອກາດ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ທີ 20 ມັງກອນ ຈະ​ໝູນວຽນ​ມາ​ຄົບຮອບ 71 ປີ​ວ່າ: ເວລາ​ໃດ ກອງທັບ​ກໍ​ນຳ​ໜ້າ​ໃນ​ທຸກ​ວຽກ​ງານ ແລະ ເດັດດ່ຽວ​ໜຽວ​ແໜ້ນ ຜ່ານ​ຜ່າ​ອຸປະສັກ, ສຳເລັດ​ທຸກ​ໜ້າທີ່, ຕີ​ເອົາ​ຊະນະ​ສັດຕູ​ທຸກ​ໂຕ ສົມ​ແລ້ວ​ເປັນ​ກຳລັງ​ແກ່ນສານ​ທີ່​ເຂັ້ມແຂງ​ຂອງ​ການ​ປະຕິວັດ ເປັນ​ເຄື່ອງມື​ອັນ​ແຫຼມ​ຄົມ​ຂອງ​ພັກ.
       ທ່ານ​ກ່າວ​ຕື່ມ​ອີກ​ວ່າ: ຂໍ​ນຳ​ເອົາ​ຄວາມ​ຢື້​ຢາມ​ຖາມ​ຂ່າວ​ມາ​ຍັງ​ອ້າຍ​ນ້ອງ​ນັກຮົບ ໂດຍ​ສະເພາະ​ແມ່ນ​ຊາວ​ໜຸ່ມ​ທີ່​ເປັນ​ຜູ້​ສືບ​ທອດ​ກຳລັງ​ປະຕິວັດ, ເປັນ​ຖັນ​ແຖວ​ສຳຄັນ​ຢູ່​ໃນ​ກຳລັງ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະຫງົບ ເພາະສະນັ້ນ ໄລຍະ​ຜ່ານ​ມາ, ບໍ່​ວ່າ​ໃນ​ນາມ​ສົງຄາມ ຫຼື ຍາມ​ສະຫງົບ ຊາວ​ໜຸ່ມ ແລະ ກອງທັບ ໄດ້​ຕິດ​ພັນ​ກັນ​ໃນ​ພາລະກິດ​ປະຕິວັດ ພາຍ​ໃຕ້​ການ​ນຳພາ​ຂອງ​ພັກ​ເຮົາ​ຕະຫຼອດ​ມາ. ໃນ​ຖານະ​ຄົນ​ຮຸ່ນ​ໜຸ່ມ ຂໍ​ຖື​ໂອກາດ​ໃນ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 71 ປີ ນຳ​ເອົາ​ຄວາມ​ຢື້​ຢາມ​ຖາມ​ຂ່າວ​ຂອງ​ຄົນ​ໜຸ່ມ​ທົ່ວ​ປະເທດ ແລະ ຄວາມ​ເຊື່ອ​ໝັ້ນ​ຢ່າງ​ຍິ່ງ​ມາສູ່​ບັນດາ​ສະຫາຍ ແລະ ຝາກ​ຜ່ານ​ສະຫາຍ​ໄປ​ຍັງ​ອ້າຍ​ນ້ອງ​ນັກຮົບ ທີ່​ພວມ​ປະຕິບັດ​ໜ້າທີ່​ຢູ່​ເຂດ​ຫ່າງ​ໄກ​ສອກຫຼີກ, ເຂດ​ທຸລະກັນດານ ຈົ່ງ​ມີ​ຄວາມ​ເຂັ້ມແຂງ, ແຂງແຮງ, ບໍລິສຸດ​ຕໍ່​ຊາດ, ຕໍ່​ປະຊາຊົນ, ເສີມ​ຂະຫຍາຍ​ທາດ​ແທ້​ມູນ ເຊື້ອ​ປະຕິວັດ ສຳເລັດ​ທຸກ​ໜ້າທີ່, ຕັ້ງໜ້າ​ປັບ​ປຸງ​ແບບແຜນ​ທັນ​ສະໄໝ ກາຍເປັນ​ກອງທັບ​ທັນສະໄໝ ໃຕ້​ຮົ່ມ​ທຸງ​ຂອງ​ພັກ. ນຳ້ໃຈ​ວັນ​ທີ 20 ມັງກອນ ໝັ້ນຍືນ.
      ໃນ​ພິທີ ຍັງ​ມີ​ການ​ມອບ​ຂອງຂວັນ​ຈາກ​ສູນ​ກາງ​ແນວ​ລາວ​ສ້າງ​ຊາດ ແລະ ສູນ​ກາງ​ຊາວ​ໜຸ່ມ ປປ ລາວ ໃຫ້​ແກ່​ກອງ​ພົນທະຫານ​ຮາບ​ທີ 5 ຕື່ມ​ອີກ.
(ລູກ​ເຂົ້າໜຽວ ລາຍ​ງານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com