Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລ້ຽງ​ງົວ ແມ່ນທາງເລືອກໜຶ່ງ ຂອງການແກ້ໄຂຄວາມທຸກຍາກ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 16/03/2021 11:34:54 ຈຳ​ນວນ​​ຢ້ຽມ​ຊົມ 4288 ຄັ້ງ

ໂດຍ: ສິນທະວົງ ນາກກາລະສິນ

ປັດຈຸບັນ, ການ​ລ້ຽງ​ງົວ​ເປັນສິນຄ້າ​ແມ່ນ​ທາງ​ເລືອກ​ໜຶ່ງ ສຳລັບ​ປະຊາຊົນ ​ແລະ ຜູ້ປະກອບ​ການ ອັນເປັນ​ອີກໜຶ່ງປັດ​ໄຈ​ໃຫ້ແກ່​ການ​ພັດທະນາ​ຊົນນະບົດ ​ແກ້​ໄຂ​ຄວາມທຸກ​ຍາກ ​ຊຶ່ງພັກ ​ແລະ ລັດຖະບານ ຍາມ​ໃດກໍ​ໄດ້​ເອົາ​ໃຈ​ໃສ່ຊຸກຍູ້​ສົ່ງ​ເສີມ ​ໂດຍ​ຫັນ​ຈາກ​ການ​ຜະລິດ​ແບບ​ທຳ​ມະ​ຊາດ ​ໄປ​ສູ່​ການຜະລິດ​ເປັນ​ສິນ ຄ້າ ດ້ວຍ​ການ​ນຳ​ໃຊ້​ເຕັກນິກ​ວິທະຍາສາດ ​ເຂົ້າ​ໃນ​ການ​ຜະລິດກໍຄື​ການ​ລ້ຽງ​ງົວ​ຂາຍ​ເປັນ​ສິນຄ້າ ຄື​ດັ່ງ​ຄອບຄົວ​ຂອງ​ ທ່ານ ຄຳ​ພຸ່ງ ພອນ​ປະດິດ ທີ່​ມີ​ຊີວິດ​ການ​ເປັນ​ຢູ່​ອຸດົມສົມບູນ ຍ້ອນ​ການ​​ເຮັດຟາ​ມລ້ຽງ​ງົວ​ ຂາຍ​ເປັນສິນຄ້າ.​

ທ່ານ ຄຳ​ພຸ່ງ ພອນ​ປະດິດ ອາຍຸ 51 ປີ, ​ ປັດຈຸບັນຢູ່​ບ້ານ​ດົງ​ຂ່າ ​ເມືອງ​ຊະນະ​ຄາມ ແຂວງ​ວຽງ​ຈັນ ໄດ້​ໃຫ້ຮູ້ວ່າ: ຄອບຄົວ​ມີຢູ່ 4 ຄົນ ຍິງ 2 ຄົນ. ກ່ອນ​ຈະ​ມາ​ຢຶດຖື​ອາຊີບ​ການ​ລ້ຽງສັດ​ໃຫຍ່ເປັນ​ສິນຄ້າ ແມ່ນພາຍຫຼັງ​ຮຽນ​ຈົບ​ວິຊາ​ຊີບ​ປ່າ​ໄມ້ຊັ້ນກາງ​, ພາກ​ກາງ, ​ແຂວງບໍລິ​ຄຳ​ໄຊ ໃນສົກ​ປີ 1993-1994 ແມ່ນ​ໄດ້​ມາ​ປະກອບອາຊີບ​ເຮັດ​ໄຮ່​ເຮັດ​ນາບວກ​ກັບ​ອາຊີບຄ້າຂາຍຄື: ຊື້-​ຂາຍ ເປັດ​, ໄກ່​, ໝູ​, ງົວ, ຄວາຍ ແລະ ຊື້-ຂາຍໝາກກ້ວຍ, ມັນ​ດິບ, ມັນແຫ້ງ ສົ່ງ​ອອກປະ​ເທດ​ໃກ້ຄຽງ. ມາ​ຮອດ​ປີ 2014,​​ ໄດ້​ສ້າງຕັ້ງ​​ເປັນ​ ບໍລິສັດ​ ພຸ່ງ​ທະວີ​ສັກ ສົ່ງ​ເສີມ​ກະສິກຳ ​ຂາ​ເຂົ້າ-ຂາ​ອອກ ​ຈຳກັດ ​ຜູ້​ດຽວ; ຫຼັງ​ຈາກນັ້ນ, ກໍ​ເກີດ​ມີ​ແນວ​ຄວາມ​ຄິດ​ຢາກ​ລ້ຽງ​ສັດ, ​ເນື່ອງ​ຈາກ​ວ່າຄວາມ​ຕ້ອງການ​ຂອງ​ຕະຫຼາດ​ມີ​ສູງ ບວກ​ກັບ​ທ່າ​ແຮງ​ພາຍ​ໃນ​ຄອບຄົວ ແລະ ຄວາມ​ມັກ​ຮັກ​ໃນ​ອາຊີບ​ດັ່ງກ່າວ. ມາຮອດ​ປີ 2015 ​ ​ຈຶ່ງ​ໄດ້​ຕັດສິນ​ໃຈຫັນ​ມາ​ລ້ຽງ​ງົວ​ ​ໂດຍ​ເອົາ​ເງິນ​ເກັບ​ຂອງ​ຄອບຄົວ​ໄປ​ຊື້​ງົວ​ມາ​ລ້ຽງຈຳນວນ 10 ​ໂຕ; ຕໍ່​ມາ​ໄດ້ມີ​ໂຄງການ​ຈະ​ເລີ​ນອາຫານ​ຂອງ​ພອນ​ສັກ​ ໄດ້​ນຳ​ເອົາ​ແມ່​ພັນ​ງົວ 34 ​ໂຕ ມາ​ມອບ​ໃຫ້​ຄອບຄົວ​ຂອງ​ຂ້າພະ​ເຈົ້າ ພ້ອມ​ທັງ​ສ້າງຕັ້ງກຸ່ມລ້ຽງ​ງົວ. ມາ​ຮອດ​ປີ 2019 ​​ໄດ້​ປັບປຸງ​ຂະຫຍາຍ​ຄອກ​ງົວ ​ເພື່ອ​ທອມ​ຂາຍ (ຂຸນ​ງົວ​ຂາຍ)​. ທ້າຍ​ປີ 2020 ຫາ 2021 ກໍ​ໄດ້​ທົດ​ລອງ​ລ້ຽງ​ງົວ​ທອມຂາຍ ຈຳນວນ​ຢູ່ 37 ​ໂຕ, ​​ເປັນ​ງົວ​ເຖິກ ​ຊື້​ຕາມ​​ບ້ານ ​​ເພື່ອ​ມາ​ທອມ​ຂາຍ. ປັດຈຸບັນ​ນີ້ ມີ​ງົວ​ທັງ​ໝົດ 80 ກວ່າ​ໂຕ, ປະກອບ​ມີ​ 3 ​ສາຍ​ພັນ​ ຄື: ​ງົວ​ພື້ນ​ບ້ານ​​​, ງົວລູກ​ປະສົມ​ບາ​ມັນສະ​ໂລ​ລີ ​ແລະ ​ມີ​ງົວ​ຂີ​ວ; ສຳລັບ​ງົວແມ່​ພັນມີ 46 ​ໂຕ​, ເກີດ​ລູກ​ປະມານ 80% ຂອງ​ຈຳນວນງົວ​ແມ່​ພັນ. ສະ​​ເພາະການຂາຍງົວ​ແມ່ນ​ມີລາ​ຄາ​ຂ້ອນ​ຂ້າງ​ສູງ ​ເພາະວ່າ​ງົວຂ້າພະເຈົ້າເປັນ​ງົວ​ທີ່​ມີ​ເກດດີແດ່ ໂດຍ​ຊື້​ງົວ​ຈ່ອຍ​ລາຄາ​ທີ່​ວ່າ​ອ່າວ​ຕໍ່າຢູ່​ນຳ​ບ້ານ​ມາ​ທອມ​ປະມານ 2 ເດືອນ ຫາ 3​ ເດືອນ, ​ໂຕ​ໃດ​ພໍ​ມີ​ກຳ​ໄລ​ກໍຖື​ວ່າ​ຂາຍ ອອກ​, ແລ້ວ​ກໍຊື້​ໃໝ່​ເຂົ້າມາໝູນ​ວຽນ​ໄປ​ເລື້ອຍໆ; ສ່ວນຕະຫຼາດ​ຈຳໜ່າຍ ​ແມ່ນ​ຂາຍພາຍ​ໃນບ້ານ, ເມືອງ, ​ແຂວງ​ ​ເຂົາ​ເຈົ້າມາ​ຊື້​ໄປ​ລ້ຽງ ​ແລະ​ ຊື້​ໄປ​ເຮັດງານບຸນ, ​ເຮັດ​ງານ​ດອງ.​ ນອກຈາກ​ນັ້ນ, ຍັງມີ​ພໍ່ຄ້າ​ມາ​ແຕ່​ຫຼວງ​ພະ​ບາງ, ອຸດົມ​ໄຊ​ມາ​ຊື້ ​ໂດຍ​ຈະ​ຊື້​ເປັນ​ກິ​ໂລ, ​​ໂຕ​ໜຶ່ງ 270 ​ກິໂລຂຶ້ນ​ໄປ​, ຈະຂາຍໃນ​ລາຄາ 31.000 ກີບຕໍ່​ໂລ; ຈໍານວນ​ໜຶ່ງ​​ຂາຍ​​ປ້ອນ​ຕະຫຼາດ​ທາງ​ນະຄອນຫຼວງວຽງ​ຈັນ, ສ່ວນໂຕທີ່ຍັງ​ນ້ອຍ ​​ແມ່ນ​ສືບ​ຕໍ່​ລ້ຽງ​ໄວ້. ​​ປີ​ 2021 ນີ້, ມີລາຍຮັບຈາ​ການ​ຂາຍ​ງົວ ປະມານ 70 ລ້ານ​ກີບ ແລະ ​ຂາຍ​ງົວ​ທອມ 40 ລ້ານ​ກີບ, ລວມ​ລາຍ​ຮັບ​ເຂົ້າຄອບຄົວ 110 ລ້ານ​ກີບ​ຕໍ່​ປີ, ເຮັດ​ໃຫ້​ຊີ​ວິດ​ການ​ເປັນ​ຢູ່ດີຂຶ້ນ ມີ​ລາຍ​ຮັບທີ່ມີ​ຄວາມ​ໝັ້ນຄົງ ພຽງພໍກັບຄ່າ​ໃຊ້​ຈ່າຍ​ທຸກ​ເດືອນ​ໄດ້​, ເຮັດ​ໃຫ້​ຊີວິດ​ການ​ເປັນ​ຢູ່​ໃນ​ຄອບຄົວ​ດີ​ຂຶ້ນ​ມາ​ເລື້ອຍໆ.

ທ່ານ ຄໍາ​ພຸ່ງ ພອນ​ປະດິດ ຍັງ​​ໃຫ້ຮູ້​ຕື່ມກ່ຽວກັບການ​ບົວລະບັດ​ຮັກສາ​ດູ​ແລ​ຟາ​ມ​​ວ່າ​: ຕົ້ນຕໍ​​ແມ່ນ​ທຳ​ຄວາມ​ສະອາດ, ​ປ່ຽນ​ນ້ຳ ​ແລະ ​ອະນາ​ໄມ​ຄອກ, ​ສັກຢາ​ກັນ​ພະຍາດ, ສັກ​ຢາ​ບຳລຸງ ​​ສະ​ເພາະ​ໂຕ​ທີ່​​ເກີດ​ລູກ​ໃໝ່, ງົວ​​ບໍ່​ສົມບູນ​, ສັກຢາ​ກັນ​ພະຍາດ​ປາກ​ເປື່ອຍ​ລົງ​ເລັບ, ​ເຕົ້າ​ໂຮມ​ເລືອດ ​ຊຶ່ງ​ໃນ​ປີ​ນີ້​ແມ່ນ​ໄດ້ຮັບ​ການ​ຊ່ວຍເຫຼືອ​ຈາກ​ທາງຫ້ອງການ​ກະສິກຳ-ປ່າ​ໄມ້​ເມືອງ ​​ມາ​ສັກຢາໃຫ້​ເນື່ອງ​ໃນ​​ວັນ​ສັກ​ຢາ​ກັນ​ພະຍາດ​​ແຫ່ງ​ຊາດ. ສິ່ງສຳຄັນແມ່ນໄດ້​ຮັບ​ການ​ເອົາ​ໃຈ​ໃສ່​ໃກ້ຊິດຕິດແທດ ຈາກ​ວິຊາ​ການ​​ຂອງ​ເມືອງ​, ຂັ້ນ​ແຂວງ​ ແລະ ກະຊວງມາໂດຍຕະຫຼອດ, ພ້ອມທັງ​ໄ​ດ້ລົງ​ມາ​ຊຸກຍູ້ຕິດຕາມ, ​ແນະນຳທາງ​ດ້ານ​ຄວາມ​ຮູ້ວິຊາ​ການ ຢ່າງ ເປັນ​ປະຈຳ. ນອກຈາກ​ນັ້ນທາງ​ກະຊວງ​ກະສິກຳ ​ກໍ​ໄດ້​ເອົາ​ຂ້າພະ​ເຈົ້າໄປ​ຝຶກ​ອົບຮົມ​ເຕັກ​ນິກ​ການລ້ຽງສັດ​ ຢູ່​ສູນ​ລາວ​ເກົາຫຼີ​​ຫຼາຍ​ຄັ້ງ, ​ພ້ອມທັງມີໃບຢັ້ງຢືນກ່ຽວ​ກັບ​ການ​ປູກ-ການ​ລ້ຽງໃຫ້ພ້ອມ. ຫຼັງ​ຈາກ​ຝຶກ​ອົບຮົມ​ແລ້ວ​ກໍ​ໄດ້​ເອົາ​ມາ​ປະຕິບັດ​ຕົວ​ຈິງ ແລະ ຄາດ​ວ່າ​ໃນ​ທ້າຍ​ປີ​ນີ້ ຈະ​ມີ​ລາຍ​ຮັບ​ຈາກ​ການ​ຂາຍ​ງົວ​ເພີ່ມ​ຂຶ້ນ. ​​​

ທ່ານ ອາ​ດຸນ ສາລີ​ຢາ ​ຫົວໜ້າ​ໜ່ວຍ​ງານ​ລ້ຽງສັດ ​ແລະ ການ​ປະມົງ ​ເມືອງ​ຊະນະຄາມ ໄດ້ຢັ້ງຢືນວ່າ:​ ຄອບຄົວ ຂອງ​ທ່ານ ຄຳພຸງ ພອນປະດີດ ​ແມ່ນ​ຄອບຄົວ​ໜຶ່ງ​ທີ່​ມີ​ຄວາມ​ຮັບ​ຮູ້-​ເຂົ້າ​ໃຈ ​ຕໍ່​ແນວທາງ, ແຜນ​ນະ​ໂຍບາຍ​ຂອງ​ພັກ, ລະບຽບ​ກົດໝາຍ​ຂອງ​ລັດມີ​ຄວາມ​ສະດຸ້ງ​ໄວ, ຮູ້​ໝູນ​ໃຊ້​ທ່າ​ແຮງ​ຂອງ​ຕົນ ກໍ​ຄື​ສະພາບ​ຈຸດ​ພິ​ເສດ​ຂອງ​ເມືອງ ​ເຂົ້າ​ໃນ​ກາ​ນສ້າງ​ເສດຖະກິດ​ຄອບຄົວ; ຖ້າ​ຫາກ​ວ່າ​ທຸກ​ຄອບຄົວ​ພາຍ​ໃນ​ເມືອງ ​ເຮັດ​ໄດ້​ຄື​ດັ່ງ​ຄອບຄົວ​ດັ່ງກ່າວ, ​ເຊື່ອ​ໝັ້ນວ່າ​ປະຊາຊົນພາຍ​ໃນ​ເມືອງ​ຊະນະ​ຄາມ ຈະ​ມີ​ຊີວິດ​ການ​ເປັນ​ຢູ່ດີ​ຂຶ້ນ ​ແລະ ຫຼຸດ​ພົ້ນອອກ​ຈາກ​ຄວາມທຸກ​ຍາກ​ໄດ້​ຢ່າງ​ແນ່ນອນ.

ທ່ານ ສະຖຽນ​ ຄໍາ​ຈະ​ເລີ​ນ ​ເລຂາ​ພັກ​ບ້ານ ນາຍບ້ານ​ດົງ​ຂ່າ ​ໄດ້​ຢັ້ງຢືນຕື່ມ​ອີກ​ວ່​າ: ບ້ານ​ດົງ​ຂ່າ​​ເປັນ​ບ້ານ​ໜຶ່ງ ທີ່​ຂຶ້ນກັບ​ກຸ່ມ​ບ້ານ​ໂນນ​ສະຫວັນ ມີ 409 ຫຼັງຄາ​ເຮືອນ,​ 370 ຄອບຄົວ, ​ມີ​ພົນລະ​ເມືອງ​ທັງ​ໝົດ 1.725 ຄົນ ຍິງ 883 ຄົນ. ປະ​ຊົນ​ຊົນ​ສ່ວນ​ຫຼາຍ​ ​ມີ​ອາຊີບ​ປູ​ກຝັງ-​ລ້ຽງສັດ ທ້າຍ​ປີ 2013 ຖື​ວ່າມີ​ 2 ​ກຸ່ມທີ່​ເກີດ​ຂຶ້ນຄື: ​​​ກຸ່ມ​ລ້ຽງ​ໝູ ​ແລະ​ ກຸ່ມ​ລ້ຽງ​ງົວ; ກຸ່ມ​ລ້ຽງ​ໝູ​ຖື​ວ່າ​ພົ້ນ​ເດັ່ນ ທຳອິດ​​ມີ 12 ຄອບຄົວ ​ມາ​ຮອດ​ປັດຈຸບັນ​ມີ ​ 50 ຄອບຄົວ​ ​ແລະ ​ກຸ່ມ​ລ້ຽງ​ງົວ ມີ​ 3 ຄອບຄົວ. ​ສຳລັບ ທ່ານ ຄຳ​ພຸ່ງ ພອນປະດິດ ແມ່ນຄອບຄົວໜຶ່ງໃນກຸ່ມລ້ຽງງົວ ເປັນ​ຫົວໜ້າ​ກຸ່ມ​ລ້ຽງ​ງົວ​ ແລະ ທັງ​ເປັນ​ຮອງ​ນາຍບ້ານ; ຄົວຄອບເພິ່ນ ກໍເປັນຄອບຄົວໜຶ່ງ ທີ່ຖືເອົາການປູກຝັງ-ລ້ຽງສັດ ເປັນສິນຄ້າສ້າງລາຍຮັບເຂົ້າສູ່ຄອບຄົວ. ຄວາມສໍາເລັດ ດັ່ງກ່າວ, ໄດ້ມາກໍຍ້ອນພາຍໃນຄອບຄົວມີຄວາມສາມັກຄີຊ່ວຍເຫຼືອຊຶ່ງກັນ ແລະ ກັນ, ມີຄວາມອົດທົນ ສູງ, ມີຄວາມເປັນເຈົ້າການໃນການຊອກຮູ້ຮໍ່າຮຽນເອົາສິ່ງໃໝ່ໆ ແລະ ຮູ້ໝູນໃຊ້ທ່າແຮງບົ່ມຊ້ອນທີ່ຕົນ ເອງມີສ້າງເສດຖະກິດຄອບຄົວເຮັດໃຫ້ຊີວິດການເປັນຢູ່ຫຼຸດພົ້ນອອກຈາກຄວາມທຸກຍາກໄດ້; ທັງເປັນ ແບບຢ່າງໃຫ້ແກ່ປະຊາຊົນຜູ້ອື່ນໆ. ​​ຕາງໜ້າໃຫ້ອຳນາດການປົກຄອງບ້ານຂໍຢັ້ງຢືນວ່າ: ​ຄອບຄົວ ຂອງ ທ່ານ ​ຄຳ​ພຸ່ງ​ ​ເປັນ​ຄອບຄົວ​ຕົວ​ແບບ​ໃນ​ການ​ລ້ຽງ​ງົວຖື​ວ່າ​ເປັນ​​ຕົວ​ແບບທີ່​ດີ​. ດັ່ງນັ້ນ, ຈຶ່ງຂໍເຊີນຊວນ ພໍ່ແມ່​ປະຊາຊົນພາຍໃນບ້ານ, ເມືອງພວກເຮົາມາຖອດຖອນບົດຮຽນ, ມາ​ເບິ່​ງ​ເອົາ​ເປັນ​ຕົວຢ່າງ​ໄດ້ ເພື່ອນຳໄປ ໝູນໃຊ້ເຂົ້າໃນ​ການສ້າງ​ເສດຖະກິດ​ຄອບຄົວ​​ໃຫ້​ເຮົາ​ມີ​ຢູ່​ມີ​ກິນ ເພາະວ່າການ​ລ້ຽງສັດ​ ເປັນ​ອາຊີບ​ທີ່ໄດ້ສືບ ທອດມາ​ແຕ່​ດຶກ​ດຳ​ບັນ​​ປະຊາຊົນເຮົາຈົ່ງຖືເອົາມູນເຊື້ອດັ່ງກ່າວມາເພີ່ມພູນຄູນສ້າງ ໂດຍ​​ຫັນ​ມາປູກຝັງ-​ລ້ຽງສັດ​ຂາຍເປັນສິນຄ້າ ເພື່ອສ້າງ​ເສດຖະກິດ​ຄອບຄົວໃຫ້ຫຼຸດພົ້ນອອກຈາກຄວາມທຸກຍາກ​.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com