ຂ່າວສານຫວຽດນາມລາຍງານວ່າ: ສະກຸນເງິນດີຈີຕອນ ທີ່ໄດ້ຮັບການສະໜັບສະໜູນ ໂດຍທະນາຄານກາງອັງກິດ (BoE) ອະນຸຍາດໃຫ້ທຸລະກິດ ແລະ ຜູ້ທີ່ໃຊ້ບໍລິການສາມາດເຮັດທຸລະກຳໂດຍກົງກັບທະນາຄານ ແລະ ຫຼີກລ່ຽງໃນການໃຊ້ບໍລິການຂອງພາກສ່ວນທີສາມໃນເວລາຊຳລະເງິນ.

ຂ່າວລະບຸວ່າ: ໃນວັນທີ 19 ເມສາຜ່ານມາ, ທ່ານ ຣິຊິ ສຸນາກ ລັດຖະມົນຕີກະຊວງການເງິນອັງກິດ ໄດ້ແນະນຳໃຫ້ BoE ພິຈາລະນາຄວາມເປັນໄປໄດ້ຂອງ "Britcoin" ໃໝ່ ຫຼື ສະກຸນເງິນດີຈີຕອນທີ່ສະໜັບສະໜູນໂດຍທະນາຄານກາງ ເພື່ອແກ້ໄຂບັນດາສິ່ງທ້າທາຍທີ່ຈະເກີດຂຶ້ນກັບບັນດາຊະນິດເງິນດີຈີຕອນຄື "Britcoin". ກ່າວຄຳເຫັນທີ່ກອງປະຊຸມການເງິນ, ທ່ານ ສຸນາກ ໃຫ້ຮູ້ວ່າ: ລັດຖະບານອັງກິດຈະຈັດຕັ້ງຄະນະປະຕິບັດງານໃໝ່ ລະຫວ່າງ ກະຊວງການເງິນ ແລະ BoE ເພື່ອປະສານສົມທົບການຄົ້ນຄ້ວາ ແລະ ພັດທະນາສະກຸນເງິນດີຈີຕອນຂອງທະນາຄານກາງ (CBDC).

ເງິນດີຈີຕອນ ທີ່ໄດ້ຮັບການສະໜັບສະໜູນໂດຍ BoE ອະນຸຍາດໃຫ້ທຸລະກິດ ແລະ ຜູ້ທີ່ໃຊ້ບໍລິການ ສາມາດເຮັດທຸລະກຳໂດຍກົງກັບທະນາຄານ ແລະ ຫຼີກລ່ຽງ ໃນການໃຊ້ບໍລິການຂອງພາກສ່ວນທີສາມໃນເວລາຊຳລະເງິນ, ຊ່ວຍເພີ່ມທະວີບົດບາດຂອງທະນາຄານໃນລະບົບການເງິນ.

BoE ໃຫ້ຮູ້ວ່າ: ສະກຸນເງິນດີຈີຕອນ ຈະບໍ່ແທນທີ່ເງິນສົດ ຫຼື ບັນຊີທະນາຄານທີ່ມີຢູ່.