ວິທະຍຸກະຈາຍສຽງຫວຽດນາມລາຍງານວ່າ: ຕາມການລາຍງານຂອງກົມຄຸ້ມຄອງການກວດ, ປິ່ນປົວພະຍາດ, ກະຊວງສາທາລະນະສຸກໃຫ້ຮູ້ວ່າ: ມາຮອດປັດຈຸບັນ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ຈຳນວນ 2.475 ຄົນ ໄດ້ຮັບການປິ່ນປົວຫາຍດີເປັນປົກກະຕິ.

ຕາມເວັບໄຊສະຖິຕິ worldometers.info, ໄລ່ຮອດວັນທີ 20 ເມສານີ້, ທົ່ວໂລກມີຜູ້ຕິດເຊື້ອພະຍາດໂຄວິດ - 19 ສະສົມຫຼາຍກວ່າ 142 ລ້ານຄົນ, ໃນນັ້ນ ມີຜູ້ເສຍຊີວິດກວ່າ 3 ລ້ານຄົນ, ຈໍານວນຜູ້ທີ່ໄດ້ຮັບການປິ່ນປົວຫາຍດີແລ້ວ 121.187.563 ຄົນ, ອາເມຣິກາ ຍັງແມ່ນປະເທດຖືກຜົນກະທົບຢ່າງຮ້າຍແຮງທີ່ສຸດຈາກໂຣກລະບາດໂຄວິດ -19 ມີຜູ້ຕິດເຊື້ອ 32.471.579 ຄົນ, ຜູ້ເສຍຊີວິດ 581.551 ຄົນ, ຖັດຈາກນັ້ນແມ່ນ ອິນເດຍ ມີຜູ້ຕິດເຊື້ອ 15.314.714 ຄົນ, ມີຜູ້ເສຍຊີວິດ 180.550 ຄົນ, ບຣາຊິນ ມີຜູ້ຕິດເຊື້ອ 13.977.713 ຄົນ ແລະ ເສຍຊີວິດ 375.049 ຄົນ.

ອົງການອະນາໄມໂລກ (WHO) ລາຍງານວ່າ: ອິນເດຍ ມີຜູ້ຕິດເຊື້ອພະຍາດໂຄວິດ-19 ເພີ່ມ ໃໝ່ໃນ 24 ຊົ່ວໂມງຜ່ານມາ ລວມທັງໝົດ 261.500 ຄົນ, ໄດ້ສ້າງສະຖິຕິໃໝ່ ໃນຈຳນວນຜູ້ຕິດເຊື້ອເພີ່ມໃໝ່ລາຍວັນ ນັບແຕ່ເກີດການລະບາດຂອງພະຍາດໂຄວິດ-19 ຢູ່ອິນເດຍເປັນຕົ້ນມາ. ພ້ອມດຽວກັນນີ້, ຈຳນວນຜູ້ຕິດເຊື້ອພະຍາດເພີ່ມໃໝ່ຢູ່ອິນເດຍ ຕໍ່ມື້ທີ່ມີຈຳນວນ 2 ແສນຄົນຂຶ້ນໄປເປັນ 4 ມື້ລຽນຕິດ.