ໂດບ: ສີວັນ

ຈີນ ໄດ້ເຮັດສຳເລັດທຸກຂັ້ນຕອນຂອງລະບຽບການ ການໃຫ້ສັດຕະຍາບັນສັນຍາ RCEP ຢ່າງເປັນທາງການ, ກາຍເປັນປະເທດທຳອິດທີ່ສຳເລັດການໃຫ້ສັດຕະຍາບັນດັ່ງກ່າວໃນປະເທດສະມາຊິກ RCEP. ນຳໜ້າໝູ່ເຮັດສຳເລັດລະບຽບການກວດກາ ແລະ ໃຫ້ສັດຕະຍາບັນສັນຍາ RCEP. ນີ້ໄດ້ສະແດງໃຫ້ເຫັນເຖິງຄວາມຕັດສິນໃຈຂອງຈີນ ໃນການເລັ່ງລັດການຊຸກຍູ້ສັນຍາ RCEP ໃຫ້ສາມາດປະຕິບັດໄດ້ຕົວຈິງ.

ຕາມແຫຼ່ງຂ່າວຈາກຊີອາໄອ, ວັນທີ 15 ເມສານີ້, ທ່ານ ເຕີ້ງຊີຈຸ່ນ ເອກອັກຄະລັດຖະທູດຈີນປະຈຳອາຊຽນ ໄດ້ມອບເອກະສານການຮັບຮອງສັນຍາການພົວພັນຄູ່ຮ່ວມມືເສດຖະກິດຮອບດ້ານຂອງພາກພື້ນ ຫຼື RCEP ໃຫ້ແກ່ທ່ານ ລິມຈອກໂຮຍ ເລຂາທິການໃຫຍ່ອາຊຽນ ຢ່າງເປັນທາງການ. ນີ້ເປັນຂີດໝາຍທີ່ສະແດງໃຫ້ເຫັນວ່າ: ຈີນ ໄດ້ເຮັດສຳເລັດທຸກຂັ້ນຕອນຂອງລະບຽບການ ການໃຫ້ສັດຕະຍາບັນສັນຍາ RCEP ຢ່າງເປັນທາງການ, ກາຍເປັນປະເທດທຳອິດທີ່ສຳເລັດການໃຫ້ສັດຕະຍາບັນດັ່ງກ່າວໃນປະເທດສະມາຊິກ RCEP.

ເຈົ້າໜ້າທີ່ການທູດຈີນ ປະຈຳອາຊຽນ ກ່າວວ່າ: ຈີນ ພວມອອກແຮງຊຸກຍູ້ວຽກງານການກະກຽມດ້ານເຕັກນິກກ່ຽວກັບການຈັດຕັ້ງປະຕິບັດສັນຍາ RCEP, ເພື່ອຮັບປະກັນໃຫ້ປະເທດຕົນ ສາມາດປະຕິບັດຕາມພັນທະຂອງຕົນ ໄດ້ຢ່າງຮອບດ້ານ ໃນເມື່ອສັນຍາ RCEP ມີຜົນບັງຄັບໃຊ້.

ສະມາຊິກຂອງ RCEP ປະກອບມີ 15 ປະເທດ, ມີປະຊາກອນລວມກັນຫຼາຍກວ່າ 2,2 ຕື້ຄົນ. ຈຳນວນປະຊາກອນ, GDP ແລະ ມູນຄ່າການຄ້າ ລ້ວນແຕ່ກວມຫຼາຍກວ່າ 30% ຂອງໂລກ. ໃນຖານະເປັນສັນຍາການຄ້າເສລີທີ່ມີຂອບເຂດກວ້າງຂວາງທີ່ສຸດ ແລະ ໃຫຍ່ທີ່ສຸດໃນໂລກ, ພາຍຫຼັງເຊັນສັນຍາການພົວພັນຄູ່ຮ່ວມເສດຖະກິດຮອບດ້ານຂອງພາກພື້ນ ເປັນເວລາ 3 ເດືອນມານີ້, ທຸກສິ່ງທຸກຢ່າງກ່ຽວກັບ RCEP ລ້ວນແຕ່ໄດ້ຮັບຄວາມສົນໃຈຈາກຊາວໂລກ. ຈີນ ນຳໜ້າໝູ່ເຮັດສຳເລັດລະບຽບການກວດກາ ແລະ ໃຫ້ສັດຕະຍາບັນສັນຍາ RCEP. ນີ້ໄດ້ສະແດງໃຫ້ເຫັນເຖິງຄວາມຕັດສິນໃຈຂອງຈີນ ໃນການເລັ່ງລັດການຊຸກຍູ້ສັນຍາ RCEP ໃຫ້ສາມາດປະຕິບັດໄດ້ຕົວຈິງ.

ຂ່າວລະບຸວ່າ: ບັນດາປະເທດສະມາຊິກອື່ນໆ ກໍຈະສາມາດຮັບຮອງສັນຍາ RCEP ໄດ້ກ່ອນທ້າຍປີນີ້. ພາຍຫຼັງສັນຍາ RCEP ມີຜົນບັງຄັບໃຊ້ໃນວັນທີ 1 ມັງກອນປີ 2022, ຜະລິດຕະພັນກະສິກຳ ທີ່ມີຄຸນນະພາບດີ, ໝາກໄມ້, ກາເຟ ແລະ ອື່ນໆ ຂອງປະເທດລາວ ແລະ ປະເທດອາຊຽນອື່ນໆ ກໍຈະສາມາດເຂົ້າສູ່ຕະຫຼາດຈີນ ດ້ວຍອັດຕາພາສີທີ່ຕ່ຳກວ່າເກົ່າ, ນີ້ຖືວ່າເປັນຂ່າວດີສຳລັບປະຊາຊົນທັງສອງຝ່າຍ.

ຈີນ ນຳໜ້າໝູ່ໃນການຮັບຮອງສັນຍາ RCEP, ມີຜົນດີທີ່ເຮັດໃຫ້ຕະຫຼາດມີຄວາມໝັ້ນທ່ຽງກວ່າເກົ່າ. ເຖິງວ່າການເຊັນສັນຍາ RCEP ໄດ້ຜ່ານການເຈລະຈາ 28 ຮອບ ແລະ ໃຊ້ເວລາ 8 ປີ, ແຕ່ສຳລັບຫົວໜ່ວຍທຸກລະກິດການຕະຫຼາດສ່ວນຫຼາຍແລ້ວເຫັນວ່າ, ສັນຍາ RCEP ຍັງແມ່ນເລື່ອງໃໝ່. ຈີນ ນຳໜ້າໝູ່ຮັບຮອງສັນຍາ RCEP, ໄດ້ເປັນການສະໜອງຄວາມກກຽມດ້ານເຕັກນິກ ແລະ ໄລຍະເວລາທີ່ລ້ຳຄ່າໃຫ້ແກ່ຫົວໜ່ວຍທຸລະກິດການຕະຫຼາດອັນໄພສານ ຄວາມຄຸ້ນເຄີຍກັບກົດການສະສົມຂອງລະບຽບການຮ້ອງຂໍ້ໃບຢັ້ງຢືນແຫຼ່ງກຳເນີດສິນຄ້າ ແລະ ອື່ນໆ, ເພື່ອຈະໄດ້ນຳໃຊ້ກົດລະບຽບການຄ້າສາກົນໃໝ່ ໃຫ້ດີໃນລະດັບສູງທີ່ສຸດ.

ຈີນ ນຳໜ້າໝູ່ຮັບຮອງສັນຍາ RCEP, ຍັງມີໝາຍຄວາມວ່າຈີນ: ໄດ້ກ້າວໄປໜ້າອີກບາດກ້າວໜຶ່ງໃນດ້ານການເປີດປະຕູສູ່ພາຍນອກ ທີ່ມີລະດັບສູງກວ່າເກົ່າ, ການພັດທະນາທີ່ມີຄຸນນະພາບສູງຂອງຈີນ ກໍຈະສ້າງຜົນປະໂຫຍດໃຫ້ແກ່ປະເທດສະມາຊິກ RCEP, ທັງເປັນການເພີ່ມພະລັງຊີວິດໃຫ້ແກ່ການພັດທະນາເສດຖະກິດຂອງພາກພື້ນ.

ກ່ອນໜ້ານີ້ 20 ປີ, ຈີນ ໄດ້ຖືກຮັບຮອງໃຫ້ເຂົ້າເປັນປະເທດສະມາຊິກຂອງອົງການການຄ້າໂລກ ຫຼື WTO, ຈີນ ໄດ້ເຮັດບົດບາດເປັນປະເທດປະສານສົມທົບໃນຕ່ອງໂສ້ອຸດສາຫະກຳຂອງໂລກ. ປັດຈຸບັນ, ຈີນ ໄດ້ຢືນຢູ່ຈຸດເລີ່ມຕົ້ນໃໝ່ດ້ານການເປີດປະຕູສູ່ພາຍນອກດ້ວຍທ່າທີອັນໃໝ່ອ່ຽມ ຊຶ່ງຖືກກັບກະແສຂອງຍຸກສະໄໝ ທີ່ເປີດປະຕູສູ່ພາຍນອກ ແລະ ການຮ່ວມມື, ໄດ້ເຕົ້າໂຮມຄວາມປາຖະໜາຮ່ວມກັນຂອງປະເທດສະມາຊິກ, ສັນຍາ RCEP ຈະເປັນການເປີດປະຫວັດສາດໜ້າໃໝ່ ດ້ານການພັດທະນາ ແລະ ການຮ່ວມມືຂອງພາກພື້ນໃນອະນາຄົດຢ່າງແນ່ນອນ. ຄວາມຈິງຈະພິສູດໃຫ້ເຫັນວ່າ: ການຄ້າເສລີ, ການຮ່ວມມືແບບຕ່າງຝ່າຍຕ່າງມີຜົນປະໂຫຍດ ຈຶ່ງແມ່ນທິດທາງທີ່ຖືກຕ້ອງຂອງປະຫວັດສາດ.