Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມຄົບຄະນະ ເທື່ອທີ 7 ຂອງຄະນະກຳມະການເສດຖະກິດ ແຜນການ ແລະ ການເງິນ ສະພາປະຊາຊົນ ນວ

ເຜີຍ​ແຜ່​ໂດຍ​: admin ເວ​ລາ: 15/12/2019 10:35:57 ຈຳ​ນວນ​​ຢ້ຽມ​ຊົມ 2706 ຄັ້ງ

(ສພຊ) ກອງປະຊຸມຄົບຄະນະ ຂອງຄະນະກຳມະການ ເສດຖະກິດ, ແຜນການ ແລະ ການເງິນ ເທື່ອທີ 07 ສະພາປະຊາຊົນ ນະຄອນຫຼວງວຽງຈັນ ຊຸດທີ I ໄດ້ເປີດຂຶ້ນໃນວັນທີ 10 ທັນວາຜ່ານມາ ທີ່ຫ້ອງປະຊຸມສຳນັກງານອົງການປົກຄອງ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ຈັນທອນ ລັດຖະຈັກ ປະທານ ຄະນະກຳມະການເສດຖະກິດ, ແຜນການ ແລະ ການເງິນ ສະພາປະຊາຊົນ ນະຄອນຫຼວງວຽງຈັນ ເຂົ້າຮ່ວມໂດຍ ທ່ານ ອານຸພາບ ຕຸນາລົມ ປະທານສະພາປະ ຊາຊົນ ນະຄອນຫຼວງວຽງຈັນ, ມີສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ນວ ທີ່ສັງກັດຄະນະກຳມະການເສດຖະກິດ, ແຜນການ ແລະ ການເງິນ, ມີຄະນະເລຂາທິການ, ຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ, ຄະນະກຳມະການຍຸຕິທຳ ແລະ ປກຊ-ປກສ, ຫົວໜ້າພະແນກການທີ່ກ່ຽວຂ້ອງ, ບັນດາທ່ານຮອງເຈົ້າເມືອງ ແລະ ພະນັກງານວິຊາການ ເຂົ້າຮ່ວມຢ່າງພ້ອມພຽງ.
    ວັນທີ 12 ທັນວານີ້ ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC) ນະຄອນ ຫຼວງວຽງຈັນ, ກອງປະຊຸມວຽກງານການຕ່າງປະເທດ ຄັ້ງທີ XIV ໄດ້ເປີດຂຶ້ນຢ່າງເປັນທາງການໂດຍການເປັນປະທານຂອງທ່ານ ສະເຫຼີມໄຊ ກົມມະ ສິດ ກຳມະການສູນກາງພັກ ລັດຖະມົນຕີກະຊວງການຕ່າງ ປະເທດ; ມີທີ່ປຶກສາຄະນະ ບໍລິຫານງານສູນກາງພັກ, ກຳ ມະການສູນກາງພັກ, ລັດຖະ ມົນຕີ ແລະ ຮອງລັດຖະມົນຕີ, ເຈົ້າແຂວງ ແລະ ຮອງເຈົ້າແຂວງຈາກທົ່ວປະເທດ, ຮອງເຈົ້າຄອງນະຄອນຫຼວງ, ເອກອັກຄະລັດຖະທູດ ແລະ ກົງສູນໃຫຍ່ ແຫ່ງ ສປປ ລາວ ປະຈຳຢູ່ຕ່າງປະເທດ, ບັນດານັກການທູດອາວຸໂສບໍານານ ພ້ອມດ້ວຍພະນັກງານຫຼັກແຫຼ່ງຂອງກະຊວງການຕ່າງປະເທດ ແລະ ຂະແໜງການກ່ຽວຂ້ອງຂັ້ນສູນກາງ ແລະ ທ້ອງຖິ່ນເຂົ້າຮ່ວມ.
    ກອງປະຊຸມຄັ້ງນີ້ ໄດ້ພ້ອມກັນສັງເກດຕີລາຄາ, ວິເຄາະວິໄຈຢ່າງລະອຽດເລິກເຊິ່ງສະ ພາບແວດລ້ອມໃນພາກພື້ນ ແລະ ສາກົນ ທີ່ສົ່ງຜົນກະທົບໂດຍກົງ ແລະ ໂດຍທາງອ້ອມຕໍ່ຄວາມໝັ້ນຄົງ ແລະ ການພັດ ທະນາຂອງ ສປປ ລາວ; ທົບທວນຄືນຜົນການເຄື່ອນໄຫວວຽກງານການຕ່າງປະເທດ ໃນໄລຍະທ້າຍຂອງການຈັດຕັ້ງຜັນຂະຫຍາຍມະຕິ X ຂອງພັກ ກໍຄືການຈັດຕັ້ງປະຕິບັດມະຕິຂອງກອງປະຊຸມວຽກງານການຕ່າງປະເທດ ຄັ້ງທີ XIII ແຕ່ປີ 2017 - 2019 ແລະ ປຶກສາຫາລື ເພື່ອກໍານົດທິດທາງແຜນການ, ແຜນງານ ແລະ ໂຄງການຈຸດສຸມ ໃນການເຄື່ອນໄຫວວຽກງານການຕ່າງປະເທດ ໃນໄລຍະປີ 2020-2022, ແນໃສ່ເຮັດໃຫ້ການເຄື່ອນໄຫວວຽກງານການຕ່າງປະເທດ ໃນທ່າມກາງສະພາບແວດລ້ອມພາກພື້ນ ແລະ ສາກົນ ທີ່ມີການຜັນແປໄປຢ່າງໄວວາ ແລະ ສະຫຼັບສັບຊ້ອນ ໄດ້ມີຜົນສຳເລັດອັນໃໝ່ໃຫຍ່ຫຼວງກວ່າເກົ່າ ເພື່ອເປັນການສືບຕໍ່ປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ຕາມແນວທາງນະໂຍບາຍຂອງພັກ ແລະ ລັດ ແລະ ສ້າງຜົນງານໃໝ່ຕ້ອນຮັບກອງປະຊຸມໃຫຍ່ ຄັ້ງທີ XI ຂອງພັກ.
    ທ່ານ ທອງສະຫວັນ ພົມວິຫານ ຮອງລັດຖະມົນຕີກະຊວງການຕ່າງປະເທດ ໄດ້ລາຍງານຜົນຂອງກອງປະຊຸມວິຊາການວຽກງານການຕ່າງ ປະເທດ ທີ່ຈັດຂຶ້ນໃນວັນທີ 10-11 ທັນວາ 2019 ຕໍ່ກອງປະຊຸມ, ພາຍຫຼັງການຈັດກອງປະຊຸມປຶກສາຫາລືພາຍໃນວຽກງານການຕ່າງປະເທດ ແລະ ກອງປະຊຸມເວທີປຶກສາຫາລືຮ່ວມ ລະຫວ່າງກະຊວງການຕ່າງປະເທດກັບພາກທຸລະກິດ ໃນວັນທີ 5-6 ແລະ 9 ທັນວາ 2019 ຕາມລໍາດັບ, ເພື່ອຜ່ານບົດສັງເກດຕີລາຄາສະພາບແວດລ້ອມພາກພື້ນ ແລະ ສາກົນ, ການເຄື່ອນໄຫວວຽກງານການຕ່າງປະເທດຂອງ ສປປ ລາວ ໃນໄລຍະ 3 ປີຜ່ານມາ ແລະ ທິດທາງໃນຕໍ່ໜ້າ, ແລະ ການຍົກສູງຄຸນນະພາບໃນການເປັນເສນາທິການ, ປັບປຸງກົນໄກການປະສານງານ ແລະ ການຄຸ້ມຄອງວຽກງານການຕ່າງປະເທດຂອງ ສປປ ລາວ ໃຫ້ມີຄວາມໜັກແໜ້ນ, ຄ່ອງແຄ້ວ, ທັນ ການ ແລະ ມີປະສິດທິພາບ.
    ທ່ານປະທານກອງປະຊຸມກໍໄດ້ກ່າວວ່າ: ໃນໄລຍະ 3 ປີຜ່ານມາ, ເຖິງວ່າສະພາບແວດລ້ອມພາກພື້ນ ແລະ ສາກົນມີການຜັນແປໄປຢ່າງໄວວາ ແລະ ສະຫຼັບສັບຊ້ອນ ຊຶ່ງໄດ້ສົ່ງຜົນກະທົບບໍ່ໜ້ອຍຕໍ່ການພັດທະນາຂອງ ສປປ ລາວ ກໍຕາມ, ຂະແໜງການຕ່າງປະເທດ ໂດຍຢຶດໝັ້ນແນວທາງການຕ່າງປະເທດ ສັນຕິພາບ, ເອກະລາດ, ມິດຕະ ພາບ ແລະ ການຮ່ວມມືອັນ ສະເໝີຕົ້ນສະເໝີປາຍຂອງພັກ ສືບຕໍ່ຍາດໄດ້ຜົນສໍາເລັດທີ່ສໍາຄັນໃນຫຼາຍດ້ານຢ່າງເປັນຮູບປະທໍາ, ອັນພົ້ນເດັ່ນແມ່ນສາມາດປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ, ສ້າງສະພາບແວດລ້ອມທີ່ເອື້ອອໍານວຍ ແລະ ຍາດແຍ່ງ ກໍາລັງແຮງເຂົ້າໃນການພັດທະ ນາເສດຖະກິດ-ສັງຄົມ, ເຮັດໃຫ້ບົດບາດ ແລະ ຊື່ສຽງຂອງ ສປປ ລາວ ໄດ້ຮັບການເຊີດຊູສູງເດັ່ນຂຶ້ນຢູ່ເວທີພາກພື້ນ ແລະ ສາກົນ. ປັດຈຸບັນ, ສປປ ລາວ ໄດ້ມີສາຍພົວພັນການທູດກັບ 143 ປະເທດທົ່ວໂລກ, ມີສຳນັກງານຕາງໜ້າການທູດ ສປປ ລາວ ຢູ່ຕ່າງປະເທດ 40 ແຫ່ງ, ໃນນັ້ນມີສະຖານເອກອັກຄະລັດຖະທູດ 26 ແຫ່ງ, ສໍານັກງານຜູ້ຕາງ ໜ້າຖາວອນ 3 ແຫ່ງ, ສະຖານກົງສູນໃຫຍ່ 10ແຫ່ງ ແລະ ຫ້ອງ ການກົງສູນ 1 ແຫ່ງ.
    ຫຼັງຈາກນັ້ນ, ບັນດາຜູ້ແທນກອງປະຊຸມໄດ້ເອົາໃຈໃສ່ແລກປ່ຽນຄໍາຄິດຄໍາເຫັນຕໍ່ບົດລາຍງານຜົນກອງປະຊຸມວິຊາການ ຕາມຄໍາຖາມເຈາະຈີ້ມຂອງທ່ານປະທານກອງປະຊຸມຢ່າງມີຈຸດສຸມ ແລະ ກົງໄປກົງມາ ດ້ວຍເຫດດ້ວຍຜົນ ຊຶ່ງສະ ທ້ອນໃຫ້ເຫັນທັງດ້ານດີທີ່ຈະສືບຕໍ່ສົ່ງເສີມ ແລະ ບັນຫາ ທີ່ຄົງຄ້າງທີ່ຈະຕ້ອງໄດ້ຮັບການແກ້ໄຂໃນຕໍ່ໜ້າ ຊຶ່ງກອງປະຊຸມຄັ້ງນີ້ຈະໄດ້ດໍາເນີນເປັນເວລາ 2 ວັນ ແຕ່ວັນທີ 12-13 ທັນວາ 2019 ພາຍໃຕ້ຄໍາຂວັນ "ການທູດປ້ອງກັນເຫດ ແລະ ບຸກທະລຸ ເພື່ອປົກປັກຮັກສາ ແລະ ພັດທະນາປະ ເທດຊາດ" ແລະ ຄໍາຂວັນຍ່ອຍທີ່ເປັນຈຸດສຸມຂອງກອງປະຊຸມ ຄັ້ງນີ້ແມ່ນ "ເພີ່ມທະວີປະສິດ ທິພາບການຈັດຕັ້ງປະຕິບັດຜົນການເຄື່ອນໄຫວການຕ່າງ ປະເທດໃຫ້ປະກົດຜົນເປັນຈິງ".
(ພາບ: ກະຊວງການຕ່າງປະ ເທດ, ຂ່າວ: ສຸກສະຫວັນ​, ໜ​ັງ​ສື​ພິມ ປະ​ຊາ​ຊົນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com