Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສາລະວັນ ຜ່ານຮ່າງຄຳສັ່ງເພີ່ມເຕີມ ໃນການຕ້ານໂຄວິດ-19

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/05/2021 12:06:35 ຈຳ​ນວນ​​ຢ້ຽມ​ຊົມ 1577 ຄັ້ງ

ວັນທີ 21 ພຶດສະພາຜ່ານມາ ທີ່ຫ້ອງປະຊຸມສະໂມສອນຂອງແຂວງສາລະວັນ ຄະນະສະເພາະກິດຂັ້ນແຂວງ ໄດ້ຜ່ານຮ່າງຄຳສັ່ງເພີ່ມເຕີມໃນການຈັດຕັ້ງປະຕິບັດມາດຕະການປ້ອງກັນ, ສະກັດກັ້ນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ແຂວງສາລະວັນ ໂດຍການເປັນປະທານຂອງທ່ານ ໂພໄຊ ໄຊຍະສອນ ເຈົ້າແຂວງສາລະວັນ ຊຶ່ງມີພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຫົວໜ້າຄະນະສະເພາະກິດໂຄວິດ-19 ຂັ້ນແຂວງໄດ້ຜ່ານຮ່າງຄຳສັ່ງເພີ່ມເຕີມ ເພື່ອສືບຕໍ່ຈັດຕັ້ງປະຕິບັດຄຳສັ່ງແນະນຳຂອງເລຂາທິການສູນກາງພັກເລກທີ 87/ຄລສພ ລົງວັນທີ 25/4/2021; ທັງເປັນການເພີ່ມທະວີປະຕິບັດຄໍາສັ່ງຂອງນາຍົກລັດຖະມົນຕີເລກທີ 15/ນຍ ແລະ ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີເລກທີ 528/ຫສນຍ, ຄຳສັ່ງຂອງເຈົ້າແຂວງສາລະວັນ ເລກທີ 09/ຈຂ.ສວ ໃຫ້ເຂັ້ມງວດ ຊຶ່ງມີເນື້ອໃນຄຳສັ່ງເພື່ອເພີ່ມເຕີມໃນການສືບຕໍ່ອີກ 14 ວັນ (23/5 ຫາ 5/6/2021) ຫ້າມພົນລະເມືອງຂອງແຂວງອອກຕ່າງແຂວງເດັດຂາດຖ້າບໍ່ຈຳເປັນ; ສືບຕໍ່ເອົາໃຈໃສ່ໃນການຕັ້ງຈຸດກວດກາລະຫວ່າງແຂວງສາລະວັນກັບແຂວງອື່ນ, ສຳລັບຈຸດກວດກາລະ ຫວ່າງເມືອງ ຫາ ເມືອງ ແລະ ບ້ານ ຫາ ບ້ານແມ່ນປິດການສັນຈອນໄປມາເວລາ 22:00 ໂມງ; ພະນັກງານທຸກພາກສ່ວນແມ່ນເຂົ້າມາປະຈຳການປົກກະຕິແຕ່ຕ້ອງໄດ້ຮັບການຊັກຢາວັກຊິນ ຍົກເວັ້ນແຕ່ແມ່ຍິງຖືພາ, ມີລູກນ້ອຍບໍ່ເກີນ 2 ປີ, ຜູ້ທີ່ມີສຸຂະພາບບໍ່ແຂງແຮງ, ມີພະຍາດປະຈຳຕົວ ໂດຍຕ້ອງໄດ້ຮັບການຢັ້ງຢືນຈາກແພດ; ອະນຸຍາດໃຫ້ສະຖານການສຶກສາພາກລັດ, ເອກະຊົນ ແລະ ສູນການສຶກສາເປີດການຮຽນ-ກາສອນນັບແຕ່ວັນທີ 24/5/2021 ແຕ່ຕ້ອງໄດ້ປະຕິບັດຕາມມາດຕະການປ້ອງກັນຂອງຄະນະສະເພາະກິດວາງອອກຢ່າງເຂັ້ມງວດ, ສຳລັບສູນການສຶກສາກ່ອນໄວຮຽນໃນທົ່ວແຂວງແມ່ນໃຫ້ປິດ; ຫ້າມຈັດງານບຸນ, ງານດອງ, ງານປົບປະສ້າງສັນຕ່າງໆ ແລະ ງານແຂ່ງຂັນກິລາທຸກປະເພດ; ອະນຸຍາດໃຫ້ລົດໂດຍສານທຸກປະເພດແລ່ນໄດ້ພາຍໃນແຂວງ, ລົດຂົນສົ່ງສິນຄ້າທີ່ຈຳເປັນເຂົ້າ-ອອກແຂວງສຳລັບຜູ້ຂັບຂີ່ ແລະ ຜູ້ຊ່ວຍປະຈຳລົດໂດຍສານ ຫຼື ລົດຂົນສົ່ງສິນຄ້າຕ້ອງໄດ້ມີໃບຢັ້ງຢືນການສັກວັກຊິນ; ບັນດາຮ້ານອາຫານ, ຮ້ານກາເຟ, ຮ້ານຂາຍຂອງກິນສຸກ, ຊີ້ນດາດ-ປາຈຸມ ອະນຸຍາດໃຫ້ດຳເນີນກິດຈະການໄດ້ແຕ່ຕ້ອງຊື້ເມືອກິນຢູ່ເຮືອນ; ອະນຸຍາດໃຫ້ເປີດໂຮງແຮມ, ຣີສອດ, ເຮືອນພັກ ແລະ ຕະຫຼາດເທດສະບານເມືອງ ແຕ່ຕ້ອງໄດ້ປະຕິບັດຕາມລະບຽບຄະນະສະເພາະກິດວາງອອກ; ສຳລັບຮ້ານກິນດື່ມ, ຮ້ານບັນເທີງ, ຄາຣາໂອເກະ, ຮ້ານອິນເຕີເນັດຄາເຟ, ຮ້ານນວດສະປາ, ຮ້ານສະນຸກເກີ, ສະຖານທີ່ທ່ອງທ່ຽວຕ່າງໆໃນທົ່ວແຂວງ, ດ່ານສາກົນ, ດ່ານທ້ອງຖິ່ນ, ດ່ານປະເພນີແມ່ນປິດການບໍລິການ ຖ້າມີຄວາມຈຳເປັນຈະເຂົ້າ-ອອກດ່ານຕ້ອງໄດ້ຮັບການຢັ້ງຢືນຈາກພາກສ່ວນທີ່ກ່ຽວຂ້ອງ. ໃຫ້ເອົາໃຈໃສ່ເດັດຂາດຈໍາກັດຄົນລັກລອບເຂົ້າ-ອອກເມືອງແບບບໍ່ຖືກກົດໝາຍ, ຖ້າມີການລະເມີດຝ່າຝືນ, ສົມຮູ້ຮ່ວມຄິດ ຫຼື ໄດ້ຮັບຜົນປະໂຫຍດຕ່າງໆແມ່ນຈະໄດ້ຮັບໂທດຕາມລະບຽບກົດໝາຍ. ຫ້າມກັກຕຸນສິນຄ້າ ແລະ ສວຍໂອກາດຂຶ້ນລາຄາສິນຄ້າທີ່ບໍ່ສົມເຫດສົມຜົນ ແລະ ຮີບຮ້ອນສັກຢາວັກຊິນປ້ອງກັນພະຍາດໂຄວິດ-19 ເພື່ອສ້າງພູມຄຸ້ມກັນຢ່າງກວ້າງຂວາງ ໂດຍສະເພາະສຸມໃສ່ແພດໝໍ, ເຈົ້າໜ້າທີ່ ແລະ ພະນັກງານ, ຜູ້ປະກອບການຕ່າງໆ.

ຈາກນັ້ນທີ່ປະຊຸມ, ກໍໄດ້ມີການປະກອບຄຳຄິດຄຳເຫັນໃສ່ຮ່າງຄຳສັ່ງເພີ່ມເຕີມ ທັງນີ້ກໍເພື່ອເຮັດໃຫ້ການຈັດຕັ້ງປະຕິບັດມີຄວາມຖືກຕ້ອງຕາມລະບຽບຫຼັກການທີ່ວາງໄວ້. ພ້ອມດຽວກັນນັ້ນ, ທ່ານ ເຈົ້າແຂວງກໍໄດ້ມີຄຳເຫັນໃຫ້ແຕ່ລະພາກສ່ວນທີ່ກ່ຽວຂ້ອງ ຕ້ອງໄດ້ເອົາໃຈໃສ່ຢ່າງເຄັ່ງຄັດ ພ້ອມທັງປະຕິບັດຕາມຂໍ້ຫ້າມ, ມາດຕະການຕ່າງໆທີ່ວາງອອກ. (ຂ່າວ-ພາບ: ສິດຕາ ເພັດວົງສາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com