Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວໜ້າ ຄອສພ ຊີ້ນຳການກະກຽມກອງປະຊຸມໃຫຍ່ 3 ຂັ້ນ ຢູ່ຫຼວງພະບາງ ແລະ ໄຊຍະບູລີ

ເຜີຍ​ແຜ່​ໂດຍ​: siththiphone rasphone ເວ​ລາ: 24/01/2020 09:18:02 ຈຳ​ນວນ​​ຢ້ຽມ​ຊົມ 1949 ຄັ້ງ

    ໃນ​ລະຫວ່າງ​ວັນ​ທີ 22-23 ມັງກອນ​ນີ້, ສະຫາຍ ຄຳ​ພັນ ພົມມະ​ທັດ ກຳມະການ​ກົມ​ການເມືອງ​ສູນ​ກາງ​ພັກ ຫົວໜ້າ​ຄະນະ​ໂຄສະນາ​ອົບຮົມ​ສູນ ກາງ​ພັກ (ຄອ​ສ​ພ) ຫົວໜ້າ​ອະນຸ​ກຳມະການ​ເນື້ອ​ໃນ​ກອງ​ປະຊຸມ​ໃຫຍ່ ຄັ້ງ​ທີ XI ຂອງ​ພັກ​ ປ​ປ​ ລາວ  ພ້ອມຄະນະລົງ​ເຄື່ອນ​ໄຫວຊຸກ​ຍູ້​-​ຊີ້​ນຳ​ການ​ກະ​ກຽມ​ດໍາ​ເນີນ ​ກອງ​ປະຊຸມ​ໃຫຍ່ 3 ຂັ້ນ ໂດຍ​ສະເພາະ​ແມ່ນ​ຂັ້ນ​ແຂວງ ແລະ ຂັ້ນ​ເມືອງ ແລະ ວຽກ​ງານ​ ໂຄສະ ນາ​ອົບຮົມ ຢູ່​ແຂວງ​ຫຼວງ​ພະ​ ບາງ ແລະ ແຂວງ​ໄຊ​ຍະ​ບູ​ລີຊຶ່ງ​ໄດ້​ຮັບ​ການ​ຕ້ອນຮັບ​ຈາກ​ການ​ນໍາ ແລະ ພະນັກງານ​ຄະ ນະ​ໂຄສະນາ​ອົບຮົມຂອງ​ແຕ່​ລະ​ແຂວງ​ດັ່ງກ່າວຢ່າງ​ອົບ​ອຸ່ນ.
    ການ​ລົງ​ເຄື່ອນ​ໄຫວ​ເຮັດ​ວຽກ​ຂອງ​ຄະນະ​ຄັ້ງ​ນີ້ ໄດ້​ຮັບ​ຟັງ​ການ​ລາຍ​ງານ​ໂດຍ​ຫຍໍ້​ກ່ຽວ​ກັບ​ສະພາບ​ການ​ກະກຽມ​ດຳເນີນ​ກອງ​ປະຊຸມ​ໃຫຍ່​ຂັ້ນ​ແຂວງ, ຂັ້ນ​ເມືອງ ຈາກ​ຕາງໜ້າ​ຄະນະ​ປະ​ຈໍາ​ພັກ​ແຂວງ, ຫົວໜ້າ​ອະ​ນຸ​ກໍາ​ມະ​ການ​ເນື້ອ​ໃນ​ກອງ​ປະຊຸມ​ໃຫຍ່​ຂອງ​ແຂວງ. ມາ​ຮອດ​ປັດຈຸບັນ ເຫັນ​ວ່າການ​ກະກຽມ​ວຽກ​ງານ​ດັ່ງກ່າວ ມີ​ຄວາມ​ຄືບ​ໜ້າ​ຕາມ​ແຜນການ ແລະ ຈະ​ສືບຕໍ່​ກະກຽມ ໂດຍ​ສະເພາະ​ແມ່ນ​ດ້ານ​ເນື້ອ​ໃນ ໃຫ້​ມີ​ຄວາມ​ພ້ອມ ແລະ ໄດ້​ດໍາ​ເນີນ​ກອງ​ປະຊຸມ​ໃຫຍ່​ອົງຄະ​ນະ​ພັກ​ແຂວງ​ຕາມ​ໄລຍະ​ເວລາ​ທີ່​ກໍາ​ນົດ​ໄວ້. ພ້ອມ​ກັນ​ນັ້ນ, ຫົວໜ້າ​ຄະນະ​ໂຄສະນາ​ອົບຮົມ​ແຕ່​ລະ​ແຂວງ ກໍ​ໄດ້​ລາຍ​ງານ​ສະພາບການເຄື່ອນໄຫວ​ວຽກ​ງານ​ວິຊາ​ສະເພາະ​ຂອງ​ຕົນ ແລະ ການ​ປະກອບສ່ວນ​ເຂົ້າ​ຮ່ວມ​ຂະບວນ​ການ​ກະກຽມ​ກອງ​ປະຊຸມ​ໃຫຍ່​ຂອງ​ແຂວງ, ຂອງ​ເມືອງ ຊຶ່ງ​ເຫັນ​ໄດ້​ຫຼາຍ​ອັນ​ທີ່​ຕັ້ງ ແລະ ບາງ​ວຽກ​ງານ​ທີ່​ຕ້ອງ​ໄດ້​ເອົາໃຈໃສ່​ປັບປຸງ​ຕື່ມ.
ໃນ​ໂອກາດ​ດັ່ງກ່າວ, ສະຫາຍ ຄຳ​ພັນ ພົມ​ມະ​ທັດ ກໍ່​ໄດ້​ມີ​ຄວາມ​ເຫັນ​ແລກປ່ຽນ ແລະ ເນັ້ນ​ໜັກ​ບາງ​ອັນ ຕໍ່​ການ​ກະກຽມ​ເນື້ອ​ໃນ​ກອງ​ປະຊຸມ​ໃຫຍ່​ຂອງ​ແຂວງ, ຂອງ​ເມືອງ ແລະ ວຽກ​ງານ​ໂຄສະນາ​ອົບ ຮົມ ຊຶ່ງ​ກ່ອນ​ອື່ນ​ໝົດ ທ່ານ​ໄດ້​ສະແດງ​ຄວາມ​ຍ້ອງ​ຍໍຊົມເຊີຍ ບັນດາ​ວຽກ​ງານ​ທີ່​ມີ​ຄວາມ​ຄືບ​ໜ້າ ແລະ ພົ້ນ​ເດັ່ນ, ພ້ອມ​ນັ້ນ ທ່ານ​ໄດ້​ມີ​ຄວາມ​ເຫັນ​ຕື່ມ ດັ່ງນີ້: 
- ກ່ຽວ​ກັບ​ການ​ກະກຽມ​ກອງ​ປະຊຸມ​ໃຫຍ່​ຂັ້ນ​ແຂວງ, ຂັ້ນ​ເມືອງ: ກອງ​ປະຊຸມ​ໃຫຍ່​ຂອງ​ພັກ ແຕ່​ລະ​ຂັ້ນ ແມ່ນ​ມີ​ຄວາມ​ສໍາ​ຄັນ​ຫຼາຍ, ຫາກ​ບໍ່​ແມ່ນ​ການ​ເຮັດ​ໃຫ້​ຄົບ​ຕາມ​ວາລະ​ຊື່ໆ, ການ​ກະ​ກຽມ ​- ດໍາ​ເນີນ​ກອງ​ປະຊຸມ​ໃຫຍ່​ແຕ່​ລະ​ຄັ້ງ ຖື​ເປັນ​ບັ້ນ​ປັບປຸງ, ສ້າງ​ການ​ຫັນປ່ຽນ​ທີ່​ຕັ້ງໜ້າ ເພື່ອ​ແນໃສ່​ສ້າງ​ຄວາມ​ເຂັ້ມແຂງ​ໃຫ້​ແກ່​ການຈັດຕັ້ງ ແລະ ການເຄື່ອນໄຫວ​ຂອງ​ພັກ ໃນ​ທົ່ວ​ລະບົບ​ການເມືອງ, ສະນັ້ນ ຕ້ອງ​ໄດ້​ເອົາໃຈໃສ່​ຄົ້ນຄວ້າ​ກະກຽມ​ຢ່າງ​ເລິກເຊິ່ງ​ຮອບດ້ານ​.
      ໃນ​ການ​ກະກຽມ​ດ້ານ​ເນື້ອ​ໃນ ຕ້ອງ​ໄດ້​ວິເຄາະ​ວິໄຈ​ໃຫ້​ເຫັນ​ແຈ້ງ​ສະພາບ​ແວດ​ລ້ອມ​ພາຍ​ໃນ ແລະ ສາກົນ ມີ​ການ​ປ່ຽນແປງ​ແນວໃດ ກໍ​ຄື​ທ່າ​ຂະຫຍາຍ​ໃນຕໍ່ໜ້າ ຊຶ່ງ​ມັນ​ຮຽກຮ້ອງ​ໃຫ້​ພວກ​ເຮົາ ຕ້ອງ​ມີ​ການ​ສ້າງ​ການ​ຫັນປ່ຽນ​ຢ່າງ​ເລິກເຊິ່ງ, ແຂງແຮງ ແລະ ຮອບດ້ານ ເພື່ອ​ຕອບ​ສະໜອງ​ການ​ເລັ່ງ​ທວງ​ຂອງ​ໜ້າທີ່​ການເມືອງ ໃນ​ປັດຈຸ​ບັນ ແລະ ຕໍ່​ໜ້າ. ສະນັ້ນ ຕ້ອງ​ໄດ້​ຄົ້ນຄວ້າ​ເບິ່ງ​ອັນ​ໃດ​ທີ່​ເຮົາ​ສາມາດ​ປັບ​ປ່ຽນ​ໄດ້, ສ້າງ​ນະໂຍບາຍ​ຮັບ​ມື​ກັບ​ບັນຫາ​ຂ້າງ​ໜ້າ (ທ່າ​ອ່ຽງ, ທ່າ​ຂະຫຍາຍ, ຄາດ​ຄະເນ ບັນຫາ​ຈະ​ເກີດ​ຂຶ້ນ). ສະພາບ​ການ​ຂອງ​ໂລກ ອັນ​ໃດ​ທີ່​ມັນ​ຈະ​ສົ່ງ​ຜົນ​ກະທົບ​ແທ້, ຫາກ​ບໍ່​ແມ່ນ​ການ​ເວົ້າ​ແບບ​ລວມໆ ພໍ​ໃຫ້​ຄົບ​ຕາມ​ທີ່​ເຄີຍ​ເຮັດ​ຜ່ານ​ມາ; ຕ້ອງ​ໄດ້​ຄົ້ນ​ຄວ້າ​ກໍາ​ນົດ​ວິໄສ​ທັດ, ແຜນ​ພັດທະນາ​ແຕ່​ລະ​ໄລຍະ ຢ່າງ​ມີ​ວິທະຍາສາດ, ພາວະ​ວິ​ໄສ.
      ການ​ກະກຽມ​ເນື້ອ​ໃນ ຕ້ອງ​ຢຶດ​ໝັ້ນ​ຕາມ​ຈິດໃຈ​ຊີ້​ນໍາ​ຂອງ​ສູນ​ກາງ​ພັກ: ຄົ້ນ​ຫາ​ຄວາມ​ເປັນ​ຈິງ​ໃນ​ທຸກໆ​ດ້ານ, ຍົກ​ບັນຫາ​ຢ່າງ​ເຈາະ​ຈົງ ຕົງ​ປະເດັນ ເພື່ອ​ເຫັນ​ແຈ້ງ​ດ້ານ​ດີ ແລະ​ດ້ານ​ອ່ອນ, ພາກພູມ​ໃຈ​-​ສັນລະເສີນ ຕໍ່​ຜົນ​ສໍາ​ເລັດ, ເປີດ​ໃຈ​ຍອມຮັບ​ໃນ​ສິ່ງ​ທີ່​ຄົງ​ຄ້າງເຮັດ​ບໍ່​ທັນ​ໄດ້, ນັບ​ທັງ​ອັນ​ທີ່​ຜິດພາດ​ໃນ​ໄລຍະ​ຜ່ານ​ມາ, ເຂົ້າໃຈ​ບັນຫາ​ທີ່​ຕັ້ງ​ຂຶ້ນ ແລະ ຕ້ອງ​ເຮັດ​ໃນ​ຊຸມ​ປີ​ຕໍ່ໜ້າຢ່າງ​ຖືກຕ້ອງເລິກເຊິ່ງ ເປັນ​ລະ​ບົບ. ບົນ​ພື້ນຖານ​ນັ້ນ ກໍາ​ນົດ​ທິດ​ທາງ​ລວມ, ທາງ​ອອກ​ຕົວ​ຈິງ, ຄາດໝາຍ​ສູ້​ຊົນ​ແຕ່​ລະ​ດ້ານ ທີ່​ສ່ອງ​ແສງ​ຊັດ​ເຈນ ຄວາມ​ອາດ​ສາມາດ​ຕົວ​ຈິງ ແລະ ມີ​ການ​ຊັ່ງຊາ​ຄວາມ​ເປັນ​ໄປ​ໄດ້​ໃນ​ທາງ​ປະຕິບັດ ຢ່າງ​​ຮອບ​ຄອບຮອບດ້ານ; ສ້າງ​ ພື້ນຖານ​ອັນ​ໜັກ​ແໜ້ນໃຫ້ ​ແກ່​ການ​ຫັນປ່ຽນ​ທີ່​ເປັນ​ລະບົບ ເລິກເຊິ່ງ ແຂງແຮງໃນ​ການ ຈັດຕັ້ງ​ປະຕິບັດ ແລະ ຮັບ ປະກັນ​ ໃຫ້​ເກີດ​ປະສິດ​ທິ​ຜົນ​ຕົວ​ຈິງ ໃນ​ຊຸມ​ປີ​ຕໍ່​ໜ້າ.
    ຈາກ​ການ​ວາງ​ທິດ​ທາງ, ຄາດໝາຍ, ໜ້າທີ່​ວຽກ​ງານ ທີ່​ຈະ​ເຮັດ​ໃຫ້​ຊຸມ​ປີ​ຕໍ່ໜ້າ, ຕ້ອງ​ໄດ້​ຄົ້ນຄວ້າ​ກະກຽມ​ເປົ້າ​ໝາຍ​ບຸກ​ຄະລາ​ກອນ​ທີ່​ເໝາະ​ສົມ ເພື່ອ​ສັບ​ຊ້ອນ​ຈັດ​ວາງ​ເຂົ້າ​ຕໍາ​ແໜ່ງ​ງານທີ່ເໝາະ​ສົມ ແນໃສ່​ສາ ມາດ ​ຜັນ​ຂະຫຍາຍ​ປະຕິບັດ​ເນື້ອ​ໃນ​ຈິດໃຈ​ມະຕິ​ກອງ​ປະຊຸມ​ໃຫຍ່ ໃຫ້​ປະກົດ​ຜົນ​ເປັນ​ຈິງ.
- ກ່ຽວ​ກັບ​ວຽກ​ງານ​ໂຄສະ ນາ​ອົບຮົມ:
     ຄະນະ​ໂຄສະນາ​ອົບຮົມ ຕ້ອງ​ກໍາ​ໄດ້​ເນື້ອ​ໃນ​ຈິດໃຈ​ໃຫຍ່ໆ ຂອງ​ການ​ກະກຽມ​ກອງ​ປະຊຸມ​ໃຫຍ່ຂອງ​ພັກ​ແຕ່​ລະ​ຂັ້ນ ເພື່ອ​ເຄື່ອນ​ໄຫວ​ໂຄສະນາ​ສ້າງ​ຂະບວນ​ການທາງການ ເມືອງ, ສ້າງ​ການ​ຫັນປ່ຽນ​ດ້ານ​ຈິນຕະນາການ, ດ້ານ​ແນວ​ຄິດ​ຄວາມ​ເຂົ້າ​ໃຈ. ບັນດາ​ເນື້ອ​ໃນ​ຈິດໃຈ​ຕ່າງໆ ທີ່​ສູນ​ກາງ​ຊີ້​ນໍາ (ທີ່​ອອກ​ເປັນ​ມະຕິ, ຄໍາ​ສັ່ງ) ອັນ​ໃດ​ຄວນ​ໄດ້​ນໍາ​ມາ​ຜັນ​ຂະຫຍາຍ ໂຄສະນາ​ໃຫ້​ສັງຄົມ ມີ​ຄວາມ​ຮັບ​ຮູ້​ເຂົ້າໃຈ​ເປັນ​ເອກະ​ພາບ; ເປັນ​ເຈົ້າ​ການ​ເຂົ້າ​ຮ່ວມ​ການ​ກະກຽມ​ເນື້ອ​ໃນ​ກອງ​ປະຊຸມ​ໃຫຍ່ ພ້ອມ​ທັງ​ກະກຽມ​ສ້າງ​ເອກະສານ​ເຊື່ອມ​ຊຶມ​ແຕ່​ຫົວທີ, ຫຼັງ​ສໍາ​ເລັດ​ກອງ​ປະຊຸມ​ໃຫຍ່ ໃຫ້​ສາມາດ​ຈັດ​ຕັ້ງ​ເຊື່ອມ​ຊຶມ​ໂລດ: ມີ​ຈັກ​ບັນຫາ, ຈະ​ເຮັດ​ຫຍັງ​ແດ່ ໂດຍ​ຮ່ວມ​ກັບ​ເພື່ອນ​ຮ່ວມ​ງານ (ໂຮງຮຽນ​ທິດ​ສະ​ດີ ແລະ ພາກສ່ວນ​ກ່ຽວຂ້ອງ) ປຶກສາ​ຫາລື​ເປັນ​ເອກະ​ພາບ​ກັນ. ຢູ່​ຂັ້ນ​ເມືອງ, ເມືອງ​ທີ່​ດໍາ​ເນີນ​ກອງ​ປະຊຸມ​ແລ້ວ ໄດ້​ຈັດ​ຕັ້ງ​ເຊື່ອມ​ຊຶມ​ແນວໃດ ກໍ​ຕ້ອງ​ຖອດ​ບົດຮຽນ ແລະ ປັບປຸງ​ວິທີ​ການ​ເຊື່ອມ​ຊຶມ ໃຫ້​ມີ​ປະສິດ​ທິ​ຜົນ​ຕົວ​ຈິງ.
      ພ້ອມ​ນັ້ນ, ນອກຈາກ​ວຽກ​ງານ​ປົກ​ກະ​ຕິທີ່​ໄດ້​ເຮັດ​ຜ່ານ​ມາ, ຕ້ອງ​ໄດ້​ເອົາໃຈໃສ່​ຢ່າງ​ຕັ້ງໜ້າ ປັບປຸງ​ການ​ຄຸ້ມ​ຄອງ​ໂຄສະນາ​ຜ່ານ​ສື່​ສັງຄົມ​ອອນ​ລາຍ, ຕໍ່​ສູ້​-​ຕອບ​ຕ້ານ, ແກ້​ຂ່າວ ຂໍ້​ມູນ​ທີ່ິ​ຜິດ​ພ້ຽນ, ບິດ​ເບືອນ, ໃສ່​ຮ້າຍ​ປ້າຍ​ສີ ຂອງ​ພວກ​ຄົນ​ບໍ່​ດີ ຫຼື ສັງຄົມ​ທີ່​ບໍ່​ເຂົ້າໃຈ ຕໍ່​ການ​ນໍາ​ພາ​ຂອງ​ພັກ, ການ​ບໍລິຫານ​ຂອງ​ລັດ ໃຫ້​ທັນ​ການ; ເປັນ​ພາກສ່ວນ​ໜຶ່ງ ໃນ​ການ​ເຮັດ​ໜ້າທີ່​ຕອບ​ແກ້​ບັນຫາ​ເລັ່ງ​ທວງ ທີ່​ປະຊາຊົນ​ພົບພໍ້, ສະເໜີ ໂດຍ​ສອດຄ່ອງ​ກັບ​ແນວທາງ, ລັດ​ຖະ​ທໍາ​ມະນູນ, ກົດ​ໝາຍ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com