Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ທ່ານ ນາງ ວຽງທອງ ສີພັນດອນ ພົບປະໂອ້ລົມ ພະນັກງານ ສານປະຊາຊົນນະຄອນຫຼວງວຽງຈັນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 17/06/2021 15:06:56 ຈຳ​ນວນ​​ຢ້ຽມ​ຊົມ 2344 ຄັ້ງ

   ໃນວັນທີ 17 ມິຖຸນາ ນີ້ ທີ່ສານປະຊາຊົນນະຄອນຫຼວງວຽງຈັນ ທ່ານ ນາງ ວຽງທອງ ສີພັນດອນ ຄະນະເລຂາທິການສູນກາງພັກ  ເລຂາຄະນະພັກ ປະທານສານປະຊາຊົນສູງສຸດໄດ້ລົງພົບປະໂອ້ລົມ ພະນັກງານສານປະຊາ ຊົນນະຄອນຫຼວງວຽງຈັນ ໂດຍໃຫ້ການຕ້ອນຮັບຂອງ ທ່ານ ແສງສຸວັນ ຈັນທະລຸນນະວົງ  ປະທານສານປະຊາຊົນນະ ຄອນຫຼວງວຽງຈັນ ພ້ອມດ້ວຍພະນັກງານນຳພາຂອງສານ.

       ໃນໂອກາດລົງພົບປະໃນຄັ້ງນີ້ ທ່ານ ແສງສຸວັນ ຈັນທະລຸນນະວົງ ກໍໄດ້ລາຍງານໂດຍຫຍໍ້ ກ່ຽວກັບການປະຕິບັດໜ້າທີ່ ແລະ ຄວາມຮັບຜິດຊອບ ຂອງສານປະຊາຊົນ ນະຄອນຫຼວງວຽງ​ຈັນ ໃຫ້  ທ່ານ ນາງ ວຽງທອງ ສີພັນດອນ ຮັບຊາບໂດຍຫຍໍ້. ຈາກນັ້ນທ່ານ ນາງ ວຽງທອງ ສີພັນດອນ ໄດ້ສະແດງຄວາມຍ້ອງຍໍຊົມເຊີຍ ປະທານ ແລະ ພະນັກ ງານທັງໝົດຂອງສານທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນ ແລະ ໄດ້ມີຜົນສໍາເລັດຫຼາຍດ້ານກໍຕາມ, ແຕ່ຖ້າທຽບໃສ່ຄວາມຮຽກ ຮ້ອງຕ້ອງການ ຂອງໜ້າທີ່ການເມືອງໃນໄລຍະໃໝ່ແລ້ວ ເຫັນວ່າ ບັນດາທ່ານຍັງມີຫຼາຍດ້ານທີ່ຈະຕ້ອງໄດ້ບຸກໜ້າບືນຕົວຕື່ມອີກ ເປັນຕົ້ນ:

1.  ຄະນະນະພັກ-ຄະນະນໍາ ຂອງສານປະຊາຊົນນະຄອນຫຼວງວຽງຈັນ ຕ້ອງເພີ່ມທະວີການຊີ້ນໍາ-ນໍາພາວຽກງານການເມືອງ-ແນວຄິດ, ວຽກງານວິຊາສະເພາະທີ່ຕົນຮັບຜິດຊອບຢ່າງເຂັ້ມງວດ ຕາມສິດ ແລະ ໜ້າທີ່ຂອງປະທານ ແລະ ຮອງປະທານ ທີ່ໄດ້ກໍານົດໄວ້ໃນ ມາດຕາ 40 ແລະ 41 ຂອງກົດໝາຍວ່າດ້ວຍສານປະຊາຊົນ, ເອົາໃຈໃສ່ປະສານສົມທົບກັບພາກສ່ວນທີ່ກ່ຽວຂ້ອງ, ພົວພັນປະສານງານ ຂໍທິດຊີ້ນໍາຈາກຄະນະຂັ້ນເທິງທັງສາຍຕັ້ງ ແລະ ສາຍຂວາງໃຫ້ເປັນປົກກະຕິ ເພື່ອເຮັດແນວໃດ ໃຫ້ມີຄວາມສາມາດແກ້ໄຂໄດ້ຄະດີທີ່ມີຄວາມຫຸຍ້ງຍາກສັບສົນ ແກ່ຍາວເປັນເວລາຫຼາຍປີນັ້ນ ໃຫ້ວ່ອງໄວຂຶ້ນ.

2. ເພີ່ມທະວີການປັບປຸງລະບົບການຈັດຕັ້ງ ກໍຄືການເຄື່ອນໄຫວວຽກງານຂອງສານປະຊາຊົນ ໃຫ້ມີຄວາມກະທັດຮັດທາງດ້ານການຈັດຕັ້ງ, ໜັກແໜ້ນທາງດ້ານການເມືອງ, ມີຄວາມໂປ່ງໃສ ແລະ ເຂັ້ມແຂງທາງດ້ານວິຊາການ.

3. ເອົາໃຈໃສ່ໃນການຍົກລະດັບວິຊາການທາງດ້ານກົດໝາຍເປັນຕົ້ນແມ່ນກົດໝາຍແພ່ງ, ກົດໝາຍອາຍາ, ກົດໝາຍ ການດໍາເນີນຄະດີແພ່ງ, ດໍາເນີນຄະດີອາຍາ ແລະ ກົດໝາຍອື່ນໆ ໃຫ້ຜູ້ພິພາກສາທຸກຂັ້ນ ເພື່ອໃຫ້ມີຄວາມເຂົ້າໃຈຢ່າງເປັນເອກະພາບກັບບັນດາມາດຕາຕ່າງໆທີ່ກໍານົດໄວ້ໃນກົດໝາຍ, ຮັບປະກັນເຮັດໃຫ້ການຕັດສິນຄະດີ ມີຄວາມຖືກຕ້ອງເປັນທໍາ, ລວມທັງວິທີການດໍາເນີນຄະດີ ແລະ ການພິຈາລະນາຕັດສິນຄະດີໃຫ້ເລິກເຊິ່ງກວ່າເກົ່າ, ເພີ່ມທະວີວຽກງານສຶກສາອົບຮົມທາງດ້ານການເມືອງແນວຄິດ ໃຫ້ແກ່ຜູ້ພິພາກສາ ໃຫ້ມີຄຸນສົມບັດສິນທໍາປະຕິວັດ, ມີຈັນຍາບັນ, ຈັນຍາທໍາ, ມີຄວາມທ່ຽງທຳ, ມີຄວາມໂປ່ງໃສ ແລະ ມີຄວາມຮັບຜິດຊອບສູງ ຕໍ່ການປະຕິບັດໜ້າທີ່ຂອງຕົນ, ຢຶດໝັ້ນຈັນຍາບັນ ແລະ ຈັນຍາທຳຂອງຜູ້ພິພາກສາ ຕາມທີ່ກໍານົດໄວ້ໃນມາດຕາ 24 ແລະ 25 ຂອງກົດໝາຍວ່າດ້ວຍຜູ້ພິພາກສາ ເພື່ອປົກປ້ອງຜົນປະໂຫຍດອັນຊອບທໍາຂອງປະຊາຊົນ, ເດັດດ່ຽວຕ້ານ ແລະ ສະກັດກັ້ນພະຍາດອາດຍາສິດ, ຫ່າງເຫີນຈາກຮາກຖານ, ບໍ່ຮັບສິນບົນ, ບໍ່ໃຫ້ມີຄວາມລໍາອຽງ ໃນການປະຕິບັດໜ້າທີ່ ພ້ອມທັງໃຫ້ເຄົາລົບ ແລະ ປະຕິບັດຂໍ້ຫ້າມຂອງຜູ້ພິພາກສາ ຕາມທີ່ກໍານົດໄວ້ໃນມາດຕາ 33 ຂອງກົດໝາຍວ່າດ້ວຍຜູ້ພິພາກສາຢ່າງເຂັ້ມງວດ ເພື່ອໃຫ້ສັງຄົມຄວາມສັດທາເຫຼື້ອມໃສ ແລະ ສັດທາຕໍ່ລະບົບຍຸຕິທໍາຂອງລັດ ເວົ້າສະເພາະກໍຄືລະບົບສານປະຊາຊົນ.

4. ຕ້ອງເພີ່ມທະວີການພົວພັນ ແລະ ຮ່ວມມື ກັນທັງພາຍໃນ ແລະ ຕ່າງປະເທດ, ພົວພັນ ແລະ ປະສານງານກັບຂະແໜງການ ແລະ ອົງການປົກຄອງທ້ອງຖິ່ນທີ່ກ່ຽວຂ້ອງໃຫ້ແໜ້ນແຟ້ນ ເພື່ອແກ້ໄຂຄວາມຂັດແຍ່ງຕ່າງໆທີ່ເກີດຂຶ້ນຢູ່ໃນສັງຄົມ ໂດຍຜ່ານຂະບວນການຍຸຕິທໍາໃຫ້ດີຂຶ້ນເປັນກ້າວໆ ບົນພື້ນຖານແນວທາງນະໂຍບາຍ ແລະ ລະບຽບກົດໝາຍຂອງລັດ, ຕ້ອງຍົກສູງຄວາມຮັບຜິດຊອບ ຖືວ່າການແກ້ໄຂຂໍ້ຂັດແຍ່ງທີ່ເກີດຂຶ້ນ, ການດໍາເນີນຄະດີ ຕາມຂະບວນຍຸຕິທໍາ ແມ່ນໜ້າທີ່ຂອງທຸກຄົນ, ຄອບຄົວ ແລະ ການຈັດຕັ້ງ ຊອກຫາວິທີແກ້ໄຂດ້ວຍຫຼາຍວິທີ ຕົວຢ່າງ: ຂໍ້ຂັດແຍ່ງ ເກີດຂຶ້ນຢູ່ບ່ອນໃດ, ບ່ອນນັ້ນຈະຕ້ອງມີຄວາມຮັບຜິດຊອບສຶກສາອົບຮົມໄກ່ເກ່ຍເປັນຕົ້ນຕໍ ເມື່ອບໍ່ສາມາດໄກ່ເກ່ຍແລ້ວ ຈຶ່ງນໍາເຂົ້າສູ່ຂະບວນຍຸຕິທໍາຕາມຂັ້ນຕອນຂອງກົດໝາຍ ແລະ ທຸກຂັ້ນຕອນຂອງຂະບວນຍຸຕິທໍາກໍໃຫ້ຖືເອົາການສຶກສາອົບຮົມໄກ່ເກ່ຍເປັນສໍາຄັນ, ເມື່ອໄກ່ເກ່ຍບໍ່ໄດ້ແລ້ວ ຈຶ່ງຄົ້ນຄວ້າພິຈາລະນາຕັດສິນ ແລະ ພິພາກສາ ຕາມກົດໝາຍ ໂດຍອີງໃສ່ເອກະສານຂໍ້ມູນຫຼັກຖານທີ່ເກັບກໍາມາໄດ້ໃນສໍານວນຄະດີ. (ຂ່າວ-ພາບ: ສປສສ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com