ໜັງສືພິມ ປະຊາຊົນ

ປະກາດການຈັດຕັ້ງ ເຈົ້າເມືອງ ແລະ ຮອງເຈົ້າເມືອງໆເງິນ

ເຜີຍແຜ່ໂດຍ: siththiphone rasphone ເວລາ: 27/01/2020 09:07:20 ຈຳນວນຢ້ຽມຊົມ 2008 ຄັ້ງ

ພິທີປະກາດການຈັດຕັ້ງ ເຈົ້າເມືອງ ແລະ ຮອງເຈົ້າເມືອງ ຂຶ້ນຢ່າງເປັນທາງການໄດ້ຈັດຂຶ້ນໃນວັນທີ 24 ມັງກອນ ທີ່ສະໂມສອນເມືອງເງິນ ແຂວງ ໄຊຍະບູລີ ໂດຍການເຂົ້າຮ່ວມຂອງສະຫາຍ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າ ແຂວງໄຊຍະບູລີ, ມີຄະນະປະ ຈຳພັກເມືອງ, ກຳມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ຫົວໜ້າໜ່ວຍງານ, ກົມກອງ, ລັດວິສາຫະກິດ, ອຳ ນວຍການໂຮງຮຽນ, ໂຮງໝໍ, ນັກທຸລະກິດ, ຜູ້ປະກອບການ ແລະ ເລຂາໜ່ວຍພັກນາຍບ້ານ ໃນທົ່ວເມືອງເຂົ້າຮ່ວມ.
ໃນພິທີ ສະຫາຍ ໄພທອງ ຈັນດາ ຮອງຄະນະຈັດຕັ້ງແຂວງ ໄດ້ຂຶ້ນຜ່ານມະຕິຕົກລົງຂອງ ຄະນະປະຈຳພັກແຂວງ ສະບັບເລກທີ 34/ຄພຂ ລົງວັນທີ 17 ມັງກອນ 2020 ວ່າດ້ວຍການຮັບຮອງເອົາຄະນະບໍລິຫານງານພັກເມືອງ, ຜູ້ແທນສົມບູນ-ສຳຮອງຄະນະປະຈຳພັກເມືອງ, ເລຂາ-ຮອງເລຂາພັກເມືອງ ປະ ທານ-ຮອງປະທານຄະນະກວດ ກາພັກເມືອງ ສະໄໝທີ V ປະກອບມີ 25 ສະຫາຍ, ຍິງ 3 ສະຫາຍ ແລະ ຜ່ານຂໍ້ຕົກລົງຂອງທ່ານເຈົ້າແຂວງໄຊຍະບູລີ ສະບັບ ເລກທີ 74/ຈຂ ຊຍ ລົງວັນທີ 21 ມັງກອນ 2020 ວ່າດ້ວຍການແຕ່ງຕັ້ງເຈົ້າເມືອງ ແລະ ຮອງເຈົ້າເມືອງດັ່ງນີ້:
1. ແຕ່ງຕັ້ງສະຫາຍ ຄຳແພງ ຕັດສະຫວັດ ເປັນເລຂາພັກ ເມືອງ ເຈົ້າເມືອງໆເງິນ.
2. ແຕ່ງຕັ້ງສະຫາຍ ສອນສຸກ ພວງແກ້ວ ເປັນຮອງເລຂາພັກເມືອງ.
3. ແຕ່ງຕັ້ງສະຫາຍ ບຸນສົດ ອິນທະບັນຍາ ເປັນຮອງເລຂາພັກເມືອງ.
4. ສະຫາຍ ທະວິສັກ ໄຊຍະວົງ ເປັນຮອງເຈົ້າເມືອງ.
5. ສະຫາຍ ສີທະນົນໄຊ ທອງເທພາ ເປັນຮອງເຈົ້າເມືອງ.
ຕອນທ້າຍແມ່ນໄດ້ຮັບຟັງການໂອ້ລົມຂອງສະຫາຍ ຍັນຍົງ ສີປະເສີດ ຮອງເລຂາພັກແຂວງ ຮອງເຈົ້າແຂວງໄຊຍະບູລີ ຊຶ່ງສະຫາຍໄດ້ເນັ້ນບາງບັນຫາຕໍ່ຄະນະບໍລິຫານງານພັກເມືອງຊຸດໃໝ່ໃຫ້ພ້ອມກັນສຸມທຸກສະຕິປັນຍາ, ຄວາມຮູ້ຄວາມສາມາດກຳລັງແຮງສັງ ລວມເຂົ້າໃນການຄົ້ນຄວ້າເຊື່ອມ ຊຶມ ແລະ ກຳແໜ້ນແນວທາງນະ ໂຍບາຍຂອງພັກ, ນະໂຍບາຍ ຂອງລັດໃຫ້ກວ້າງຂວາງເລິກ ເຊິ່ງ ພ້ອມທັງນຳໄປຈັດຕັ້ງປະ ຕິບັດ ແລະ ຜັນຂະຫຍາຍເຂົ້າ ສູ່ຊີວິດຕົວຈິງ, ສືບຕໍ່ເອົາໃຈໃສ່ເພີ່ມທະວີຄວາມສາມັກຄີພາຍ ໃນກໍຄືທົ່ວສັງຄົມ, ເອົາໃຈໃສ່ ຍົກລະດັບແບບແຜນວິທີນຳ ພາ, ແບບແຜນວິທີເຮັດວຽກ ໂດຍປະຕິບັດຫຼັກການລວມສູນ ປະຊາທິປະໄຕພາຍໃນພັກ, ປະຕິບັດໜ້າທ່ີວຽກງານດ້ວຍຄວາມຊື່ສັດບໍລິສຸດ ເພື່ອນຳພາເມືອງເງິນໃຫ້ກ້າວໄປສູ່ຄວາມສີວິໄລ, ມັ່ງຄັ່ງເຂັ້ມແຂງຢ່າງບໍຢຸດຢັ້ງ.
(ຂ່າວ: ອິນແປງ ແຫວນຄຳ)

ຂ່າວທີ່ໄດ້ຮັບຄວາມນິຍົມ