Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສຳເລັດກອງປະຊຸມຄົບຄະນະບໍລິຫານງານພັກແຂວງຈໍາປາສັກ ຄັ້ງທີ 4 ສະໄໝທີ VIII

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 18/07/2021 10:51:27 ຈຳ​ນວນ​​ຢ້ຽມ​ຊົມ 1690 ຄັ້ງ

 

ກອງປະຊຸມຄົບຄະນະບໍລິຫານງານພັກແຂວງຈຳປາສັກ ຄັ້ງທີ 4 ສະໄໝທີ VIII ໄດ້ດຳເນີນຢ່າງເປັນທາງການ ແຕ່ວັນທີ 12-16 ກໍລະກົດ 2021 ທີ່ແຂວງຈຳປາສັກ, ພາຍໃຕ້ການເປັນປະທານຂອງ ສະຫາຍ ວິໄລວົງ ບຸດດາຄໍາ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຈໍາປາສັກ ມີພາກສ່ວນກ່ຽວຂ້ອງເຂົ້າຮ່ວມ.

ກອງປະຊຸມໄດ້ຮັບຟັງການເຜີຍແຜ່ມະຕິກອງປະຊຸມຄົບຄະນະສະໄໝວິສາມັນ ຂອງຄະນະບໍລິຫານງານສູນກາງພັກສະໄໝທີ XI, ຄົ້ນຄວ້າ, ປຶກສາຫາລືກ່ຽວກັບການຕີລາຄາ ຜົນການຜັນຂະຫຍາຍຈັດຕັ້ງປະຕິບັດມະຕິກອງປະຊຸມຄົບຄະນະ ຄັ້ງທີ 3 ຂອງຄະນະບໍລິຫານງານພັກແຂວງ ສະໄໝທີ VIII, ມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ  ແລະ ວຽກງານຈຸດສຸມໃນຕໍ່ໜ້າ; ຮັບຟັງການລາຍງານ ແລະ ຄົ້ນຄວ້າ, ປຶກສາຫາລື ເນື້ອໃນທີ່ສໍາຄັນໃນບາງຂົງເຂດວຽກງານ.

      ຜ່ານການຄົ້ນຄວ້າປຶກສາຫາລືຢ່າງເລິກເຊິ່ງ ໄດ້ຕົກລົງເຫັນດີເປັນເອກະພາບ ແລະ ໃຫ້ທິດຊີ້ນຳ ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ, ມະຕິກອງປະຊຸມຄົບຄະນະຄັ້ງທີ 3 ຂອງຄະນະບໍລິຫານງານພັກແຂວງ ສະໄໝທີ VIII ໄດ້ມີຄວາມເປັນເອກະພາບສູງຕໍ່ການສະຫຼຸບຕີລາຄາສະພາບການນຳພາ-ຊີ້ນຳຂອງຄະນະບໍລິຫານງານພັກແຂວງ ໃນໄລຍະ 6 ເດືອນ ຕົ້ນປີ 2021 ຜ່ານມາ, ເຖິງແມ່ນວ່າສະພາບພາຍໃນແຂວງຈະພົບຄວາມຫຍຸ້ງຍາກ ສິ່ງທ້າທາຍຫຼາຍດ້ານ ເປັນຕົ້ນການລະບາດຂອງພະຍາດໂຄວິດ-19, ແຕ່ພາຍໃຕ້ການນໍາພາ-ຊີ້ນໍາຂອງຄະນະພັກ, ອົງການປົກຄອງແຂວງ, ຄວາມສາມັກຄີເປັນປຶກແຜ່ນຂອງສະມາຊິກພັກ, ພະນັກງານ ແລະ ປະຊາຊົນບັນດາເຜົ່າ ເຮັດໃຫ້ວຽກງານຈຸດສຸມຕ່າງໆໄດ້ຮັບການຈັດຕັ້ງປະຕິບັດ ແລະ ມີຜົນສຳເລັດຫຼາຍດ້ານ; ສະພາບໂດຍລວມພາຍໃນແຂວງ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ; ໄດ້ນໍາພາປັບປຸງ ຍົກສູງຄວາມສາມາດນຳພາຂອງຄະນະພັກ ແລະ ຄວາມເປັນແບບຢ່າງນໍາໜ້າຂອງສະມາຊິກພັກ ໂດຍສະເພາະຄະນະບໍລິຫານງານພັກແຂວງ ໄດ້ນຳພາຈັດຕັ້ງປະຕິບັດ  ຄຳສັ່ງເລກທີ 38/ກມສພ, ລົງວັນທີ 9 ມີນາ 2021 ໃນການຈັດຕັ້ງເຊື່ອມຊຶມ ມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິ VIII ຂອງອົງຄະນະພັກແຂວງ ໄດ້ສຳເລັດ 49 ຮາກຖານພັກ, 10 ອົງຄະນະພັກ, 10 ຕົວເມືອງ-ນະຄອນປາກເຊ, ອົງຄະນະພັກ ປກຊ-ປກສ ໄດ້ທັງໝົດ 82 ຊຸດ ມີຈໍານວນພົນເຂົ້າຮ່ວທັງໝົດ 13.588 ສະຫາຍ.

ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າ, ປຶກສາຫາລື ແລະ ໃຫ້ຄຳເຫັນຊີ້ນໍາຕໍ່ກັບ 13 ວຽກສໍາຄັນ ແລະ ໄດ້ຕົກລົງເປັນເອກະພາບ ກໍານົດບາງທິດທາງວຽກຈຸດສຸມສະເພາະໜ້າ ໂດຍກຳນົດເອົາ 3 ທິດທາງລວມ ແລະ 8 ເນື້ອໃນຈຸດສຸມແຕ່ລະຂົງເຂດວຽກງານ.

ໂອກາດນີ້, ສະຫາຍ ວິໄລວົງ ບຸດດາຄໍາ ກ່າວວ່າ: ຄະນະພັກແຕ່ລະຂັ້ນ ຕ້ອງເອົາໃຈໃສ່ຊີ້ນຳ-ນຳພາໃນການເຊື່ອມຊຶມຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມຄັ້ງທີ VIII ຂອງອົງຄະນະພັກແຂວງ ແລະ ມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 4 ສະໄໜທີ VIII ກໍຄືທິດທາງວຽກງານຈຸດສຸມຕໍ່ໜ້າ ແລະ ການເພີ່ມທະວີການຄຸ້ມຄອງລັດ ຕາມລະບຽບກົດໝາຍ ໃຫ້ພະນັກງານ, ປະຊາຊົນ ເຂົ້າໃຈເຊື່ອມຊຶມຢ່າງທົ່ວເຖິງ ສ້າງການຫັນປ່ຽນຢ່າງແຂງແຮງ, ເລິກເຊິ່ງ ຮອບດ້ານ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ ໃຫ້ມີຜົນສໍາເລັດ.  ເພີ່ມທະວີການຕິດຕາມ, ກວດກາ, ຕີລາຄາ ຂອງຄະນະພັກຂັ້ນເທິງ ຕໍ່ການນຳພາ-ຊີ້ນຳ ການຜັນຂະຫຍາຍມະຕິຂອງສູນກາງພັກ, ມະຕິຂອງອົງຄະນະພັກແຂວງ ຢ່າງເປັນລະບົບຄົບຊຸດ, ເພີ່ມທະວີຄວາມຮັບຜິດຊອບທາງດ້ານການເມືອງ ຂອງຄະນະພັກແຕ່ລະຂັ້ນ ເພື່ອສ້າງການຫັນປ່ຽນຕົວຈິງດ້ານຕ່າງໆ.        ເພີ່ມທະວີເຊີດຊູບົດບາດການນໍາພາໂດຍກົງຂອງຄະນະພັກທຸກຂັ້ນ ເພື່ອໃຫ້ການແກ້ໄຂບັນຫາຕ່າງໆຮອບດ້ານ ໄດ້ຮັບການຈັດຕັ້ງປະຕິບັດຢ່າງເປັນລະບົບ, ເຂັ້ມແຂງ ແລະ ຮັບປະກັນໝາກຜົນຕົວຈິງ, ສ້າງການຫັນປ່ຽນຢ່າງຈະແຈ້ງ, ຕັ້ງໜ້າ ແລະ ເລິກເຊິ່ງ ໂດຍສະເພາະ ການແກ້ໄຂສະພາບຄວາມຫຍຸ້ງຍາກທາງດ້ານເສດຖະກິດ-ການເງິນ, ບັນຫາປະກົດການຫຍໍ້ທໍ້ໃນສັງຄົມ.   ເພີ່ມທະວີການຫັນລົງກໍ່ສ້າງຮາກຖານການເມືອງ ຕິດພັນກັບການພັດທະນາຊົນນະບົດ, ແກ້ໄຂຄວາມທຸກຍາກ, ຍູ້ຂະບວນການຢ່າງເປັນລະບົບ, ແຂງແຮງ, ຕໍ່ເນື່ອງ, ຕິດພັນກັບການ ສ້າງພະນັກງານທີ່ເຕີບໃຫຍ່ຜ່ານຂະບວນການຕົວຈິງຈາກຮາກຖານຂຶ້ນມາ.          ເພີ່ມທະວີບັນດາມາດຕະການທາງດ້ານກົດໝາຍ ແລະ ລະບຽບວິໄນການຄຸ້ມຄອງພະນັກງານ, ສະມາຊິກພັກ ຜ່ານການສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ບັນດາພະນັກງານຫຼັກແຫຼ່ງ ໄດ້ມີຄວາມຮັບຮູ້, ມີຄວາມຕັດສິນໃຈ ແກ້ໄຂຈຸດອ່ອນລວມ ກໍຄືຂອງແຕ່ລະສະຫາຍ ຖືເປັນບາດລ້ຽວສຳຄັນໃນການສ້າງພັກ ໃຫ້ປອດໃສ ເຂັ້ມແຂງ ແລະ ໜັກແໜ້ນ, ໃນຕໍ່ໜ້າການຄຸ້ມຄອງພັກ, ຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ຕ້ອງປະຕິບັດຕາມລະບຽບຂອງພັກ ແລະ ກົດໝາຍຂອງລັດ ຢ່າງເຂັ້ມງວດ.

ໂອກາດດັ່ງກ່າວ, ຍັງໄດ້ມີພິທີມອບ-ຮັບ ອຸປະກອນຮັບໃຊ້, ລົດຈັກ ແລະ ເງິນ ໃຫ້ບັນດາ ເມືອງ, ນະຄອນ ເປົ້າໝາຍລະ 1 ຄັນ, ເງິນເມືອງລະ 30 ລ້ານກີບ ແລະ ອຸປະກອນການແພດ ຈຳນວນໜຶ່ງ ເພື່ອຮັບໃຊ້ເຂົ້າໃນວຽກງານຕ້ານການລະບາດ ພະຍາດໂຄວິດ-19, ກ່າວມອບໂດຍສະຫາຍ ວິໄລວົງ ບຸດດາຄໍາ ແລະ ຕາງໜ້າກ່າວຮັບໂດຍ ບັນດາສະຫາຍ ເລຂາພັກເມືອງ ເຈົ້າ ເມືອງ, ນະຄອນ. ຂ່າວ-ພາບ: ທັດຊະນະ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com