Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຄວາມ​ເປັນ​ມາ​ຂອງ​ລັດ​ຖະ​ທຳ​ມະ​ນູນແຫ່ງ ສ​ປ​ປ ລາວ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 02/08/2021 15:58:48 ຈຳ​ນວນ​​ຢ້ຽມ​ຊົມ 454 ຄັ້ງ

ພາ­ລະ­ກິດ​ປະ­ຕິ­ວັດ​ແຫ່ງ​ການ​ຕໍ່­ສູ້​ກູ້​ຊາດ ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ ພາຍ​ໃຕ້​ການ​ນໍາ​ພາ ຂອງ​ພັກ​ກອມ​ມູ​ນິດ​ອິນ­ດູ­ຈີນ​ໃນ​ເມື່ອ​ກ່ອນ ແລະ ພັກ​ປະ­ຊາ­ຊົນ ​ປະ­ຕິ­ວັດ​ລາວ ​ໃນ​ປັດ­ຈຸ­ບັນ ໃນ​ການຕໍ່­ສູ້​ຕ້ານ​ຈັກກະ­ພັດ​ລ່າ​ເມືອງ​ຂຶ້ນ​ທັງ​ແບບ​ເກົ່າ, ແບບ​ໃຫມ່ ແລະ ລູກ­ແຫຼ່ງ​ຕີນ​ມື​ຂອງ​ພວກ​ເຂົາ ໄດ້​ດໍາ​ເນີນໄປ​ຢ່າງຮອບ­ດ້ານ, ດຸ­ເດືອດ, ຂ້ຽວ­ຂາດ, ຍືດ​ເຍື້ອ​ຍາວ​ນານ, ເຕັມ​ໄປ​ດ້ວຍ​ຄວາມ​ເສຍ­ສະ­ຫຼະ​ອັນ​ໃຫຍ່ຫຼວງ ຈົນ​ໄດ້​ຮັບ​ໄຊ­ຊະ­ນະ​ຢ່າງ​ສົມ­ບູນ ໂດຍ​ໄດ້​ໂຄ່ນ​ລົ້ມ​ລັດ­ທິ​ລ່າ​ເມືອງ​ຂຶ້ນ​ແບບ​ໃໝ່ ແລະ ລະ­ບອບ​ສັກດີ​ນາ​ຢ່າງ​ສິ້ນ​ເຊີງ ແລະ ສະ­ຖາ­ປະ­ນາ​ລັດ​ສາ­ທາ­ລະ­ນະ​ລັດ ປະ­ຊາ­ທິ­ປະ­ໄຕ ປະ­ຊາ­ຊົນ​ລາວ​ຂຶ້ນ ຢ່າງສະ­ຫງ່າ​ອົງ­ອາດ ໃນ​ວັນ​ທີ 2 ທັນ­ວາ 1975 ຊຶ່ງ​ເປັນ​ການ​ໄຂ​ສັງ­ກາດ​ໃໝ່​ທີ່​ປະ­ເທດ​ຊາດ​ໄດ້​ຮັບເອ­ກະ­ລາດ​ຢ່າງ​ສົມ­ບູນ ແລະ ປະ­ຊາ­ຊົນ​ລາວ​ບັນ­ດາ­ເຜົ່າ ໄດ້​ມີ​ອິດ­ສະ­ຫຼະ­ພາບ ແລະ ສິດ​ເປັນ​ເຈົ້າ​ຂອງປະ­ເທດ​ຊາດ​ຢ່າງ​ແທ້​ຈິງ ອັນ​ໄດ້​ເລັ່ງ​ທວງ​ໃຫ້​ຕ້ອງ​ມີ​ນິ­ຕິ​ກໍາ​ພື້ນ­ຖານ ເພື່ອ​ຮັບ​ຮູ້ ແລະ ຄ້ໍາ​ປະ­ກັນ​ໝາກ­ຜົນ ອັນ​ຍິ່ງ​ໃຫຍ່​ຂອງ​ຊາດ​ລາວ​ວິ­ລະ​ຊົນ.

ໃນ​ໄລ­ຍະ​ແຕ່​ປີ 1975-1985 ແມ່ນ​ທົດ​ສະ​ວັດ​ທໍາ​ອິດ ທີ່​ພັກ​ປະ­ຊາ­ຊົນ ​ປະ­ຕິ­ວັດ​ລາວ ໄດ້​ກໍາອໍາ​ນາດ​ຢ່າງ​ເປີດ­ເຜີຍ ແລະ ນໍາ​ພາ​ທົ່ວ​ພັກ, ທົ່ວ​ລັດ, ທົ່ວ​ກໍາ​ລັງ​ປະ­ກອບ​ອາ­ວຸດ ແລະ ທົ່ວ​ປວງ​ຊົນ​ລາວທັງ​ຊາດ ຈັດ​ຕັ້ງ​ປະ­ຕິ­ບັດ​ສອງ​ໜ້າ­ທີ່​ຍຸດ­ທະ­ສາດ ຂອງ​ການ​ປະ­ຕິ­ວັດ​ລາວ​ໃນ​ໄລ­ຍະ​ໃໝ່ ຄື: ປົກ​ປັກ​ຮັກສາ ແລະ ສ້າງ­ສາ​ປະ­ເທດ​ຊາດ ຕາມ​ຈຸດ­ໝາຍ​ສ້າງ​ປະ­ເທດ​ລາວ: ສັນ­ຕິ­ພາບ, ເອ­ກະ­ລາດ, ປະ­ຊາ​ທິ​ປະໄຕ, ເອ­ກະ​ພາບ ແລະ ວັດ­ທະ­ນະ​ຖາ​ວອນ. ອີງ­ໃສ່​ໜ້າ­ທີ່​ການ­ເມືອງ​ຂອງ​ພັກ, ຈຸດ​ພິ­ເສດ​ທາງ​ດ້ານ​ເສດຖະ​ກິດ​-​ສັງ­ຄົມ ຂອງ​ປະ­ເທດ​ຊາດ ແລະ ຈິດ­ຕະ­ສາດ​ຂອງ​ສັງ­ຄົມ​ລາວ​ໃນ​ໄລ­ຍະ​ນັ້ນ ລັດ ແຫ່ງ ສປປ ລາວ ຈຶ່ງ​ດໍາ​ເນີນ​ການ​ຄຸ້ມ​ຄອງ​ລັດ, ຄຸ້ມ​ຄອງ​ສັງ­ຄົມ ໂດຍ​ອີງ­ໃສ່​ແນວ­ທາງ, ນະ­ໂຍ­ບາຍ, ມະ­ຕິ ແລະ ຄໍາສັ່ງ ເປັນ­ຕົ້ນ​ຕໍ ບົນ​ພື້ນ­ຖານ​ກົນ​ໄກ​ລວມ​ສູນ, ບໍ­ລິ­ຫານ​ເກື້ອ​ກູ​ນ.

ນັບ​ແຕ່​ປີ 1986 ເປັນ­ຕົ້ນ​ມາ ພັກ​ປະ­ຊາ­ຊົນ ​ປະ­ຕິ­ວັດ​ລາວ ໄດ້​ວາງ​ແນວ­ທາງ​ປ່ຽນ­ແປງ​ໃໝ່​ຢ່າງ ຮອບ­ດ້ານ ມີ​ຫຼັກ­ການ ແລະ ຜ່ານ​ການ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່​ດັ່ງ­ກ່າວ ຊີ­ວິດ ສັງ­ຄົມ ໄດ້​ເລັ່ງ ທວງ​ໃຫ້​ພັກ ແລະ ລັດ​ເຮົາ ຕ້ອງ​ຍົກ​ລະ­ດັບ​ການ​ຄຸ້ມ​ຄອງ​ລັດ, ຄຸ້ມ​ຄອງ​ເສດ​ຖະ​ກິດ​-​ສັງ­ຄົມ ຂຶ້ນ​ສູ່ລະ­ດັບ​ໃໝ່ ດ້ວຍ​ການ​ຄຸ້ມ​ຄອງ​ຕາມ​ລັດ​ຖະ​ທໍາ​ມະ­ນູນ ແລະ ກົດ​ໝາຍ. ຍ້ອນ​ແນວ​ນັ້ນ, ສະ­ພາປະ­ຊາ­ຊົນ​ສູງ​ສຸດ ຊຸດ​ທີ II ໃນ​ຖາ­ນະ​ເປັນ​ສະ­ພາ​ຮ່າງ​ລັດ​ຖະ​ທໍາ​ມະ­ນູນ​ທີ່​ໄດ້​ຮັບ​ການ​ເລືອກ​ຕັ້ງ​ຂຶ້ນ​ໃນ​ປີ 1989 ໂດຍ​ມີ​ຄະ​ນະ​ກໍາ​ມະ​ການ​ຮ່າງ​ລັດ​ຖະ​ທໍາ​ມະ­ນູນ​ແຫ່ງ​ຊາດ​ເປັນ​ເສ­ນາ​ທິ​ການ ຈຶ່ງ​ໄດ້​ດໍາ​ເນີນ​ການຄົ້ນ­ຄວ້າ ແລະ ສ້າງ​ຮ່າງ​ລັດ​ຖະ​ທໍາ​ມະ­ນູນ ຈົນ​ມາ​ເຖິງ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 5 ຂອງ​ສະ­ພາປະ­ຊາ­ຊົນ​ສູງ​ສຸດ ຊຸດ​ທີ II ໃນ​ວາ­ລະ​ປະ­ຊຸມ​ວັນ​ທີ 14 ສິງ­ຫາ 1991 ຈຶ່ງ​ໄດ້​ຮັບ­ຮອງ​ເອົາ​ລັດ​ຖະ​ທໍາມະ­ນູນ ສະ​ບັ​ບທໍາ​ອິດ ແຫ່ງ ສປປ ລາວ ແລະ ຕໍ່​ມາ​ປະ­ທານ​ປະ­ເທດ ແຫ່ງ ສປປ ລາວ ກໍ​ໄດ້​ອອກລັດ​ຖະ​ດໍາ​ລັດ ສະ­ບັບ​ເລກ​ທີ 15/ປທປທ, ລົງ​ວັນ​ທີ 15 ສິງ­ຫາ 1991 ວ່າ​ດ້ວຍ​ການ​ປະ­ກາດ​ໃຊ້​ລັດ​ຖະທໍາ​ມະ­ນູນ ແຫ່ງ ສປປ ລາວ ສະ​ບັ​ບທໍາ​ອິດ​ຢ່າງ​ເປັນ​ທາງ​ການ.

ລັດ​ຖະ​ທໍາ​ມະ­ນູນ ສະ​ບັ​ບທໍາ​ອິດ​ນີ້ ປະ­ກອບ​ດ້ວຍ 10 ໝວດ 80 ມາດ­ຕາ ຄື: ໝວດ​ທີ I ວ່າ ດ້ວຍ​ລະ­ບອບ​ການ­ເມືອງ, ໝວດ​ທີ II ວ່າ​ດ້ວຍ​ລະ­ບອບ​ເສດ­ຖະ­ກິດ, ໝວດ​ທີ III ວ່າ​ດ້ວຍ​ສິດ ແລະ ພັນ ­ທະ​ພື້ນ­ຖານ​ຂອງ​ພົນ­ລະ­ເມືອງ​ລາວ; ຫມວດ​ທີ V ວ່າ​ດ້ວຍ​ສະ­ພາ​ແຫ່ງ​ຊາດ; ຫມວດ​ທີ V ວ່າ​ດ້ວຍ ປະ  ­ທານ​ປະ­ເທດ; ໝວດ​ທີ VI ວ່າ​ດ້ວຍ​ລັດ­ຖະ­ບານ; ໝວດ​ທີ VII ວ່າ​ດ້ວຍ​ການ​ປົກ­ຄອງ​ທ້ອງ­ຖິ່ນ; ໝວດ​ທີ VIII ວ່າ​ດ້ວຍ​ອົງ­ການ​ຕຸ­ລາ­ການ; ໝວດ​ທີ IX ວ່າ​ດ້ວຍ ພາ­ສາ, ອັກ­ສອນ, ເຄື່ອງ­ໝາຍ​ຊາດ, ທຸງ  ­ຊາດ, ເພງ​ຊາດ ແລະ ນະ­ຄອນ­ຫຼວງ; ໝວດ​ທີ X ວ່າ​ດ້ວຍ​ບົດ​ບັນ­ຍັດ​ສຸດ​ທ້າຍ.

ພາຍ­ຫຼັງ​ປະ­ກາດ​ໃຊ້​ລັດ​ຖະ​ທໍາ​ມະ­ນູນ ມາ​ເປັນ​ເວ­ລາ​ສີ່​ປີກ​ວ່າ ແລະ ມາ​ເຖິງ​ທ້າຍ​ປີ 1995 ໂດຍ​ໄດ້​ຮັບ​ການ​ເຫັນ​ດີ​ຂອງ​ກົມ​ການ­ເມືອງ​ສູນ​ກາງ​ພັກ ສະ­ໄຫມ​ທີ V, ສະ­ພາ​ແຫ່ງ​ຊາດ ຊຸດ​ທີ III ຈຶ່ງ​ໄດ້ ຕົກ​ລົງ​ກໍາ​ນົດ​ເອົາ​ວັນ​ທີ 15 ສິງ­ຫາ 1991 ເປັນ​ວັນ​ລັດ​ຖະ​ທໍາ​ມະ­ນູນ​ແຫ່ງ​ຊາດ ແນ­ໃສ່​ຫວນ​ຄືນ​ການປະ­ຕິ­ບັດ​ລັດ​ຖະ​ທໍາ​ມະ­ນູນ ໃນ​ແຕ່​ລະ​ປີ, ສຶກ­ສາ​ອົບ­ຮົມ ແລະ ສ້າງ​ສະ­ຕິ​ເຄົາ­ລົບ ແລະ ປະ­ຕິ­ບັດ​ລັດ​ຖະທໍາ​ມະ­ນູນ ໃນ​ທົ່ວ​ສັງ­ຄົມ​ໃຫ້​ສູງ​ຂຶ້ນ.

ຜ່ານ​ການ­ຈັດ­ຕັ້ງ​ປະ­ຕິ­ບັດ​ລັດ​ຖະ​ທໍາ​ມະ­ນູນ​ສະ​ບັ​ບທໍາ​ອິດ ເປັນ​ເວ­ລາ 12 ປີ ແລະ ເພື່ອ​ຕອບ ສະໜອງ​ຄວາມ​ຮຽກ­ຮ້ອງ​ຕ້ອງ­ການ​ໃນ​ການ​ປະ­ຕິ­ບັດ​ແນວ­ທາງ​ປ່ຽນ­ແປງ​ໃໝ່​ຮອບ­ດ້ານ ມີ​ຫຼັກ­ການ​ຂອງ ພັກ ເຂົ້າ​ສູ່​ລວງ​ເລິກ ສະ­ພາ​ແຫ່ງ​ຊາດ ຊຸດ​ທີ V ຈຶ່ງ​ໄດ້​ພິ­ຈາ­ລະ­ນາ ແລະ ຮັບ­ຮອງ​ເອົາ​ລັດ​ຖະ​ທໍາ​ມະ­ນູນ ສະ  ­ບັບ​ປັບ­ປຸງ​ເທື່ອ​ທີ 1 ຢູ່​ໃນ​ວາ­ລະ​ກອງ​ປະ­ຊຸມ​ສະ­ໄໝ​ສາ­ມັນ ເທື່ອ​ທີ 3 ແລະ ປະ­ທານ​ປະ­ເທດ​ແຫ່ງ ສປປ ລາວ ກໍ​ໄດ້​ອອກ​ລັດ​ຖະ​ດໍາ​ລັດ​ປະ­ກາດ​ໃຊ້ ສະ­ບັບ​ເລກ​ທີ 32/ປທປທ, ລົງ​ວັນ​ທີ 28 ພຶດ­ສະ­ພາ

2003. ລັດ​ຖະ​ທໍາ​ມະ­ນູນ ສະ­ບັບ​ປີ 2003 ປະ­ກອບ​ມີ 11 ໝວດ 98 ມາດ­ຕາ, ໃນ​ນີ້ ໝວດ​ທີ່ເພີ່ມ ເຂົ້າ​ໃໝ່ ແມ່ນ​ໝວດ​ທີ III ວ່າ​ດ້ວຍ​ການ​ປ້ອງ​ກັນ​ຊາດ​-​ປ້ອງ​ກັນ​ຄວາມ​ສະ­ຫງົບ ແລະ ໄດ້​ປັບ­ປຸງ​ຊື່​ຂອງ ໝວດ​ທີ IV ຈາກ​ອົງ­ການ​ຕຸ­ລາ­ການ ມາ​ເປັນສານ​ປະ­ຊາ­ຊົນ ແລະ ອົງ­ການ​ໄອ​ຍະ​ການ​ປະ­ຊາ​ຊົນ.

ມາ​ເຖິງ​ປີ 2015 ຊຶ່ງ​ແມ່ນ​ໄລ­ຍະ​ຈັດ​ຕັ້ງ​ຜັນ​ຂະ­ຫຍາຍ​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກ ປະ­ຊາ­ຊົນ​ ປະ­ຕິ­ວັດ​ລາວ ທີ່​ເລັ່ງ​ທວງ​ໃຫ້​ຕ້ອງ​ມີ​ການ​ປັບ­ປຸງ​ບູ­ລະ­ນະ​ອໍາ​ນາດ​ລັດ​ຂັ້ນ​ຕ່າງໆ​ໃຫ້​ເປັນ​ລະ­ບົບ ແລະ ເຂັ້ມ­ແຂງ ຈຶ່ງ​ມີ​ຄວາມ​ຈໍາ​ເປັນ​ຕ້ອງ​ໄດ້​ປັບ­ປຸງ​ລັດ​ຖະ​ທໍາ​ມະ­ນູນ ເປັນ​ເທື່ອ​ທີ 2. ລັດ​ຖະ​ທໍາ​ມະ­ນູນສະ ­ບັບ​ປັບ­ປຸງ​ປີ 2015 ຊຶ່ງ​ແມ່ນ​ສະ­ບັບ​ທີ່​ນໍາ​ໃຊ້​ມາ​ເຖິງ​ປັດ­ຈຸ​ບັນ ປະ­ກອບ​ດ້ວຍ 14 ໝວດ, 119 ມາດຕາ ໃນ​ນີ້ ໝວດ​ທີ່​ເພີ່ມ​ເຂົ້າ​ໃໝ່ ແມ່ນ​ໝວດ​ທີ VIII ວ່າ​ດ້ວຍ​ສະ­ພາ​ປະ­ຊາ­ຊົນ​ທ້ອງ­ຖິ່ນ; ໝວດ​ທີ XI ວ່າ​ດ້ວຍ​ການ​ກວດ​ສອບ​ແຫ່ງ​ລັດ ແລະ ໝວດ​ທີ XII ວ່າ​ດ້ວຍ​ຄະ​ນະ​ກໍາ​ມະ​ການ​ເລືອກ​ຕັ້ງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com