ກອງປະຊຸມສໍາມະນາວິທະຍາສາດການແຕ່ງກາຍຊຸດປະຈໍາຊາດ ໄດ້ຈັດຂຶ້ນໃນວັນທີ 4 ສິງຫານີ້ ທີ່ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ພາຍ​ໃຕ​ການ​ເປັນ​ປະ​ທານຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ ມີຮອງລັດຖະມົນຕີ, ອະດີດພະນັກງານບໍານານ ແລະ ພະນັກງານກ່ຽວຂ້ອງເຂົ້າຮ່ວມ.

ຈຸດ​ປະ​ສົງ​ຂອງກອງປະຊຸມຄັ້ງນີ້ແມ່ນເພື່ອຄົ້ນຄວ້າກຳນົດເຄື່ອງນຸ່ງຊຸດປະຈໍາຊາດ ໂດຍອີງໃສ່ຂໍ້ກຳນົດເຄື່ອງນຸ່ງສຳລັບທ່ານຊາຍ-ຍິງ ໃນການເຄື່ອນໄຫວວຽກງານຕ່າງປະເທດຂອງກະຊວງການຕ່າງປະເທດ ແລະ ອີງຕາມຫຼັກຖານໃນການອອກແບບ, ການຕັດຫຍິບເຄື່ອງຕາມການນິຍົມຊົມຊອບການນຸ່ງຖືເຄື່ອງເຂົ້າຮ່ວມງານ ຫຼື ວິທີການຕ່າງໆຂອງປະຊາຊົນລາວບັນດາເຜົ່າທີ່ໄດ້ສືບທອດກັນມາຫຼາຍຮຸ່ນຄົນຈົນມາຮອດປັດຈຸບັນ. ເພື່ອມາເປັນແບບ ຫຼື ເປັນຂໍ້ມູນທີ່ຊົງຄຸນວຸດທິທັງຫຼາຍທັງເປັນການຄົ້ນຄວ້າ, ຊີ້ນຳເພີ່ມເຕີມທາງດ້ານເນື້ອໃນ, ຮູບແບບ ແລະ ໃຫ້ມີທິດສະດີ, ຊຸດປະຈໍາຊາດເປັນຫຼັກການລະບຽບການ ມາດຕະການກ່ຽວກັບການແຕ່ງກາຍຊຸດປະຈໍາຊາດໃຫ້ມີຄວາມຊັດເຈນນຳໃຊ້ຢ່າງເປັນເອກກະພາບໃນທົ່ວປະເທດຮັກສາລັກສະນະຊາດກ້າວໜ້າ ແລະ ມະຫາຊົນແນໃສ່ລັກສະນະສຶບທອດ ແລະ ພັດທະນາຫົວຄິດປະດິດສ້າງຂອງປະຊາຊົນດ້ານສີໄມ້ລາຍມືອັນປານິດຈົບງາມທີ່ເປັນເອກະລັດໂດດເດັ່ນຂອງຊາດ.

ພາບ-ຂ່າວ: ບຸນອູ້ມ