ໜັງສືພິມ ປະຊາຊົນ

ທະຫານນະຄອນຫຼວງວຽງຈັນ ສັບຊ້ອນນາຍທະຫານທີ່ຮຽນຈົບໄປຮັບໜ້າທີ່ຢູ່ກົມກອງ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 09/08/2021 15:10:10 ຈຳນວນຢ້ຽມຊົມ 1373 ຄັ້ງ

ເມື່ອບໍ່ດົນມານີ້ ທີ່ກອງບັນຊາການທະຫານນະຄອນຫຼວງວຽງຈັນ ໄດ້ຈັດພິທີປະກາດສັບຊ້ອນນັກຮຽນນາຍສິບ ແລະ ພົນທະຫານທີ່ຮຽນຈົບມາໃໝ່ຈາກໂຮງຮຽນບຳລຸງ-ກໍ່ສ້າງຂອງກອງທັບ ແລະ ບັນດາໂຮງຮຽນທ້ອງຖິ່ນໃນສົກປີ 2020-2021 ໄປຮັບໜ້າທີ່ຢູ່ບັນດາກົມກອງທີ່ຂຶ້ນກັບກອງບັນຊາການທະຫານນະຄອນຫຼວງວຽງຈັນ ໂດຍເປັນກຽດເຂົ້າຮ່ວມຂອງ ສະຫາຍ ພັນໂທ ບຸນລິດ ສີສຸພອນ ຮອງກອງບັນຊາການ ຫົວໜ້າຫ້ອງເສນາທິການກອງບັນຊາການທະຫານນະຄອນຫຼວງ, ມີຄະນະພັກ-ຄະນະບັນຊາຈາກອົງການ 5 ຫ້ອງ, ກົມກອງອ້ອມຂ້າງ, ພະແນກການທີ່ກ່ຽວຂ້ອງເຂົ້າຮ່ວມ.

ໃນພິທີໄດ້ປະກາດສັບຊ້ອນໃຫ້ແຕ່ລະຫົວໜ່ວຍກົມກອງທີ່ຍັງຂາດທາງດ້ານຈຳນວນພົນທີ່ເຮັດວຽກງານວິຊາສະເພາະ ແລະ ອື່ນໆ ເພື່ອເຮັດໃຫ້ຄົບຕາມຈຳນວນໂຄງປະກອບທີ່ຂັ້ນເທິງວາງອອກກໍຄືກອງບັນຊາການທະຫານນະຄອນຫຼວງວາງໃຫ້ໄດ້ຕາມແຜນການ. ທັງນີ້ກໍເພື່ອເປັນການປັບປຸງກໍ່ສ້າງກຳລັງພາຍໃນກົມກອງໃຫ້ມີຄວາມໜັກແໜ້ນ, ເຂັ້ມແຂງ, ເປັນກົມກອງທີ່ມີລະບຽບວິໄນຢ່າງເຂັ້ມງວດ ແລະ ມີແບບແຜນວິທີເຮັດວຽກທີ່ທັນສະໄໝ ຮັບປະກັນເຮັດສຳເລັດໜ້າທີ່ຕາມການມອບໝາຍ.

(ຂ່າວ-ພາບ: ແສງດາລາ ໄຊຍະລາດ)

ຂ່າວທີ່ໄດ້ຮັບຄວາມນິຍົມ