Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມທ້າຍສະໄໝຄະນະບໍລິຫານງານພັກ  ອົງການໄອຍະການປະຊາຊຸົນສູງສຸດ ສະໄໝທີ IV

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 12/08/2021 10:54:25 ຈຳ​ນວນ​​ຢ້ຽມ​ຊົມ 1881 ຄັ້ງ

    ກອງປະຊຸມດໍາເນີນຊີວິດການເມືອງທ້າຍສະໄໝ ຂອງຄະນະບໍລິຫານງານພັກ ອົງການໄອຍະການປະຊາຊົນສູງສຸດ ສະໄໝທີ IV ໄດ້ຈັດຂຶ້ນໃນວັນທີ 12 ສິງຫານີ້ ທີ່ ອົງການໄອຍະການປະຊາຊົນສູງສຸດ(ອອປສ) ໂດຍການເປັນປະທານຂອງ ສະຫາຍ ໄຊຊະນະ ໂຄດພູທອນ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ ໂດຍໃຫ້ກຽດເຂົ້າຮ່ວມຂອງ ສະຫາຍ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ, ສະຫາຍ ນາງ ບຸດສະດີ ທະນະເມືອງ ກໍາມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ ຮອງປະທານກວດກາສູນກາງພັກ ມີບັນດາສະຫາຍຄະນະບໍລິຫານງານພັກ, ເລຂາໜ່ວຍພັກ ທີ່ຂຶ້ນກັບອົງຄະນະພັກ ອົງການໄອຍະການປະຊາຊົນສູງສຸດ ແລະ ຄະນະຮັບຜິດຊອບຂັ້ນສູນກາງ ເພື່ອຊຸກຍູ້, ຕິດຕາມ ການດໍາເນີນກອງປະຊຸມໃຫຍ່ຂອງອົງຄະນະພັກ ອອປສ ເຂົ້າຮ່ວມ.

 ສະຫາຍ ໄຊຊະນະ ໂຄດພູທອນ ໄດ້ລາຍງານໂດຍຫຍໍ້ຜົນສໍາເລັດໃນການຊີ້ນໍາ-ນໍາພາລວມຂອງອົງຄະນະພັກ ອອປສ ສະໄໝທີ IV ໃນຕະຫຼອດໄລຍະ 5 ປີຜ່ານມາ ຊຶ່ງໄດ້ຍົກໃຫ້ເຫັນເຖິງຜົນສໍາເລັດໃນການຊີ້ນໍາ-ນໍາພາ ແລະ ການສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ-ລັດຖະກອນ ໃນລະບົບອົງການໄອຍະການປະຊາຊົນຢ່າງເປັນປົກກະຕິ ແລະ ຕໍ່ເນື່ອງ, ດ້ວຍຫຼາຍຮູບການ, ຫຼາຍວິທີການ ເປັນຕົ້ນ ແມ່ນໄດ້ຈັດເຜີຍແຜ່ເຊື່ອມຊຶມມະຕິກອງປະຊຸມໃຫຍ່ ຄັ້ງທີ X, ມະຕິກອງປະຊຸມຄົບຄະນະ ຂອງຄະນະບໍລິຫານງານພັກແຕ່ລະຄັ້ງ, ມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກ ແລະ ເອກະສານສໍາຄັນຂອງພັກ ຂອງຊາດ ແລະ ຂອງກອງທັບ ໃນວັນສໍາຄັນຕ່າງໆ ເພື່ອແນໃສ່ສຶກສາອົບຮົມການເມືອງ-ນໍາພາແນວຄິດ, ຮູ້ບຸນຄຸນຂອງນັກຮົບປະຕິວັດ ແລະ ຄວາມເສຍສະຫຼະຂອງບັນດາທ່ານຜູ້ນໍາປະຕິວັດ ໃນສະໄໝຕໍ່ສູ້ກູ້ຊາດ ກໍຄືໄລຍະສ້າງສາພັດທະນາ ແລະ ປົກປັກຮັກສາປະເທດຊາດ, ປັດຈຸບັນຄະນະບໍລິຫານງານພັກ ອອປສ ປະກອບມີ 3 ສະຫາຍ. ກົງຈັກການຈັດຕັ້ງ ອອປສ ປະກອບມີ 1 ຫ້ອງການ, 8 ກົມ, ສະຖາບັນຄົ້ນຄວ້າ ແລະ ຝຶກອົບຮົມໄອຍະການ; ຂັ້ນທ້ອງຖິ່ນປະກອບມີ ອົງການໄອຍະການປະຊາຊົນ ມີ 3 ພາກ, ມີ 17 ແຂວງ ແລະ ນະຄອນຫຼວງ ແລະ ອົງການໄອຍະການປະຊາຊົນເຂດ ມີ 44 ເຂດ ໃນທົ່ວປະເທດ, ມີພະນັກງານ-ລັດຖະກອນ 1.686 ຄົນ ຍິງ 611 ຄົນ; ໃນນັ້ນ, ມີພະນັກງານໄອຍະການປະຊາຊົນ ຂັ້ນ I  ມີ 67 ຄົນ, ຂັ້ນ II ມີ 85 ຄົນ, ຂັ້ນ III ມີ 223 ຄົນ ແລະ ຜູ້ຊ່ວຍພະນັກງານໄອຍະການ ມີ 308 ຄົນ ຍິງ 82 ຄົນ. ດ້ານວຽກງານວິຊາສະເພາະໄດ້ຊີ້ນໍາ-ນໍາພາແກ້ໄຂບັນລຸຄາດໝາຍທີ່ວາງໄວ້. ຖັນແຖວພະນັກງານໄອຍະການປະຊາຊົນ ໄດ້ຮັບການຝຶກຝົນຫຼໍ່ຫຼອມ ແລະ ໄດ້ຮັບຄວາມເຊື່ອໝັ້ນ, ໃນນັ້ນ ໄດ້ຮັບການເລືອກຕັ້ງເປັນກໍາມະການພັກເມືອງ 9 ສະຫາຍ, ເປັນກໍາມະການພັກແຂວງ-ນະຄອນຫຼວງ 6 ສະຫາຍ, ເປັນເຈົ້າເມືອງ 3 ສະຫາຍ ແລະ ເປັນຮອງເຈົ້າແຂວງ 1 ສະຫາຍ.

ໃນກອງປະຊຸມ ບັນດາສະຫາຍຄະນະບໍລິຫານງານພັກ ໄດ້ຜ່ານບົດສໍາຫຼວດການຊີ້ນໍາ-ນໍາພາຂອງຕົນເອງໃນຕະຫຼອດໄລຍະ 5 ປີຜ່ານມາ ໂດຍໄດ້ຍົກໃຫ້ເຫັນຜົນງານດ້ານດີ, ດ້ານອ່ອນ ຄົງຄ້າງ ແລະ ມາດຕະການແກ້ໄຂໃນຕໍ່ໜ້າ. ພ້ອມນັ້ນ, ໄດ້ຮັບຟັງການປະກອບຄໍາຄິດຄໍາເຫັນຢ່າງກົງໄປກົງມາ ຂອງບັນດາສະຫາຍທີ່ເຂົ້າຮ່ວມກອງປະຊຸມ.

   ກອງປະຊຸມ ສະຫາຍ ນາງ ປານີ ຢາທໍ່ຕູ້ ໄດ້ມີຄໍາເຫັນຕໍ່ກອງປະຊຸມ ບາງຕອນວ່າ: ໃຫ້ບັນດາສະຫາຍຢຶດໝັ້ນທັດສະນະຂອງພັກ ຕໍ່ກັບການດໍາເນີນຊີວິດການເມືອງຂອງຄະນະພັກແຕ່ລະຂັ້ນ, ຮັບປະກັນຄວາມສະຫງົບ ແລະ ມີລັກສະນະຕໍ່ສູ້, ເສີມຂະຫຍາຍຄວາມສາມັກຄີເປັນປຶກແຜ່ນພາຍໃນພັກ, ກ້າຫານຕໍານິຕິຊົມກໍ່ສ້າງກັນ ບົນຈິດໃຈເພື່ອນມິດສະຫາຍ, ຜູ້ຕໍານິສົ່ງຂ່າວຕ້ອງຈິງໃຈ ແລະ ສ້າງສັນ ເພື່ອຊ່ວຍເຫຼືອຊຶ່ງກັນ ແລະ ກັນ ເພື່ອພ້ອມກັນກ້າວໜ້າ. ແກ້ໄຂຈຸດອ່ອນຂໍ້ຄົງຄ້າງຂອງແຕ່ລະສະຫາຍ, ຜູ້ຖືກຕໍານິຕ້ອງຮັບເອົາຄໍາເຫັນຕໍານິສົ່ງຂ່າວດ້ວຍຄວາມຈິງໃຈ, ຫຼີກເວັ້ນທັດສະນະອະຄະຕິ, ໃສ່ຮ້າຍປ້າຍສີ, ໂຄ່ນລົ້ມໂຈມຕີຊຶ່ງກັນ ແລະ ກັນ. ພ້ອມກັນຫາວິທີການ ແລະ ມາດຕະການປັບປຸງແກ້ໄຂໃນຕໍ່ໜ້າ, ສ້າງການຫັນປ່ຽນໃໝ່ທີ່ແຂງແຮງ, ເລິກເຊິ່ງ ແລະ ຮອບດ້ານຕາມມະຕິກອງປະຊຸມໃຫຍ່ ຄັ້ງທີ XI ຂອງສູນກາງພັກວາງອອກໃຫ້ປະກົດເປັນຈິງ.

(ຂ່າວ-ພາບ: ຈະເລີນສິນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com