ໜັງສືພິມ ປະຊາຊົນ

ລັດຖະມົນຕີ ຖວທ ຕ້ອນຮັບ ຜູ້ຕາງໜ້າຫ້ອງການ ອົງການສະຫະປະຊາຊາດ ກອງທຶນສໍາລັບປະຊາກອນ ປະຈຳ ສປປ ລາວ

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 12/08/2021 17:17:56 ຈຳນວນຢ້ຽມຊົມ 3500 ຄັ້ງ

ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ຕ້ອນຮັບການເຂົ້າຢ້ຽມຄຳນັບຂອງ ທ່ານ ນາງ Mariam A. Khan ຜູ້ຕາງໜ້າຫ້ອງການ ອົງການສະຫະປະຊາຊາດ ກອງທຶນສໍາລັບປະຊາກອນ (UNFPA) ປະຈຳ ສປປ ລາວ ໃນວັນທີ 12 ສິງຫານີ້ ທີ່ຫ້ອງຮັບແຂກກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເພື່ອປຶກສາຫາລືການຮ່ວມມືໃນຂົງເຂດຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກັບ ອົງການສະຫະປະຊາຊາດກອງທຶນສໍາລັບປະຊາກອນ (UNFPA) ປະຈຳ ສປປ ລາວ

ໃນໂອກາດນີ້ ທ່ານ ນາງ ສວນສະຫວັນ ວິຍະເກດ ກໍໄດ້ສະແດງຄວາມຍ້ອງຍໍຊົມເຊີຍ ຕໍ່ ທ່ານ ນາງ Mariam A. Khan, ທີ່ໄດ້ ປະກອບສ່ວນອັນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ອົງການສະຫະປະຊາຊາດ ກອງທຶນສາລັບປະຊາກອນ (UNFPA) ປະຈຳ ສປປ ລາວ ເວົ້າລວມເວົ້າສະເພາະແມ່ນການຮ່ວມມືລະຫວ່າງ ກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ແລະ ອົງການສະຫະປະຊາຊາດ ກອງທຶນສາລັບປະຊາກອນ (UNFPA) ປະຈຳ ສປປ ລາວ ໃຫ້ຂະຫຍາຍຕົວຍິ່ງໆຂຶ້ນ,