Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ມອບລູກປາໃຫ້ເມືອງປາກກະດິງ ແລະ ເມືອງວຽງທອງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 15/08/2021 09:57:28 ຈຳ​ນວນ​​ຢ້ຽມ​ຊົມ 5254 ຄັ້ງ

ພິທີມອບ-ຮັບລູກປາໃຫ້ແກ່ປະຊາຊົນ 45 ຄອບຄົວໃນເມືອງປາກກະດິງ ໄດ້ຈັດຂຶ້ນເມື່ອບໍ່ດົນຜ່ານມາ ທີ່ຫໍພັກຫ້ອງການກະສິກຳ ແລະ ປ່າໄມ້ເມືອງ ໂດຍການເຂົ້າຮ່ວມຂອງທ່ານ ພົງສະຫວັດ ຄຳສຸກຖາວົງ ຮອງເຈົ້າເມືອງປາກກະດິງ, ທ່ານ ຊາຍຄຳ ກຸນນາວົງ ຮອງພະແນກກະສິກຳ ແລະ ປ່າໄມ້ແຂວງ ມີຕາງໜ້າ 45 ຄອບຄົວ ແລະ ພະນັກງານທີ່ກ່ຽວຂ້ອງເຂົ້າຮ່ວມ.  ລູກປາທີ່ນຳມາມອບຄັ້ງນີ້ມີປະເພດປາໄນ, ປາກິນຫຍ້າ ແລະ ປາຍີສົບ ລວມ 30 ພັນກວ່າໂຕ ລວມມູນຄ່າ 20 ລ້ານກີບ ໂດຍໄດ້ຮັບທຶນທົດແທນຈາກລັດຖະບານລາວເພື່ອເປັນການຊ່ວຍເຫຼືອໃຫ້ແກ່ພໍ່ແມ່ປະຊາຊົນຜູ້ທີ່ຖືກກະທົບຈາກໄພພິບັດ ນໍ້າຖ້ວມໜອງປາໃນປີ 2019 ໃນພິທີຍັງໄດ້ຮັບຟັງວິທີການອະນຸບານຮັກສາ, ການນຳໃຊ້ອາຫານໃຫ້ແກ່ລູກປາຢ່າງຖືກວິທີເພື່ອບໍ່ໃຫ້ລູກປາຕາຍ ຮັບປະກັນການເຕີບໃຫຍ່ຂອງລູກປາຢ່າງມີປະສິດທິຜົນ ເປັນກຽດມອບລູກປາດັ່ງກ່າວໂດຍທ່ານ ຊາຍຄຳ ກຸນນາວົງ ຮອງພະແນກກະສິກຳ ແລະ ປ່າໄມ້ແຂວງ ໂດຍຊ້ອງໜ້າ ທ່ານ ພົງສະຫວັດ ຄຳສຸກຖາວົງ ຮອງເຈົ້າເມືອງປາກກະດິງ.

ໃນຂະນະດຽວກັນ,  ພະແນກກະສິກໍາ ແລະ ປ່າໄມ້ແຂວງ ໄດ້ນໍາເອົາລູກປາ ຈຳນວນ 30 ພັນ               ກວ່າໂຕ ມາມອບໃຫ້ຄອບຄົວປະຊາຊົນເມືອງວຽງທອງ ຜູ້ລ້ຽງປາທີ່ຖືກຜົນກະທົບຈາກນໍ້າຖ້ວມໜອງປາໃນປີຜ່ານມາ, ພິທີມອບລູກປາໄດ້ຈັດຢູ່ຫ້ອງການກະສິກຳ-ປ່າໄມ້ເມືອງ ໂດຍເປັນກຽດເຂົ້າຮ່ວມຂອງ ທ່ານ ອາລຸນສັກ ປະທໍາມະວົງ ຮອງເຈົ້າເມືອງວຽງທອງ ຜູ້ຊີ້ນໍາວຽກງານຂົງເຂດເສດຖະກິດຂັ້ນເມືອງ, ທ່ານ​ ຊາຍຄໍາກຸນນາວົງ​ ຮອງຫົວໜ້າພະແນກກະສິກໍາ-ປ່າໄມ້ແຂວງບໍລິຄໍາໄຊ ມີຫົວໜ້າ, ຄະນະ, ພະນັກງານຫ້ອງການທີ່ກ່ຽວຂ້ອງ ແລະ ປະຊາຊົນຜູ້ທີ່ຮັບລູກປາເຂົ້າຮ່ວມ.  ປະຊາຊົນທີ່ໄດ້ຮັບລູກປາໃນຄັ້ງນີ້ມີຈໍານວນ 5 ບ້ານ ມີ 25 ຄອບຄົວ, ລູກປາທີ່ນໍາມາມອບມີລູກປາໄນ, ລູກປາໄນຄໍາ, ລູກປານວນຈັນ ແລະ ລູກປາອິນເດຍ ຫຼື ປາກິນຫຍ້າ.

ໃນວັນດຽວກັນ, ທ່ານ ຊາຍຄຳ ກຸນນາວົງ ພ້ອມດ້ວຍຄະນະ ໄດ້ລົງຢ້ຽມມຢາມຄອບຄົວທ່ານ ຄຳໃສ ວັນນຸວົງ ປະຊາຊົນບ້ານຂອນຂວ້າງ ທີ່ປູກຕົ້ນໝາກອິນທະຜາລຳ ຊຶ່ງເບື້ອງຕົ້ນຕົນໄດ້ຮັບການຝາກເບ້ຍອິນທະຜາລຳມາທາງໄປສະນີຈາກພີ່ນ້ອງ ຊຶ່ງຢູ່ປະເທດການາດາ ຈຳນວນ 15 ເບ້ຍ ນຳມາປູກແຕ່ປີ 2016 ຜ່ານໄປໄລຍະ 4 ປີ ຕົ້ນອິນທະຜາລຳດັ່ງກ່າວໄດ້ໃຫ້ຜົນຜະລິດ 14 ຕົ້ນ ໂດຍຕົ້ນ 1 ອອກໝາກຢູ່ 7-8 ພວງ ນໍ້າໜັກປະມານ 40 ກິໂລ/ຕົ້ນ ລວມລາຍໄດ້ຈາກການຂາຍໃນປີຜ່ານມາປະມານ 40 ກວ່າລ້ານກີບ ສຳລັບປີ 2021 ນີ້ ໄດ້ຂະຫຍາຍແນວພັນອອກລວມເປັນ 34 ຕົ້ນ ເຫັນໄດ້ວ່າຕະຫຼາດມີຄວາມຕ້ອງການໂດຍມີຜູ້ສັ່ງຊື້ໃນນະຄອນຫຼວງວຽງຈັນໃນລາຄາກິໂລລະ 1 ແສນກີບ ລວມມູນຄ່າການຂາຍໃນປີນີ້ບໍ່ຕໍ່າກວ່າ 70 ກວ່າລ້ານກີບ ພ້ອມກັນນັ້ນຍັງໄດ້ອະທິບາຍການຂະຫຍາຍພັນໂດຍໄລຍະຫ່າງ 6x8 ແມັດ ນຳໃຊ້ຝຸ່ນຄອກຮອງພື້ນ ແລະ ຝຸ່ນວິທະຍາສາດຊ່ວຍຈຳນວນໜຶ່ງ.

(ຂ່າວ-ພາບ: ບໍລິຄຳໄຊ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com