Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມໃຫຍ່ ສະມາຊິກພັກ  ອົງຄະນະພັກສານປະຊາຊົນສູງສຸດ ຄັ້ງທີ IV

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 24/08/2021 11:55:53 ຈຳ​ນວນ​​ຢ້ຽມ​ຊົມ 3613 ຄັ້ງ

        ກອງປະຊຸມໃຫຍ່ ສະມາຊິກພັກ ອົງຄະນະພັກສານປະຊາຊົນສູງສຸດ ຄັ້ງທີ IV ໄດ້ເປີດຂຶ້ນຢ່າງເປັນທາງການ ໃນລະຫວ່າງວັນທີ 24-25 ສິງຫາ 2021 ນີ້ ທີ່ໂຮງແຮມແລນມາກ, ພາຍໃຕ້ການເປັນປະທານກ່າວເປີດກອງປະຊຸມ ຂອງ ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ຊຶ່ງໃຫ້ກຽດເຂົ້າຮ່ວມຂອງ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ, ສະຫາຍ ນາງ ບຸດສະດີ ທະນະເມືອງ ກຳມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ ພ້ອມດ້ວຍບັນດາສະຫາຍຮອງເລຂາຄະນະພັກ, ກຳມະການຄະນະພັກ, ສະມາຊິກພັກສົມບູນ  ແລະ ແຂກຖືກເຊີນເຂົ້າຮ່ວມຢ່າງພ້ອມພຽງ.

  ສະຫາຍ ນາງ ວຽງທອງ ສີພັນດອນ ໄດ້ລາຍງານໂດຍຫຍໍ້ຕໍ່ກອງປະຊຸມວ່າ: ຜົນສຳເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກ ອົງຄະນະພັກ ສານປະຊາຊົນສູງສຸດ ຄັ້ງທີ III ຜ່ານມາ ເປັນຕົ້ນວຽກງານປັບປຸງການຈັດຕັ້ງ ແລະ ຂະຫຍາຍພັກ  ໄດ້ເອົາໃຈໃສ່ຊີ້ນໍາ, ຊຸກຍູ້ບັນດາໜ່ວຍພັກ ປັບປຸງກໍ່ສ້າງພັກໃຫ້ເຕີບໃຫຍ່, ເຂັ້ມແຂງ ຮັບປະກັນທາງດ້ານຄຸນນະພາບ. ​​ໃນ​ປີ 2016 ທົ່ວອົງຄະ​ນະພັກສາ​ນປະຊາຊົນ​ສູງ​ສຸດ ມີ​ 10 ໜ່ວຍ​ພັກ. ປັດຈຸບັນ ທົ່ວອົງຄະນະພັກສານປະຊາຊົນສູງສຸດ ມີທັງໝົດ 14 ໜ່ວຍພັກ, ທຽບໃສ່ກອງປະຊຸມໃຫຍ່ ຄັ້ງທີ III ເພີ່ມຂຶ້ນ 4 ໜ່ວຍພັກ. ມີສະມາຊິກພັກ ທັງໝົດ 154 ສະຫາຍ ຍິງ 53 ສະຫາຍ; ໃນນີ້ ສະມາຊິກພັກສຳຮອງ 13 ສະຫາຍ ຍິງ 7 ສະຫາຍ ແລະ ໄດ້ເອົາໃຈໃສ່ສຶກສາອົບຮົມ, ບໍາລຸງສ້າງມະຫາຊົນໃຫ້ມີຄວາມກ້າວໜ້າ, ມີຄວາມຕື່ນຕົວການເມືອງ, ສ້າງເປັນເປົ້າໝາຍສະເພາະໜ້າ ແລະ ຍາວນານ ເພື່ອຂະຫຍາຍເຂົ້າພັກ. 5 ປີຜ່ານ​ມາ ຂະຫຍາຍມະຫາຊົນເຂົ້າພັກໄດ້ 95 ສະຫາຍ ຍິງ 45 ສະຫາຍ ລື່ນ​ແຜນການ​ທີ່​ກຳນົດ​ໄວ້ 65 ສະຫາຍ. ນີ້​ໄດ້ສະແດງເຖິງຄວາມເຕີບໃຫຍ່ຂະຫຍາຍຕົວຂອງພັກໃນໄລຍະໃໝ່ ບົນພື້ນຖານຖືກຕ້ອງ ແລະ ສອດຄ່ອງກັບກົດລະບຽບຂອງພັກ ແລະ ສະພາບຄວາມເປັນຈິງ ຂອງໜ້າທີ່ການເມືອງຢູ່ສານປະຊາຊົນ.

ການປັບປຸງກົງຈັກການຈັດຕັ້ງສານ ໄດ້ເອົາໃຈໃສ່ຊີ້ນຳປັບປຸງການຈັດຕັ້ງຂອງສານປະຊາຊົນ ໃຫ້ມີຄວາມໜັກແໜ້ນ, ເຂັ້ມແຂງ ແລະ ເຕີບໃຫຍ່ຂະຫຍາຍຕົວ ສອດຄ່ອງກັບສະພາບການພັດທະນາເສດຖະກິດ-ສັງຄົມໃນແຕ່ລະໄລຍະ ເຊັ່ນ:​ ​ໄດ້​ສ້າງ​ຕັ້ງ​ຄະນະ​ສານປົກຄອງຂຶ້ນ​ຢູ່​ສານ​ປະຊາຊົນ​ສູ​ງສຸດ, ສານ​ປະຊາຊົນ​ພາກ​ກາງ ​ແລະ ສານ​ປະຊາຊົນ​ນະຄອນຫຼວງ​ວຽງ​ຈັນ, ​ສ້າງ​ຕັ້ງ​ສານ​ປະຊາຊົນ​ເຂດ ເພີ່ມ 5 ເຂດ ຄື: ​ເຂດ 3 ​ແຂວງ​ຈຳປາ​ສັກ, ເຂດ 4 ​ແຂວງ​ສະຫວັນ​ນະ        ​ເຂດ, ເຂດ 3 ​ແຂວງ​ຫົວພັນ, ເຂດ 2 ​ແຂວງ​ໄຊ​ສົມບູນ ແລະ ເຂດ 3 ແຂວງສາລະວັນ. ປັດຈຸ​ບັນ​ທົ່ວ​ປະ​ເທດ​ ມີ​ສານ​ປະຊາຊົນ​ເຂດ 45 ​ແຫ່ງ, ສານ​ປະຊາຊົນ​ແຂວງ-ນະ​ຄອນ​ຫຼວງ 18 ​ແຫ່ງ, ສານ​ປະຊາຊົນ​ພາກ 3 ​ແຫ່ງ, ສານ​ທະຫານ​ຂັ້ນ​ສູງ 1 ​ແຫ່ງ, ສານ​ທະຫານ​ພາກ 3 ​ແຫ່ງ ​ແລະ ສານ​ປະຊາຊົນ​ສູງ​ສຸດ 1 ​ແຫ່ງ.  ສານ​ປະຊາຊົນ​ເຂດ ປະກອບ​ມີ 4 ຄະນະ​ສານ; ​ສານ​ປະຊາຊົນ​ແຂວງ, ສານ​ປະຊາຊົນ​ພາກ ມີ 6 ຄະນະສານ, ຍົກເວັ້ນສານ​ປະຊາຊົນ​ສູງ​ສຸດ, ສານ​ປະຊາຊົນ​ພາກ​ກາງ ​ແລະ ສານ​ປະຊາຊົນນະຄອນຫຼວງວຽງ​ຈັນ ໄດ້ມີຄະນະສານປົກຄອງ ຈຶ່ງມີ 7 ຄະນະ​ສານ. ປັດຈຸ​ບັນ​ສານ​ປະຊາຊົນທົ່ວປະເທດ ມີ​ພະນັກງານ​ທັງ​ໝົດ 1.928 ສະຫາຍ ຍິງ 717 ສະຫາຍ. ໃນນີ້ ມີ​ຜູ້​ພິພາກສາ​ 569 ສະຫາຍ ຍິງ 113 ສະຫາຍ, ຜູ້​ຊ່ວຍ​ຜູ້​ພິພາກສາ​ 476 ສະຫາຍ ຍິງ 173 ສະຫາຍ, ​ຈ່າສານ 153  ສະຫາຍ ຍິງ 71 ສະຫາຍ. ​ສະ​ເພາະ​ຢູ່​ສານ​ປະຊາຊົນ​ສູງ​ສຸດ ມີ​ພະນັກງານ​ທັງ​ໝົດ 212 ສະຫາຍ, ຍິງ 80 ສະຫາຍ​​, ຜູ້​ພິພາກສາ ສານ​ປະຊາຊົນ​ສູງ​ສຸດ 9 ສະຫາຍ ຍິງ 3 ສະຫາຍ.

      ວຽກງານບໍລິຫານຄະດີ ໄດ້ຍົກສູງຄວາມຮັບຜິດຊອບຂອງຜູ້ພິພາກສາ ແລະ ມີມາດຕະການຊຸກຍູ້ ກວດກາການດໍາເນີນຄະດີ, ການປະຕິບັດໜ້າທີ່ຂອງຜູ້ພິພາກສາຢູ່ສານແຕ່ລະຂັ້ນ ເພື່ອສ້າງຄວາມໂປ່ງໃສໃນທຸກຂັ້ນຕອນຂອງການດໍາເນີນຄະດີຕາມຂະບວນຍຸຕິທໍາ ໃນນັ້ນຖືເອົາການຕັດສິນ ແລະ ພິພາກສາຄະດີຖືກຕ້ອງຕາມກົດໝາຍ ແລະ ຖືກກັບຄວາມເປັນຈິງ, ຮັບປະກັນໃຫ້ຄໍາຕັດສິນຂອງສານທີ່ໃຊ້ໄດ້ຢ່າງເດັດຂາດໄດ້ຮັບການຈັດຕັ້ງປະຕິບັດສິ້ນສຸດຕາມກົດໝາຍກໍານົດໄວ້, ຜ່ານຂະບວນການທີ່ກ່າວມາເທິງນັ້ນ ໄດ້ເຮັດໃຫ້ການພິຈາລະນາຕັດສິນຄະດີ ມີຄວາມວ່ອງໄວ ແລະ ມີຄຸນນະພາບນັບມື້ນັບສູງ. ສະແດງອອກ 5 ປີຜ່ານມາ​ ມີ​ຄະດີ​ເຂົ້າ​ມາສານປະຊາຊົນ 44.521 ​ເລື່ອງ, ຄ້າງ​ມາ 1.606 ​ເລື່ອງ ລວມທັງໝົດ  46.127 ​ເລື່ອງ. ​ແກ້​ໄຂໄດ້ 43.559 ​ເລື່ອງ ເທົ່າກັບ 94,43%, ແຜນການກໍານົດ 85% ຖືວ່າລື່ນແຜນການກໍານົດ 9,43%.  ຍັງ​ຄ້າງ 2.568 ​ເລື່ອງ ເທົ່າກັບ 5,56%.  ສາມາດແຍກໃຫ້ເຫັນຄະດີຢູ່ສານແຕ່ລະຂັ້ນ ດັ່ງນີ້: ສານ​ຂັ້ນຕົ້ນ                (​ເຂດ, ​ແຂວງ-ນະຄອນຫຼວງ, ສານ​ທະຫານ​ພາກ) ມີຄະດີທັງໝົດ 38.631 ​ເລື່ອງ, ​ແກ້​ໄຂ​ໄດ້  36.599 ເລື່ອງ ເທົ່າກັບ 94,73%, ລື່ນແຜນການກໍານົດ 9,73%. ຄູ່​ຄວາມ​ບໍ່ພໍ​ໃຈ​ຂໍ​ອຸທອນ 4.932 ເລື່ອງ ເທົ່າກັບ 13,4%, ຖ້າ​ທຽບ​ຄາດໝາຍ​ບໍ່​ໃຫ້​ເກີນ 15%, ຖືວ່າລື່ນຄາດໝາຍ 1,53%. ສານຂັ້ນອຸທອນ (ແຂວງ, ພາກ ແລະ ສານທະຫານຂັ້ນສູງ) ມີຄະດີທັງໝົດ 5.255 ​ເລື່ອງ, ແກ້ໄຂໄດ້ 4.865 ເລື່ອງ ເທົ່າກັບ 92,57%, ລື່ນແຜນການກໍານົດໄວ້ 7,57%;  ຄູ່​ຄວາມ​ບໍ່ພໍ​ໃຈ ​ຂໍ​ລົບ​ລ້າງ 2.135 ເລື່ອງ ເທົ່າກັບ 43,88%.​ ທຽບ​ໃສ່ 5 ປີ​ຜ່ານ​ມາ ການຂໍລົບລ້າງຫຼຸດ​ລົງ 1,12%. ສານຂັ້ນລົບລ້າງ (ພາກ ແລະ ສານປະຊາຊົນສູງສຸດ) ມີຄະດີທັງໝົດ 2.241 ເລື່ອງ, ແກ້ໄຂໄດ້ 2.095 ເລື່ອງ ເທົ່າກັບ 93,48%, ລື່ນແຜນການກໍານົດໄວ້ 8,48%. ຄະດີຂັ້ນລົບລ້າງຍັງຄ້າງ 146 ເລື່ອງ ເທົ່າກັບ 6,51%.

 ຜົນການແກ້ໄຂຄະດີຂ້າງເທິງນີ້ ເຫັນໄດ້ວ່າຄູ່ຄວາມພໍໃຈຕໍ່ຜົນການຕັດສິນ, ພິພາກສາຄະດີຂອງສານຫຼາຍຂຶ້ນ ໂດຍ​ສະ​ເພາະ​ແມ່ນ​ຄະດີ​ອາຍາ ຄູ່ຄວາມພໍໃຈຕໍ່ຜົນຂອງການຕັດສິນ ສົ່ງ​ໄປ​ຈັດຕັ້ງປະຕິບັດ 21.406 ເລື່ອງ ກວມເອົາ​ 92,63% ຂອງ​ຄະດີ​ອາຍາ​ທີ່​ສານ​ຂັ້ນ​ຕົ້ນ​ໄດ້​ຕັດ​ສິນ, ຄະດີແພ່ງ 5.517 ເລື່ອງ ກວມເອົາ 70,55% ຂອງ​ຄະດີ​ແພ່ງ​ທີ່​ສານ​ຂັ້ນ​ຕົ້ນ​ໄດ້​ຕັດສິນ​. ຄຽງຄູ່ກັນນັ້ນ ກໍໄດ້ສັງລວມບັນຊີຊັບສິນທີ່ສານຕັດສິນຮິບເປັນຂອງລັດ ສົ່ງໃຫ້ໜ່ວຍງານຄຸ້ມຄອງຊັບສິນ ພະແນກການເງິນແຂວງ-ນະຄອນຫຼວງ ແລະ ກົມຄຸ້ມຄອງຊັບສິນຂອງລັດ ກະຊວງການເງິນ ເປັນຜູ້ສັງລວມ ແລະ ຮິບໂຮມຢ່າງເປັນປົກກະຕິ ​ຕາມ​ຄຳ​ສັ່ງ 07/ນຍ. ອັນໄດ້ຊີ້ໃຫ້ເຫັນວ່າ ການນໍາພາ-ຊີ້ນໍາຂອງຄະນະພັກ-ຄະນະນຳສານປະຊາຊົນສູງສຸດ ກໍຄືສານປະຊາຊົນທຸກຂັ້ນ ຕໍ່ກັບການພິຈາລະນາຕັດສິນຄະດີ ມີຄວາມຖືກຕ້ອງ ແລະ ແທດເໝາະກັບຄວາມເປັນຈິງ. ໃນກອງປະຊຸມດັ່ງກ່າວຍັງຈະມີການປ່ອນບັດເລືອກຕັ້ງຄະນະບໍລິຫານງານພັກຊຸດໃໝ່ອີກດ້ວຍ.  

 (ຂ່າວ-ພາບ: ຕຸໄລເພັດ ພິມເມືອງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com