Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແບ່ງປັນໂອກາດຈີນ-ປາກີສຖານ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 21/09/2021 18:35:58 ຈຳ​ນວນ​​ຢ້ຽມ​ຊົມ 842 ຄັ້ງ

 

ໂດຍ: ກອງເລຂາງານວາງສະແດງສິນຄ້າຈີນ-ອາຊຽນ

 

ວັນທີ 11 ກັນຍາຜ່ານມາ, ກິດຈະກຳລະນຶກການສ້າງຕັ້ງສາຍພົວພັນທາງການທູດຈີນ-ປາກີສະຖານຄົບຮອບ 70 ປີ ແລະ ເວທີປຶກສາຫາລືການຮ່ວມມືດ້ານເສດຖະກິດ ແລະ ການຄ້າຈີນ-ປາກີສະຖານ 2021 ໄດ້ຈັດຂຶ້ນທັງອອນໄລ ແລະ ອອບລາຍຢູ່ເມືອງໜານໜິງ, ແຂວງກວາງຊີ. ເວທີປຶກສາຫາລືຄັ້ງນີ້ໄດ້ຮັບການສະໜັບສະໜູນ ຈາກກະຊວງການຄ້າຂອງຈີນ, ກະຊວງການຄ້າຂອງປາກີສະຖານ, ອຳນາດການປົກຄອງຕົນເອງກວາງຊີ ແລະ ສະຖານທູດປາກີສະຖານປະຈຳ ສປ.ຈີນ. ດ້ວຍຫົວຂໍ້ ການສ້າງແລວທາງເສດຖະກິດຈີນ-ປາກີສະຖານ ແລະ ການແບ່ງປັນໂອກາດໃນການຮ່ວມມືດ້ານເສດຖະກິດ ແລະ ການຄ້າລະຫວ່າງຈີນ-ປາກີສະຖານ ໃນຍຸກໃໝ່”, ເວທີປຶກສາຫາລືດັ່ງກ່າວແມ່ນສຸມໃສ່ຄວາມກ້າວໜ້າໃນການພັດທະນາຄຸນນະພາບສູງຂອງການຮ່ວມມື ໜຶ່ງແລວໜຶ່ງເສັ້ນທາງ”. ວິທີການໃຊ້ເວທີທີ່ດີຂອງງານວາງສະແດງສິນຄ້າຈີນ-ອາຊຽນ ເພື່ອສົ່ງເສີມການຮ່ວມມືດ້ານເສດຖະກິດ - ການຄ້າລະຫວ່າງຈີນ, ປາກີສະຖານ ແລະ ອາຊຽນ, ເຮັດໃຫ້ການແລກປ່ຽນມິດຕະພາບລະຫວ່າງຈີນ (ກວາງຊີ) ແລະ ປາກີສະຖານເລິກເຊິ່ງຍິ່ງຂຶ້ນ ເພື່ອສົ່ງເສີມການພັດທະນາທີ່ມີຄຸນນະພາບສູງ ແລະ ເພື່ອສ້າງປະຊາຄົມຈີນ-ປາກີສະຖານທີ່ໃກ້ຊິດ ມີອະນາຄົດຮ່ວມກັນໃນຍຸກໃໝ່ ໄດ້ຖືກປຶກສາຫາລືຢູ່ໃນເວທີຄັ້ງນີ້.

      ທ່ານ ເຣິນ ຮົງບິນ(Ren Hongbin) ຮອງລັດຖະມົນຕີກະຊວງການຄ້າຂອງຈີນ, ທ່ານ ລິວ ຮົງຫວູ(Liu Hongwu) ຮອງຜູ້ວ່າການເຂດປົກຄອງຕົນເອງກວາງຊີ ແລະ ທ່ານ ໂມອິນອຸນຮາເກ(Moin-ul-Haque) ເອກອັກຄະລັດຖະທູດປາກີສະຖານປະຈຳຈີນເຂົ້າຮ່ວມກອງປະຊຸມ ແລະ ກ່າວຄຳປາໄສ. ທ່ານນາງ ນອງຣອງ(Nong Rong) ເອກອັກຄະລັດຖະທູດຈີນປະຈຳປາກີສະຖານ ແລະ ທ່ານ ໄຊອິດ ຮາມິດ ອາລີ(Syed Hamid Ali) ລັດຖະມົນຕີກະຊວງການຄ້າປາກີສະຖານ ໄດ້ເຂົ້າຮ່ວມເວທີປາໄສ ແລະ ກ່າວຄຳປາໄສຜ່ານທາງວີດີໂອ. ທ່ານ ຫວາງ ເລີຍ (Wang Lei) ເລຂາທິການໃຫຍ່ຂອງກອງເລຂາງານວາງສະແດງສິນຄ້າຈີນ-ອາຊຽນ(CAEXPO) ເປັນປະທານກອງປະຊຸມ. ຜູ້ຕາງໜ້າຂອງພະແນກການທີ່ກ່ຽວຂ້ອງ ແລະ ຫ້ອງການຂອງກະຊວງການຄ້າຈີນ ແລະ ພະແນກການທີ່ກ່ຽວຂ້ອງຂອງເຂດປົກຄອງຕົນເອງກວາງຊີ,   ທີ່ປຶກສາດ້ານການຄ້າ ແລະ ທີ່ປຶກສາຂອງສະຖານທູດປາກີສະຖານປະຈຳຈີນ, ຜູ້ຕາງໜ້າຂອງຈີນ ແລະ ວິສາຫະກິດປາກີສະຖານ ໄດ້ເຂົ້າຮ່ວມເວທີປາໄສ.   

ທ່ານ ເຣິນ ຮົງບິນ (Ren Hongbin) ຮອງລັດຖະມົນຕີກະຊວງການຄ້າຂອງຈີນກ່າວວ່າ: ເມື່ອກ່ອນປາກີສຖານເປັນພຽງຄູ່ຮ່ວມມືຍຸດທະສາດທາງດ້ານສະພາບອາກາດຂອງຈີນ. ນັບຕັ້ງແຕ່ການສ້າງຕັ້ງສາຍພົວພັນທາງການທູດລະຫວ່າງຈີນ-ປາກີສະຖານ 70 ປີມານີ້, ພາຍໃຕ້ການເອົາໃຈໃສ່ ແລະ ການເສີມຂະຫຍາຍຂອງບັນດາຜູ້ນຳຂອງສອງປະເທດ, ການຮ່ວມມືຮອບດ້ານລະຫວ່າງຈີນ-ປາກີສະຖານ ໄດ້ຮັບການລົງເລິກຢ່າງບໍ່ຢຸດຢັ້ງ, ກາຍເປັນແບບຢ່າງຂອງການພົວພັນຖານບ້ານໃກ້ເຮືອນຄຽງທີ່ດີ, ມີຜົນປະໂຫຍດຮ່ວມກັນ. ໃນຊຸມປີມໍ່ມານີ້, ສອງປະເທດໄດ້ຮ່ວມມືກັນສ້າງຮູບແບບ "1+4" ກັບແລວທາງເສດຖະກິດຈີນ-ປາກີສະຖານ ໂດຍມີທ່າເຮືອກວາດາ(Gwadar), ພະລັງງານ, ພື້ນຖານໂຄງລ່າງ ແລະ ການຮ່ວມມືດ້ານອຸດສາຫະກໍາເປັນຈຸດສຸມ. ຈີນເປັນຄູ່ການຄ້າໃຫຍ່ທີ່ສຸດຂອງປາກີສະຖານເປັນເວລາ 6 ປີ ຕິດຕໍ່ກັນ ແລະ ປາກີສະຖານເປັນຄູ່ຮ່ວມມືການກໍ່ສ້າງພື້ນຖານໂຄງລ່າງທີ່ໃຫຍ່ທີ່ສຸດຂອງຈີນ ແລະ ເປັນຈຸດໝາຍປາຍ ທາງການລົງທຶນຢູ່ໃນອາຊີໃຕ້. ແຕ່ເດືອນມັງກອນຫາເດືອນກໍລະ ກົດປີນີ້, ປະລິມານການຄ້າລະຫວ່າງຈີນ-ປາກີສະຖານບັນລຸ 14,74 ຕື້ໂດລາ, ເພີ່ມຂຶ້ນ 61,6% ຕໍ່ປີ. ວິສາຫະກິດຈີນໄດ້ລົງທຶນ 350 ລ້ານໂດລາ ຢູ່ໃນປາກິດສະຖານ ຫຼາຍກວ່າເວລາດຽວກັນຂອງປີກ່ອນ 10,2 ເທົ່າ. ຈີນຍິນດີຮ່ວມກັບປາກີສະຖານສືບຕໍ່ລົງເລິກການຮ່ວມມືສອງຝ່າຍ, ລົງເລິກການຮ່ວມມືໃນການຕ້ານພະຍາດລະບາດ ແລະ ຊີວິດການເປັນຢູ່ຂອງປະຊາຊົນ, ເພື່ອຊຸກຍູ້ການພັດທະນາທີ່ມີຄຸນນະ ພາບສູງລະຫວ່າງຈີນ-ປາກີສະຖານ ຮ່ວມກັນສ້າງ ໜຶ່ງແລວໜຶ່ງເສັ້ນທາງ”, ຈັດຕັ້ງປະຕິບັດຢ່າງເລິກ ເຊິ່ງ ສັນຍາການຄ້າເສລີຈີນ-ປາກີສະຖານ, ຍົກລະດັບອະນຸສັນຍາ ແລະ ຊຸກຍູ້ການພັດທະນາທີ່ດຸ່ນດ່ຽງຂອງການຄ້າສອງຝ່າຍ.

ທ່ານ ລິວ ຮົງຫວູ (Liu Hongwu) ຮອງຜູ້ວ່າການເຂດປົກຄອງຕົນເອງກວາງຊີ ກ່າວວ່າ: ໃນຊຸມປີມໍ່ມານີ້, ປະຊາຊົນ ແລະ ການແລກປ່ຽນມິດຕະພາບລະຫວ່າງເຂດກວາງຊີກັບປາກີສະຖານນັບມື້ເພີ່ມຂຶ້ນເຊັ່ນ: ທາງດ້ານເສດຖະກິດ ແລະ ການຄ້າ, ກະສິກໍາ, ວິທະຍາສາດ ແລະ ເຕັກໂນໂລຍີ ໄດ້ມີການລົງເລິກຢ່າງຕໍ່ເນື່ອງ. ປີ 2020 ຍອດມູນຄ່າການຄ້າສອງຝ່າຍລະຫວ່າງກວາງຊີ ແລະ ປາກີສະຖານ ບັນລຸເຖິງ 717 ລ້ານຢວນ, ເພີ່ມຂຶ້ນ 130% ຕໍ່ປີ. ປະລິມານການນໍາເຂົ້າກວາງຊີຈາກປາກີສະຖານຖືກຈັດຢູ່ໃນອັນດັບ 3 ແຂວງ/ພາກພື້ນອັນດັບໜຶ່ງຂອງຈີນ, ເພີ່ມຂຶ້ນ 358,8% ຕໍ່ປີ. ສອງຝ່າຍມີການແລກ ປ່ຽນ ແລະ ຮ່ວມມືກັນຢ່າງໃກ້ຊິດໃນການປັບປຸງພັນງົວ, ຄວາຍ ແລະ ເຕັກໂນໂລຍີໃໝ່ ໃນການປູກອ້ອຍເປັນຕົ້ນ. ກວາງຊີຍິນດີແບ່ງປັນກັບປາກີສະຖານໂອກາດໃໝ່ ທີ່ນໍາມາຈາກແລວທາງເສດຖະກິດທາງບົກລະຫວ່າງປະເທດ, ເພື່ອຂະຫຍາຍໜ້າທີ່ຂອງງານວາງສະແດງສິນຄ້າຈີນ-ອາຊຽນ. ສູນການຄ້າ ແລະ ການຄ້າຈີນ-ອາຊຽນ ເປັນເວທີເພື່ອເພີ່ມທະວີການຮ່ວມມືດ້ານເສດຖະກິດ ແລະ ການຄ້າ, ລົງເລິກການຮ່ວມມືໃນດ້ານກະສິກໍາ, ການທ່ອງທ່ຽວ, ການຝຶກອົບຮົມບຸກຄະລາກອນ, ການແລກປ່ຽນລະຫວ່າງຖານບ້ານພີ່ເມືອງນ້ອງ ເພື່ອບັນລຸຜົນປະໂຫຍດຮ່ວມກັນ ແລະ ຕ່າງຝ່າຍຕ່າງໄດ້ຜົນປະໂຫຍດ.

ທ່ານ ໂມອິນ-ອຸນ-ຮາເກ (Moin-ul-Haque) ເອກອັກຄະລັດຖະທູດປາກີສະຖານປະຈຳຈີນກ່າວວ່າ ປີນີ້ເປັນປີຄົບ ຮອບ 70 ປີ ຂອງການສ້າງຕັ້ງສາຍພົວພັນທາງການທູດລະຫວ່າງປາກີສະຖານ ແລະ ຈີນ. ຕະຫຼອດໄລຍະ 70 ປີ ທີ່ຜ່ານມາ, ການພົວພັນລະຫວ່າງສອງປະເທດໄດ້ຜ່ານການທົດສອບດ້ານເວລາ ແລະ ກາຍເປັນຄວາມເຂັ້ມແຂງຕະຫຼອດເວລາ. ໃນຊຸມປີມໍ່ມານີ້, ປະລິມານການຄ້າລະຫວ່າງປາກີສຖານກັບຈີນໄດ້ເຕີບໂຕຢ່າງວ່ອງໄວ. ປາກີສຖານມີທີ່ຕັ້ງພູມສາດທີ່ໄດ້ປຽບ, ມີຊັບພະຍາກອນແຮງງານທີ່ດີ, ຊັບພະຍາກອນທຳມະຊາດອຸດົມສົມບູນ ແລະ ແຫຼ່ງພະລັງງານ, ມີພື້ນຖານກະສິກຳທີ່ເຂັ້ມແຂງ, ນະໂຍບາຍການລົງທຶນທີ່ເປັນບຸລິມະສິດ ແລະ ອັດຕາຜົນຕອບແທນສູງຕໍ່ການລົງທຶນຂອງບໍລິສັດ. ປາກີສຖານຍິນດີຕ້ອນຮັບວິສາຫະກິດຈີນເຂົ້າມາລົງທຶນ ແລະ ເລີ່ມທຸລະກິດຢູ່ປາກີສຖານຫຼາຍຂຶ້ນ. ທ່ານຖືວ່າເປັນກຽດພິເສດສຳລັບປາກີສຖານທີ່ໄດ້ຮັບເຊີນອີກເທື່ອໜຶ່ງ ໃນຖານະເປັນປະເທດຄູ່ຮ່ວມງານພິເສດຂອງ CAEXPO ແລະ ເຊື່ອວ່າ ການເຂົ້າຮ່ວມໃນງານວາງສະແດງດັ່ງກ່າວຈະເປັນການດຶງດູດຄວາມສາມາດໃນການຮ່ວມມືລະຫວ່າງປາກີສຖານ, ຈີນ ແລະ ອາຊຽນ.

ທ່ານນາງ ນອງຣອງ(Nong Rong) ເອກອັກຄະລັດຖະທູດຈີນປະຈຳປາກີສຖານ ກ່າວໃນຄຳປາໄສວ່າ: ງານວາງສະແດງສິນຄ້າຈີນ-ອາຊຽນ ເປັນເວທີສຳຄັນຂອງການຮ່ວມມືລະຫວ່າງຈີນກັບບັນດາປະ ເທດອາຊຽນ. ໂດຍຜ່ານກົນໄກຂອງປະເທດຄູ່ຄ້າພິເສດ, ໄດ້ມີການສະໜອງເວທີທີ່ກວ້າງຂວາງໃຫ້ກັບບັນດາປະເທດລຽບຕາມແຖບ ໜຶ່ງແລວໜຶ່ງເສັ້ນທາງເພື່ອສ້າງຄວາມເຂັ້ມແຂງດ້ານການຮ່ວມມືທາງເສດຖະກິດ - ການຄ້າກັບຈີນ ແລະ ບັນດາປະເທດອາຊຽນ. ປາກີສຖານເປັນຜູ້ເຂົ້າຮ່ວມທີ່ສໍາຄັນໃນຂໍ້ລິເລີ່ມ ໜຶ່ງແລວໜຶ່ງເສັ້ນທາງ”, ປະເທດຄູ່ຮ່ວມງານພິເສດຂອງ CAEXPO ປີນີ້, ພ້ອມທັງເປັນຄູ່ຮ່ວມເຈລະຈາຂອງຂະແໜງການຂອງອາຊຽນ ແລະ ເປັນຜູ້ເຂົ້າຮ່ວມທີ່ສຳຄັນຂອງເວທີພາກພື້ນອາຊຽນ. ຕະ ຫຼອດໄລຍະ 70 ປີ ທີ່ຜ່ານມາ ນັບຕັ້ງແຕ່ການສ້າງຕັ້ງສາຍພົວພັນທາງການທູດລະຫວ່າງຈີນ ແລະ ປາກີສະຖານ, ສອງປະເທດໄດ້ສ້າງຄວາມສໍາພັນ "ຖານອ້າຍນ້ອງເຫຼັກ" ຊຶ່ງພວກເຮົາມີທັງຄວາມສຸກ ແລະ ຄວາມທຸກຮ່ວມກັນ. ຫວັງວ່າວິສາຫະກິດຈີນ ແລະ ປາກີສະຖານຈະນຳໃຊ້ເວທີອັນສຳຄັນຂອງ CAEXPO ເພີ່ມທະວີການຮ່ວມມື, ຄວາມສາມາດບົ່ມຊ້ອນ ແລະ ຊຸກຍູ້ການພັດທະນາການຮ່ວມມືດ້ານເສດຖະກິດການຄ້າລະຫວ່າງຈີນ-ປາກີສະຖານໃຫ້ເລິກເຊິ່ງ ແລະ ກວ້າງຂວາງກວ່າເກົ່າ.

ທ່ານ ໄຊອິດ ຮາມິດ ອາລີ(Syed Hamid Ali) ລັດຖະມົນຕີກະຊວງການຄ້າປາກີສຖານ ໄດ້ກ່າວຊົມເຊີຍລັດຖະບານຈີນທີ່ໄດ້ເປັນເຈົ້າພາບຈັດງານສະເຫຼີມສະຫຼອງວັນຄົບຮອບ 70 ປີຂອງການສ້າງ ຕັ້ງສາຍພົວພັນທາງການທູດລະຫວ່າງຈີນ - ປາກີສຖານ ໃນລະຫວ່າງງານ CAEXPO ຄັ້ງທີ 18. ທ່ານກ່າວວ່າ, ການພົວພັນຈີນ-ປາກີສະຖານ ໄດ້ສ້າງແບບຢ່າງໃຫ້ປະເທດຕ່າງໆ ໃນທົ່ວໂລກ. ໃນຊຸມປີມໍ່ມານີ້, ການພົວພັນດ້ານການຄ້າ ແລະ ການລົງທຶນລະຫວ່າງສອງປະເທດໄດ້ສືບຕໍ່ພັດທະນາ. ສັນຍາການຄ້າເສລີຈີນ-ປາກີສຖານ ແລະ ແລວທາງເສດຖະກິດຈີນ-ປາກີສຖານ ໃຫ້ພື້ນຖານທາງດ້ານສະຖາບັນທີ່ດີ ແລະ ໜ້າເຊື່ອຖືໄດ້ສຳລັບການມີສ່ວນຮ່ວມທາງດ້ານການຄ້າ ແລະ ເສດຖະກິດທີ່ເຂັ້ມແຂງກວ່າເກົ່າລະຫວ່າງສອງປະເທດ. ມີທ່າແຮງອັນໃຫຍ່ຫຼວງສໍາລັບການຮ່ວມມືໃນຂະ ແໜງການບໍລິການເຊັ່ນ: ເຕັກໂນໂລຍີຂໍ້ມູນຂ່າວສານ ແລະ ການສື່ສານ ແລະ ການທະນາຄານ ແລະອື່ນໆ. ປາກີສຖານມີປະຫວັດອັນຍາວນານໃນການຮ່ວມມືກັບຈີນ ແລະ ອາຊຽນ. ປັດຈຸບັນ, ກໍາລັງຮຽກ ຮ້ອງໃຫ້ມີການຫັນປ່ຽນການພົວພັນດ້ານເສດຖະກິດ ແລະ ການຄ້າສອງຝ່າຍມາເປັນສາມຫຼ່ຽມການຄ້າ ແລະ ການລົງທຶນ ແລະ ການສົ່ງເສີມການເຊື່ອມຕໍ່ການຂົນສົ່ງຫຼາຍດ້ານສໍາລັບທາງທະເລ ແລະ ທາງ ບົກ.

ທີ່ເວທີປາໄສ, ກອງເລຂາ CAEXPO ແລະ ສະຫະພັນສະພາການຄ້າ ແລະ ອຸດສາຫະກຳ ປາກີສຖານໄດ້ລົງນາມໃນ ບົດບັນທຶກຄວາມເຂົ້າໃຈວ່າດ້ວຍການຮ່ວມມື”. ມາຮອດປັດຈຸບັນ, ມີຫ້ອງການຄ້າຕ່າງປະເທດ 40 ແຫ່ງ ຂອງງານວາງສະແດງສິນຄ້າຈີນ-ອາຊຽນ. ຫ້ອງການການຄ້າຂອງສະຖານກົງສູນໃຫຍ່ປາກີສຖານໃນນະຄອນກວາງໂຈວ ແລະ ການແລກປ່ຽນສິນຄ້າຈີນ-ອາຊຽນ ກໍ່ໄດ້ລົງນາມໃນຂໍ້ຕົກລົງດັ່ງກ່າວ. ປາກີສຖານ ຈະສ້າງຫ້ອງວາງສະແດງຢູ່ເມືອງໜານໜິງ, ເຂດກວາງຊີ. ໃນຕອນທ້າຍຂອງເວທີປຶກສາຫາລື, ໄດ້ຖືກທົບທວນຄືນ ຜົນສໍາເລັດທາງດ້ານເສດຖະກິດ ແລະ ການຄ້າທີ່ເຮັດໄດ້ນັບຕັ້ງແຕ່ການສ້າງຕັ້ງສາຍພົວພັນທາງການທູດລະຫວ່າງຈີນ - ປາກີສະຖານ ແລະ ພິທີສະເຫຼີມສະຫຼອງວັນຄົບຮອບ 70 ປີ ຂອງການສ້າງຕັ້ງສາຍພົວພັນທາງການທູດລະຫວ່າງຈີນ-ປາກີສຖານ.

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com