Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຝຶກອົບຮົມການສ້າງແຜນການສອນ ແລະ ສ້າງເອກະສານຝຶກອົບຮົມ ວຽກງານຕ້ານການຄ້າມະນຸດຂອງອົງການໄອຍະການປະຊາຊົນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 22/09/2021 09:54:03 ຈຳ​ນວນ​​ຢ້ຽມ​ຊົມ 1235 ຄັ້ງ

ອົງການໄອຍະການປະຊາຊົນສູງສຸດ ຮ່ວມກັບແຜນງານອາຊຽນ-ອົສຕຣາລີ ເພື່ອຕ້ານການຄ້າມະນຸດ ກໍຄືການສະໜັບສະໜູນທາງດ້ານງົບປະມານຈາກແຜນງານອາຊຽນ-ອົສຕຣາລີ ໄດ້ເປີດກອງປະຊຸມຝຶກອົບຮົມການສ້າງແຜນການສອນ ແລະ ສ້າງເອກະສານຝຶກອົບຮົມວຽກງານຕ້ານການຄ້າມະນຸດຂຶ້ນຫວ່າງບໍ່ດົນມານີ້ ທີ່ຫ້ອງປະຊຸມຂອງໂຮງແຮມອາມາຣີ ເມືອງວັງວຽງ ແຂວງວຽງຈັນ. ໂດຍການເປັນປະທານຮ່ວມຂອງ ທ່ານ ອ່ອນຈັນ ມະນີວັນ ຫົວໜ້າກົມຕິດຕາມກວດກາການດຳເນີນຄະດີອາຍາ ອົງການໄອຍະການປະຊາຊົນສູງສຸດ ແລະ ທ່ານ ນາງ ມະນີຈັນ ແກ້ວວິຣິຍະວົງ ຫົວໜ້າແຜນງານອາຊຽນ-ອົສຕຣາລີ ເພື່ອຕ້ານການຄ້າມະນຸດປະຈຳ ສປປ ລາວ ກອງປະຊຸມດັ່ງກ່າວຍັງໄດ້ຕ້ອນຮັບການເຂົ້າຮ່ວມຂອງ ທ່ານ ນາງ ລູເຊຍ ເປຍໂຕຣເປົາລີ ຫົວໜ້າທີມແຜນງານອາຊຽນ-ອົສຕຣາລີ ທາງວິດີໂອຄອນເຟີເຣັນ Conference (ທາງອອນລາຍ) ແລະ ທ່ານ ນາງ ພອນເພັດ ອຸ່ນແກ້ວ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ ອົງການໄອຍະການປະຊາຊົນສູງສຸດ ຊຶ່ງເປັນຄະນະຊີ້ນຳລວມ, ມີບັນດາຄູຝຶກທີ່ມາຈາກບັນດາກົມ ແລະ ສະຖາບັນຄົ້ນຄວ້າ ແລະ ຝຶກອົບຮົມໄອຍະການ ອົງການໄອຍະການປະຊາຊົນສູງສຸດ ແລະ ອົງການໄອຍະການປະຊາຊົນນະຄອນຫຼວງວຽງຈັນເຂົ້າຮ່ວມ 21 ທ່ານ, ໃນນັ້ນ 6 ທ່ານ ແມ່ນໄດ້ເຂົ້າຮ່ວມກອງປະຊຸມທາງອອນລາຍ ແລະ ມີໜ້າເຂົ້າຮ່ວມຕົວຈິງ 15 ທ່ານ.

ຈຸດປະສົງຂອງການຝຶກອົບຮົມນີ້ ແມ່ນເພື່ອສ້າງແຜນການສອນ ແລະ ສ້າງເອກະສານຝຶກອົບຮົມວຽກງານຕ້ານການຄ້າມະນຸດ ຂອງບັນດາຄູຝຶກທີ່ເຂົ້າຮ່ວມກອງປະຊຸມ ທັງໄດ້ຮັບຟັງການຖ່າຍທອດບົດຮຽນກ່ຽວກັບວິທີການເຊື່ອມສານຄວາມສະເໝີພາບລະຫວ່າງຍິງ-ຊາຍ ແລະ ສິດທິພື້ນຖານຂອງຜູ້ຖືກເຄາະຮ້າຍ ເພື່ອກໍານົດເຂົ້າໃນແຜນການສອນ ແລະ ສ້າງເອກະສານຝຶກອົບຮົມວຽກງານຕ້ານການຄ້າມະນຸດຈາກ ທ່ານ ນາງ ນູລູ ຄອຍເລ ຜູ້ອໍານວຍການດ້ານສິດທິຜູ້ຖືກເຄາະຮ້າຍ ແລະ ການລວມເອົາທຸກຄົນໃນສັງຄົມ ASEAN-ACT ແລະ ພ້ອມກັນນັ້ນ,   ກໍໄດ້ຟັງການນໍາສະເໜີບົດຮຽນຈາກທ່ານ ນາງ ດາເລັນ ປາຈາຣິໂຕ ຜູ້ອໍານວຍການດ້ານວຽກງານລະບົບຍຸຕິທໍາປະຈໍາແຜນງານASEAN-ACT ກ່ຽວກັບກອບຂອງພາກພື້ນ ແລະ ບົດບັນຍັດທີ່ກ່ຽວຂ້ອງໃນການດໍາເນີນຄະດີ, ປະສົບການຂອງສາກົນໃນການດໍາເນີນຄະດີຄ້າມະນຸດ ແລະ ຫຼັກສູດການຝຶກອົບຮົມ ສໍາລັບໄອຍະການປະ​ຊາ​ຊົນ. 

ກອງປະຊຸມໄດ້ສຸມໃສ່ບັນດາຫົວຂໍ້ບົດຮຽນທີ່ນຳມາສ້າງເປັນແຜນການສອນ ແລະ ສ້າງເອະສານຝຶກອົບຮົມໃນຄັ້ງນີ້ ມີ 6 ຫົວຂໍ້ ຄື:

  1. ຄວາມຮູ້ທົ່ວໄປກ່ຽວກັບການຕິດຕາມກວດກາຂອງອົງການໄອຍະການໃນການດຳເນີນຄະດີຄ້າມະນຸດ;
  2. ການຕິດຕາມກວດກາການດຳເນີນຄະດີ ຂອງອົງການສືບສວນ-ສອບສວນ ຂອງເຈົ້າໜ້າທີ່ຕຳຫຼວດ;
  3. ການຄົ້ນຄວ້າສຳນວນຄະດີຄ້າມະນຸດ ແລະ ການສັ່ງຟ້ອງຜູ້ຖືກຫາຂຶ້ນສານ;
  4. ການຕິດຕາມກວດກາການດຳເນີນຄະດີຄ້າມະນຸດຢູ່ສານ;
  5. ການຕິດຕາມກວດກາການຈັດຕັ້ງປະຕິບັດຄຳຕົກລົງຂອງສານກ່ຽວກັບຄະດີຄ້າມະນຸດ;
  6. ການຮ່ວມມືສາກົນໃນການຕ້ານການຄ້າມະນຸດ.

ໃນຕອນທ້າຍ, ປະທານກອງປະຊຸມການຝຶກອົບຮົມແມ່ນຍັງໄດ້ເນັ້ນບາງບັນຫາຕໍ່ຄູຝຶກໃຫ້ເອົາໃຈໃສ່ຢ່າງຕັ້ງໜ້າໃນການຮັບຟັງການຖ່າຍທອດບົດຮຽນນຳຜູ້ຊ່ຽວຊານ ຈາກແຜນງານອາຊຽນ-ອົສຕຣາລີເພື່ອຕ້ານການຄ້າມະນຸດ ເພື່ອນຳໄປຄົ້ນຄວ້າບັນດາກົດໝາຍ, ປຶ້ມຄູ່ມື ແລະ ບັນດານິຕິກຳຕ່າງໆທີ່ກ່ຽວຂ້ອງ ເພື່ອກຳນົດເຂົ້າໃນແຜນການສອນ ແລະ ສ້າງເອກະສານວຽກງານຕ້ານການຄ້າມະນຸດຈົນສາມາດເຮັດໃຫ້ການຝຶກອົບຮົມສຳເລັດໄປອີກບາດກ້າວໜຶ່ງທີ່ເປັນພື້ນຖານອັນສຳຄັນ ແລະ ໜັກແໜ້ນໃຫ້ຄູຝຶກຈະສືບຕໍ່ສ້າງເອກະສານໃຫ້ມີເນື້ອໃນສົມບູນເຕັມໄປດ້ວຍບົດຮຽນ ແລະ ພຶດຕິກຳຕົວຈິງ ທີ່ຈະນຳໄປຝຶກອົບຮົມໃຫ້ແກ່ພະນັກງານອົງການໄອຍະການປະຊາຊົນ ແລະ ພາກສ່ວນທີ່ກ່ຽວຂ້ອງທີ່ຮັບຜິດຊອບວຽກງານດັ່ງກ່າວໃນການດຳເນີນຄະດີການຄ້າມະນຸດໃຫ້ຖືກຕ້ອງສອດຄ່ອງກັບກົດໝາຍ, ພ້ອມທັງເອົາຜູ້ກະທຳຜິດມາລົງໂທດ ແລະ ປົກປ້ອງສິດພື້ນຖານຂອງຜູ້ຖືກເຄາະຮ້າຍໂດຍສະເພາະແມ່ນແມ່ຍິງ ແລະ ເດັກນອ້ຍ.

                 ຂ່າວ-ພາບ: ອານຸສັກ ກວາງວັນ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com