Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຂົ້າເຖິງ CAEXPO ເພື່ອແບ່ງປັນໂອກາດໃໝ່ RCEP

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 22/09/2021 11:49:31 ຈຳ​ນວນ​​ຢ້ຽມ​ຊົມ 852 ຄັ້ງ

ໂດຍ:ກອງເລຂາງານວາງສະແດງສິນຄ້າຈີນ-ອາຊຽນ

  ກອງປະຊຸມແລກປ່ຽນການເດີນທາງຂອງວິສາຫະກິດຍີ່ປຸ່ນໄປກວາງຊີໄດ້ຈັດຂຶ້ນໃນ​ວັນ​ທີ 10 ກັນຍາຜ່ານ​ມາ ທາງອອນໄລນ ແລະ ອອບໄລ ຢູ່ເມືອງໜານໜິງ, ແຂວງກວາງຊີ. ຈຸດປະສົງຂອງກອງປະຊຸມ​​ແມ່ນເພື່ອ​ແລກປ່ຽນ ​ແລະ ຍຶດເອົາໂອກາດຂອງການເຊັນສັນຍາການຮ່ວມມືດ້ານເສດຖະກິດໃນພາກພື້ນ(RCEP) ໃຫ້ມີບົດບາດເຕັມສ່ວນໃນງານວາງສະແດງສິນຄ້າຈີນ-ອາຊຽນ (CAEXPO)ໃນຖານະເປັນເວທີ ເພື່ອດຶງດູດປະຊາຄົມການເມືອງ ແລະ ທຸລະກິດຍີ່ປຸ່ນ ເຂົ້າຮ່ວມໃນການເປີດປະຕູຂອງຈີນ(ກວາງຊີ), ເພື່ອກ້າວໄປສູ່ໂຄງການຮ່ວມມືດ້ານເສດຖະກິດ ແລະ ການຄ້າທີ່ສໍາຄັນລະຫວ່າງສອງປະເທດຢູ່ໃນເຂດກວາງຊີ ແລະ ເພື່ອສົ່ງເສີມການຮ່ວມມື ຈີນ-ຍີ່ປຸ່ນ ຮ່ວມກັນພັດທະນາຕະຫຼາດຂອງພາກສ່ວນທີສາມ.

ທ່ານ ຊູ ຊານເຢ(Zou Zhanye) ຮອງເຈົ້າຄອງເຂດປົກຄອງຕົນເອງກວາງຊີ, ທ່ານ ແຊນ ຢົງຫວ່າ (Cheng Yonghua), ຮອງປະທານບໍລິຫານສະມາຄົມມິດຕະພາບ ຈີນ-ຍີ່ປຸ່ນ, ທ່ານ ຟູຈິ ທາໂຣ(Fujii Taro) ທີ່ປຶກສາດ້ານເສດຖະກິດຂອງສະຖານທູດຍີ່ປຸ່ນປະຈຳຈີນ, ທ່ານ ແອວວີ ເຄຈຽນ(Lv Kejian) ຮອງປະທານສະພາເສດຖະກິດແຫ່ງຊາດຍີ່ປຸ່ນ, ທ່ານ ທາກາຊິມາ ຣິວຊື່ເກະ(Takashima Ryusuke) ຜູ້ອຳນວຍການຫ້ອງການຜູ້ຕາງໜ້າປັກກິ່ງຂອງອົງການການຄ້າພາຍນອກຍີ່ປຸ່ນ ແລະ ທ່ານ ເຫວີຍ ຢານ(Wei Yan) ຮອງຜູ້ອຳນວຍການໃຫຍ່ກົມອາຊີຂອງກະຊວງການຄ້າຈີນ, ໄດ້ເຂົ້າຮ່ວມກອງປະຊຸມ ແລະ ກ່າວຄຳປາໄສ. ຈັດຂຶ້ນໂດຍກອງເລຂາງານວາງສະແດງສິນຄ້າຈີນ-ອາຊຽນ(CAEXPO) ແລະ ພະແນກການຄ້າຂອງເຂດປົກຄອງຕົນເອງກວາງຊີ, ກອງປະຊຸມແລກປ່ຽນໄດ້ສຸມໃສ່ຫົວຂໍ້ "ວິສາຫະກິດ ຈີນ - ຍີ່ປຸ່ນ ຮ່ວມກັນຄົ້ນຫາ ແລະ ແລກປ່ຽນໂອກາດໃໝ່ທີ່ນໍາມາຈາກການຮ່ວມມືດ້ານເສດຖະກິດ ແລະ ການຄ້າຂອງ RCEP ຜ່ານເວທີຂອງ CAEXPO", ໂອກາດ ແລະ ສິ່ງທ້າທາຍຕໍ່ກັບວິສາຫະກິດຈີນ ແລະ ຍີ່ປຸ່ນ ທີ່ນໍາມາໂດຍການເຊັນສັນຍາ RCEP ແລະ ຂົງເຂດການຮ່ວມມືດ້ານອຸດສາຫະກໍາ   ໃໝ່ສໍາລັບຈີນ (ກວາງຊີ) ແລະ ຍີ່ປຸ່ນແມ່ນໄດ້ຮ່ວມກັນສໍາຫຼວດ. ແລວທາງການຄ້າທາງທະເລ-ທາງບົກ ແລະ ນະໂຍບາຍການລົງທຶນໃໝ່ ແລະ ໂອກາດທາງທຸລະກິດຂອງເຂດທົດລອງການຄ້າເສລີຂອງຈີນ (ກວາງຊີ) ໄດ້ຖືກສົ່ງເສີມເພື່ອດຶງດູດວິສາຫະກິດຍີ່ປຸ່ນເຂົ້າມາລົງທຶນຢູ່ໃນເຂດກວາງຊີຫຼາຍຂຶ້ນ.

ທ່ານ ຊູ ຊານເຢ ກ່າວວ່າ: ການເຂົ້າຮ່ວມຂອງທັງສອງປະເທດຈີນ ແລະ ຍີ່ປຸ່ນ ການເຊັນສັນຍາ RCEP ໃນປີກາຍນີ້ ໄດ້ນໍາເອົາໂອກາດໃໝ່ສໍາລັບການຮ່ວມມືດ້ານເສດຖະກິດ ແລະ ການຄ້າລະຫວ່າງສອງຝ່າຍ. ດ້ວຍເວທີຂອງ CAEXPO, ກວາງຊີໄດ້ຂະຫຍາຍການຮ່ວມມືຢ່າງຈິງຈັງກັບຍີ່ປຸ່ນແລະ ປະເທດສະມາຊິກ RCEP ອື່ນໆ ໃນຊຸມປີຜ່ານມາ. ໃນ 6 ​ເດືອນ​ຕົ້ນປີນີ້, ມູນຄ່າການນໍາເຂົ້າ ແລະ ສົ່ງອອກທັງໝົດລະຫວ່າງກວາງຊີ ແລະ ຍີ່ປຸ່ນ ບັນລຸເຖິງ 4.376 ຕື້ຢວນ. ມາຮອດທ້າຍເດືອນກໍລະກົດປີ 2021, ໄດ້ສ້າງຕັ້ງວິສາຫະກິດທີ່ໄດ້ຮັບທຶນຈາກຍີ່ປຸ່ນທັງໝົດ 193 ແຫ່ງ ຢູ່ໃນເຂດກວາງຊີ. ປະຊາຄົມວິສາຫະກິດຍີ່ປຸ່ນໄດ້ເຂົ້າຮ່ວມຢ່າງຕັ້ງໜ້າໃນ CAEXPOs ຄັ້ງກ່ອນ, ຊຶ່ງໄດ້ສົ່ງເສີມການແລກປ່ຽນ ແລະ ການຮ່ວມມືທາງດ້ານເສດຖະກິດ ແລະ ການຄ້າລະຫວ່າງຍີ່ປຸ່ນກັບຈີນ ແລະ ບັນດາປະເທດອາຊຽນ. ປັດຈຸບັນ, ເຂດກວາງຊີກໍາລັງເລັ່ງກໍ່ສ້າງເວທີການຮ່ວມມືແບບເປີດກວ້າງສໍາລັບອາຊຽນເພື່ອຮັບໃຊ້ໃຫ້ແກ່ການຮ່ວມມື ໜຶ່ງແລວໜຶ່ງເສັ້ນທາງໃຫ້ດີກວ່າເກົ່າ ແລະ ເປັນຈຸດສູນກາງທີ່ສໍາຄັນຂອງການໄຫຼວຽນທັງພາຍໃນ ແລະ ຕ່າງປະເທດ ເຊື່ອມໂຍງກັນຢ່າງຈິງຈັງເຂົ້າໃນຂະບວນການພັດທະ ນາອັນໃໝ່. ກວາງຊີຍິນດີເພີ່ມທະວີການຮ່ວມມືຮອບດ້ານກັບວິສາຫະກິດຍີ່ປຸ່ນ, ເຂົ້າຮ່ວມການກໍ່ສ້າງແລວທາງເສດຖະກິດທາງບົກລະຫວ່າງປະເທດໃໝ່, ເພື່ອຂະຫຍາຍການຮ່ວມມືດ້ານອຸດສາຫະກໍາ, ນໍາໃຊ້ເວທີການຮ່ວມມືທີ່ມີຢູ່ແລ້ວເຊັ່ນ: ງານວາງສະແດງສິນຄ້າຈີນ-ອາຊຽນ ແລະ ອື່ນໆ. ຮ່ວມກັນສຳຫຼວດຕະຫຼາດຂອງພາກສ່ວນທີສາມລວມທັງບັນດາປະເທດອາຊຽນ.

ທ່ານແຊນ ຢົງຫວ່າ ໄດ້ກ່າວຄໍາປາໄສຜ່ານທາງວີດີໂອວ່າ: ຄວາມສໍາພັນລະຫວ່າງຈີນ ແລະ ອາ ຊຽນກໍາລັງພັດທະນາຢ່າງວ່ອງໄວ. ຈີນ ແລະ ອາຊຽນເປັນຄູ່ການຄ້າໃຫຍ່ທີ່ສຸດຂອງກັນ ແລະ ກັນ, ມີຜົນປະໂຫຍດຮ່ວມກັນ ຂະຫຍາຍຕົວຮ່ວມ​ກັນຢ່າງບໍ່ຢຸດຢັ້ງ. CAEXPO ແມ່ນດີ ແລະ ດີຍິ່ງໆຂຶ້ນໄປ, ມີວິສາຫະກິດ ແລະ ເພື່ອນຂອງຍີ່ປຸ່ນເຂົ້າຮ່ວມຫຼາຍຂຶ້ນ. ຫວັງວ່າ CAEXPO ຈະກາຍເປັນເວທີໃໝ່ ແລະ ໃຫຍ່ກວ່າໃນການຮ່ວມມືລະຫວ່າງຈີນ, ຍີ່ປຸ່ນ ແລະ ອາຊຽນ ເພື່ອຊຸກຍູ້ການພັດທະນາຢ່າງຕໍ່ເນື່ອງຂອງການຮ່ວມມືດ້ານເສດຖະກິດ ແລະ ການຄ້າ ພ້ອມກັນກ້າວເຂົ້າສູ່ລະດັບໃໝ່.

ທ່ານ ຟູຈິ ທາໂຣກ່າວວ່າ: ປັດຈຸບັນ, ການລະບາດຂອງພະຍາດ​ໂຄ​ວິດ 19 ຍັງຮຸນແຮງ ແລະ ຍັງມີຂໍ້ຈຳກັດຫຼາຍຢ່າງໃນການຈັດກິດຈະກຳຂະໜາດໃຫຍ່. ທ່ານຮູ້ສຶກດີໃຈຫຼາຍທີ່ກອງປະຊຸມແລກປ່ຽນການເດີນທາງຂອງວິສາຫະກິດຍີ່ປຸ່ນໄປກວາງຊີສາມາດຈັດຂຶ້ນໄດ້ຢ່າງປະສົບຜົນສໍາເລັດດ້ວຍຄວາມພະ ຍາຍາມຮ່ວມກັນຂອງທຸກຝ່າຍ. ຈີນ ແລະ ຍີ່ປຸ່ນ ຄວນເຮັດວຽກຮ່ວມກັນເພື່ອສ້າງສາຍພົວພັນ ຈີນ-ຍີ່ປຸ່ນ ທີ່ໝັ້ນຄົງ ແລະ ສ້າງສັນໂດຍບໍ່ໄດ້ຮັບຜົນກະທົບຈາກສະພາບແວດລ້ອມພາຍນອກ.

ເດືອນມີນາຂອງປີນີ້, ​ໃນ​ການ​ສຳພາດ ທ່ານ ຫວາງ ເຫວັນເທົາ(Wang Wentao) ລັດຖະມົນຕີກະຊວງການຄ້າຂອງຈີນ ໄດ້ກ່າວເຖິງຜົນປະໂຫຍດທາງດ້ານເສດຖະກິດທີ່ RCEP ຈະນໍາມາສູ່ປະເທດຍີ່ປຸ່ນ. ອີງຕາມການຄາດຄະເນຂອງລັດຖະບານຍີ່ປຸ່ນ, RCEP ຈະຊຸກຍູ້ໃຫ້ GDP ຕົວຈິງຂອງຍີ່ປຸ່ນເພີ່ມຂຶ້ນ 2,7% ແລະ ການຈ້າງງານຈະເພີ່ມຂຶ້ນ 0,8%. ໃນເດືອນ ມິຖຸນາ, ຍີ່ປຸ່ນໄດ້ຂຽນຈົດໝາຍເຖິງເລຂາ ທິການໃຫຍ່ອາຊຽນ, ຫວັງວ່າການເຂົ້າເປັນພາຄີຂອງ RCEP ສາມາດເປັນໄປໄດ້ໄວທີ່ສຸດເພື່ອສ້າງຄວາມເຂັ້ມແຂງ​ໃນການຮ່ວມມືລະຫວ່າງຍີ່ປຸ່ນກັບປະເທດຕ່າງໆ. ປີ 2022 ຈະເປັນຂີດໝາຍຄົບຮອບ 50 ປີ ຂອງການສ້າງສາຍພົວພັນທາງການທູດລະຫວ່າງ ຈີນ-ຍີ່ປຸ່ນຄືນໃໝ່ ເຊື່ອວ່າການແລກປ່ຽນລະຫວ່າງກວາງຊີ ແລະ ຍີ່ປຸ່ນ ຈະກ້າວໄປອີກບາດກ້າວໜຶ່ງຢ່າງແນ່ນອນ.

ທ່ານ ແອວວີ ເຄຈຽນ ຊີ້ໃຫ້ເຫັນວ່າ ເວທີ RCEP ຊຶ່ງທັງຈີນ ແລະ ຍີ່ປຸ່ນຈະຮ່ວມມືກັບລັດຖະ ບານຈີນ ແລະ ວິສາຫະກິດຈີນ ເພື່ອປະກອບສ່ວນເຂົ້າໃນການພັດທະນາວິສາຫະກິດກໍ່ຄືເສດຖະກິດພາກພື້ນ. ທີ່​ພົ້ນ​ເດັ່ນ​ທີ່​ສຸດ​ຄື ໃນຊຸມປີມໍ່ມານີ້, ວິສາຫະກິດຍີ່ປຸ່ນພວມຊອກຫາການຮ່ວມມືກັບວິສາຫະກິດຈີນ. ຕາມສະຖິຕິຈາກກະຊວງການຕ່າງປະເທດຍີ່ປຸ່ນ, ປີ 2020 ມີວິສາຫະກິດຍີ່ປຸ່ນຫຼາຍກວ່າ 33.000 ແຫ່ງໄດ້ລົງທຶນ ແລະ ພັດທະນາຢູ່ໃນປະເທດຈີນ. ຊຶ່ງມີຄວາມສໍາຄັນຫຼາຍສໍາລັບເຂດກວາງຊີເພື່ອສົ່ງເສີມວິສາຫະກິດຍີ່ປຸ່ນຢ່າງຈິງຈັງ ລວມທັງຜູ້ທີ່ໄດ້ລົງທຶນຢູ່ໃນຈີນແລ້ວ, ສະພາບແວດລ້ອມການລົງທຶນ, ນະໂຍ ບາຍບຸລິມະສິດ, ລັກສະນະອຸດສາຫະກໍາ, ລວມທັງຄວາມຕ້ອງການຂອງວິສາຫະກິດໃນເຂດກວາງຊີເພື່ອຮ່ວມມືກັບວິສາຫະກິດຕ່າງປະເທດລວມທັງວິສາຫະກິດຍີ່ປຸ່ນ.

ທ່ານ ທາກາຊິມາ ຣິວຊື່ເກະກ່າວວ່າ: ສະພາການຄ້າ ແລະ ອຸດສາຫະກຳຍີ່ປຸ່ນ ຢູ່ໃນປະເທດຈີນຫວັງວ່າຈະແຈ້ງໃຫ້ວິສາຫະກິດສະມາຊິກຫຼາຍຂຶ້ນກ່ຽວກັບສະພາບການພັດທະນາໃນປະຈຸບັນ ແລະ ຄວາມຄາດຫວັງໃນການພັດທະນາໃນອະນາຄົດຂອງເຂດກວາງຊີ. ສະພາການຄ້າ ແລະ ອຸດສາຫະກຳຍີ່ປຸ່ນປະຈຳຈີນໄດ້ອອກປຶ້ມປົກຂາວກ່ຽວກັບເສດຖະກິດຈີນ ແລະ ວິສາຫະກິດຍີ່ປຸ່ນທຸກໆປີ ເພື່ອສົ່ງເສີມການສົນທະນາ ແລະ ການແລກປ່ຽນລະຫວ່າງວິສາຫະກິດ ແລະ ລັດຖະບານຍີ່ປຸ່ນ ໃນທຸກລະດັບ, ແກ້ໄຂບັນຫາທີ່ວິສາຫະກິດຍີ່ປຸ່ນປະສົບຢູ່ໃນຈີນ. ກິດຈະກໍາທາງທຸລະກິດ ແລະ ຄໍາແນະນໍາທີ່ສອດຄ້ອງກັນ. ໃນອະນາຄົດ, ສະພາການຄ້າ ແລະ ອຸດສາຫະກຳຍີ່ປຸ່ນປະຈຳຈີນຈະສືບຕໍ່ໃຫ້ການບໍລິການສະໜັບສະໜູນແກ່ວິສາຫະກິດຕ່າງໆຂອງຍີ່ປຸ່ນຢູ່ຈີນ, ຫວັງວ່າຈະປະກອບສ່ວນຫຼາຍກວ່າເກົ່າໃຫ້ແກ່ການແລກປ່ຽນ ແລະ ການຮ່ວມມືດ້ານເສດຖະກິດ ຈີນ-ຍີ່ປຸ່ນ.

ທ່ານເວີ່ນເຈຍປາວກ່າວວ່າ: ຈີນ ແລະ ຍີ່ປຸ່ນ ເປັນປະເທດໃກ້ຄຽງທີ່ສໍາຄັນ, ເປັນບ້ານໃກ້ເຮືອນຄຽງ ແລະ ເປັນຄູ່ຮ່ວມມືດ້ານເສດຖະກິດການຄ້າ. ສອງປະເທດມີຜົນປະໂຫຍດຮ່ວມກັນຢ່າງກວ້າງຂວາງ ແລະ ມີຊ່ອງທາງກວ້າງຂວາງໃນການຮ່ວມມື. ແຕ່ເດືອນ ມັງກອນ ຫາ ເດືອນ ກໍລະກົດ ປີນີ້, ປະລິມານການຄ້າທັງໝົດລະຫວ່າງຈີນ ແລະ ຍີ່ປຸ່ນ ໄດ້ເພີ່ມຂຶ້ນ 22,0% ຕໍ່ປີ ແລະ ຈໍານວນວິສາຫະກິດຍີ່ປຸ່ນທີ່ສ້າງຕັ້ງຂຶ້ນໃໝ່ຢູ່ຈີນເພີ່ມຂຶ້ນ 29,6%. CAEXPO ບໍ່ພຽງແຕ່ສະໜອງເວທີແບບເປີດທີ່ສຳຄັນໃຫ້ແກ່ການຮ່ວມມືລະຫວ່າງຈີນ ແລະ ອາຊຽນ ເທົ່ານັ້ນ, ແຕ່ຍັງມີບົດບາດອັນໃຫຍ່ຫຼວງໃນການຊຸກຍູ້ການເຊື່ອມໂຍງເສດຖະກິດພາກພື້ນ. ກອງປະຊຸມແລກປ່ຽນນີ້ ສ້າງໂອກາດໃຫ້ວິສາຫະກິດຍີ່ປຸ່ນເຂົ້າສູ່ຕະຫຼາດໃຫຍ່ຢູ່ພາກຕາເວັນຕົກສ່ຽງໃຕ້ຂອງຈີນ, ພ້ອມທັງແຕ້ມຮ່າງແຜນການໃຫ້ສອງປະເທດເພື່ອສົ່ງເສີມການຮ່ວມມືພາຍໃນຂອບ RCEP ​ທັງຍັງສະໜອງເວທີການຮ່ວມມືຈີນ-ຍີ່ປຸ່ນ ຢູ່ໃນຕະຫຼາດພາກສ່ວນທີສາມລວມທັງອາຊຽນ.

​ເຂົ້າຮ່ວມ​ກອງ​ປະຊຸມ​ດັ່ງກ່າວ ຍັງ​ມີຜູ້ຕາງໜ້າຈາກລັດຖະບານປະຊາຊົນຂອງເຂດປົກຄອງຕົນເອງກວາງຊີ, ກອງເລຂາ CAEXPO, ສະພາການຄ້າ ແລະ ອຸດສາຫະກຳຍີ່ປຸ່ນໃນປະເທດຈີນ ແລະ ເຂດທົດລອງການຄ້າເສລີຂອງຈີນ(ກວາງຊີ), ຜູ້ຕາງໜ້າຈາກວິສາຫະກິດຈີນ ແລະ ຍີ່ປຸ່ນເຊັ່ນ: ລົດ ລິວໂຈ(Liuzhou SAIC-GM-Wuling), ບໍລິສັດມິດຊູບິຊິ(ຈີນ)ຈຳກັດ, ທະນາຄານມິຊູໂຮ(ຈີນ)ຈຳກັດ. ໃນກອງປະຊຸມໄດ້ມີການຈັດຕັ້ງປະຕິບັດວຽກງານການຮ່ວມມື ແລະ ແລກປ່ຽນ. ພະແນກການຄ້າຂອງເຂດປົກ ຄອງຕົນເອງກວາງຊີສົ່ງເສີມເຂດທົດລອງການຄ້າເສລີຂອງຈີນ(ກວາງຊີ) ແລະ ແລວທາງການຄ້າທາງ ບົກ-ທາງທະເລສາກົນແຫ່ງໃໝ່.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com