Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ໂຄວິດ-19 ລະບາດໜັກ ແຕ່ບໍ່ສາມາດກີດກັ້ນການຮ່ວມມື ລາວ - ຫວຽດນາມ ໄດ້

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 23/09/2021 13:08:33 ຈຳ​ນວນ​​ຢ້ຽມ​ຊົມ 638 ຄັ້ງ

ໂດຍ: ສີວັນ ຫອມໄຊຍະເດດ

ເພື່ອເປັນການສືບທອດມູນເຊື້ອປະຕິວັດອັນສະຫງ່າອົງອາດ ແລະ ບັນດາຜົນງານແຫ່ງການຮ່ວມມືໃນໄລຍະຜ່ານມາ, ພວກເຮົາເຂົ້າໃຈວ່າ: ເສົາຄໍ້າສາຍພົວພັນດ້ານການເມືອງ ຈະສືບຕໍ່ກໍານົດທິດສັງລວມ ສາຍພົວພັນແບບພິເສດ ລາວ - ຫວຽດນາມ ໃນໄລຍະຈະມາເຖິງ ໂດຍສືບທອດມູນເຊື້ອປະຕິວັດອັນໝັ້ນຄົງ, ສາຍພົວພັນດ້ານການເມືອງຂອງສອງປະເທດ ຈະໄດ້ຮັບການ ຊີ້ທິດເຍືອງທາງ ຈາກແນວຄິດຂອງຜູ້ນຳທີ່ຍິງໃຫຍ່ຄື: ປະທານ ໂຮ່ຈິມິນ ແລະ ປະທານ ໄກສອນ ພົມວິຫານ ໂດຍການໝູນໃຊ້ ລັດທິມາກ - ເລນິນ ເຂົ້າໃນສະພາບການຕົວຈິງຂອງແຕ່ລະປະເທດຢ່າງມີຫົວຄິດປະດິດສ້າງ, ກ້າວໄປສູ່ເປົ້າໝາຍເອກະລາດແຫ່ງຊາດ ແລະ ສັງຄົມນິຍົມ, ກາຍເປັນປະເທດຮັ່ງມີເຂັ້ມແຂວງ, ປະຊາຊົນກິນອີ່ມນຸ່ງອຸ່ນ ແລະ ມີຄວາມຜາສຸກ.

ປັດຈຸບັນ, ແນວຄິດຂອງຜູ້ນຳທີ່ຍິ່ງໃຫຍ່ ແລະ ແສນເຄົາລົບຮັກທັງສອງທ່ານ ແມ່ນເຂັມຊີ້ທິດໃຫ້ສອງປະເທດພວກເຮົາ ຍາມໃດກໍຖະໜຸຖະໜອມ ແລະ ເສີມຂະຫຍາຍມູນເຊື້ອສາຍພົວພັນບໍລິສຸດຜຸດຜ່ອງ, ສະໜິດສະໜົມ ມີໜຶ່ງບໍ່ມີສອງໃນໂລກນີ້, ສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານການເມືອງ - ຍຸດທະສາດ, ເພື່ອພ້ອມກັນແບກຫາບພາລະກິດປະຫວັດສາດ ປົກປັກຮັກສາຜົນງານປະຕິວັດ, ສ້າງສາ ແລະ ພັດທະນາປະເທດຊາດ ກ້າວໄປສູ່ເປົ້າໝາຍສັງຄົມນິຍົມ, ຮັກສາສາຍພົວພັນແບບພິເສດ ລະຫວ່າງ ລາວ - ຫວຽດນາມ ໃຫ້ໝັ້ນຄົງຂະໜົງແກ່ນໄປຊົ່ວກາລະນານ.

ໃນວັນທີ 17 ກັນຍາ 2021, ສະພາທິດສະດີສູນກາງພັກປະຊາຊົນ ປະຕິວັດລາວ, ຄະນະພົວພັນຕ່າງປະເທດສູນກາງພັກ, ສະຖາບັນການເມືອງ ແລະ ການປົກຄອງແຫ່ງຊາດຂອງລາວ ໄດ້ຮ່ວມກັບສະພາທິດສະດີສູນກາງພັກກອມມູນິດຫວຽດນາມ, ຄະນະພົວພັນຕ່າງປະເທດສູນກາງພັກ,

ສະຖາບັນການເມືອງແຫ່ງຊາດໂຮ່ຈິມິນຂອງຫວຽດນາມ ຈັດກອງປະຊຸມທາງໄກ ເພື່ອສະຫຼຸບຕີລາຄາການຮ່ວມມື, ແລກປ່ຽນທິດສະດີ ແລະ ບໍາລຸງສ້າງພະນັກງານ ລະຫວ່າງ ພັກປະຊາຊົນ ປະຕິວັດລາວ ແລະ ພັກກອມມູນິດຫວຽດນາມ ໄລຍະ 2016-2021 ແລະ ປຶກສາຫາລືທິດທາງການຮ່ວມມື ໄລຍະ 2021-2026 ໂດຍການເປັນປະທານຮ່ວມຂອງ ສະຫາຍ ຄໍາພັນ ເຜີຍຍະວົງ ເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ປະທານສະພາທິດສະດີສູນກາງພັກປະຊາຊົນ ປະຕິວັດລາວ ແລະ ສະຫາຍ ຫງວຽນ ຊວັນ ຖັງ ກໍາມະການກົມການເມືອງສູນກາງພັກ, ຜູ້ອໍານວຍການສະຖາບັນການເມືອງແຫ່ງຊາດໂຮ່ຈິມິນ, ປະທານສະພາທິດສະດີສູນກາງພັກກອມມູນິດຫວຽດນາມ.

ໂຄງການດັ່ງກ່າວ ເປັນສິ່ງພິສູດຢ່າງມີຊີວິດຊີວາໃຫ້ແກ່ການຮ່ວມມືຢ່າງລະອຽດ, ແທດຈິງ ແລະ ເລິກເຊິ່ງ ໃນຂົງເຂດແນວຄິດ, ທິດສະດີ ລະຫວ່າງ ສອງພັກ, ສອງລັດ ແລະ ປະຊາຊົນສອງປະເທດ ລາວ - ຫວຽດນາມ, ພ້ອມທັງສະແດງໃຫ້ເຫັນຄວາມເຄົາລົບ, ຄວາມຮັບຜິດຊອບໃນການຮັກສາມູນເຊື້ອການຮ່ວມມືໃຫ້ເປັນຢ່າງດີ, ປະກອບສ່ວນເຂົ້າໃນການໂຄສະນາ, ເຜີຍແຜ່ແນວຄິດໂຮ່ຈິມິນ ຢູ່ລາວ, ຮັບໃຊ້ໃຫ້ແກ່ວຽກງານແນວຄິດ, ທິດສະດີ, ວຽກງານບຳລຸງສ້າງ, ຝຶກອົບຮົມພະນັກງານ, ນັກຄົ້ນຄ້ວາທິດສະດີ ຂອງ ສອງພັກ, ສອງລັດ.

ໃນກອງປະຊຸມ, ທ່ານ ຄຳພັນ ເຜີຍຍະວົງ ໄດ້ຢັ້ງຢືນວ່າ: ພັກປະຊາຊົນປະຕິວັດລາວ ຕີລາຄາສູງຄວາມເອົາໃຈໃສ່ໜູນຊ່ວຍ, ຊ່ວຍເຫຼືອຂອງ ພັກ, ລັດ ແລະ ປະຊາຊົນ ຫວຽດນາມ ໃນວຽກງານບຳລຸງສ້າງ, ຝຶກອົບຮົມພະນັກງານຄຸ້ມຄອງບໍລິຫານໃຫ້ແກ່ຝ່າຍລາວ ໃນໄລຍະ 5 ປີຜ່ານມາ, ບັນລຸໄດ້ຕາມແຜນການທີ່ວາງອອກທາງດ້ານຈຳນວນ ແລະ ຄຸນນະພາບ.

ໃນວາລະດໍາເນີນກອງປະຊຸມ, ປະທານກອງປະຊຸມທັງສອງຝ່າຍ ໄດ້ສະຫຼຸບຕີລາຄາການຮ່ວມມືແລກປ່ຽນທິດສະດີ, ການຄົ້ນຄວ້າວິທະຍາສາດ ແລະ ໃຫ້ຄໍາປຶກສາດ້ານນະໂຍບາຍແກ່ສູນກາງພັກ, ການບໍາລຸງສ້າງພະນັກງານຂັ້ນນໍາພາ-ຄຸ້ມຄອງ ລະຫວ່າງ ສອງພັກ, ການສະຫຼຸບໂຄງການແປບົດນິພົນ ໂຮຈິມິນ ຄົບຊຸດ ຈາກພາສາຫວຽດ ເປັນ ພາລາລາວ ໄລຍະ 2016-2021 ແລະ ໂຄງການຮ່ວມມືດັ່ງກ່າວນີ້ ມີເນື້ອໃນການແປ ແລະ ຮຽບຮຽງປຶ້ມນິພົນ ໂຮ່ຈິມິນ ຄົບຊຸດ ຈຳນວນ 15 ເຫຼັ້ມ ແລະ ວັດຈະນານຸກົມ ໂຮ່ຈິມິນວິທະຍາ 1 ເຫຼັ້ມ ດ້ວຍທຶນຊ່ວຍເຫຼືອຂອງຫວຽດນາມ ແລະ ທຶນປະກອບສ່ວນຂອງຝ່າຍລາວ. ໂຄງການດັ່ງກ່າວໄດ້ເລີ່ມຂຶ້ນຢ່າງເປັນທາງການ ໃນວັນທີ 10/5/2016, ບົນພື້ນຖານບົດບັນທຶກການຮ່ວມມື ລະຫວ່າງ ສອງສະພາທິດສະດີສູນກາງພັກ ລາວ-ຫວຽດນາມ. ສອງຝ່າຍໄດ້ມີການຮ່ວມມື, ເຄື່ອນໄຫວວຽກງານຄົ້ນຄວ້າທິດສະດີ ແລະ ແລກປ່ຽນບົດຮຽນຕ່າງໆຢ່າງມີວິທະຍາສາດ ເປັນຕົ້ນແມ່ນການຈັດກອງປະຊຸມສໍາມະນາທິດສະດີ ລະຫວ່າງ ສອງພັກ ລາວ-ຫວຽດນາມ, ການແລກປ່ຽນຄະນະຜູ້ແທນຂັ້ນສູງ ແລະ ການແລກປ່ຽນຂໍ້ມູນຂ່າວສານທາງດ້ານທິດສະດີ.

ມາເຖິງປັດຈຸບັນ, ສອງຝ່າຍ ໄດ້ຜັດປ່ຽນກັນເປັນເຈົ້າພາບຈັດກອງປະຊຸມສໍາມະນາທິດສະດີ ສອງພັກ ລາວ-ຫວຽດນາມ ຈໍານວນ 7 ຄັ້ງ, ມີການແລກປ່ຽນຂໍ້ມູນຂ່າວສານດ້ານທິດສະດີ ໂດຍມີການສົ່ງບົດຂ່າວ “ທິດສະດີ ແລະ ພຶດຕິກໍາ”, ໝາກຜົນການຄົ້ນຄວ້າ, ບົດຂຽນທີ່ພົວພັນເຖິງທິດສະດີການເມືອງນໍາກັນ.

ໃນໂອກາດດັ່ງກ່າວ, ສະພາທິດສະດີສູນກາງພັກກອມມູນິດຫວຽດນາມ ໄດ້ສົ່ງປຶ້ມໝາກຜົນຂອງກອງປະຊຸມສໍາມະນາທິດສະດີ ຄັ້ງທີ 3 ລະຫວ່າງ ສອງພັກ ພາຍໃຕ້ຫົວຂໍ້; “ການພັດທະນາເສດຖະກິດຕະຫຼາດຕາມທິດສັງຄົມນິຍົມຢູ່ ຫວຽດນາມ ແລະ ລາວ ໃຫ້ສະພາທິດສະດີສູນກາງພັກ ປະຊາຊົນ ປະຕິວັດລາວ ລວມທັງໝົດ 920 ເຫຼັ້ມ (ພາສາລາວ ແລະ ພາສາຫວຽດນາມ). ນອກນັ້ນ,ຝ່າຍຫວຽດນາມ ຍັງໄດ້ໃຫ້ການຊ່ວຍເຫຼືອບໍາລຸງ ແລະ ກໍ່ສ້າງພະນັກງານຂັ້ນຕ່າງໆໃຫ້ແກ່ ພັກປະຊາຊົນ ປະຕິວັດລາວ, ພະນັກງານຂັ້ນນໍາພາ-ຄຸ້ມຄອງຂອງພັກ, ລັດ ລາວ ໄປບຳລຸງສ້າງຢູ່ ສສ ຫວຽດນາມ, ເຫັນວ່າ: ການບໍາລຸງສ້າງດັ່ງກ່າວໄດ້ຮັບປະສິດທິຜົນເປັນຢ່າງດີ.

ນອກນັ້ນ, ໃນກອງປະຊຸມຄັ້ງນີ້ ຜູ້ເຂົ້າຮ່ວມຂອງສອງຝ່າຍ ໄດ້ພ້ອມກັນປະກອບຄໍາຄິດເຫັນ, ປຶກສາຫາລືທິດທາງການຮ່ວມມື ໄລຍະ 2021-2026 ແລະ ບັນຫາອຶ່ນໆ ທີ່ປິ່ນອ້ອມຫົວຂໍ້ຫຼັກຂອງກອງປະຊຸມ. ສອງຝ່າຍ ໄດ້ເນັ້ນສືບຕໍ່ຍົກລະດັບ ແລະ ປະສິດທິຜົນຂອງການຮ່ວມມືແລກປ່ຽນບົດຮຽນດ້ານທິດສະດີ, ການຈັດກອງປະຊຸມສໍາມະນາທິດສະດີສອງພັກ ຄັ້ງທີ 8 ໃນທ້າຍປີນີ້.

ກອງປະຊຸມຄັ້ງນີ້ ຖືເປັນກອງປະຊຸມຮູບແບບໃໝ່ ຂອງການພົວພັນຮ່ວມມືຂອງສອງຝ່າຍ ທີ່ແທດເໝາະກັບສະພາບການປັດຈຸບັນ ແລະ ຄວາມຮຽກຮ້ອງຕ້ອງການຕົວຈິງ, ທັງເປັນການປະຕິບັດຕາມຂໍ້ຕົກລົງ ລະຫວ່າງ ການນໍາຂັ້ນສູງຂອງສອງພັກ ລາວ ແລະ ຫວຽດນາມ ທາງດ້ານວຽກງານແນວຄິດ, ທິດສະດີ, ພຶດຕິກໍາ ແລະ ບໍາລຸງສ້າງພະນັກງານ, ທັງເປັນການປະກອບສວ່ນເຂົ້າໃນການເສີມສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ລາວ- ຫວຽດນາມ ໃຫ້ນັບມື້ຈະເລີນງອກງາມຍິ່ງໆຂຶ້ນ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com