Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແຕ່ງ​ຕັ້ງ ທ່ານ ສີສັງຄົມ ໂຄດໂຍທາ ເປັນວ່າການຜູ້ອໍານວຍການ ລນລ ຄົນໃໝ່

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 01/10/2021 17:42:55 ຈຳ​ນວນ​​ຢ້ຽມ​ຊົມ 4030 ຄັ້ງ

      ກະຊວງອຸດສາຫະກຳ ແລະ ການຄ້າ (ອຄ) ໄດ້ຈັດພິທີມອບ-ຮັບ ໜ້າທີ່ຜູ້ອໍານວຍການ ລັດວິສາຫະກິດນໍ້າມັນເຊື້ອໄຟລາວ (ລນລ) ຜູ້ເກົ່າ ແລະ ຜູ້ໃໝ່ (ແບບລະບົບອອນລາຍ) ລະຫວ່າງທ່ານ ອະນຸສິນ ພົນເສນາ ອະດີດ ຮັກສາການຜູ້ອໍານວຍການ ລນລ  ແລະ ທ່ານ ສີສັງຄົມ ໂຄດໂຍທາ ຮອງຫົວໜ້າກົມສົ່ງເສີມການຄ້າ, ກະຊວງ ອຄ ຂຶ້ນເປັນວ່າການຜູ້ອໍານວຍການ ລນລ ຄົນໃໝ່.

ພິທີດັ່ງກ່າວຈັດຂຶ້ນ ໃນວັນທີ 1 ຕຸລາ 2021 ໂດຍເຂົ້າຮ່ວມຂອງ ທ່ານ ຄໍາແພງ ໄຊສົມແພງ ລັດຖະມົນຕີກະຊວງ ອຄ, ມີຮອງລັດຖະມົນຕີ, ຫົວໜ້າກົມອ້ອມຂ້າງ ແລະ ພະນັກງານ ລນລ ເຂົ້າຮ່ວມ.

      ທ່ານ ນາງ ຈັນສຸກ ແສງພະຈັນ ຫົວໜ້າກົມຈັດຕັ້ງ ແລະ ພະນັກງານ ກະຊວງ ອຄ ໄດ້ຜ່ານຂໍ້ຕົກລົງ ເລກທີ 4308/ກງ ລົງວັນທີ 8 ກັນຍາ 2021  ເຫັນດີໃຫ້ທ່ານ ອະນຸສິນ ພົນເສນາ ຮັກສາການຊົ່ວຄາວຜູ້ອໍານວຍການ ລນລ  ອອກຮັບບໍາເນັດຕາມລະບຽບກົດໝາຍ ແລະ ຂໍ້ຕົກລົງເລກທີ 4309/ກງ ລົງວັນທີ  8 ກັນຍາ 2021 ແຕ່ງຕັ້ງ ທ່ານ ສີສັງຄົມ ໂຄດໂຍທາ  ຮອງຫົວໜ້າກົມສົ່ງເສີມການຄ້າ ກະ ຊວງ ອຄ ເປັນວ່າການ ຜູ້ອໍານວຍການ ລນລ.

      ທ່ານ ອະນຸສິນ ພົນເສນາ ໄດ້ລາຍງານສະພາບການຈັດຕັ້ງປະຕິບັດໜ້າທີ່ຜ່ານມາ ຕະຫຼອດ 35 ປີ ຜ່ານມາ ຖືວ່າໄດ້ຮັບກຽດທີ່ຍິ່ງໃຫຍ່ໃນການປະຕິບັດໜ້າທີ່ໆພັກ - ລັດມອບໝາຍໃຫ້ ປະສົບຜົນສໍາເລັດ ປະກອບສ່ວນໃນການສ້າງລະບຽບການຕ່າງໆ, ສ້າງພະນັກງານວິຊາການ, ເຕັກນິກ, ການດໍາເນີນທຸລະກິດຂອງ ລນລ ໃຫ້ປະສົບຜົນສໍາເລັດຕະຫຼອດມາ, ປະກອບສ່ວນສ້າງລາຍຮັບ ແລະ ພັນທະໃຫ້ລັດຖະບານ ແລະ ພັດທະນາເສດຖະກິດ-ສັງຄົມ. ແຕ່ລະປີອັດຕາການຂະຫຍາຍຕົວຂອງການນໍາເຂົ້ານໍ້າມັນສະເລ່ຍ 7-8% ຕໍ່ປີ.

      ທ່ານ ຄໍາແພງ ໄຊສົມແພງ ໄດ້ກ່າວສະແດງຄວາມເຫັນໃນພິທີໂດຍທ່ານໄດ້ຍົກໃຫ້ເຫັນສະພາບການປ່ຽນແປງທາງດ້ານເສດຖະກິດຂອງໂລກ, ເສດຖະກິດພາຍໃນ ແລະ ຜົນກະທົບຂອງພະຍາດໂຄວິດ-19. ພ້ອມທັງຕີລາຄາສູງຕໍ່ຜົນງານທີ່ຍາດມາໄດ້ຂອງ ລນລ ໃນແຕ່ລະໄລຍະ. ຢ່າງໃດກໍຕາມ, ພາຍໃຕ້ສະພາບການໃໝ່ທີ່ມີທັງຄວາມຫຍຸ້ງຍາກສັບສົນ ແລະ ສິ່ງທ້າທາຍຈຶ່ງຮຽກຮ້ອງໃຫ້ການນໍາທຸກຂັ້ນ ແລະ ສະມາຊິກພັກ, ພະນັກງານ  ລນລ  ເອົາໃຈໃສ່ແຕ່ລະວຽກງານ ດັ່ງນີ້:

1)      ກໍານົດຍຸດທະສາດ, ວິໄສທັດ ແລະ ແຜນວຽກຈຸດສຸມ ຫຼື ບຸລິມະສິດ 5 ປີ ແລະ ແຜນລະອຽດປະຈໍາປີຄືນໃໝ່ ໃຫ້ສອດຄ່ອງກັບທິດທາງແຜນຍຸດທະສາດ ແລະ ແຜນການປັບປຸງລັດວິສາຫະກິດ 2021-2025 ຂອງກະຊວງການເງິນ.

2)      ເພື່ອຮັບປະກັນການເຄື່ອນໄຫວ ການດໍາເນີນທຸລະກິດຂອງ ລນລ ໃຫ້ມີປະສິດທິຜົນ ສະນັ້ນ; ຈຶ່ງຕ້ອງມີຄວາມຈໍາເປັນໃນການປັບປຸງຮູບແບບການດໍາເນີນທຸລະກິດ ໃນແບບໃໝ່ ໂດຍວິເຄາະ ຈຸດແຂງ, ໂອກາດ, ເປົ້າໝາຍ ແລະ ຜົນຕອບແທນ ແລະ ຕ້ອງໄດ້ມີການໄລ່ລຽງຜົນທີ່ຈະໄດ້ຮັບໃນຕໍ່ໜ້າ ກ່ອນການພິຈາລະນາຈັດຕັ້ງປະຕິບັດ ເຊັ່ນ: ການໄລ່ລຽງລາຍຮັບ-ລາຍຈ່າຍທີ່ຈະເກີດຂຶ້ນ, ຈຸດຕອບແທນທີ່ຈະໄດ້ທຶນຄືນ, ຄໍານວນມູນຄ່າປັດຈຸບັນສຸດທິ ແລະ ອັດຕາຜົນຕອບແທນ ທຽບກັບການລົງທຶນໃນກິດຈະການ ເພື່ອຫຼີກລ່ຽງຄວາມສ່ຽງ ຫຼື ຜົນເສຍຫາຍອາດເກີດຂຶ້ນໃນຕໍ່ໜ້າ.

3)      ຈັດຕັ້ງຜັນຂະຫຍາຍບັນດາລະບຽບການກ່ຽວຂ້ອງ ການເຄື່ອນໄຫວທຸລະກິດນໍ້າມັນເຊື້ອໄຟ ທີ່ລັດມີການລົງທຶນໃຫ້ເປັນຮູບປະທໍາ ເຊັ່ນ: ມະຕິ ຂອງກົມການເມືອງວ່າດ້ວຍການປັບປຸງ ແລະ ກໍ່ສ້າງວິສາຫະກິດໃນໄລຍະໃໝ່ ແລະ ລະ​ບຽບ​ການ​ອື່ນໆ.

4)      ປັບປຸງ ແລະ ສ້າງກົນໄກ ການປະສານງານ, ລາຍງານ ແລະ ຂໍທິດຊີ້ນໍາ ຈາກຄະນະສະພາບໍລິຫານ, ຄະນະລັດຖະບານ ຫຼື ກະຊວງ ອຄ ແລະ ກະຊວງການເງິນ ໃຫ້ເປັນລະບົບ, ທັນສະໄໝ, ປົກກະຕິ ແລະ ທັນກັບກໍານົດເວລາ ຕາມລະບຽບການທີ່ໄດ້ກໍານົດ

5) ສະຫຼຸບລາຍງານສະພາບການເຄື່ອນໄຫວຂອງ ລນລ ໃຫ້ເປັນປະຈໍາ, ປົກກະຕິ ທຸກໆ 3 ເດືອນ ແລະ ການປະເມີນຜົນປະຈໍາປີ ຕາມຕົວຊີ້ວັດ ໃຫ້ກະຊວງ ອຄ, ກະຊວງການເງິນຮັບຊາບ.

(ຂ່າວ-ພາບ: ກະ​ຊວງ​ການ​ຄ້າ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com