Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນາຍົກ ເນັ້ນໃຫ້ສື່ມວນຊົນ ເປັນຂົວຕໍ່ສ້າງຄວາມເຂົ້າໃຈແກ່ປະຊາຊົນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 07/10/2021 08:52:54 ຈຳ​ນວນ​​ຢ້ຽມ​ຊົມ 4524 ຄັ້ງ

 

ໃນການພົບປະສື່ມວນຊົນ (ສື່ຫຼັກ) ແລະ ໃນຮູບແບບທາງໄກກັບສື່ມວນຊົນທົ່ວປະເທດ ຂອງທ່ານນາຍົກລັດຖະມົນຕີ ໄດ້ຈັດຂຶ້ນໃນວັນທີ 6 ຕຸລາ ນີ້ ທີ່ສຳນັກງານນາຍົກລັດຖະມົນຕີ. ທ່ານ ພັນຄຳ ວິພາວັນ ນາຍົກລັດຖະມົນຕີ ແຫ່ງ ສປປ ລາວ ໄດ້ເນັ້ນໃຫ້ສື່ມວນຊົນ ເປັນຂົວຕໍ່ສໍາຄັນໃນການສ້າງຄວາມເຂົ້າໃຈແກ່ປະຊາຊົນ ກໍຄືປວງຊົນລາວທັງຊາດ ລວມເຖິງຊາວຕ່າງດ້າວທີ່ດໍາລົງຊີວິດຢູ່ລາວ ໃຫ້ມີຄວາມເຂົ້າໃຈຕໍ່ກັບສະພາບຄວາມຮຸນແຮງຂອງພະຍາດໂຄວິດ-19, ສົ່ງຜົນກະທົບ ແລະ ສ້າງຄວາມເສຍຫາຍຕໍ່ມວນມະນຸດ, ການສະກັດກັ້ນໂຄວິດ-19 ໃນໄລຍະຜ່ານມາ - ປັດຈຸບັນ - ຕໍ່ໜ້າ ແລະ ການສ້າງຄວາມເຂົ້າໃຈຕໍ່ການດຳລົງຊີວິດປົກກະຕິແບບໃໝ່ ເພື່ອບໍ່ໃຫ້ມີຄວາມເຂົ້າໃຈສັບສົນປົນເປກັນ ເພື່ອພ້ອມກັນຕໍ່ສູ້ກັບໂຄວິດ-19 ໃຫ້ມີຜົນສຳເລັດ.

ນອກຈາກຍົກໃຫ້ເຫັນບັນດາບັນຫາຂ້າງເທິງແລ້ວ, ທ່ານ ພັນຄຳ ວິພາວັນ ຍັງໄດ້ໃຫ້ສື່ມວນຊົນ ໂຄສະນາໃຫ້ປະຊາຊົນເຂົ້າໃຈສະພາບຄວາມເປັນຈິງຂອງປະເທດເຮົາ ໃນການຕ້ານໂຄວິດ-19 ຊຶ່ງທ່ານໄດ້ກ່າວວ່າ: ພວກເຮົາຕ້ອງຮັບຮູ້ ແລະ ເຂົ້າໃຈວ່າ ປະເທດເຮົາບໍ່ຢູ່ໃນຖານະປະເທດຮັ່ງມີ ທີ່ຈະມີເງິນຫຼວງຫຼາຍທຸ້ມເທໃສ່ໃນການແກ້ໄຂບັນຫາດັ່ງກ່າວນີ້, ຈຶ່ງໄດ້ວາງແນວທາງ ແລະ ມາດຕະການທີ່ສອດຄອງແຕ່ຫົວທີໂລດ ໂດຍຖືເອົາການສະກັດກັ້ນ, ປ້ອງກັນ ເປັນຕົ້ນຕໍ; ການປິ່ນປົວແກ້ໄຂ ເປັນສໍາຄັນ; ຖືການນໍາພາຢ່າງລວມສູນ ເປັນເອກະພາບຂອງພັກ ແລະ ບັນຊາບໍລິຫານງານຂອງລັດຖະບານ ແລະ ການເປັນເຈົ້າການເຂົ້າຮ່ວມຂອງປະຊາຊົນ ເປັນປັດໄຈຕັດສິນຜົນສໍາເລັດ ພ້ອມນັ້ນກໍອີງໃສ່ການຮ່ວມມືຊ່ວຍເຫຼືອຂອງບັນດາປະເທດເພື່ອນມິດ ແລະ ອົງການຈັດຕັ້ງສາກົນ ເປັນປັດໄຈທີ່ຂາດບໍ່ໄດ້ຂອງຜົນສໍາເລັດ. ຍ້ອນແນວນັ້ນ, ປະເທດເຮົາຈຶ່ງມີກົນໄກສະດຸ້ງໄວພໍສົມຄວນໃນການປັບປຸງແກ້ໄຂບັນຫາແຕ່ລະໄລຍະແຕ່ລະກໍລະນີ, ສ້າງຕັ້ງສູນກັກກັນ, ໂຮງໝໍ ຫຼື ສູນປິ່ນປົວຊົ່ວຄາວ (ພາກສະໜາມ), ການສັກຢາວັກຊິນ ແລະ ອື່ນໆ. ພວກເຮົາໄດ້ຮັບຄວາມເອົາໃນໃສ່ຊ່ວຍເຫຼືອດ້ານຢາວັກຊິນ, ຢາປົວ, ອຸປະກອນການແພດຕ່າງໆ ຈາກປະເທດເພື່ອນມິດ ແລະ ວົງຄະນາຍາດສາກົນ ເຊັ່ນ: ຈີນ, ຫວຽດນາມ, ໄທ, ກໍາປູເຈຍ, ຣັດເຊຍ, ອາເມຣິກາ, ຍີ່ປຸ່ນ, ອັງກິດ, ອົສຕຣາລີ ແລະ ອື່ນໆ.

ທ່ານນາຍົກກ່າວຕື່ມວ່າ: ປະເທດເຮົາແມ່ນໄດ້ຖືເອົາ 3 ມາດຕະການພື້ນຖານໃນການກໍານົດມາດຕະການຕ່າງໆໃນການປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ແລະ ມາດຕະການແກ້ໄຂຜົນກະທົບຂອງພະຍາດດັ່ງກ່າວນີ້, ຄື: ມາດຕະການດ້ານການແພດ ກໍຄືການປ້ອງກັນ, ຄວບຄຸມ ແລະ ແກ້ໄຂການລະບາດຂອງໂຄວິດ-19; ມາດຕະການດ້ານບໍລິຫານ ກໍຄືການປິດເມືອງ, ປິດປະເທດ... ແລະ ມາດຕະການດ້ານເສດຖະກິດ ກໍຄືນະໂຍບາຍດ້ານອຸດໜູນແຮງງານ, ການຜ່ອນຜັນການຊໍາລະໜີ້ກູ້ຢືມ... ຊຶ່ງລັດຖະບານໄດ້ມີການຄົ້ນຄວ້າ-ວິໄຈ ເພື່ອກໍານົດມາດຕະການທີ່ມີການສົມດຸນ, ກົມກຽວກັນ, ຊຸກຍູ້ຊຶ່ງກັນ ແລະ ກັນ ລະຫວ່າງ 3 ມາດຕະການພື້ນຖານ ອອກມາເປັນມາດຕະການທີ່ຕ້ອງເພີ່ມທະວີ ແລະ ມາດຕະການຜ່ອນຜັນ ໃນແຈ້ງການຂອງລັດຖະບານ ກໍຄືຄະນະສະເພາະກິດແຕ່ລະຂັ້ນ ແມ່ນເພື່ອໃຫ້ພົນລະເມືອງລາວ ລວມທັງຊາວຕ່າງດ້າວທີ່ອາໄສຢູ່ ສປປ ລາວ ໃຫ້ມີການຕິດເຊື້ອໜ້ອຍທີ່ສຸດ ແລະ ໃຫ້ປະຊາຊົນມີການຫັນປ່ຽນວິຖີດຳລົງຊີວິດປົກກະຕິແບບໃໝ່ ໂດຍຄໍານຶງເຖິງຈຸດພິເສດຂອງປະເທດເຮົາໃນແຕ່ລະໄລຍະ ແລະ ຖອດຖອນບົດຮຽນ, ຜົນສໍາເລັດຂອງປະເທດເພື່ອນມິດຢ່າງມີການເລືອກເຟັ້ນ ໃຫ້ເຂົ້າກັບສະພາບຄວາມເປັນຈິງຂອງປະເທດເຮົາ. ສ່ວນການສັກວັກຊິນ, ລັດຖະບານ ໄດ້ອີງໃສ່ຫຼັກການທາງການແພດ ກໍຄືລະບຽບຫຼັກການໃນການສັກວັກຊິນປະຕິບັດດ້ວຍຄວາມສະເໝີພາບ, ບໍ່ມີການຈຳແນກຊົນຊັ້ນວັນນະ, ຍີ່ຫໍ້ວັກຊິນ ແລະ ສັກໃຫ້ປະຊາຊົນໂດຍບໍ່ເສຍຄ່າ. ພ້ອມທັງຢືນຢັນວ່າເປົ້າໝາຍສັກວັກຊິນໃຫ້ໄດ້ 50% ຂອງພົນລະເມືອງລາວໃນທ້າຍປີນີ້ແມ່ນຈະບັນລຸຕາມເປົ້າໝາຍ ຊຶ່ງຜູ້ທີ່ສັກວັກຊິນຄົບໂດສ (ສັກສອງເຂັມ ຫຼື ໜຶ່ງເຂັມທີ່ເປັນວັກຊິນທີ່ສັກເຂັມດຽວ (ຈອນສັນ ແອນ ຈອນສັນ) ມີ 2,1 ລ້ານຄົນ ຫຼື 28,84% ຂອງພົນລະເມືອງລາວ; ເຂັມໜຶ່ງແມ່ນສັກແລ້ວ 3 ລ້ານກວ່າຄົນ ເທົ່າ 41,6% ຂອງພົນລະເມືອງລາວ.

ທ່ານນາຍົກຍັງໃຫ້ຮູ້ອີກວ່າ: ການດໍາລົງຊີວິດປົກກະຕິແບບໃໝ່ ໃນເງື່ອນໄຂທີ່ມີການລະບາດຂອງພະຍາດໂຄວິດ-19 ນີ້ ໝາຍເຖິງປະຊາຊົນພົນລະເມືອງເຮົາຕ້ອງດໍາລົງຊີວິດຢ່າງມີຄວາມປອດໄພດ້ານຊີວິດ ໃນເງື່ອນໄຂໂຄວິດ-19 ທີ່ຍັງລະບາດຢູ່ນີ້. ຖ້າເຮົາຍັງຄິດວ່າທຸກຢ່າງຈະໃຫ້ຄືເກົ່າກ່ອນທີ່ບໍ່ທັນມີ ໂຄວິດ-19 ແມ່ນເປັນໄປບໍ່ໄດ້ແລ້ວ, ພວກເຮົາຕ້ອງຮຽນຮູ້ ແລະ ປັບຕົວໃຫ້ສອດຄ່ອງ, ການດຳລົງຊີວິດ, ທໍາການຜະລິດ, ຄ້າຂາຍ, ການໄປມາຫາສູ່, ທໍາກິດຈະກໍາທາງສັງຄົມ ຮີດຄອງປະເພນີຕ່າງໆ ໃຫ້ສອດຄ່ອງ ແລະ ເໝາະສົມກັບເງື່ອນໄຂໂຄວິດ-19.

ໃນຕອນທ້າຍ, ທ່ານ ພັນຄຳ ວິພາວັນ ຍັງໄດ້ເນັ້ນໃຫ້ສື່ມວນຊົນ ຢຶດໝັ້ນຈັນຍາບັນຂອງສື່; ໃຫ້ນັບຖືຄວາມຈິງ, ສ່ອງແສງໃຫ້ເຫັນຄວາມເປັນຈິງຂອງພັກ-ລັດຖະບານ ໃນການຈັດຕັ້ງປະຕິບັດວຽກງານຕ່າງໆ ຕາມແນວທາງນະໂຍບາຍອັນຖືກຕ້ອງ; ນໍາເອົາຄໍາຄິດຄໍາເຫັນຂອງປະຊາຊົນ ທີ່ມີລັກສະນະສ້າງສັນຕາມຫຼັກການຄວາມເປັນຈິງ ກໍຄືມີການຕຳນິສ່ອງແສງ ພ້ອມທັງມີວິທີການແກ້ໄຂ ເພື່ອສະເໜີຕໍ່ພັກ-ລັດຖະບານ ເພື່ອຫາທິດທາງແກ້ໄຂບາງບັນຫາທີ່ເຫັນວ່າຍັງເຮັດບໍ່ໄດ້ດີເທົ່າທີ່ຄວນ.

(ຂ່າວ: ສຸກສະຫວັນ, ພາບ: ຫສນຍ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com