Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

9 ເດືອນ ແມ່ຍິງເມືອງຊະ​ນະ​ສົມ​ບູນ ເຄື່ອນໄຫວບໍ່ໄດ້ຕາມແຜນການທີ່ກຳນົດໄວ້

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 19/10/2021 20:33:38 ຈຳ​ນວນ​​ຢ້ຽມ​ຊົມ 5955 ຄັ້ງ

 

ຈາກການລະບາດຂອງພະຍາດໂຄວິດ-19 ສົ່ງຜົນເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ - ສັງຄົມ ຂອງແຂວງ ເວົ້າລວມ ເວົ້າສະເພາະ ກໍຄືຂອງເມືອງຊະນະສົມບູນ ບໍ່ໄປຕາມແຜນການທີ່ຄາດວາງໄວ້. ຕາມການລາຍງານຂອງທ່ານ ນາງ ສຸພາລັກ ວົງນະຄອນ ຮັກສາການປະທານສະຫະພັນແມ່ຍິງເມືອງຊະນະສົມບູນ ແຂວງຈຳປາສັກ ໃຫ້ຮູ້ວ່າ: ໃນໄລຍະ 9 ເດືອນຜ່ານມາ ວຽກງານຫຼາຍດ້ານທີ່ຄະນະບໍລິຫານງານສະຫະພັນແມ່ຍິງເມືອງກຳນົດໄວ້ ເປັນຕົ້ນວຽກງານການລົງປະເມີນຫົວຂໍ້ແຂ່ງຂັນ 3 ດີຂອງແມ່ຍິງລາວ, ວຽກງານລົງປັບປຸງໜ່ວຍສະຫະພັນແມ່ຍິງຮາກຖານ ແລະ ການເຄື່ອນໄຫວສ້າງຜົນງານຂະບວນການ ເພື່ອຂ່ຳນັບຮັບຕ້ອນວັນສຳຄັນຕ່າງໆຂອງພັກ ຂອງຊາດ ແມ່ນໄດ້ຮັບການເຄື່ອນໄຫວ ແຕ່ບໍ່ໄດ້ຕາມແຜນການທີ່ກຳນົດໄວ້ ຍ້ອນໄດ້ຮັບຜົນກະທົບຈາກການລະບາດຂອງພະຍາດໂຄວິດ-19.

ທ່ານ ນາງ ສຸພາລັກ ວົງນະຄອນ ໃຫ້ຮູ້ຕື່ມວ່າ: ຕະຫຼອດໄລຍະ 9 ເດືອນຜ່ານມາ ໂດຍພາຍໃຕ້ການນຳພາ - ຊີ້ນຳ ຂອງຄະນະບໍລິຫານສະຫະພັນແມ່ຍິງເມືອງ. ໄດ້ສຸມໃສ່ວຽກງານການສຶກສາອົບຮົມທາງດ້ານການເມືອງແນວຄິດ ເພື່ອແນໃສ່ເຮັດໃຫ້ຖັນແຖວເອື້ອຍນ້ອງສະມາຊິກສະຫະພັນແມ່ຍິງແຕ່ລະກົມກອງ, ຫ້ອງການ ແລະ ພື້ນຖານກຸ່ມ - ບ້ານພາຍໃນເມືອງ ໄດ້ເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ ໂດຍສະເພາະກໍແມ່ນວັນສຳຄັນຕ່າງໆຂອງແມ່ຍິງລາວ ຢ່າງເປັນຂະບວນຟົດຟື້ນ. ໃນນັ້ນ, ອັນທີ່ພົ້ນເດັ່ນໄດ້ນຳພາເອື້ອຍນ້ອງສະຫະພັນແມ່ຍິງທົ່ວເມືອງສ້າງຂະບວນການເພື່ອສະເຫຼີມສະຫຼອງວັນສ້າງຕັ້ງແມ່ຍິງສາກົນ ຄົບຮອບ 111 ປີ, ລົງປັບປຸງວຽກງານສະຫະພັນແມ່ຍິງຮອບດ້ານໄດ້ທັງໝົດ 6 ຮາກຖານບ້ານ ແລະ 5 ໜ່ວຍອ້ອມຂ້າງ ຊຶ່ງທົ່ວເມືອງມີໜ່ວຍສະຫະພັນແມ່ຍິງທັງໝົດ 98 ໜ່ວຍ, ມີ 4 ຮາກຖານ, ມີສະມາຊິກສະຫະພັນແມ່ຍິງທັງໝົດ  9.988 ສະຫາຍ ກວມເອົາ 80% ຂອງເກນອາຍຸສະມາຊິກແມ່ຍິງທີ່ເປັນສະມາຊິກພັກມີ 202 ສະຫາຍ. ຄຽງຄູ່ກັນນັ້ນ ວຽກງານການປະຕິບັດຫົວຂໍ້ແຂ່ງຂັນ 3 ດີຂອງແມ່ຍິງລາວ ພ້ອມທັງໄດ້ຊຸກຍູ້ນຳພາປະເມີນໄດ້ 33 ໜ່ວຍ ມີຈຳນວນພົນເຂົ້າຮ່ວມ 279 ຄົນ ຍິງ 118 ຄົນ ເພີ່ມຂຶ້ນ 4 ໜ່ວຍ ເທົ່າກັບ 33%.

ສຳ​ລັບທິດທາງແຜນການໃນໄລຍະ 3 ດືອນທ້າຍປີ. ຖ້າຫາກສະພາບການແຜ່ລະບາດຂອງພະຍາດໂຄວິດ-19 ຫຼຸດລົງກັບຄືນສູ່ສະພາບປົກຕິ ທາງຄະນະບໍລິຫານສະຫະພັນແມ່ຍິງເມືອງ ຈະໄດ້ພ້ອມກັນສູ້ຊົນສືບຕໍ່ 8 ໜ້າວຽກໃຫຍ່ທີ່ໄດ້ກຳນົດໄວ້ໃຫ້ໄດ້ຮັບການຈັດຕັ້ງປະຕິບັດເກີດມີຜົນສຳເລັດສູງ.

(ຂ່າວ-ພາບ: ແຫຼມສິນໄຊ ສໍປະເສີດ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com