Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມປຶກສາຫາລືການຈັດຕັ້ງປະຕິບັດບົດບັນທຶກຮ່ວມ 4 ພາກສ່ວນ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 21/10/2021 13:44:36 ຈຳ​ນວນ​​ຢ້ຽມ​ຊົມ 2424 ຄັ້ງ

 

   ເພື່ອຈັດຕັ້ງຜັນຂະຫຍາຍເນື້ອໃນບົດບັນທຶກຮ່ວມ 4 ພາກສ່ວນ ກ່ຽວກັບການດໍາເນີນຄະດີ ຕາມຂະບວນຍຸຕິທໍາ ຄັ້ງທີ VI ສະບັບລົງວັນທີ 15 ກໍລະກົດ 2021 ເຂົ້າສູ່ວຽກງານຕົວຈິງ. ໃນວັນທີ 21 ຕຸລາ 2021 ທີ່ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມປຶກສາຫາລືການຈັດຕັ້ງປະຕິບັດບົດບັນທຶກຮ່ວມ 4 ພາກສ່ວນ ກ່ຽວກັບການດໍາເນີນຄະດີຕາມຂະບວນຍຸຕິທໍາ ຄັ້ງທີ VI ລະຫວ່າງ ອົງການໄອຍະການປະຊາຊົນສູງສຸດ ແລະ ກະຊວງປະກັນຄວາມສະຫງົບ ໂດຍການເປັນປະທານຮ່ວມຂອງ ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດ ແລະ ທ່ານ ພົນຕີ ທອງເຫຼັກ ມັງໜໍ່ເມກ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີບັນດາຫົວໜ້າກົມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

  ກອງປະຊຸມຄັ້ງນີ້ ແມ່ນເພື່ອແນໃສ່ສະກັດກັ້ນປະກົດການຫຍໍ້ທໍ້ໃນການດໍາເນີນຄະດີອາຍາ, ເຄົາລົບ ແລະ ປະຕິບັດຕາມພາລະບົດບາດ, ໜ້າທີ່ ແລະ ຂອບເຂດສິດ ຂອງແຕ່ລະພາກສ່ວນ ທີ່ໄດ້ກໍານົດໄວ້ໃນກົດໝາຍ ແລະ ນິຕິກໍາລຸ່ມກົດໝາຍ ເປັນເອກະພາບຕາມລະບົບສາຍຕັ້ງ ຫຼື ສາຍບັນຊາແຕ່ຂັ້ນສູນກາງລົງຮອດຂັ້ນທ້ອງຖິ່ນໃນຂອບເຂດທົ່ວປະເທດ, ເຮັດໃຫ້ການດໍາເນີນຄະດີອາຍາ ໄດ້ດໍາເນີນໄປຢ່າງຖືກຕ້ອງ, ໂປ່ງໃສ, ທັນຕາມກໍານົດເວລາ ແລະ ຍຸຕິທໍາ.

ພ້ອມກັນນັ້ນ, ຈຶ່ງໄດ້ຕົກລົງເປັນເອກະພາບສ້າງບົດບັນທຶກຮ່ວມເພື່ອກໍານົດກົນໄກປະສານງານໃນການຈັດຕັ້ງປະຕິບັດເນື້ອໃນບົດບັນທຶກຮ່ວມ 4 ພາກສ່ວນ ກ່ຽວກັບການດໍາເນີນຄະດີອາຍາ ທີ່ພົວພັນກັບໜ້າທີ່ຄວາມຮັບຜິດຊອບຂອງ 2 ພາກສ່ວນ​ດັ່ງ​ນີ້:

1. ເຫັນ​ດີແຕ່ງຕັ້ງຄະນະປະສານງານຮ່ວມ ລະຫວ່າງ ອົງການໄອຍະການປະຊາຊົນສູງສຸດ ແລະ ກະຊວງປ້ອງກັນຄວາມສະຫງົບ;

2.         ຄົ້ນຄວ້າ, ຕົກລົງແກ້ໄຂ ແລະ ຕິດຕາມກວດກາ, ຊີ້ນໍາ-ບັນຊາ ການຈັດຕັ້ງປະຕິບັດຢ່າງໃກ້ຊິດ, ແທດເຖິງ ແລະ ທັນການ, ສໍານວນຄະດີຢູ່ນໍາພາກສ່ວນໃດໃຫ້ພາກສ່ວນນັ້ນເປັນເຈົ້າການໃນການສະໜອງຂໍ້ມູນຂ່າວສານ ຫຼື ເອກະສານຫຼັກຖານທີ່ກ່ຽວຂ້ອງໃຫ້ກັນ ແລະ ກັນ ກ່ອນການປະຊຸມຮ່ວມໃນເວລາອັນຄວນ ໂດຍ​ສະ​ເພາະການດໍາເນີນຄະດີທີ່ມີຄວາມຫຍຸ້ງຍາກສັບສົນ, ຄະດີລາຍໃຫຍ່ ຫຼື ຄະດີທີ່ສັງຄົມໃຫ້ຄວາມສົນໃຈ ແລະ ສໍານວນຄະດີອາຍາທີ່ມີການພົວພັນກັບການກັກຂັງຜູ້ຖືກຫາເກີນກໍານົດ, ການຊັດມ້ຽນຄະດີ, ການກັກຕົວ, ການຈັບຕົວຜູ້ຖືກຫາເຫຼົ່ານີ້ເປັນຕົ້ນ.

3.       ເຫັນດີໃຫ້ຄະນະປະສານງານຂອງສອງ​ພາກ​ສ່ວນ ຄົ້ນຄວ້າສ້າງຄໍາແນະນໍາ ຫຼື ຄໍາສັ່ງ ຫຼື ຄໍາແນະນໍາຮ່ວມ ແລະ ນິຕິກໍາລຸ່ມກົດໝາຍ ເພື່ອແກ້ໄຂສະພາບຂໍ້ຫຍຸ້ງຍາກທີ່ພົວພັນກັບການດໍາເນີນຄະດີອາຍາທີ່ 2 ພາກ ສ່ວນພວມຈັດຕັ້ງປະຕິບັດໃນປັດຈຸບັນນໍາໄປຈັດຕັ້ງປະຕິບັດ ເພື່ອຄວາມເປັນເອກະພາບໃນຂອບເຂດທົ່ວປະເທດ.

4.         ເຫັນດີກໍານົດກົນໄກລະບອບປະຊຸມຂອງຄະນະປະສານງານຮ່ວມ ຄື: ກອງປະຊຸມສາມັນ 2 ເດືອນຕໍ່ຄັ້ງກໍລະນີທີ່ຈໍາເປັນ ແລະ ຮີບດ່ວນ ແມ່ນ​ໃຫ້ສອງ​ພາກ​ສ່ວນ ເປັນເຈົ້າການປະສານສົມທົບກັນ ເພື່ອນໍາບັນຫາທີ່ຈໍາເປັນ ແລະ ຮີບດ່ວນນັ້ນເຂົ້າກອງປະຊຸມວິສາມັນ ເພື່ອຮ່ວມກັນຄົ້ນຄວ້າ ແລະ ຕົກລົງແກ້ໄຂ ເມື່ອມີການຕົກລົງແລ້ວ ພາກສ່ວນນັ້ນຕ້ອງເປັນເຈົ້າການແກ້ໄຂຢ່າງເດັດຂາດ ແລະ ເປັນຮູບປະທໍາ.

5.         ສົມທົບກັນ​ໃນ​ການຈັດຝຶກອົບຮົມກ່ຽວກັບການດໍາເນີນຄະດີອາຍາໃຫ້ຖັນແຖວພະນັກງາອົງການໄອຍະການປະຊາຊົນ ແລະ ເຈົ້າໜ້າທີ່ຕໍາຫຼວດສືບສວນ-ສອບສວນທັງສູນກາງ ແລະ ທ້ອງ ຖິ່ນຮ່ວມກັນ ໂດຍໃຫ້ແຕ່ລະພາກສ່ວນຮັບຜິດຊອບດ້ານງົບປະມານຮັບໃຊ້ໃນການຝຶກອົບຮົມໃຫ້ຖັນແຖວພະນັກງານຂອງພາກສ່ວນຕົນ.

6.         ການສະຫຼຸບລາຍງານສະຖິຕິການດໍາເນີນຄະດີອາຍາ ລະຫວ່າງສອງ​ພາກ​ສ່ວນ ແຕ່ສູນການລົງຮອດທ້ອງຖິ່ນຕາມລະບົບສາຍຕັ້ງຢ່າງເປັນເອກະພາບໃນຂອບເຂດທົ່ວປະເທດ ໂດຍໃຫ້ຫ້ອງ ການອົງການໄອຍະການປະຊາຊົນສູງສຸດ ແລະ ຫ້ອງວ່າການກະຊວງປ້ອງກັນຄວາມສະຫງົບ ຄົ້ນຄວ້າຮ່າງແບບຟອມລາຍງານສະຖິຕິຄະດີອາຍາ ແລະ ກຳນົດເອົາວັນທີ 20 ຂອງທຸກໆເດືອນເປັນມື້ປິດໂຕເລກ ແລະ ສະຫຼຸບເຂົ້າບັນຊີສະຖິຕິລາຍງານສາຍຕັ້ງຂອງຕົນ ຢ່າງເປັນປົກກະຕິ;

7.   ເພື່ອຄວາມເປັນເອກະພາບໃນການຈັດຕັ້ງປະຕິບັດຂອງຂັ້ນທ້ອງຖິ່ນ, ໃຫ້ 2 ພາກ​ສ່ວນ ອອກແຈ້ງການໃຫ້ຫົວໜ້າອົງການໄອຍະການປະຊາຊົນ ແລະ ຫົວໜ້າກອງບັນຊາການປ້ອງກັນຄວາມສະຫງົບ ຂັ້ນທ້ອງຖິ່ນ (ຕາມລະບົບສາຍຕັ້ງ) ໃນຂອບເຂດທົ່ວປະເທດ ເພື່ອນຳເອົາເນື້ອໃນບົດບັນທຶກຮ່ວມ ສະບັບນີ້ໄປຄົ້ນຄວ້າເຊື່ອມຊຶມ ແລະ ຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງໃຫ້ມີປະສິດທິຜົນ.

(ຂ່າວ-ພາບ: ຈະເລີນສິນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com