Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ປະຫວັດບຸນອອກພັນສາປະວໍລະນາ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 21/10/2021 14:14:05 ຈຳ​ນວນ​​ຢ້ຽມ​ຊົມ 6786 ຄັ້ງ

 

                                                                                                                                                                                                                                               ໂດຍ: ພູວັນ

 

            ຄຳວ່າ: ພັນສາໄດ້ແກ່ປີ ຫຼືື ຣະດູຝົນ ພາຍໃນປີໜຶ່ງມີ 4 ເດືອນ ແຕ່ໄດ້ອະນຸຍາດໃຫ້ພະສົງສຳມະເນນ ຈຳພັນສາເປັນເວລາ 3 ເດືອນຄື: ເລີ່ມແຕ່ແຮມ 1 ຄໍ່າເດືອນ 8 ລາວ ເຖິງມື້ຂຶ້ນ 15 ຄໍ່າເດືອນ 11,  ຄຳວ່າອອກໄດ້ແກ່ການອອກຈາກເຂດຈຳກັດ ຫຼື ອອກຈາກເຂດວັດໄປພັກແຮມບ່ອນອື່ນໄດ້ ຈຶ່ງເອີ້ນວ່າບຸນອອກພັນສາ ເປັນບຸນປາງໜຶ່ງໃນຮີດ 12 ຂອງລາວເຮົາ ເພື່ອເປີດໂອກາດໃຫ້ແກ່ພະສົງສາມະເນນ ໄດ້ກະທຳກິດຂອງພະສາສະໜາເຊັ່ນ: ໄປເທດສະໜາ ໄປສັ່ງສອນທາງທຳປະຊາຊົນ ໄປບວດລູກຫຼານເພື່ອສືບຕໍ່ອາຍຸພຸດທະສາສະໜາ ແລະ ໄປຢ້ຽມຢາມຍາດຕິພີ່ນ້ອງອຸປະຊາອາຈານ ເປັນຕົ້ນ ກ່ອນຈະອອກພັນສາພະສົງຕ້ອງປະວໍຣະນາຕົວກ່ອນ.

     ຄຳວ່າ: ປະວໍຣະນາ ແປວ່າ ການເປີດໂອກາດໃຫ້ພະສົງວ່າກ່າວຕັກເຕືອນກັນໄດ້ ເພາະວ່າເມື່ອອອກພັນສາແລ້ວຕ່າງຄົນຕ່າງໄປ ບາງເທື່ອອາດຈະມີຜູ້ເຮັດຜິດລະບຽບ ວິໄນ ພະສົງຜູ້ມີເຈດຕະນາດີ ກໍຈະສາມາດຕັກເຕືອນຊຶ່ງກັນ ແລະ ກັນໄດ້ ຂອບເຂດການປະວໍຣະນາ ກຳນົດແຕ່ແຮມ 1 ຄໍ່າເດືອນ 11 ຮອດມື້ຂຶ້ນ 15 ຄ່ຳເດືອນ 12 ລາວ.

     ການເຮັດບຸນແມ່ນເລີ່ມແຕ່ພະສົງສາມະເນນຈະຕື່ນແຕ່ເຊົ້າ ຕີກອງເດິກ ຕີຄ້ອງ ຕີລະຄັງ ໄຫວ້ພະ ສູດມົນພ້ອມກັນ ແລ້ວກ່າວຄຳປະວໍຣະນາອອກພັນສາໃນມື້ຂຶ້ນ 15 ຄໍ່າເດືອນ 11 ສ່ວນຝ່າຍຄະລືຫັດ (ຊາວບ້ານ) ສັດທາຊາວບ້ານກໍກຽມຕົວມາເຮັດບຸນກຸສົນ ກຽມອາຫານຫວານຄາວ ມາໃຫ້ທານ ຮັກສາສິນ ຟັງທຳມະເທສະ       ໜາ ຮ່ວມກັນທີ່ວັດ​ ໄຕ້ປະທີບໄຫຼເຮືອໄຟທາງນໍ້າ ທາງບົກ ບູຊາຂັ້ນໄດແກ້ວຈູດບັ້ງໄຟດອກ.

     ໃນມື້ຂຶ້ນ 15 ຄໍ່າ ເດືອນ 11 ສັດທາຊາວບ້ານ ແລະ ພະສົງສາມະເນນຮ່ວມກັນສ້າງເຮືອໄຟຂຶ້ນ ໃນເຂດວັດບ່ອນທີ່ເໝາະສົມ ພໍຮອດຕອນຄ່ຳ​ ກໍນຳປະທີບນໍ້າມັນ ດອກໄມ້ ທູບທຽນມາຈູດໄຕ້ບູຊາພຣະຣັດຕະນະໄຕ ບາງບ່ອນຢູ່ໃກ້ແມ່ນ້ຳກໍເຮັດເຮືອໄຟແລ້ວນຳໄປໄຫຼນ້ຳ ຖືວ່າການບູຊາປະທີບນ້ຳມັນນັ້ນມີອານິສົງຫຼາຍ ຕົວຢ່າງເຊັ່ນ: ພະອານຸຣຸດທະເຖຣະ ເປັນພະສາວົກ ທີ່ໄດ້ຍົກຍ້ອງວ່າເປັນພະອໍຣະຫັນຜູ້ມີຕາທິບ ເບິ່ງກວ້າງເຫັນໄກໄດ້ ເພາະອານິສົງຖວາຍປະທີບໃນເມື່ອກ່ອນຈຶ່ງນິຍົມກັນມາຮອດປັດຈຸບັນ.​

            ໃນມື້ແຮມ 1 ຄໍ່າເດືອນ 11 ບາງທ້ອງຖິ່ນ ບາງເຂດ ກໍຈະມີການຈັດພິທີຊ່ວງເຮືອ ແລະ ຢູ່ທີ່ເມືອງຫຼວງພະບາງ ກໍຈະມີພິທີເຕົ້າໂຮມກັນຂອງບັນດາເຮືອໄຟແຕ່ລະບ້ານ ແຕ່ລະເຂດ ແລ້ວພາກັນແຫ່ໄປຕາມຖະໜົນສີສະຫວ່າງວົງ ມຸ່ງໜ້າຂຶ້ນໄປທາງວັດຊຽງທອງ ເພື່ອປະກອບພິທີແລ້ວປ່ອຍລົງນ້ຳທີ່ທ່າຫົວເສືອວັດຊຽງທອງ.         ເວົ້າສະເພາະໃນປີ 2021 ນີ້, ພະແນກສຶກສາທິການ ແລະ ກິລານະຄອນຫຼວງວຽງຈັນ ໄດ້ອອກແຈ້ງການເຖິງຫ້ອງການສຶກສາທິການ ແລະ ກິລາ 9 ຕົວເມືອງ, ປກສ ກຸ່ມບ້ານ, ນາຍບ້ານ, ພໍ່ແມ່ປະຊາຊົນ ແລະ ຫົວໜ່ວຍທຸລະກິດກິລາກາຍະກຳ ທົ່ວນະຄອນຫຼວງວຽງຈັນ ຫ້າມຈັດການແຂ່ງຂັນກິລາເຮືອຊ່ວງນັບແຕ່ວັນທີ 20-30 ຕຸລາ 2021 ຊຶ່ງເປັນການແຂ່ງຂັນກິລາປະເພນີ ໂດຍສະເພາະແມ່ນໃນວັນບຸນອອກພັນສາປະວໍລະນາທີ່ປະຊາຊົນລາວເຮົາເຄີຍສືບທອດກັນມາ ພ້ອມນັ້ນ ການຈັດພິທີກໍາທາງສາສະໜາຢູ່ໃນວັດວາອາຮາມກໍເຊັ່ນກັນສຳລັບບ້ານ, ວັດທີ່ບໍ່ນອນຢູ່ໃນພື້ນທີ່ສີແດງແມ່ນເຫັນດີໃຫ້ແຕ່ລະວັດຕັ້ງບາດ, ເຮັດພິທີທາງສາສະໜາດ້ວຍວິທີບໍ່ໃຫຍ່ໂຕ ຄົນເຂົ້າຮ່ວມບໍ່ຫຼາຍ ຮັກສາໄລຍະຫ່າງ ເວລາຕັກບາດແລ້ວໃຫ້ລົງຢາດນໍ້າ ແລະ ກັບເຮືອນເລີຍ ມາຕັກບາດກໍບໍ່ຄວນມາເວລາດຽວກັນ ທັງນີ້ເພື່ອປະຕິບັດມາດຕະການປ້ອງກັນພະຍາດໂຄວິດ-19 ທີ່ທາງຂັ້ນເທິງວາງອອກຢ່າງເຂັ້ມງວດ. ຍ້ອນການແຜ່ລະບາດຂອງພະຍາດໂຄວິດ-19 ຢູ່ໃນນະຄອນຫຼວງວຽງຈັນ ເຫັນວ່າຍັງມີຜູ້ຕິດເຊື້ອພາຍໃນເພີ່ມຂຶ້ນຫຼາຍ ຊຶ່ງມີຄວາມສ່ຽງສູງທີ່ຈະເກີດການແຜ່ລະບາດຂະຫຍາຍອອກເປັນວົງກວ້າງ ດັ່ງນັ້ນ ຂໍໃຫ້ທຸກຄົນຈົ່ງພ້ອມກັນຈັດຕັ້ງປະຕິບັດຢ່າງເຂັ້ມງວດ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com