Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ນ້ຳຕົກຕາດຫານແຈະ ສະຫວັນກາງດົງ ຂອງນັກປະຈົນໄພ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 26/10/2021 15:59:07 ຈຳ​ນວນ​​ຢ້ຽມ​ຊົມ 2301 ຄັ້ງ

 

                      ຮຽບຮຽງໂດຍ: ໄມພອນ    

       ນ້ຳຕົກຕາດຫານແຈະ ເປັນອີກໜຶ່ງສະຖານທີ່ ທີ່ຫຼາຍຄົນເຫັນພາບແລ້ວຢາກຈະໄປສຳຜັດດ້ວຍຕົນເອງ ເນື່ອງຈາກເປັນສະຖານທີ່ໆມີຄວາມອຸດົມສົມບູນ ແລະ ມີຄວາມສວຍງາມເປັນເອກະ ລັກທາງດ້ານທຳມະຊາດ.

          ນ້ຳຕົກຕາດຫານແຈະ ເກີດຈາກສາຍນ້ຳປານທີ່ນອນຢູ່ໃນຂອບເຂດປ່າສະຫງວນຂອງແຂວງ ເຂດບ້ານຕະນອງປໍ ເມືອງຫຼາ ແຂວງອຸດົມໄຊ. ຕາມການບອກເລົ່າຂອງຊາວບ້ານຕະນອງປໍ ສືບຕໍ່ກັນມາຫຼາຍເຊັ່ນຄົນກ່ຽວກັບຊື່ເອີ້ນຂອງຕາດໃຫ້ຮູ້ວ່າ: ໃນສະໄໝກ່ອນຫຼາຍເຊັ່ນຄົນມາແລ້ວ ໄດ້ມີຄົນຊົນເຜົ່າລາວລຸ່ມຜູ້ໜຶ່ງໄປຫາກິນຢູ່ເຂດປ່າດັ່ງກ່າວ ແລ້ວຖືກເສືອໄລ່ກັດ ເມື່ອແລ່ນໜີເສືອມາຮອດຫົວຕາດ ຜູ້ກ່ຽວບໍ່ມີທາງເລືອກ ກໍເລີຍຕັດສິນໃຈໂດດລົງນ້ຳຕົກຕາດ ເຮັດໃຫ້ຜູ້ກ່ຽວເສຍຊີວິດຄາທີ່ ຈົນມາເຖິງປັດຈຸບັນຈຶ່ງເລົ່າຂານກັນວ່າ  ຕາດຫານແຈະ ຍ້ອນແມ່ນຄົນລາວລຸ່ມມາເສຍຊີວິດຢູ່ນ້ຳ ຕົກຕາດແຫ່ງນີ້.

          ຈຸດເດັ່ນຂອງນ້ຳຕົກຕາດຫານແຈະ ເປັນນ້ຳຕົກທີ່ມີຄວາມສູງປະມານ 25-30 ແມັດ, ນໍ້າຕົກເປັນລັກສະນະຍ້ອຍ ເປັນສາຍຍາວ ເຮັດໃຫ້ເກີດມີຄວາມງົດງາມທີ່ສຸດ, ບໍລິເວນໜ້າຕາດຈະເປັນພະລານຫີນຮາບພຽງ ສາມາດນັ່ງຫຼິ້ນ ຫຼື ກາງເຕັ້ນນອນພັກຜ່ອນຢ່ອນກາຍໄດ້. ຢູ່ໃກ້ກັບຕາດໃຫຍ່ຍັງມີຕາດນ້ອຍເປັນຊັ້ນໆ ລັກສະນະພະລານຫີນທີ່ມີຄວາມສວຍງາມ, ບໍລິເວນນ້ຳຕົກເປັນເຂດປ່າດົງຕຶບໜາ, ມີສັນພູເປັນຊັ້ນໆທີ່ມີຄວາມອຸດົມສົມບູນທີ່ສຸດ.

          ສຳຫຼັບການເດີນທາງໄປຊົມນ້ຳຕົກຕາດຫານແຈະ ແມ່ນສາມາດເດີນທາງດ້ວຍລົດ ໄປທາງເລກ 2E ຈາກເທດສະບານແຂວງອຸດົມໄຊໄປ ຫາ ເມືອງຫຼາ ປະມານ 17 ກິໂລແມັດ ແລ້ວຈະມີທາງແບ່ງ ເປັນທາງສຳຮອງຂຶ້ນສູ່ບ້ານຕະນອງປໍ ປະມານ 3 ກິໂລແມັດ ຈາກນັ້ນ ຈະມີທາງລົດທະ ລຸໄປຫາເຂດການຜະລິດຂອງປະຊາຊົນປະມານ 6 ກິໂລແມັດ ແລ້ວຈະມີຈຸດພັກລົດ. ຖັດຈາກນັ້ນ ຈະເປັນທາງຍ່າງໄປຕາມເຂດການຜະລິດຂອງຊາວບ້ານແລ້ວຈະລຽບເລາະຂຶ້ນຕາມສາຍນ້ຳໂດຍໃຊ້ເວລາປະມານ 2-3 ຊົ່ວໂມງກໍຈະເຖິງນໍ້າຕົກຕາດຫານແຈະ. ການເດີນທາງຈະມີຄວາມຫຍຸ້ງຍາກໄລຍະທີ່ຍ່າງປ່າ ເນື່ອງຈາກຍັງເປັນເສັ້ນທາງຫາກິນຂອງປະຊາຊົນ ພ້ອມທັງເປັນເຂດພູຊັນ ຊຶ່ງຕ້ອງໃຊ້ຄວາມແຂງແຮງຂອງຮ່າງກາຍ ແລະ ເວລາໃນການເດີນທາງ ແຕ່ເມື່ອໄປຮອດແລ້ວ ຮູ້ສຶກວ່າ ມັນຄຸ້ມຄ່າທີ່ສຸດກັບການທຸ້ມເທ ເພື່ອເດີນທາງໄປຊົມນ້ຳຕົກຕາດແຫ່ງນີ້.

          ສັງລວມແລ້ວ ການເດີນທາງໄປຊົມນ້ຳຕົກຕາດ ຫານແຈະເຫັນວ່າ ບໍ່ໄດ້ໄກຢ່າງທີ່ຄິດ ພຽງແຕ່ໃຊ້ເວລາ 1 ມື້ກໍສາມາດໄປຊົມຄວາມງົດງາມຂອງຕາດ ແລະ ຄວາມອຸດົມສົມບູນຂອງຊີວະນາໆພັນເຂດດັ່ງກ່າວໄດ້ຢ່າງປະທັບໃຈ.

            ຢູ່ຫ່າງຈາກຈຸດພັກລົດ ຍັງມີຖ້ຳຫຼວງ ຊຶ່ງກ່ອນໜ້ານີ້ໄດ້ເປີດເປັນແຫຼງທ່ອງທ່ຽວໃຫ້ແຂກຄົນທັງພາຍໃນ ແລະ ຕ່າງປະເທດເຂົ້າຊົມມາແລ້ວ ແຕ່ເນື່ອງຈາກໄດ້ຮັບຜົນກະທົບຈາກການລະບາດ ພະຍາດໂຄວິດ-19 ເປັນຕົ້ນມາ ເຮັດໃຫ້ບໍ່ມີນັກທ່ອງທ່ຽວເດີນທາງມາທ່ຽວຊົມ. ຈຸດເດັ່ນຂອງຖ້ຳ ເປັນຖ້ຳທີ່ສວຍງາມອີກແຫ່ງໜຶ່ງ ຊຶ່ງມີຄວາມຍາວປະມານ 400 ກວ່າແມັດ, ກວ້າງ 5-20 ແມັດ ແລະ ສູງປະມານ 2-10 ແມັດ. ດ້ານໃນຖໍ້າມີຫີນຍ້ອຍ, ມີນົມຜາຈັບຕາມເພດານຫີນເປັນຊັ້ນໆ ແລະ ມີແສງສະທ້ອນຍິບຍັບເມືອເຮົາຕ້ອງແສງໄຟໃສ່. ຖ້ຳ​​ນີ້ໄດ້ຄົ້ນພົບໃນປີ . 2005 ຊຶ່ງໄດ້ມີຊາວບ້ານຕະນອງປໍ ໄປຫາກິນຢູ່ບໍລິເວນປາກຖ້ຳ ໂດຍໄດ້ນຳໂຕເຈຍໄປ ໃນທີ່ສຸດກໍພົບເຫັນຖ້ຳດັ່ງກ່າວ ແລະ ເປັນຖ້ຳທີ່ໃຫຍ່ກວ່າໝູ່ໃນເຂດນີ້.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com