Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫຼາຍ​ປັດ​ໄຈ ເຮັດ​ໃຫ້ການປະຕິບັດຄຳຕັດສິນຂອງສານຍັງຊັກຊ້າ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 08/11/2021 15:57:28 ຈຳ​ນວນ​​ຢ້ຽມ​ຊົມ 680 ຄັ້ງ

      ລັດຖະມົນຕີກະຊວງຍຸຕິທຳ ຊີ້ແຈງກ່ຽວກັບວຽກງານການຈັດຕັ້ງປະຕິບັດຄຳຕັດສິນຂອງສານ ທີ່ໃຊ້ໄດ້ຢ່າງເດັດຂາດ ແຕ່ມີຄວາມຊັກຊ້າ ຍ້ອນບັນຫາດ້ານຄູ່ຄວາມ, ບັນຫາຂໍ້ຈຳກັດດ້ານບຸກຄະລາກອນ ລວມເຖິງບັນຫາສິດອຳນາດໃນການໃຊ້ມາດຕະການຕ່າງໆ ໃນກົດໝາຍໃຫ້ຈັດຕັ້ງປະຕິບັດກໍຍັງມີຄວາມຫຍຸ້ງຍາກ.

ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ໃນວັນທີ 8 ພະຈິກ ນີ້, ພາຍໃຕ້ການເປັນປະທານຂອງ ທ່ານ ຈະເລີນ ເຢຍປາວເຮີ ຮອງປະທານສະພາແຫ່ງຊາດ. ທ່ານ ໄພວີ ສີບົວລິພາ ລັດຖະມົນຕີກະຊວງຍຸຕິທຳ ໄດ້ຊີ້ແຈງຕໍ່ສະມາຊິກສະພາແຫ່ງຊາດ.

ທ່ານລັດຖະມົນຕີກະຊວງຍຸຕິທຳ ໄດ້ກ່າວວ່າ: ໃນປັດຈຸບັນ, ຄໍາຕັດສິນທີ່ຢູ່ໃນອົງການຈັດຕັ້ງປະຕິບັດຄໍາຕັດສິນຂອງສານທີ່ຢູ່ໃນຂອບເຂດທົ່ວປະເທດມີ 41.901 ເລື່ອງ, ໃນນີ້ ອາຍາ 32.710 ເລື່ອງ (ຄະດີຢາເສບຕິດ 16.068 ເລື່ອງ, ສ່ວນທີ່ຍັງແມ່ນຄະດີອາຍາປະເພດອື່ນ) ຊຶ່ງໃນ 41.901 ເລື່ອງ ມີເລື່ອງທີ່ປະຕິບັດບໍ່ໄດ້ປະມານ 3.000 ເລື່ອງ, ສ່ວນເຫຼືອແມ່ນກໍາລັງປະຕິບັດ ໂດຍການຊົດໃຊ້ຄ່າເສຍຫາຍທາງແພ່ງ ແລະ ໂທດປັບໃໝແມ່ນໃຊ້ເທື່ອລະໜ້ອຍ ຍ້ອນຄູ່ຄວາມປະຕິບັດຊັກຊ້າ ໂດຍສະເພາະທີ່ຄູ່ຄວາມຍັງຢູ່ຄຸກ ການຊົດໃຊ້ແມ່ນບໍ່ທັນໄດ້ປະຕິບັດເລີຍ. ຂະນະດຽວກັນ, ວຽກປະຕິບັດນີ້ກໍຍັງມີຂໍ້ຄົງຄ້າງໃນກົງຈັກການຈັດຕັ້ງເອງ ທີ່ເປັນອົງການນ້ອຍ ເຊັ່ນ: ຢູ່ແຂວງ ກໍເປັນຂະ     ແໜງໜຶ່ງຂຶ້ນກັບພະແນກຍຸຕິທຳ, ຢູ່ເມືອງກໍເປັນໜ່ວຍງານໜຶ່ງທີ່ຂຶ້ນກັບຫ້ອງການຍຸຕິທຳເມືອງ ດັ່ງນັ້ນກ່ຽວກັບອຳນາດ ແລະ ສິດ ໃນການນໍາໃຊ້ມາດຕະການຕ່າງໆຂອງການນຳໃຊ້ກົດໝາຍ ໃຫ້ມີການ ຈັດຕັ້ງປະຕິບັດຍັງພົບຄວາມຫຍຸ້ງຍາກ; ບຸກຄະລາກອນທີ່ຮັບຜິດຊອບຈັດຕັ້ງປະຕິບັດຄຳຕັດສິນຂອງສານກໍຍັງຈຳກັດ ຊຶ່ງປັດຈຸບັນບຸກຄະລາກອນທີ່ເຮັດວຽກງານນີ້ໃນທົ່ວປະເທດບໍ່ເຖິງ 400 ຄົນ ແລະ ອີກດ້ານໜຶ່ງບຸກຄະລາກອນກໍຍັງມີຄວາມຮູ້ ຄວາມສາມາດທີ່ຈຳກັດ, ເລື່ອງຈັນຍາບັນ-ບັນຍາທຳ ກໍຍັງບໍ່ໄດ້ດີເທົ່າທີ່ຄວນ; ແບບແຜນວິທີເຮັດວຽກຂອງອົງການ ກໍຍັງບໍ່ທັນເປັນລະບົບທີ່ສອດຄ່ອງກັນ ຊຶ່ງເປັນຄວາມຫຍຸ້ງຍາກອັນໜຶ່ງໃນການຈັດຕັ້ງປະຕິບັດຕົວຈິງ ຊຶ່ງຕ້ອງຊອກວິທີແກ້ໄຂ; ສຳລັບຜູ້ທີ່ຕ້ອງເສຍຄ່າຊົດເຊີຍແມ່ນຍັງບໍໍ່ຈິງໃຈປະຕິບັດ. ສ່ວນກົນໄກສະຫຼຸບສະຖິຕິການຈັດຕັ້ງປະຕິບັດຄຳຕັດສິນ ແມ່ນສະຫຼຸບຕາມໂປຣແກຣມສະຖິຕິ ທີ່ໄດ້ສ້າງໄວ້ໃນປີ 2012, ສະຫຼຸບຕົວຈິງໃນເວລາລົງໄປຄ້າຍຄຸມຂັງ ແລະ ສະຫຼຸບຕາມຄໍາຕັດສິນ ໃນກໍລະນີທີ່ຈຳເລີຍບໍ່ຖືກຄຸກ, ບໍ່ຖືກດັດສ້າງຕັດອິດສະລະພາບ, ພັກໂທດ ແລະ ອື່ນໆ.

ທ່ານລັດຖະມົນຕີກະຊວງຍຸຕິທຳ ກ່າວອີກວ່າ: ການຂຶ້ນບັນຊີເຕົ້າໂຮມຊັບສິນຕາມຄຳຕັດສິນຂອງສານ ກໍໄດ້ກວດກາເບິ່ງຄໍາຕັດສິນຂອງສານ ມີລາຍການໃດແດ່ທີ່ສານຕັດສິນຮິບເປັນຂອງລັດ; ຈາກນັ້ນ, ກໍລົງເປັນກວດກາຊັບສິນຕົວຈິງ ແລ້ວປະເມີນລາຄາ ພ້ອມຊອກຫາວິທີເກັບມ້ຽນ. ພາຍຫຼັງ, ມີຄຳສັ່ງ 07/ນຍ ມອບໃຫ້ກະຊວງການເງິນເປັນເຈົ້າການ, ອົງການປະຕິບັດຄຳຕັດສິນຂອງສານ ກໍໄດ້ເຂົ້າຮ່ວມ ຊຶ່ງປັດຈຸບັນຕາມສະຖິຕິເບື້ອງຕົ້ນ ສາມາດປະຕິບັດສຳເລັດ 4 ແຂວງ. ການເຕົ້າໂຮມຊັບສິນ ມີຄວາມຫຍຸ້ງຍາກບາງອັນກໍໄດ້ແກ້ທາງບໍລິຫານ ໃນຂະບວນການດຳເນີນຄະດີໄປກ່ອນແລ້ວ, ບາງກໍລະນີກໍມີແຕ່ໂຕເລກ ແຕ່ບໍ່ມີຊັບສິນ ມີຢູ່ໃນຄໍາຕັດສິນ ແຕ່ບໍ່ເຫັນຊັບ; ບັນຫາຫຍຸ້ງຍາກ ກໍແມ່ນການເກັບມ້ຽນຊັບສິນ ແລະ ນິຕິກໍາກ່ຽວຂ້ອງກໍຍັງບໍ່ທັນຄົບຖ້ວນຮັດກຸມ.

      ເພື່ອແກ້ໄຂບັນຫາຂ້າງເທິງ, ຈະຕ້ອງໄດ້ສືບຕໍ່ປັບປຸງ ອົງການຈັດຕັ້ງປະຕິບັດຄຳຕັດສິນຂອງສານ ໃຫ້ສອດຄ່ອງກັບມະຕິ 112/ກມສພ ວ່າດ້ວຍການຍົກສູງຄຸນນະພາບການດຳເນີນຄະດີ ຕາມຂະບວນຍຸຕິທຳ; ເອົາໃຈໃສ່ໃນການແກ້ໄຂບັນຫາພະນັກງານປະຕິບັດຄຳຕັດສິນຂອງສານ ທີ່ຂາດຈັນຍາບັນ-ຈັນຍາທຳ ຂາດແບບແຜນວິທີເຮັດວຽກ; ຍົກສູງຄວາມຮູ້ຄວາມສາມາດ, ທັກສະການເຮັດວຽກຂອງເຂົາເຈົ້າໃຫ້ສູງຂຶ້ນ; ຕ້ອງປະສານສົມທົບຂອງ 4 ພາກສ່ວນຂອງການດຳເນີນຄະດີໃຫ້ແໜ້ນແຟ້ນ ເພື່ອແກ້ໄຂບັນຫາທີ່ບໍ່ຄ່ອງຕົວ; ປັບປຸງກົດໝາຍ ແລະ ຄົ້ນຄວ້າຫັນໄປສູ່ທັນສະໄໝ ກ່ຽວກັບວຽກງານປະຕິບັດຄຳຕັດສິນຂອງສານ ໂດຍສະເພາະຂອດການເກັບໂທດປັບໃໝ, ຄ່າອາກອນຂອງລັດ, ການໃຊ້ແທນຄ່າເສຍຫາຍຕ່າງໆ ເພື່ອຮັບປະກັນຄວາມໂປ່ງໃສ ກວດສອບໄດ້; ປັບປຸງນິຕິກໍາທີ່ເປັນກົນໄກໃນການຂຶ້ນບັນຊີຊັບສິນ ຕິດພັນກັບການປັບປຸງໂປຣແກຣມໃຫ້ທັນສະໄໝຂຶ້ນ.

(ຂ່າວ: ສຸກສະຫວັນ, ພາບ: ສຳນານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com