Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສ​ສ​ຊ ສະ​ເໜີ​ຫຼາຍ​ບັນ​ຫາ ໃຫ້​ອົງ​ການກວດ​ສອບ-ກວດກາ ພິ​ຈາ​ລະ​ນາແກ້​ໄຂ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 08/11/2021 16:09:47 ຈຳ​ນວນ​​ຢ້ຽມ​ຊົມ 646 ຄັ້ງ

ໃນວັນທີ 8 ພະຈິກນີ້ ທີ່ສະພາແຫ່ງຊາດ, ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ໄດ້ຖະແຫຼງກ່ຽວກັບ ຜົນສຳເລັດການປະກອບຄຳເຫັນຂອງ ສະມາຊິກສະພາແຫ່ງຊາດ () ຕໍ່ບົດລາຍງານຂອງອົງການກວດກາແຫ່ງລັດ ແລະ ອົງການກວດສອບແຫ່ງລັດ ໂດຍ ສຊ ໄດ້ສະເໜີກົນໄກ ວິທີການ ແລະ ມາດຕະການຕ່າງໆ ເພື່ອໃຫ້ທັງ 2 ອົງການດັ່ງກ່າວ ນຳໄປພິຈາລະນາແກ້ໄຂຫຼາຍບັນຫາ.

ທ່ານ ສົມມາດ ພົນເສນາ ກ່າວວ່າ: ກອງປະຊຸມສະໄໝສາມັນ ເທື່ອທີ 2 ຂອງສະພາແຫ່ງຊາດ ຊຸດທີ IX ໃນ ວັນທີ 5-6/11/2021, ໄດ້ຮັບຟັງບົດລາຍງານ ຈຳນວນ 2 ສະບັບ ຄື: ບົດລາຍງານກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວວຽກງານປະຈຳປີ 2021 ແລະ ແຜນການປະຈຳປີ 2022; ການກວດກາຕາມຜົນການກວດສອບ ປີ 2019 ທີ່ສະເໜີໂດຍ ທ່ານ ຄຳພັນ ພົມມະທັດ ປະທານອົງການກວດກາແຫ່ງລັດ; ບົດລາຍງານກ່ຽວກັບການຈັດຕັ້ງປະຕິບັດ ແຜນການ ເຄື່ອນໄຫວວຽກງານປະຈຳປີ 2021 ແລະ ແຜນການປະຈໍາປີ 2022; ຜົນການກວດສອບບົດສະຫຼຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2020 ທີ່ສະເໜີໂດຍ ທ່ານ ມະໄລທອງ ກົມມະສິດ ປະທານອົງການກວດສອບແຫ່ງລັດ ຊຶ່ງເນື້ອໃນເອກະສານ 2 ສະບັບ ດັ່ງກ່າວ ລ້ວນແລ້ວແຕ່ເປັນບັນຫາສໍາຄັນ, ຕິດພັນກັບການແກ້ໄຂວາລະແຫ່ງຊາດ ແລະ ວຽກງານຂອງອົງການລັດເຮົາ.

ທ່ານຮອງປະທານສະພາແຫ່ງຊາດ ກ່າວອີກວ່າ: ບັນດາ ສຊ ໄດ້ເອົາໃຈໃສ່ສຸມສະຕິປັນຍາ ລົງເລິກຄົ້ນຄວ້າ, ວິເຄາະ-ວິໄຈ ແລະ ປະກອບຄຳເຫັນຕໍ່ບົດລາຍງານດັ່ງກ່າວ ດ້ວຍຄວາມຮັບຜິດຊອບສູງ ໃນຖານະທີ່ເປັນຕົວແທນແຫ່ງສິດ ແລະ ຜົນປະໂຫຍດ ຂອງປະຊາຊົນບັນດາເຜົ່າ, ພ້ອມກັນນັ້ນ ກໍໄດ້ສະເໜີກົນໄກ, ວິທີການ ແລະ ມາດຕະການ ເພື່ອໃຫ້ອົງການກວດກາແຫ່ງລັດ ແລະ ອົງການກວດສອບແຫ່ງລັດ ນຳໄປສືບຕໍ່ປັບປຸງແກ້ໄຂການຈັດຕັ້ງປະຕິບັດວຽກງານຂອງຂະ        ແໜງຕົນໃຫ້ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ ຊຶ່ງສາມາດສັງລວມການປະກອບຄໍາເຫັນໄດ້ທັງໝົດ 29 ເທື່ອຄົນ ຍິງ 6 ເທື່ອຄົນ.

ຄຳເຫັນຂອງບັນດາທ່ານ ສສຊ ແມ່ນການສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ ທັງສອງອົງການ ທີ່ໄດ້ມີຄວາມພະຍາຍາມປະຕິບັດພາລະບົດບາດຂອງຕົນ ຕາມກົດໝາຍຢ່າງຕັ້ງໜ້າ, ພ້ອມທັງສະເໜີໃຫ້ເອົາໃຈໃສ່ບາງບັນຫາສໍາຄັນ, ດັ່ງນີ້:

- ສະເໜີ ໃຫ້ 2 ອົງການ ເອົາໃຈໃສ່ແກ້ໄຂຜົນການກວດກາ ແລະ ຜົນການກວດສອບ ໂດຍໃຫ້ມີການໄຈ້ແຍກຂໍ້ມູນລະອຽດຈະແຈ້ງ ກ່ຽວກັບບັນຫາທີ່ສາມາດແກ້ໄຂໄດ້ ແລະ ຍັງບໍ່ສາມາດແກ້ໄຂໄດ້ເພື່ອເອົາອອກຈາກບັນຊີຜົນການກວດສອບ-ກວດກາ ໃຫ້ໄດ້ຢ່າງຂາດຕົວ ບໍ່ໃຫ້ແກ່ຍາວ ຊຳເຮື້ອ ໂດຍສະເພາະການເກັບກູ້ລາຍຮັບ ແລະ ໜີ້ຕ້ອງຮັບຕ່າງໆ ເຫັນວ່າເປັນບັນຫາທີ່ມີຄວາມຈຳເປັນ ຕ້ອງໄດ້ເອົາໃຈໃສ່ໃນການແກ້ໄຂຢ່າງເຂັ້ມງວດ ແລະ ທັນການ ເພື່ອນຳເອົາລາຍຮັບ ແລະ ລາຍຈ່າຍ ທີ່ກວດເຫັນເພີ່ມ ໃນປີ 2020 ຈົດເຂົ້າແຜນງົບປະມານປີ 2022 ແລະ ສືບຕໍ່ເລັ່ງທວງ ຈາກບັນດາເປົ້າໝາຍທີ່ຖືກກວດສອບໃຫ້ຄົບຖ້ວນ; ພ້ອມນັ້ນ, ກໍໄດ້ສະເໜີໃຫ້ສອງອົງການຮີບຮ້ອນຄົ້ນຄວ້າປັບປຸງ ກົດໝາຍໃນຂົງເຂດຕົນເອງ ໃຫ້ສຳເລັດຕາມແຜນການ ສ້າງ ແລະ ປັບປຸງກົດໝາຍ ຂອງສະພາແຫ່ງຊາດ ພ້ອມທັງສືບຕໍ່ຜັນຂະຫຍາຍ ອອກເປັນນິຕິກໍາໃຕ້ກົດໝາຍໃຫ້ຄົບຖ້ວນ ແລະ ຮັດກຸມ ສາມາດຄຸ້ມຄອງໄດ້ຢ່າງທົ່ວເຖິງ.

- ສະເໜີໃຫ້ ສອງອົງການເອົາໃຈໃສ່ສ້າງຄວາມເຂັ້ມແຂງດ້ານວິຊາສະເພາະ, ຍົກສູງຈັນຍາບັນ, ຈັນຍາທຳ ຂອງພະນັກງານໃຫ້ມີຄວາມຊຳນິຊຳນານ ແລະ ເປັນມືອາຊີບ, ພ້ອມທັງສະເໜີໃຫ້ລັດຖະບານຄົ້ນຄວ້າພິຈາລະນາງົບປະມານ ແລະ ສະໜອງເຄື່ອງມືອຸປະກອນທີ່ຈຳເປັນ ຕໍ່ວຽກງານກວດກາ ແລະ ກວດສອບ, ເພື່ອຫັນເປັນທັນສະໄໝ, ຮັບປະກັນໃຫ້ມີຖານຂໍ້ມູນທີ່ແນ່ນອນ ສາມາດເຊື່ອມໂຍງກັບຄັງເງິນແຫ່ງຊາດ ແລະ ພາກສ່ວນອື່ນທີ່ກ່ຽວຂ້ອງ ເພື່ອສາມາດດໍາເນີນວຽກງານການກວດກາ ແລະ ການກວດສອບແຕ່ຫົວທີ ທັງເປັນການຫຼີກລ່ຽງ ແລະ ແກ້ໄຂບັນຫາການລະເມີດວິໄນການເງິນ-ເງິນຕາ ຮັບປະກັນການສະໜອງຂໍ້ມູນໃຫ້ຄົບຖ້ວນ ແລະ ທັນຕາມກຳນົດເວລາ ເພື່ອລາຍງານຕໍ່ກອງປະຊຸມສະພາແຫ່ງຊາດແຕ່ລະຄັ້ງ.

- ນອກນັ້ນ, ສສຊ ຍັງເຫັນວ່າບັນຫາຕົ້ນຕໍຂອງການແກ້ໄຂຜົນຂອງການກວດກາ ໃນໄລຍະຜ່ານມາໄດ້ໜ້ອຍນັ້ນ ສາເຫດແມ່ນຍ້ອນແກ້ໄຂໄດ້ແຕ່ທາງດ້ານບໍລິຫານເປັນສ່ວນຫຼາຍ ບໍ່ໄດ້ແກ້ຕາມຂະບວນຍຸຕິທຳ ຈຶ່ງບໍ່ສາມາສາດແກ້ໄຂໄດ້ຢ່າງຂາດຕົວ. ສະນັ້ນ, ຖ້າໄດ້ຮັບແກ້ໄຂທາງດ້ານບໍລິຫານແລ້ວ ກໍຄວນນຳເອົາບົດບັນທຶກທີ່ໄດ້ເຊັນຮ່ວມກັບເປົ້າທີ່ຖືກກວດສອບ-ກວດກາ ໄປຈົດທະບຽນສານ ເພື່ອສາມາດດໍາເນີນຕາມຂະບວນການຍຸຕິທໍາ.

- ສສຊ ໄດ້ສະເໜີໃຫ້ລັດຖະບານເອົາໃຈໃສ່ຊີ້ນໍາອົງການຄຸ້ມຄອງເປົ້າໝາຍທີ່ຖືກກວດສອບ-ກວດກາ ຂັ້ນສູນກາງ-ທ້ອງຖິ່ນ ຮີບຮ້ອນແກ້ໄຂຜົນການກວດສອບ-ກວດກາ ຕາມບົດແນະນຳຢ່າງເຂັ້ມງວດ, ທັນການ ແລະ ຂາດຕົວ ພ້ອມທັງໃຫ້ການຮ່ວມມື, ປະສານສົມທົບ, ອຳນວຍຄວາມສະ ດວກ, ສະໜອງເອກະສານ, ຂໍ້ມູນທີ່ຈຳເປັນ ແລະ ເຂົ້າຮ່ວມວຽກງານກວດສອບ-ກວດກາ ຢ່າງຕັ້ງໜ້າ;

- ສຳລັບການກຳນົດເປົ້າໝາຍການກວດສອບ-ກວດກາ ປະຈຳປີ ສະມາຊິກສະພາແຫ່ງຊາດ ສ່ວນຫຼາຍແມ່ນເຫັນດີ ແລະ ສະເໜີ ໃຫ້ເອົາໃຈໃສ່ແກ້ໄຂບັນຫາທີ່ຍັງຄົງຄ້າງໃຫ້ສຳເລັດ ພ້ອມທັງເອົາໃຈໃສ່ ກວດສອບ-ກວດກາເປົ້າໝາຍທີ່ຕິດພັນກັບວາລະແຫ່ງຊາດ, ໂຄງການລົງທຶນຕາມເປົ້າ        ໝາຍພັດທະນາແບບຍືນຍົງ, ໂຄງການລົງທຶນຂອງລັດຂະໜາດໃຫຍ່, ການແກ້ໄຂໜີ້ສິນໂຄງການລົງທຶນຂອງລັດ, ການປ່ອຍສິນເຊື່ອ ແລະ ໜີ້ສິນ ທີ່ບໍ່ເກີດດອກອອກຜົນຂອງທະນາຄານທຸລະກິດລັດ, ໂຄງການການພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ໂຄງການແກ້ໄຂໄພພິບັດທາງທຳມະຊາດ.

(ຂ່າວ: ສຸກສະຫວັນ, ພາບ: ສໍານານ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com