Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ການ​ຮ່ວມ​ມື ລາວ-ນອກ​ແວ ໄດ້​ຮັບ​ການ​ພັດ​ທະ​ນາ​ຂຶ້ນ​ເປັນ​ກ້າວໆ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 11/11/2021 13:29:07 ຈຳ​ນວນ​​ຢ້ຽມ​ຊົມ 1340 ຄັ້ງ

 

(ເນື່ອງ​ໃນ​ໂອ​ກາດ​ວັນ​ສ້າງ​ຕັ້ງ​ສາຍ​ພົວ​ພັນ​ການ​ທູດ​ລະ​ຫວ່າງ ສ​ປ​ປ ລາວ - ນອກ​ແວ ຄົບ​ຮອບ 30 ປີ (12 ພະ​ຈິກ 1991-12 ພະ​ຈິກ 2021))

ຂຽນ​ໂດຍ: ​ທ່ານ ນາງ ເກ​ຣ ໂລ​ເຈນ ທູດນອກ​ແວ ປະ​ຈຳ ສ​ປ​ປ ລາວ  

ກ່ອນ​ໜ້າ​ນີ້ 30 ປີ, ໃນວັນທີ 12 ພະຈິກ 1991, ນອກແວ ແລະ ສປປ ລາວ ໄດ້ສ້າງຕັ້ງສາຍພົວພັນການທູດ ຮ່ວມ​ກັນ​ຂຶ້ນຢ່າງເປັນທາງການ ແລະ ນັບແຕ່ນັ້ນເປັນຕົ້ນມາ ການພົວພັນຮ່ວມມື ແລະ ມິດຕະພາບອັນດີງາມລະຫວ່າງ ສອງປະເທດ ໄດ້ຮັບການພັດທະນາຂຶ້ນເປັນກ້າວໆ.

ທັງ​ນີ້ ສະ​ຖານ​ເອກ​ອັກ​ຄະ​ຣາ​ຊະ​ທູດນອກ​ແວ ປ​ະ​ຈຳ ສ​ປ​ປ ລາວ ມີ​ສຳ​ນັກ​ງານ​ຕັ້ງ​ຢູ່​ນະ​ຄອນຫຼວງ​ຮ່າ​ໂນ້ຍ ສ​ສ ຫວຽດ​ນາມ ຊຶ່ງຂ້າພະເຈົ້າ ປາຖະໜາຢ່າງຍິ່ງທີ່ຈະໄດ້ຢູ່ຢ້ຽມຢາມ ສປປ ລາວ ເນື່ອງໃນໂອກາດວັນສໍາຄັນດັ່ງກ່າວນີ້, ເຖິງຢ່າງໃດກໍຕາມ, ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ຈຶ່ງ​ບໍ່​ສາ​ມາດ​ເດີນ​ທາງ​ມາ​ຢ້ຽ​ມ​ຢາມ ແລະ ຮ່ວມ​ສະ​ເຫຼີມ​ສະຫຼອງ​ຢູ່ ສ​ປ​ປ ລາວ​ ໄດ້.

ຂ້າພະເຈົ້າ ຂໍສະແດງຄວາມຊົມເຊີຍຕໍ່ຄວາມພະຍາຍາມຂອງລັດຖະບານລາວ ໃນການຄວບຄຸມ ການແຜ່ລະບາດຂອງເຊື້ອພະຍາດໂຄວິດ-19. ພ້ອມ​ທັງສະແດງຄວາມເຫັນໃຈຕໍ່ຄວາມຫຍຸ້ງຍາກຕ່າງໆທີ່ພວກທ່ານກໍາລັງພົບພໍ້ໃນປັດຈຸບັນ ລວມທັງບັນຫາທາງດ້ານສາທາລະນະສຸກ ແລະ ເສດຖະກິດທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19. ຂ້າພະເຈົ້າຮູ້ສຶກດີໃຈຢ່າງຍິ່ງທີ່ໄດ້ຮັບຊາບວ່າ ລັດຖະບານແຫ່ງ ສປປ ລາວ ໄດ້ເອົາໃຈໃສ່ຈັດຕັ້ງປະຕິບັດໂຄງການສັກວັກຊິນປ້ອງ​ກັນໂຄວິດ-19 ໃຫ້ແກ່ປະຊາຊົນຢ່າງໄວວາ ຈຶ່ງຈະເປັນວິທີການທີ່ສໍາຄັນທີ່ ສປປ ລາວ ແລະ ປະເທດຕ່າງໆໃນໂລກຈະສາມາດຟື້ນຟູ​ເສດ​ຖະ​ກິດ-ສັງ​ຄົມໃຫ້ກັບມາຢູ່ໃນສະພາບປົກກະຕິໄດ້ໂດຍໄວ.

ປະເທດນອກແວ ໄດ້ຕັ້ງໜ້າເຄື່ອນໄຫວຢ່າງຫ້າວຫັນ ເພື່ອສົ່ງເສີມການເຂົ້າເຖິງວັກຊິນ, ການກວດຫາເຊື້ອ ແລະ ການ​ປິ່ນ​ປົວ​ຜູ້​ຕິດເຊື້ອພະຍາດໂຄວິດ-19 ຢ່າງສະເໝີພາບກັນ, ນອກແວ ໄດ້ປະກອບສ່ວນງົບປະມານ ຈໍານວນເກືອບ 1,3 ຕື້ໂຄເນີ (ສະກຸນເງິນນອກແວ) ຫຼື ປະມານ 141 ລ້ານໂດລາ ເຂົ້າໃນໂຄງການ COVAX ແລະ ເປັນ ເ​ລື່ອງທີ່ຍິນດີທີ່ໄດ້ຮັບຮູ້ວ່າ ສປປ ລາວ ກໍໄດ້ຮັບວັກຊິນຈາກໂຄງການ COVAX. ປະເທດນອກແວ ເປັນຜູ້ລິເລີ່ມສະເໜີໃຫ້ມີການສ້າງຕັ້ງກອງທຶນຮ່ວມໃນການຟື້ນຟູ ແລະ ຕອບໂຕ້ກັບເຊື້ອ ພະຍາດໂຄວິດ-19 ຂອງອົງການສະຫະປະຊາຊາດ (United Nations Covid-19 Response and Recovery Multi-Partner Trust Fund) ແລະ ປະກອບສ່ວນເຂົ້າໃນກອງທຶນດັ່ງກ່າວເປັນຈໍານວນເງິນ 150 ລ້ານໂຄເນີ ຫລື ປະມານ 14,5 ລ້ານໂດລາ ເພື່ອຊ່ວຍເຫຼືອບັນດາປະເທດທີ່ມີຄວາມອ່ອນແອທາງດ້ານລະບົບສາທາລະນະສຸກ ແລະ ອາດຈະປະເຊີນກັບການພັງທະລາຍທາງດ້ານເສດຖະກິດ-ສັງຄົມທີ່ໄດ້ຮັບຜົນກະທົບຈາກການ​ລະ​ບາດ​ຂອງ​ພະ​ຍາດ​ຮ້າຍ​ນີ້ ແລະ ເປັນເລື່ອງທີ່ຍິນດີທີ່ໄດ້ເຫັນວ່າ ສປປ ລາວ ກໍໄດ້ຮັບຜົນປະໂຫຍດຈາກກອງທຶນດັ່ງກ່າວນີ້.

ການແຜ່ລະບາດຂອງພະຍາດໂຄວິດ-19 ໃນຄັ້ງນີ້ ໄດ້ສະແດງໃຫ້ພວກເຮົາເຫັນວ່າ ຄວາມສາມັກຄີ ແລະ ການຮ່ວມມືສາກົນແມ່ນເປັນປັດໄຈສໍາຄັນໃນການຕໍ່ສູ້ເອົາຊະນະກັບເຊື້ອໄວຣັດນີ້. ປະເທດ ນອກແວ ຄູ່ຮ່ວມມືທີ່ສະເໝີຕົ້ນສະເໝີປາຍກັບ ສປປ ລາວ ໃນວຽກງານສໍາຫຼວດ ແລະ ເກັບກູ້ລະເບີດບໍ່ທັນແຕກ.

ສາຍພົວພັນຮ່ວມມືຂອງສອງປະເທດພວກເຮົາ ແມ່ນໄດ້ຮັບການສ້າງຕັ້ງຂຶ້ນບົນພື້ນຖານເຄົາລົບນັບຖືຊຶ່ງກັນ ແລະ ກັນ ແລະ ແບ່ງປັນຄວາມ​ມຸ່ງໝັ້ນເພື່ອການພັດທະນາແບບຍືນຍົງໃນ ສປປ ລາວ, ທັງສອງປະເທດ ນອກແວ ແລະ ສປປ ລາວ ໄດ້ຖືສໍາຄັນການຮ່ວມມືສອງຝ່າຍ ແລະ ມີຄວາມມຸ່ງໝັ້ນຮ່ວມກັນໃນການພັດທະນາແບບຍືນຍົງ, ທັງສອງປະເທດໄດ້ມີການຮ່ວມມືກັນເພື່ອການພັດທະນາໃນຫຼາຍຂົງເຂດວຽກງານ ເຊັ່ນ: ພະລັງງານໄຟຟ້າ, ໂຄງການຕອບສະ​ໜອງນ້ຳສະອາດໃຫ້ແກ່ຊຸມຊົນ, ຂະແໜງ ການສຶກສາ, ການຄຸ້ມຄອງຊັບພະຍາກອນທໍາມະຊາດ ແລະ ສິ່ງແວດລ້ອມ, ການສ້າງຂີດຄວາມສາມາດໃຫ້ແກ່ພະນັກງານ ແລະ ອື່ນໆ.

ໃນໂອກາດນີ້, ຂ້າພະເຈົ້າຂໍຍົກໃຫ້ເຫັນສະເພາະການປະກອບສ່ວນຂອງ ບໍລິສັດ SN Power ຫຼື Scatec ໃນປັດຈຸບັນ ຈາກ ປະເທດນອກແວ ທີ່ໄດ້ປະກອບສ່ວນໃນການພັດທະນາພະລັງງານໄຟຟ້າ ແລະ ໄຟຟ້າພະລັງງານນ້ຳ ໃນ ສປປ ລາວ.

ຂ້າພະເຈົ້າຂໍຍົກໃຫ້ເຫັນເພີ່ມຕື່ມບາງຂົງເຂດສໍາຄັນທີ່ໄດ້ມີການຮ່ວມມືໃນຂອບການຮ່ວມມືສອງຝ່າຍ ລະຫວ່າງສອງປະເທດ ນອກແວ ແລະ ສປປ ລາວ, ວຽກງານສໍາຫຼວດ ແລະ ເກັບກູ້ລະເບີດບໍ່ທັນແຕກ (UXO) ກໍຄື ວຽກງານຍົກສູງຄວາມຮູ້ກ່ຽວກັບຄວາມສ່ຽງຈາກລະເບີດບໍ່ທັນແຕກ ແລະ ການຟື້ນຟູສະພາບຈິດໃຈຂອງຜູ້ເຄາະຮ້າຍ. ປະເທດນອກແວ ໄດ້ຮ່ວມມືຢ່າງໃກ້ຊິດກັບ ສປປ ລາວ ນັບແຕ່ໄລຍະເລີ່ມຕົ້ນຂະບວນການເຈລະຈາ ສົນທິສັນຍາ ວ່າດວ້ຍການເກືອດຫ້າມລະເບີດລູກຫວ່ານ (Convention on Cluster Munition) ຈົນກ້າວໄປເຖິງການຮັບຮອງ ແລະ ລົງນາມໃນສົນທິສັນຍາດັ່ງກ່າວໃນປີ 2008. ການເຮັດວຽກຮ່ວມກັນລະຫວ່າງສອງປະເທດ ແລະ ການປະກອບສ່ວນຢ່າງຕັ້ງໜ້າຂອງ ສປປ ລາວ ທີ່ເປັນປະເທດໜຶ່ງໄດ້ຮັບຜົນກະທົບຢ່າງໜັກໜ່ວງຈາກລະເບີດບໍ່ທັນແຕກ ແມ່ນການປະກອບສ່ວນທີ່ສໍາຄັນເຮັດໃຫ້ສົນທິສັນຍາດັ່ງກ່າວປະສົບຜົນສໍາເລັດຢ່າງຈົບງາມ, ໝາກຜົນຈາກການຈັດຕັ້ງ ປະຕິບັດສົນທິສັນຍາດັ່ງກ່າວ ແມ່ນໄດ້ເຮັດໃຫ້ອາວຸດ, ລະເບີດຖືກທໍາລາຍເປັນຈໍານວນຫຼວງຫຼາຍ ແລະ ຫຼາຍພື້ນທີ່ໄດ້ ຖືກສໍາຫຼວດ ແລະ ເກັບກູ້ລະເບີດບໍ່ທັນແຕກ.

ວຽກງານສໍາຫຼວດ ແລະ ເກັບກູ້ລະເບີດບໍ່ທັນແຕກ (UXO) ແມ່ນປັດໄຈສໍາຄັນໃນການພັດທະນາເສດຖະກິດ-ສັງຄົມແບບຍືນຍົງໃນ ສປປ ລາວ, ຂ້າພະເຈົ້າຂໍຊົມເຊີຍຕໍ່ລັດຖະບານລາວ ທີ່ໄດ້ສ້າງເປົ້າ   ໝາຍການພັດທະນາແຜນປະຕິບັດງານລະດັບຊາດກ່ຽວກັບລະເບີດບໍ່ທັນແຕກ (SDG 18) ຊຶ່ງສິ່ງດັ່ງກ່າວນີ້ໄດ້ສະແດງໃຫ້ເຫັນເຖິງຄວາມເປັນເຈົ້າຂອງປະເທດຊາດຢ່າງແທ້ຈິງ.

ເມື່ອເວົ້າເຖິງການປະຕິບັດວຽກງານການເກັບກູ້ລະເບີດບໍ່ທັນແຕກ, ອົງການຊ່ວຍເຫຼືອຈາກປະຊາຊົນນອກແວ (Norwegian People's Aid “NPA”) ແມ່ນຄູ່ຮ່ວມມືທີ່ສໍາຄັນຂອງລັດຖະບານນອກແວ, ພວກຂ້າພະເຈົ້າ ຮູ້ສຶກດີໃຈເປັນຢ່າງຍິ່ງທີ່ໄດ້ຮັບຊາບເຖິງການມີສ່ວນຮ່ວມ ແລະ ປະກອບສ່ວນຢ່າງຫ້າວຫັນຂອງອົງການຊ່ວຍເຫຼືອ ຈາກປະຊາຊົນນອກແວ (NPA) ໃນ ສປປ ລາວ ນັບແຕ່ປີ 2009 ເປັນຕົ້ນມາ, ດັ່ງທີ່ເປັນຄູ່​ຮ່ວມມືທີ່ສໍາຄັນ ແລະ ເຊື່ອໃຈ ລະຫວ່າງ ຜູ້ໃຫ້ທຶນ ແລະ ຜູ້ຮັບ ໃນການຈັດຕັ້ງປະຕິບັດໂຄງການຕ່າງໆ, ພວກຂ້າພະເຈົ້າມີຄວາມເຊື່ອໝັ້ນ ແລະ ອາໄສການຮ່ວມມືທີ່ມີປະສິດທິຜົນຈາກລັດຖະບານລາວ ແລະ ບັນດາອົງການຊ່ວຍເຫຼືອດ້ານມະນຸດສະທໍາອື່ນໆ.

ຂ້າພະເຈົ້າເຫັນ​ຄວາມສໍາຄັນກ່ຽວກັບບົດບາດຂອງບັນດາອົງການຈັດຕັ້ງທ້ອງຖິ່ນໃນການໃຫ້ຄວາມຊ່ວຍເຫຼືອແກ່ຜູ້ ເຄາະຮ້າຍຈາກລະເບີດລູກຫວ່ານ. ໂຄງການອົງຄະທຽມ ແລະ ເຄື່ອງຄໍ້າຊູ (COPE) ແລະ ສູນຮຽນຮູ້ຂອງໂຄງການ ດັ່ງກ່າວ ໄດ້ປະຕິບັດໜ້າທີ່ສໍາຄັນໃນການຟື້ນຟູ ແລະ ຝຶກອົບຮົມໃຫ້ແກ່ບັນດາຜູ້ເຄາະຮ້າຍ ພ້ອມທັງໄດ້ຖ່າຍທອດຂໍ້ມູນຕ່າງໆໃຫ້ເຫັນເຖິງຜົນຮ້າຍຈາກລະເບີດລູກຫວ່ານ, ຖ້າບໍ່ມີບັນດາອົງການຈັດຕັ້ງເຫຼົ່ານັ້ນ, ພວກເຮົາກໍບໍ່ສາມາດຮັບປະກັນ ແລະ ຮັບຮູ້ວິທີການຮັບມືກັບລະເບີດບໍ່ທັນແຕກໄດ້ຢ່າງຮອບດ້ານ ແລະ ທົ່ວເຖິງ ທັງໝົດນີ້ແມ່ນລວມທັງ ການສໍາຫຼວດ, ເກັບກູ້, ການສ້າງຂີດຄວາມສາມາດແຫ່ງຊາດ, ການສ້າງຄວາມຮັບຮູ້ກ່ຽວກັບໄພອັນຕະລາຍຈາກລະເບີດ ແລະ ການຊ່ວຍເຫຼືອແກ່ຜູ້ເຄາະຮ້າຍ, ພວກເຮົາຫວັງຢ່າງຍິ່ງວ່າ ຈະສາມາດປະສົບຜົນສໍາເລັດໃນການບັນລຸເປົ້າໝາຍ ການພັດທະນາແບບຍືນຍົງແຫ່ງຊາດລໍາດັບທີ 18 (SDG 18) ໃນການມີຊີວິດທີ່ປອດໄພຈາກລະເບີດບໍ່ທັນແຕກ ໄປພ້ອມໆກັນ.

ດັ່ງທີ່ພວກເຮົາກໍາລັງສະເຫຼີມສະຫຼອງເຫດການສໍາຄັນແຫ່ງສາຍພົວພັນຮ່ວມມືລະຫວ່າງສອງປະເທດ, ຂ້າພະເຈົ້າມີຄວາມເຊື່ອໝັ້ນວ່າ ສາຍພົວພັນຮ່ວມມືສອງຝ່າຍຈະໄດ້ຮັບການສົ່ງເສີມ ແລະ ຮັດ                 ແໜ້ນຍິ່ງຂຶ້ນ. ຂ້າພະເຈົ້າ ຫວັງຢ່າງຍິ່ງວ່າ ຈະມີໂອກາດເດີນທາງໄປຢ້ຽມຢາມ ສປປ ລາວ ແລະ ນັກທ່ອງທ່ຽວຈາກປະເທດນອກແວ ຈະສາມາດ ເດີນທາງໄປທ່ອງທ່ຽວປະເທດທີ່ສວຍສົດງົດງາມນີ້ອີກຄັ້ງ ພາຍຫຼັງສະພາບການແຜ່ລະບາດຂອງເຊື້ອພະຍາດໂຄວິດ-19 ຜ່ອນ​ຄາຍ​ລົງ.

ສປປ ລາວ ແມ່ນຄູ່ຮ່ວມມືທີ່ສໍາຄັນຂອງ ປະເທດນອກແວ, ຂ້າພະເຈົ້າຈະຕັ້ງໜ້າຕິດຕາມໝາກຜົນການຈັດຕັ້ງປະຕິບັດໂຄງການຮ່ວມມືຕ່າງໆ ເພື່ອສົ່ງເສີມ ແລະ ຍົກສູງສາຍພົວພັນຮ່ວມມືຂອງສອງປະເທດພວກເຮົາທັງ ໃນຂອບສອງຝ່າຍ ແລະ ຫຼາຍຝ່າຍ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com