Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : LXML ໄດ້ຮັບໂລ້-ລາງວັນທຸລະກິດຊັ້ນນຳດີເດັ່ນ ປະຈຳສົກປີ 2019

ເຜີຍ​ແຜ່​ໂດຍ​: siththiphone rasphone ເວ​ລາ: 18/02/2020 17:36:57 ຈຳ​ນວນ​ຜູ້​ເຂົ້າ​ຢ້ຽມ​ຊົມ 7303 ຄັ້ງ

   ບໍ​ລິ​ສັດ ລ້ານ​ຊ້າງ ມີ​ເນ​ໂຣນ​ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ (LXML) ເປັນ​ໜຶ່ງ​ໃນ 55 ບໍ​ລິ​ສັດໃນ ສ​ປ​ປ ລາວ ທີ່​ເປັນ​ກຽດ​ຂຶ້ນ​ຮັບໂລ້ລາງວັນ​ທຸ​ລະ​ກິດ​ຊັ້ນ​ນຳ​ດີ​ເດັ່ນ ​ປະ​ຈຳ​ປີ 2019 ​ເຊິ່ງ​ເປັນ​ຜົນງານ​ມາ​ຈາກ​ການ​ປະ​ກອບ​ສ່ວນ​ດ້ານ​ຜົນ​ປະ​ໂຫຍດ ໃຫ້​ແກ່​ເສດ​ຖະ​ກິດ-ສັງ​ຄົມ ຕໍ່​​ການ​ພັດ​ທະ​ນາ​ແບບ​ຍືນ​ຍົງ​ຂອງ ສ​ປ​ປ ລາວ. ພິ​ທີ​ມອບ​ຮັບ​ໂລ້ລາງວັນ​ດັ່ງ​ກ່າວ​ ແມ່ນ​ໄດ້​ຈັດ​ຂຶ້ນ ທີ່ຫໍ​ປະ​ຊຸມ​ແຫ່ງ​ຊາດ ເມື່ອວັນ​ທີ 14 ກຸມ​ພາ 2020, ພາຍ​​ໃຕ້​ການ​ເປັນ​ປະ​ທານ​ກິ​ຕິ​ມະ​ສັກ​ຂອງ​ທ່ານ​ຮອງ​ນາ​ຍົກລັດ​ຖະ​ມົນ​ຕີ-ລັດ​ຖະ​ມົນ​ຕີ, ກະ​ຊວງ​ການ​ເງິນ. ຕາງ​ໜ້າ​ໃຫ້​ບໍ​ລິ​ສັດ ​​ຂຶ້ນ​ຮັບ​ໂລ້​ລາງວັນ​ອັນ​ຊົງ​ກຽດ​ ໃນຄັ້ງ​ນີ້ ແມ່ນທ່ານ ສະ​ໝານ ອະ​ເນ​ກາ ຜູ້​ອຳ​ນວຍ​ການ​ໃຫ​ຍ່ບໍ​ລິ​ສັດ LXML.

   ໂລ້ລາງວັນ​​ຄັ້ງ​ນີ້, ​ແມ່ນເປັນ​ຄັ້ງ​ທີສາມ ​ທີ່​ທາງ​ບໍ​ລິ​ສັດ LXML ໄດ້ຍາດ​​ມາ​ໄດ້ຈາກເວ​ທີ​ແຂ່ງຂັນ​ອັນດຽວ​ກັນ​. ​ຜ່ານ​ມາ, ໃນ​ປີ 2016, ບໍ​ລິ​ສັດ LXML ເຄີຍໄດ້​ຮັບ​ສາມ​ລາງວັນຄື: ໜຶ່ງ ‘ລາງວັນ​​ທຸ​ລະ​ກິດ​ດີ​ເດັ່ນ ຈາ​ລຶກວັນ​ຄົບ​ຮອບ 40 ປີ ຂອງ ສ​ປ​ປ ລາວ ຈາກ​ຜົນ​ງານ​ການ​ປະ​ກອບ​ສ່ວນ​ຂອງ ບໍ​ລິ​ສັດ LXML ຕໍ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ, ການ​ສ້າງວຽກ​ເຮັດ​ງານ​ທຳ ແລະ ຜົນ​ງານທີ່​ດີ​ໃນ​​ການ​ຄຸ້ມ​ຄອງ​ດ້ານ​ສິ່ງ​ແວດ​ລ້ອມ; ສອງ ລາງວັນ​ອາ​ຊຽນ ສຳ​ລັບ​ບໍ​ລິ​ສັດ​ຂຸດ​ຄົ້ນ​ບໍ່​ແຮ່​ດີ​ເດັ່ນ; ແລະ ສາມ ລາງວັນ​ອາ​ຊຽນ​ສຳ​ລັບ ບໍ​ລິ​ສັດ​ທີ່​ມີ​ຄວາມ​ຮັບ​ຜິດ​ຊອບ​ຕໍ່​ສັງ​ຄົມ ແລະ ການ​ພັດ​ທະ​ນາ​ຊຸມ​ຊົນ. ນອກ​ຈາກນັ້ນ LXML ກໍ​ໄດ້​ຮັບລາງວັນ​ສຳ​ລັບ​ການ​ປະ​ກອບ​ສ່ວນ​ຢ່າງ​ພົ້ນ​ເດັ່ນຕໍ່ຂະ​ແໜງ​ການ​ທຸ​ລະ​ກິດ ໃນ ສ​ປ​ປ ລາວ ເປັນ 2 ປີ​ຕິດ​ຕໍ່​ກັນ ຄື​ໃນປີ 2018 ແລະ 2019.

   ທ່ານ ສະ​ໝານ ອະ​ເນ​ກາ, ຜູ້​ອຳ​ນວຍ​ການ​ໃຫ​ຍ່ ບໍ​ລິ​ສັດ LXML ໄດ້​ກ່າວ​ວ່າ: “ບໍ​ລິ​ສັດ LXML ມີ​ຄວ​າມ ມຸ່ງ​ໝັ້ນ ໃນ​ການເປັນ​ຕົ້ນ​ແບບ​​ທາງດ້ານ​ການ​ຂຸດ​ຄົ້ນ​ບໍ່​ແຮ່ ແລະ ​ການສ້າງ​ຄວາມ​ຮັ່ງ​ມີ​ໃຫ້​ແກ່​ສັງ​ຄົມ. ພວກ​ເຮົາ​ມີ​ຄວາມ​ພາກ​ພູມໃຈ​ທີ່​ໄດ້​ເປັນ​ຄູ່​ຮ່ວມ​ພັດ​ທະ​ນາ ແລະ ຂ້າ​ພະ​ເຈົ້າ​ຖື​ເປັນ​ກຽດ​ຢ່າງ​ສູງ ​ທີ່​ໄດ້​ຂຶ້ນ​ມາ​ຮັບ​ລາງວັນ​ນີ້ ໂດຍ​ເປັນ​ຜູ້ຕາງ​ໜ້າ​ໃຫ້​​ແກ່ພະ​ນັກ​ງານ ຂອງບໍ​ລິ​ສັດ LXML ທຸກ​ຄົນ ເຊິ່ງ​ສັງ​ຄົມ​ໄດ້ຮັບ​ຮູ້ ​ເຖິງການ​ປະ​ກອບ​ສ່ວນ​ຂອງ​ພວກ​ເຮົາ ຕໍ່​ ສ​ປ​ປ ລາວ ກໍ​ຄື ປະ​ເທດ​ຊາດຂອງ​ພວກ​ເຮົາ.

   ​ໃນດ້​ານ​ຜົນ​ງານ​ດີ​ເດັ່ນໃນ​ລະ​ດັບ​ສາ​ກົນນັ້ນ, ບໍ​ລິ​ສັດ LXML ​ຫາ​ກໍ​ໄດ້​ຮັບລາງວັນ ອາ​ຊຽນດີ​ເດັ່ນ​ດ້ານ​ແຮ່​ທາດ ໃນ​ເດືອນທັນ​ວາ 2019 ຜ່ານ​ມາ​ ເຊິ່ງແນ​ໃສ່​ຍົກ​ບົດ​ບາດ ແລະ ການ​ຍ້ອງຍໍ​ສັນ​ລະ​ເສີນ​ ໃຫ້​ແກ່​ບໍ​ລິ​ສັດ​ຂຸດ​ຄົ້ນ-ປຸງ​ແຕ່ງ​ແຮ່​ທາດ ແລະ ໂລ​ຫະ ​ທີ່​ມີ​ຜົນ​ງານ​ດີ​ເດັ່ນ​ໃນ​ການດຳ​ເນີນ​ທຸ​ລະ​ກິດ​ພັດ​ທະ​ນາ​ແຮ່​ທາດ​ແບບ​ຍືນ​ຍົງ ແລະ ​ມີ​ຄວາມ​ຮັບ​ຜິດ​ຊອບ​ທາງ​ດ້ານ​ສິ່​ງ​ແວດ​ລ້ອມ ແລະ ສັງ​ຄົມ ທີ່​ດີ​ເລີດ.

   ນັບ​ຕັ້ງ​ແຕ່​ເລີ່ມ​ດຳ​ເນີນ​ງານ​ໃນ​ປີ 2002, ບໍ​ລິ​ສັດ​ LXML ໄດ້​ປະ​ກອບ​ສ່ວນ​ໂດຍ​ກົງຫຼາຍກວ່າ 1,5 ຕື້ໂດ​ລາ ໃຫ້​ແກ່ລັດຖະບານ ແຫ່ງ ສ​ປ​ປ ລາວ ໂດຍ​ຜ່ານ​ການ​ຈ່າຍ​ພາ​ສີ-ອາ​ກອນ, ພາ​ສີ​ຊັບ​ພະ​ຍາ​ກອນ​ແຮ່​ທາດ ແລະ ເງິນ​ປັນ​ຜົນ. ນອກ​ຈາກ​ນີ້ ບໍ​ລິ​ສັດ ຍັງ​ໄດ້​ລົງ​ທຶນປະ​ມານ 50 ລ້ານໂດ​ລາ ເຂົ້າ​ໃສ່ໃນ​ການ​ພັດ​ທະ​ນາ​ໂຄງ​ລ່າງ​ພື້ນ​ຖານ​ແຫ່ງ​ຊາດ ແລະ 48 ລ້ານ​ໂດ​ລາ ​ໃສ່ໃນ​ການ​ເກັບ​ກູ້​ລະ​ເບີດ​ບໍ່​ທັນ​ແຕກ​ໃນທ້ອງ​ຖິ່ນ ແລະ ​ໄດ້​ໃຊ້​​ຈ່າຍຫຼາຍ​ລ້ານໂດ​ລາ​ ເຂົ້າ​​ໃສ່ໃນ​ວຽກ​ງານ​ປົກ​ປັກ​ຮັກ​ສາ​ມໍ​ລະ​ດົກ​ວັດ​ທະ​ນະ​ທຳ ແລະ ແຜນ​ງານ​ສະ​ໜັບ​ສະ​ໜູນ​ດ້ານ​ສັງ​ຄົມ​ອື່ນໆ.

   ​ຊຸມ​ຊົນ​ເມືອງວິ​ລະ​ບູ​ລີ ​ກວ່າ 14.000 ຄົນ ​ແມ່ນໄດ້​ຮັບ​ຜົນ​ປະ​ໂຫຍດ​ຈາກແຜນ​ງານພັດ​ທະ​ນາ​ຊຸມ​ຊົນ ທີ່​ໄດ້​ໃຊ້​ຈ່າຍ​ງົບ​ປະ​ມານ​ທັງ​ໝົດ 13 ລ້ານ​ໂດ​​ລາ ​ໂດຍຜ່ານ​ໂຄງ​ການ ແລະ ​ລົງ​ທຶນ​ໂດຍ​ກົງ ໃນ​ຂະ​ນະ​ທີ່ ລາຍ​ໄດ້​ຊຸມ​ຊົນຜ່ານ​ກຸ່ມ​ທຸ​ລະ​ກິດ​ທ້ອງ​ຖິ່ນ ແມ່ນ​ໄດ້ທະ​ວີ​ຄູນ​ຂຶ້ນ​ເປັນ 33 ລ້ານໂດ​ລາ.

   ບໍ​ລິ​ສັດ​ LXML ໄດ້​ລົງ​ທຶນຫຼາຍ​ລ້ານ​ໂດ​ລາ​ ​ເຂົ້າ​ໃນ​ການ​ພັດ​ທະ​ນາ ແລະ ຝຶກ​ອົບ​ຮົມ​ບຸກ​ຄະ​ລາ​ກອນ. ການ​ລົງ​ທຶນ​ດັ່ງ​ກ່າວ ໄດ້​ພັດ​ທະ​ນາ​ທັກ​ສະ ແລະ ສ້າງວຽກ​ເຮັດ​ງານ​ທຳ​ໃຫ້​ແກ່ຄົນ​ລາວຫຼ​າຍກວ່າ 10.000 ຄົນ. ໃນ​ໄລ​ຍະ​ທີ່ມີ​ການດຳ​ເນີນ​ການ​ຜະ​ລິດ​ທີ່​ໄດ້​ສູງ​ທີ່​ສຸດ, ບໍລິ​ສັດ​ໄດ້​ວ່າ​ຈ້າງພະ​ນັກ​ງານກວ່າ 5.000 ຄົນ ແລະ ປັດ​ຈຸ​ບັນ​ກໍ​ຍັງ​ມີ​ພະ​ນັກ​ງານກວ່າ 2.500 ຄົນ.

   ໃນ​ປີ 2020 ​ນີ້, ​ໂຄງ​ການ​ຄຳ-ທອງ​ເຊ​ໂປນ, ຄາດວ່າ ຈະ​ຜະ​ລິດ​ແຜ່ນ​ທອງ​ໃຫ້​ໄດ້ 45.000 ໂຕນ ແລະ ຜະ​ລິດແທ່ງ​ຄຳໃຫ້​ໄດ້ 1,5 ໂຕນ, ພ້ອມ​ທັງໄດ້​ວາງ​ເປົ້າ​ໝາຍ​ໃນ​ການ​ສຳຫຼວດ​ຄຳ​ ໃຫ້​ໄດ້ຫຼາຍກວ່າ 4,25 ລ້ານ​ອອນ​ (ຫຼື 130 ໂຕນ).

( ແຫຼ່ງ​ຂ່າວ: ບໍ​ລິ​ສັດ​ LXML )

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110