Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມລັດຖະບານສະໄໝສາມັນ ປະຈໍາເດືອນມັງກອນ ປຶກ​ສາ​ຫາ​ລືຫຼາຍ​ບັນ​ຫາ​ສຳ​ຄັນ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 20/01/2022 16:12:15 ຈຳ​ນວນ​​ຢ້ຽມ​ຊົມ 4178 ຄັ້ງ

ກອງປະຊຸມລັດຖະບານ ສະໄໝສາມັນປະຈໍາເດືອນມັງກອນ ປີ 2022 ໄດ້ເປີດຂຶ້ນຢ່າງເປັນ ທາງການ ໃນຕອນເຊົ້າຂອງວັນທີ 20 ມັງກອນ ທີ່ສໍານັກງານນາຍົກລັດຖະມົນຕີ,​ ພາຍໃຕ້ການເປັນປະ ທານຂອງ ທ່ານ ພັນຄໍາ ວິພາວັນ ນາຍົກລັດຖະມົນຕີ,​ ມີບັນດາຮອງນາຍົກລັດຖະມົນຕີ,​ ສະມາຊິກລັດ ຖະບານ ພ້ອມດ້ວຍແຂກຖືກເຊີນເຂົ້າຮ່ວມ.

      ທ່ານນາຍົກລັດຖະມົນຕີ ໄດ້ກ່າວວ່າ: ການດຳເນີນກອງປະຊຸມລັດຖະບານສະໄໝສາມັນ ປະຈໍາ ເດືອນມັງກອນ 2022 ແມ່ນປະຕິບັດຕາມລະບຽບການ ​ແລະ ກົນໄກການເຮັດວຽກ ກໍຄື ແຜນດຳເນີນ ງານຂອງລັດຖະບານ ແລະ ຖືເປັນກອງປະຊຸມຄັ້ງທໍາອິດ ໃນປີ 2022 ຊຶ່ງກົງກັບວັນທີ່ປວງຊົນລາວ ທັງຊາດ ພວມສະເຫຼີມສະຫຼອງວັນສ້າງຕັ້ງກອງທັບປົດປ່ອຍປະຊາຊົນລາວ ຄົບຮອບ 73 ປີ ຢ່າງເປັນ ຂະບວນຟົດຟຶ້ນພາຍໃຕ້ເງື່ອນໄຂໂຄວິດ. ສຳລັບເດືອນມັງກອນນີ້ມີຫຼາຍເຫດການພົ້ນເດັ່ນ ເປັນຕົ້ນຄະ ນະລັດຖະບານໄດ້ເດີນທາງໄປເຄື່ອນໄຫວຢ້ຽມຢາມຢ່າງເປັນທາງການ ຢູ່ ສາທາລະນະລັດ ສັງຄົມນິຍົມ ຫວຽດນາມ ດ້ວຍຜົນສໍາເລັດອັນຈົບງາມ, ພ້ອມນີ້ ປີ 2022 ເປັນປີໜຶ່ງທີ່ມີທັງກາລະໂອກາດ ແລະ ສິ່ງທ້າທາຍຫຼາຍຢ່າງ ສໍາລັບລັດຖະບານ ຊຸດທີ IX ທີ່ກໍາລັງກ້າວເຂົ້າສູ່ປີທີ 2 ຂອງການບໍລິຫານປະເທດ ລວມທັງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX ແລະ ເປັນປີ ທີສອງຂອງການຈັດຕັ້ງປະຕິບັດ 2 ວາລະແຫ່ງຊາດ ເພື່ອສ້າງການຫັນປ່ຽນໃໝ່ຢ່າງແຂງແຮງ, ເລິກເຊິ່ງ, ຮອບດ້ານ ຕາມມະຕິກອງປະຊຸມໃຫຍ່ຄັ້ງທີ IX ຂອງພັກກຳນົດໄວ້ໃຫ້ເປັນຮູບປະທໍາ ແລະ ປະສົບຜົນສໍາ ເລັດ.

      ກອງປະຊຸມຈະໄດ້ຮັບຟັງ, ຄົ້ນຄວ້າປຶກສາຫາລື ແລະ ປະກອບຄຳເຫັນ ຕໍ່ 8 ວາລະທີ່ສຳຄັນ ຄື:

  1. ບົດລາຍງານສະຫຼຸບຕີລາຄາ ການຈັດຕັ້ງປະຕິບັດມາດຕະການປ້ອງກັນ,​ ຄວບຄຸມ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ລາຍງານຂໍ້ຫຍຸ້ງຍາກກ່ຽວກັບການ ດຳເນີນ ທຸລະກິດຢູ່ປະເທດເຮົາ;
  2. ບົດລາຍງານການກະກຽມຄວາມພ້ອມໃຫ້ແກ່ກອງປະຊຸມທົ່ວປະເທດ ເພື່ອສ້າງຂະບວນ ການ ຮັກຊາດ ແລະ ພັດທະນາ ຕິດພັນກັບວຽກງານສາມສ້າງ,​ ຄົ້ນຄວ້າມາດຖານ, ເງື່ອນໄຂການຍ້ອງຍໍ ຄືນໃໝ່;
  3. ບົດລາຍງານຜົນສໍາເລັດກອງປະຊຸມ ຄັ້ງທີ 44 ຂອງຄະນະກຳມະການຮ່ວມມືທະວິພາຄີ ລະຫວ່າງລັດຖະບານ ສປປ ລາວ ແລະ ລັດຖະບານ ສສ ຫວຽດນາມ ປະຈໍາປີ 2022 ແລະ ສະເໜີ ທິດຜັນຂະຫຍາຍຜົນກອງປະຊຸມດັ່ງກ່າວ;
  4. ຮ່າງກົດໝາຍ ວ່າດ້ວຍການຄຸ້ມຄອງເງິນຕາຕ່າງປະເທດ;
  5. ຮ່າງດຳລັດ ວ່າດ້ວຍ ເຂດສະຫງວນທາງຫຼວງ;
  6. ຮ່າງວິໃສທັດຮອດປີ 2035 ຍຸດທະສາດພັດທະນາວຽກງານນໍ້າປະປາ ແລະ ສຸຂາພິບານ ໄລຍະ 9 ປີ (2022-2030) ແລະ ແຜນພັດທະນາໄລຍະ 4 ປີ (2022-2025);
  7. ຮ່າງດຳລັດ ວ່າດ້ວຍການຂ້າສັດ, ທໍາລາຍຊາກສັດ ແລະ ຊົດເຊີຍ;
  8. ຮ່າງນະໂຍບາຍການສົ່ງເສີມ ການລ້ຽງສັດຕ່າງໆ ລວມທັງສັດນໍ້າ.

 

ທ່ານນາຍົກລັດຖະມົນຕີ ຍັງໄດ້ຮຽກຮ້ອງໃຫ້ສະມາຊິກລັດຖະບານເອົາໃຈໃສ່ຄົ້ນຄວ້າ ແລະ ປະ ກອບຄໍາຄິດຄໍາເຫັນດ້ວຍຄວາມຮັບຜິດຊອບສູງ,​ ຮັກສາເວລາ ແລະ ປະກອບຄໍາເຫັນຢ່າງກົງໄປກົງມາ,​ ກະທັດຮັດ,​ ມີຈຸດສຸມ, ສະເໜີທາງອອກວິທີແກ້ໄຂທີ່ຈະແຈ້ງ ແລະ ສາມາດຈັດຕັ້ງປະຕິບັດໄດ້ຢ່າງມີປະ ສິດທິຜົນ.

ພິເສດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 73 ປີ, ກອງປະຊຸມ ໄດ້ຈັດພິທີອວຍພອນ ແລະ ມອບກະຕ່າດອກໄມ້ ໃຫ້ກະຊວງປ້ອງກັນປະເທດ, ເວົ້າລວມ ເວົ້າສະເພາະ ແມ່ນກອງທັບປະຊາຊົນລາວ ໃຫ້ກຽດມອບໂດຍ ທ່ານ ພັນຄໍາ ວິພາວັນ ນາຍົກລັດຖະມົນຕີ ແລະ ຮັບໂດຍ ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງ ກັນປະເທດ.

ຂ່າວ-ພາບ: ຫ​ສນຍ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com