ທ່ານ ຣັດ​ຕະ​ນະ​ໄຊ ເພັດ​ສຸ​ວັນ ຫົວ​ໜ້າ​ກົມ​ຄວບ​ຄຸມ​ພະ​ຍາດ​ຕິດ​ຕໍ່ ກະ​ຊວງ​ສາ​ທາ​ລະ​ນະ​ສຸກ ໄດ້​ລາຍ​ງານກ່ຽວກັບສະພາບການລະບາດຂອງພະຍາດໂຄວິດ-19 ຢູ່ ສປປ ລາວ ລວມທັງ ໂຕເລກການຕິດເຊື້ອພະຍາດໂຄວິດ-19 ໃນທົ່ວໂລກ ​ໃນ​ວັນທີ 26 ມັງກອນ ນີ້​ວ່າ:

ສະພາບການຕິດເຊືື້ອພະຍາດ ໂຄວິດ-19 ຢູ່ ສປປ ລາວ, ວັນທີ 25 ມັງກອນ 2022 ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອໂຄວິດ-19 ທັງໝົດ 3.556 ຕົວຢ່າງ ແລະ ກວດພົບເຊື້ອທັງໝົດ 579 ຄົນ (ຕິດເຊື້ອພາຍໃນ 570 ຄົນ ແລະ ນໍາເຂົ້າ 9 ຄົນ). ໃນ​ນັ້ນນະຄອນຫຼວງ​ວຽງ​ຈັນ 172 ຄົນ, ສະຫວັນນະເຂດ 7 ຄົນ, ຈຳປາສັກ 10 ຄົນ, ສາລະວັນ 6 ຄົນ, ເຊກອງ 18 ຄົນ, ອັດຕະປື 22 ຄົນ, ບໍ່ແກ້ວ 11 ຄົນ, ວຽງຈັນ 24 ຄົນ,ຫຼວງພະບາງ 14 ຄົນ, ຫຼວງນ້ຳທາ 3 ຄົນ, ອຸດົມໄຊ 13 ຄົນ, ຜົ້ງສາລີ 16 ຄົນ, ໄຊຍະບູລີ 23 ຄົນ,ຊຽງຂວາງ 73 ຄົນ, ຄຳມ່ວນ 39 ຄົນ, ບໍລິຄຳໄຊ 78 ຄົນ, ໄຊສົມບູນ 18 ຄົນ, ຫົວພັນ 23 ຄົນ.

ສໍາລັບການຕິດເຊື້ອນໍາເຂົ້າ ມີ 9 ຄົນ ທັງໝົດຈາກ ນະຄອນຫຼວງ 7 ຄົນ, ຜົ້ງສາລີ 1 ຄົນ, ແລະ ບໍລິຄຳໄຊ 1 ຄົນ. ປັດຈຸບັນ ມີຜູ້ຕິດເຊື້ອສະສົມ ຢູ່ໃນ ສປປ ລາວ ທັງໝົດ 131.432 ກໍລະນີ, ປິ່ນ​ປົວ​ຫາຍ​ດີອອກໂຮງໝໍວັນທີ 25 ມັງກອນ 495 ຄົນ, ກຳລັງປິ່ນປົວ 7.258 ຄົນ ແລະ ເສຍຊີວິດສະສົມທັງໝົດ 533 ຄົນ (ເສຍຊີວິດໃໝ່ 4 ຄົນ).

      ສຳລັບຜູ້ເສຍຊີວິດໃໝ່ 4 ຄົນ ຈາກ ນະຄອນຫຼວງວຽ​ງ​ຈັນ 1 ຄົນ, ຊຽງຂວາງ 2 ຄົນ ແລະ ແຂວງວຽງຈັນ 1 ຄົນ. ປັດຈຸບັນ ໃນທົ່ວໂລກ ຍັງສືບຕໍ່ມີລາຍງານຄົນຕິດເຊືື້ອໃໝ່ ແລະ ເສຍຊີວິດໃໝ່ທຸກວັນ, ກໍລະນີຢັ້ງຢືນຕິດເຊື້ອທັງໝົດ 358.718.175 ຄົນ (ໃໝ່ 3.048.621 ຄົນ), ເສຍຊີວິດທັງໝົດ 5.632.058 ຄົນ (ໃໝ່ 8.478 ຄົນ), ປິ່ນປົວຫາຍດີ  284.342.573 ຄົນ (ໃໝ່ 2.210.015 ຄົນ).

                             ຂ່າວ: ບຸນ​ອູ້ມ