Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

1 ກຸມ​ພາ ວັນສ້າງຕັ້ງກຳມະບານລາວ ຄົບຮອບ 66 ປີ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 27/01/2022 14:58:25 ຈຳ​ນວນ​​ຢ້ຽມ​ຊົມ 1454 ຄັ້ງ

ທ່ານ ພອນສານ ວິໄລເມັ້ງ ຄະນະພັກ ຮອງປະທານ ຄະນະບໍລິຫານງານສູນກາງສະຫະພັນກໍາມະບານລາວ ໄດ້ຖະແຫຼງຂ່າວຕໍ່ສື່ມວນຊົນ ໃນວັນທີ 26 ມັງກອນ ນີ້ ທີ່ສະຫະພັນກຳມະບານລາວກ່ຽວກັບ                              ກາສະເຫຼີມສະຫຼອງ ວັນສ້າງຕັ້ງກຳມະບານລາວ ຄົບຮອບ 66 ປີ (1 ກຸມພາ 1956 - 1 ກຸມພາ 2022)

ວ່າ: ເພື່ອຫວນຄືນມູນເຊື້ອປະຫວັດສາດແຫ່ງການກໍາເນີດເຕີບໃຫຍ່ ແລະ ຂະຫຍາຍຕົວຂອງອົງການຈັດຕັ້ງກໍາມະບານ​ລາວ ທີ່ເປັນອົງການຕົວແທນແຫ່ງສິດ ແລະ ຜົນປະໂຫຍດອັນຊອບທໍາຂອງກໍາມະກອນ ແລະ ຊາວຜູ້ອອກແຮງງານບັນດາເຜົ່າ. ພວກເຮົາມີຄວາມເອກອ້າງທະນົງໃຈຢ່າງຍິ່ງທີ່ເຫັນວ່າຕະຫຼອດໄລຍະ 66 ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນນໍາພາໂດຍກົງ ແລະ ຮອບດ້ານຂອງພັກ; ຊົນຊັ້ນກໍາມະກອນ ແລະ ຊາວຜູ້ອອກແຮງງານ ທີ່ຖືກການກົດຂີ່ຂູດຮີດແຮງງານ ເປັນຂີ່ຂ້າຂອງພວກຈັກກະພັດ ແລະ ສັກດີນາໃນເມື່ອກ່ອນ. ກໍາມະກອນ ແລະ ຊາວຜູ້ອອກແຮງງານບັນດາເຜົ່າໄດ້ຮັບການປົດປ່ອຍ ໄດ້ກາຍເປັນຜູ້ທີ່ມີອິດສະຫຼະພາບ ແລະ ສາມາດປະກອບສ່ວນເຂົ້າໃນການສ້າງສາພັດທະນາລະບອບໃໝ່ຂອງພວກເຮົາໃຫ້ມີຄວາມຈະເລີນຮຸ່ງເຮືອງ ແລະ ສ້າງປະຖົມປັດໄຈກ້າວຂຶ້ນສູ່ສັງຄົມນິຍົມເທື່ອລະກ້າວ.

ອົງການຈັດຕັ້ງກໍາມະບານ ຍາມໃດກໍເປັນອົງການຈັດຕັ້ງມະຫາຊົນຂອງພັກ ທີ່ມີຄວາມຈົ່ງຮັກພັກດີຕໍ່ພັກ, ຕໍ່ປະເທດຊາດ ແລະ ຕໍ່ລະບອບໃໝ່ຂອງພວກເຮົາ. ອົງການຈັດຕັ້ງກໍາມະບານຍາມໃດກໍໄດ້ຕັ້ງໜ້າຈັດຕັ້ງປະຕິບັດແນວທາງການປ່ຽນແປງໃໝ່ຢ່າງຮອບດ້ານຂອງພັກ ເປັນຕົວແທນແຫ່ງສິດ, ຜົນປະໂຫຍດອັນຊອບທໍາຂອງຊົນຊັ້ນກໍາມະກອນ ແລະ ຊາວຜູ້ອອກແຮງງານບັນດາເຜົ່າ; ເຮັດໜ້າທີ່ໃນການສຶກສາອົບຮົມການເມືອງ-ແນວຄິດໃຫ້ສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ ໃຫ້ປະຕິບັດຕາມແນວທາງນະໂຍບາຍຂອງພັກ,​ ມີລະບຽບວິໄນໃນການອອກແຮງງານ, ເອົາໃຈໃສ່ປົກປ້ອງສິດ ແລະ ຜົນປະໂຫຍດອັນຊອບທໍາຂອງສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານ. ກໍ່ສ້າງບໍາລຸງສະມາຊິກກໍາມະບານໃຫ້ມີຄວາມຮູ້, ​ຄວາມສາມາດທາງດ້ານເຕັກນິກວິທະຍາສາດ ສີມືແຮງງານທີ່ດີ ເຂົ້າໃນການພັດທະນາຕາມທິດສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ; ປັບປຸງຂະຫຍາຍການຈັດຕັ້ງຂອງຕົນໃຫ້ໜັກແໜ້ນເຂັ້ມແຂງທາງດ້ານປະລິມານ ແລະ ຄຸນນະພາບ ຊຶ່ງມາຮອດໃນປັດຈຸບັນ ສະຫະພັນກໍາມະບານລາວ ມີ 39 ສະຫະພັນກໍາມະບານກະຊວງ ແລະ ອົງການ, ມີ 18 ສະຫະພັນກໍາມະບານແຂວງ, ນະຄອນຫຼວງວຽງຈັນ, ມີ 3​ ສະຫະພັນກໍາມະບານນະຄອນ ແລະ ມີ 145 ສະຫະພັນກໍາມະບານເມືອງ,​ ໃນທົ່ວປະເທດມີສະມາຊິກກໍາມະບານທັງໝົດ 231.025 ຄົນ ຍິງ 104.878 ຄົນ.

 ທ່ານ ພອນສານ ວິໄລເມັ້ງ ໃຫ້ຮູ້ຕື່ມວ່າ: ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ​, ປົກປັກຮັກສາໝາກຜົນຂອງການປະຕິວັດໄວ້ຢ່າງໝັ້ນຄົງ ອົງການຈັດຕັ້ງກໍາມະບານຂອງພວກເຮົາ ຕ້ອງໄດ້ສູ້ຊົນບຸກບືນສ້າງການຫັນປ່ຽນໃໝ່ຢ່າງແຂງແຮງ, ເລິກເຊິ່ງ ແລະ ຮອບດ້ານ ທີ່ພັກເຮົາໄດ້ກໍານົດວາງອອກໃຫ້ປະກົດຜົນເປັນຈິງ. ສະນັ້ນ, ຮຽກຮ້ອງມາຍັງສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານລາວບັນດາເຜົ່າຈົ່ງໄດ້ພ້ອມກັນເພີ່ມທະວີນໍ້າໃຈຮັກຊາດ, ຄວາມສາມັກຄີເປັນປຶກແຜ່ນພາຍໃນຊາດໃຫ້ສູງຂຶ້ນ, ​ເປັນເຈົ້າການປະຕິບັດຈິດໃຈບຸກທະລຸສູ້ຊົນບຸກບືນເພື່ອສ້າງຄວາມເຂັ້ມແຂງໃຫ້ແກ່ອົງການຈັດ ຕັ້ງກໍາມະບານລາວ ກໍຄືປະເທດຊາດ. ເອົາໃຈໃສ່ເຄື່ອນໄຫວປົກປ້ອງສິດ ແລະ ຜົນປະໂຫຍດອັນຊອບທໍາຂອງກໍາມະກອນ ແລະ ຊາວຜູ້ອອກແຮງງານ ບໍ່ໃຫ້ຖືກເອົາລັດເອົາປຽບດ້ານຄ່າແຮງ, ​ຊຸກຍູ້ການປະຕິບັດນະໂຍບາຍສະຫວັດດີການສັງຄົມ ແລະ ການເບິ່ງແຍງຊີວິດການເປັນຢູ່. ເອົາໃຈໃສ່ສຶກສາອົບຮົມສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ຄຸ້ມຄອງການຈັດຕັ້ງກໍາມະບານດ້ວຍກົດໝາຍຢ່າງເຂັ້ມງວດ, ໂປ່ງໃສ, ເພີ່ມທະວີການຕິດຕາມ, ກວດກາການພັດທະນາເສດຖະກິດ-ສັງຄົມ, ການເຄື່ອນໄຫວຂອງສະພາ ແລະ ສະມາຊິກແຕ່ລະຂັ້ນ.

ຄືດັ່ງທີ່ເຮົາຮູ້ນໍາກັນແລ້ວວ່າ ວັນທີ 1 ກຸມພາ ຂອງທຸກໆປີ ເປັນວັນສໍາຄັນໜຶ່ງ ກໍຄືວັນສັ້ງຕັ້ງກໍາມະບານລາວ ຊຶ່ງເປັນບຸນໃຫຍ່ຂອງອົງການກໍາມະບານ, ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ; ສະນັ້ນ, ມາໃນປີນີ້ ສູນກາງສະຫະພັນກໍາມະບານລາວ ກໍໄດ້ອອກແຈ້ງການໃຫ້ສະຫະພັນກໍາມະບານກະຊວງ, ອົງການ, ສະຫະພັນກໍາມະບານແຂວງ, ນະຄອນຫຼວງວຽງຈັນ ແລະ ກໍາມະບານຮາກຖານໃນຂອບເຂດທົ່ວປະເທດ ໄດ້ຈັດຕັ້ງເຊື່ອມຊຶມ ເລົ່າປະຫວັດຫວນຄືນມູນເຊື້ອ ວັນສ້າງຕັ້ງກໍາມະບານລາວ ເພື່ອໃຫ້ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໄດ້ຮັບຮູ້ ເຊື່ອມຊຶມ ແລະ ເຂົ້າໃຈເຖິງຜົນງານຂອງການປະກອບສ່ວນຂອງອົງການກໍາມະບານໃນພາລະກິດປະຕິວັດຊາດ, ປະຊາທິປະໄຕ, ປົກປັກຮັກສາແລະ ພັດທະນາປະເທດຊາດຂອງອົງການຈັດຕັ້ງກໍາມະບານລາວໃນຕະຫຼອດໄລຍະ 66 ປີ ຜ່ານມາ.

ເພື່ອເປັນການໂຄສະນາສຶກສາອົບຮົມ ເຮັດໃຫ້ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໄດ້ຮັບຮູ້ເຂົ້າໃຈກ່ຽວກັບມູນເຊື້ອ ແລະ ການເຕີບໃຫຍ່ຂະຫຍາຍຕົວຂອງສະຫະພັນກໍາມະບານລາວ ທີ່ຕິດພັນຂອງມູນເຊື້ອແຕ່ລະໄລຍະການຕໍ່ສູ້ກູ້ຊາດມາເຖິງປັດຈຸບັນຂອງຊົນຊັ້ນກໍາມກອນ;

ເພື່ອເປັນການສຶກສາອົບຮົມທາງດ້ານການເມືອງ-ແນວຄິດ ໃຫ້ແກ່ຖັນແຖວສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໄດ້ຮັບຮູ້ເຖິງຄວາມໝາຍ ແລະ ຄວາມສໍາຄັນກ່ຽວກັບພາລະບົດບາດ,​ ສິດ ແລະ ໜ້າທີ່ ຂອງສະຫະພັນກໍາມະບານລາວ ໃນໄລຍະໃໝ່ ຊຶ່ງເປັນອົງການຈັດຕັ້ງທີ່ເປັນຕົວແທນແຫ່ງການປົກປ້ອງສິດ ແລະ ຜົນປະໂຫຍດອັນຊອບທໍາຂອງສະມາຊິກກໍາມະບານ, ກໍາມະກນ ແລະ ຜູ້ອອກແຮງງານ ພ້ອມທັງເປັນການເສີມຂະຫຍາຍທາດແທ້ມູນເຊື້ອປະຕິວັດ ຄຸນລັກສະນະອັນດີເລີດຂອງຊົນຊັ້ນກໍາມະກອນ ໂດຍພາຍໃຕ້ການນໍາພາຂອງພັກປະຊາຊົນປະຕິວັດລາວ.

ແນໃສ່ເພື່ອປຸກລະດົມ ແລະ ສ້າງຈິດສໍານຶກໃຫ້ແກ່ສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານໄດ້ຫວນຄືນມູນເຊື້ອອັນອົງອາດກ້າຫານຂອງສະມາຊິກກໍາມະບານ, ກໍາມະກອນ ແລະ ຜູ້ອອກແຮງງານ ໃນຮຸ່ນກ່ອນຈົນເຖິງປັດຈຸບັນ ທີ່ໄດ້ຕັ້ງໜ້າປະກອບສ່ວນເຂົ້າໃນການເຄື່ອນໄຫວວຽກງານກໍາມະບານລາວ ແລະ ເປັນການປຸກລະດົມສ້າງຂະບວນການໃນການປະຕິບັດໜ້າທີ່ວຽກງານວິຊາສະເພາະ, ​ມີລະບຽບວິໄນໃນການອອກແຮງງານ ແລະ ປະຕິບັດຂໍ້ແຂ່ງຂັນ 5 ເປັນເຈົ້າໂດຍຕິດພັນກັບຂໍ້ແຂ່ງຂັນ ຮັກຊາດ ແລະ ພັດທະນາ.

ສໍາລັບຮູບແບບການຈັດກິດຈະກໍາ ຫຼື ໂຄສະນາເຜີຍແຜ່ຈັດຕັ້ງການເລົ່າຫວນຄືນມູນເຊື້ອ ສະເຫຼີມສະຫຼອງວັນດັ່ງກ່າວນີ້ ກໍໄດ້ສະເໜີໃຫ້ແຕ່ລະພາກສ່ວນ ເອົາໃຈໃສ່ໃນການຈັດຕັ້ງປະຕິບັດຕາມແຈ້ງການສະບັບເລກທີ 15/ນຍ ວ່າດ້ວຍການສະກັດກັ້ນ, ປ້ອງກັນ ແລະ ຄວບຄຸມການແຜ່ລະບາດຂອງພະຍາດໂຄວິດ-19 ແລະ ແຈ້ງການຄະນະສະເພາະກິດຂອງອົງການປົກຄອງຂັ້ນຂອງຕົນໃນການປ້ອງກັນການແຜ່ລະບາດຂອງພະຍາດດັ່ງກ່າວ ໂດຍໃຫ້ມີການຈັດຕັ້ງເຊື່ອມຊຶມພາຍໃຕ້ການປະຕິບັດມາດຕະການປ້ອງກັນ, ຖ້າບ່ອນ​ໃດທີ່ມີເງື່ອນໄຂກໍສາມາດຈັດປາຖະກະຖາເລົ່າມູນເຊື້ອວັນດັ່ງກ່າວ ຖ້າບ່ອນໃດບໍ່ສາມາດຈັດຕັ້ງປະຕິບັດໄດ້ ກໍສະເໜີໃຫ້ມີການໂຄສະນາເຜີຍແຜ່ຜ່ານສື່ຕ່າງໆ ເປັນຕົ້ນລາຍການວິທະຍຸ, ​ລາຍການໂທລະພາບ,​ ສື່ສິ່ງພິມ ແລະ ສື່ອອນລາຍ ເພື່ອໃຫ້ສັງຄົມ ກໍຄືສະມາຊິກກໍາມະບານ,​ ກໍາມະກອນ ແລະ ຜູ້ອອກແຮງງານໄດ້ຮັບຮູ້ຢ່າງທົ່ວເຖິງ;

ສະນັ້ນ,​ ມານະໂອກາດນີ້ ເພື່ອເປັນການສະເຫຼີມສະຫຼອງວັນສ້າງຕັ້ງກໍາມະບານລາວ ຄົບຮອບ 66 ປີ ໃຫ້ມີຂະບວນການທີ່ຟົດຟື້ນ,​ ກວ້າງຂວາງ ຂ້າພະເຈົ້າໃນນາມຕາງໜ້າໃຫ້ຄະນະປະທານ, ​ຄະນະບໍລິຫານງານສູນກາງສະຫະພັນກໍາມະບານລາວ ກໍຄືສະມາຊິກກໍາມະບານ,​ ກໍາມະກອນ ແລະ ຜູ້ອອກແຮງງານ ໃນຂອບເຂດທົ່ວປະເທດ ຂໍຮຽກຮ້ອງມາຍັງທຸກທ່ານ ທຸກສະຫາຍ ຕະຫຼອດຮອດເຖິງ ພໍ່ແມ່ ພີ່ນ້ອງ ປະຊາຊົນລາວບັນດາເຜົ່າ ທີ່ອາໄສຢູ່ພາຍໃນປະເທດ ແລະ ຕ່າງປະເທດ ຈົ່ງພ້ອມພາກັນເອົາໃຈໃສ່ ຮັກສາມູນເຊື້ອອັນດີງາມຂອງຊາດລາວ ເວົ້າລວມ ເວົ້າສະເພາະກໍຄືມູນເຊື້ອປະຕິວັດຂອງວັນສ້າງຕັ້ງກໍາມະບານລາວ (ວັນທີ 1 ກຸມພາ 1956- 1 ກຸມພາ 2022) ຂອງການສ້າງສາພັດທະນາປະເທດຊາດ ກໍຄືການພັດທະນາວຽກງານກໍາມະບານໃຫ້ມີການພັດທະນາ ແລະ ຂະຫຍາຍຕົວຢ່າງແຂງແຮງ. ຕາມຄໍາຂວັນຂອງກໍາມະບານລາວໄດ້ກ່າວໄວ້ວ່າ: ກຳ​ມະ​ບານ​ລາວ​ເຂັ້ມ​ແຂງ ທັນ​ສະ​ໄໝ ສາ​ມັກ​ຄີ ມີ​ວິ​ໃນ ແລະ ນ້ຳ​ໃຈ​ສາ​ກົນ​ກຳ​ມະ​ຊີບ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com