ວິທະຍຸກະຈາຍສຽງຫວຽດນາມລາຍງານວ່າ: ເພື່ອແນໃສ່ຊ່ວຍເຫຼືອບັນດາເປົ້າໝາຍດິນຟ້າອາ ກາດຂອງ ຫວຽດນາມ, ວັນທີ 25 ມັງກອນ ຜ່ານມາ, ທະນາຄານ ຮົງກົງ ແອນ ຊຽງໄຮ້ ແບງຄິງ ຄໍຣພໍຣເຮດເຊິນ ( Hongkong and Shanghai Banking Corporation: HSBC) ຫວຽດນາມ ຈຳກັດຜູ້ດຽວ ໄດ້ໃຫ້ຄຳໝັ້ນສັນຍາຈັດແບ່ງແຫຼ່ງທຶນເພີ່ມຂຶ້ນເຖິງ 12 ຕື້ໂດລາ ໂດຍອຸປະຖຳໃຫ້ແກ່ບັນດາໂຄງ ການພັດທະນາແບບຍືນຍົງຂອງ ຫວຽດນາມ ແລະ ວິສາຫະກິດຢູ່ ຫວຽດນາມ ຮອດປີ 2030.

ຂ່າວລະບຸວ່າ: ໃນຈົດໝາຍຝາກເຖິງລັດຖະບານ ຫວຽດນາມ ເມື່ອບໍ່ດົນມານີ້, HSBC ໄດ້ສະເໜີແຜນການອຸປະຖຳນັບທັງທາງດ້ານການເງິນ ແລະ ວິຊາສະເພາະໃຫ້ແກ່ບັນດາໂຄງການສີຂຽວ, ໂຄງການຈຸດສຸມພັດທະນາແບບຍືນຍົງ ແລະ ມີຄວາມສາມາດບົ່ມຊ້ອນ, ມີບົດບາດສຳຄັນໃນການຫຼຸດຜ່ອນການປ່ອຍອາຍພິດ. ນີ້ແມ່ນສ່ວນໜຶ່ງໃນຄຳໝັ້ນສັນຍາຂອງກຸ່ມບໍລິສັດ HSBC, ແນໃສ່ສະໜອງເງິນຈຳນວນ 750 ຕື້ໂດລາ ຫາ 1.000 ຕື້ໂດລາ ຮອດປີ 2030 ເພື່ອອຸປະຖຳ ແລະ ລົງທຶນແບບຍືນຍົງ, ສະໜັບສະໜູນຊ່ວຍເຫຼືອບັນດາວິສາຫະກິດ ຫັນໄປສູ່ວິທີດຳເນີນທຸລະກິດແບບຍືນຍົງກວ່າເກົ່າ ແລະ ຫຼຸດຜ່ອນການປ່ອຍອາຍກາກບອນ.